سعر صرف الدولار والذهب مقابل الليرة السورية ليومي السبت16- 11- 2013

[mak]

اقتباس: المشاركة الأصلية كتبت بواسطة trader    من الناحية العلمية والعملية ليس من مصلحة اي حاكم مصرف مركزي بالعالم رفع قيمة العملة المحلية بشكل مفاجئ لما في ذلك من ضرر كبير بالنسبة للتجارة وميزان المدفوعات للدولة من خلال شلل عملية تصدير اي منتج محلي والأعتماد فقط على المستوردات الذي يؤدي بدوره الى استنزاف القطع الأجنبي بسرعة كبيرة واي محلل اقتصادي بسيط يعرف بعواقب عدم ثابت سعر الصرف . كما انه من الملاحظ ان المركزي يتبع سياسة الصعود التدريجي للدولار ولاكن بشكل هادئ ، وإلا لما اصبح سعر المركزي اليوم هو 140 ، وان مثل هاذا التصريح مشابه لتصريح ان سعر الدولار سيصبح 35 عندما كان سعر المركزي 47 ربما وقتها كان من الممكن تزيل السعر الى 35 ولاكن المهم هو مدا قدرة الاقتصاد علا تعويض النقص الحاصل من واردات العملة الصعبة

القصة عنا لا في مسألة علمية و لا اقتصادية.....و حسب آخر الأوضاع حتى ما حدا سائل عن المواطن و بالعكس في حرب خفية لتشليح المواطنين مدخراتهم ......و الشغلة انو بيجي مسئوول امني كبير بيقرر انو السعر لازم يكون هيك ....و بالفعل يمكن يوصلو للسعر يللي بدهم ياه بس مستحييييل يحافظو عليه و النتائج بتكون كارثية عالاقتصاد و على المواطن ...بس ما حدا فارقة معو لأنو الكبار هنن يللي عم يقررو شو بدو يصير و ايمتا فبيكونو مستفيدين ....بس الكذب و الخداع لا يمكن ان يستمر و الاقتصاد و القيمة الفعلية ستفرض نفسها بالنهاية....المهم في هذا الوقت ان ندرك كمواطنين انو ما حدا سائل عنا و نعرف مين اصدقائنا و اعدائنا بحسب افعالهم تجاه مصالحنا ...لئنو بعد فترة هدول الأعداء رح يخسروا و يبلشو يستنجدو بالمواطن المسكين المنتوف لينجدهم بما تبقى من مدخرات لم يسرقوها بعد .......و كل واحد حر من الآن ليقرر ما هو الملاذ الامن بالنسبة لمدخراته ...ليرة ؟.....دولار ؟....عقار؟؟.......و يحاول يحافظ عليها و ما يفوت بلعبة المركزي و التجار الكبار لئنو بالنهاية رح يشلحوه كلشي.....بالنسبة الي اكيد الليرة بهالأوضاع مالها ملاذ آمن منوب...و كل واحد عقلو براسو بيعرف خلاصو

[جوليت]

سيد داينمك المحترم :
اذا كان هالخبر صحيح تبع 95 , معناتا الاسبوع الحالي رح نشوف هبوط فجائي سفحي (من سفح الجبل ) ؟؟؟؟؟؟ يلا هي الاسبوع بلش ,الايام الجاية منشوف اذا هالكلام الو صدى على ارض الواقع ام مجرد زوبعة في فنجان .... لنجهز حالنا ونشغل الرادارات احسن ماننجلط ؟ لانو مافي مزح معو بنوب بنوب

[Sameh]

اقتباس: المشاركة الأصلية كتبت بواسطة جوليت    سيد داينمك المحترم : اذا كان هالخبر صحيح تبع 95 , معناتا الاسبوع الحالي رح نشوف هبوط فجائي سفحي (من سفح الجبل ) ؟؟؟؟؟؟ يلا هي الاسبوع بلش ,الايام الجاية منشوف اذا هالكلام الو صدى على ارض الواقع ام مجرد زوبعة في فنجان .... لنجهز حالنا ونشغل الرادارات احسن ماننجلط ؟ لانو مافي مزح معو بنوب بنوب

ا

لسيدة جوليت
النزول السريع والمفاجأ ليس من مصلحة المركزي وليس من مصلحة الناس
ولو كان الخبر صحيح لماذا المركزي يرفع السعر تدرجين في نشراته ؟؟
ياجماعة هاد حكي حدا بد يجيب لايكات وزيارات على صفحته نقطة نتهى

[ابن البلد البار]

مساالخير للجميع
بداية بالنسبة للكلام أعلاه والمنسوب للسيد ميالةفيحمل عدة أوجه
إما أنه يجوز أن يكون غير صحيح وينتهي الموضوع
أو أنه صحيح وله احتمالين :
إما أن السيد ميالة يلعب بالحالة النفسية للسوق ويكون بذلك قد أكتشف سر اللعبة ويلعب لصالح المركزي وهذا يحسب له من باب الإخلاص في العمل ويشكر عليه( لأن السوق لايرحم الضعيف والخائف ومبدأ السوق يعتمد على القوة والذكاء)
أو أنه جاد في حديثه ويعني ما يقول ومقتنع به وهنا المصيبة لأن هذا الأمر ليس من مصلحة العملة الوطنية بأي حال من الأحوال وسيكون تأثيره سيئاً كما يعرف الزملاء المتخصصون هنا وتكلم به البعض كثيراً والأسوأ أن يكون حاكم المصرف لا يعرف هذه الحقيقة.
عذراً على الإطالة ويبقى كل واحد عقلو براسو وبيعرف خلاصو
وينو السيد عابر يا جماعة طول الغيبة صاحبنا
دمتم

[ابو ليلى 44]

ياجماعة بالنسبة للخبر مو صحيح هاد واحد عم يعلق ضمن الكومنتات بالصفحة المذكورة ولما طلبوا منوو المصدر ماجاوب .....

[عبدالقادر]

على فكرة نسيت ليوم الدولار ارتفع وغدا سنرى ارتفاع يا ابو95

[Maher_mla]

المركزي من وجهة نضري حسم الأمر لعدم طلوع الدولار
ولولا تدخله لرئينا وصوله الى 250 والله اعلم
لكن بتدخله هذا جعل نقطة قوة للسوق السوداء
تتراوح ما بين 150 --165 كحد اعلى
وهذا الرقم منيح للطرفين
بالوقت الحالي الا اذا في هوامير يتلاعبو بالسوق سنشهد تقلبات ليست بالحسبان.

[black_ghost87]

اقتباس: المشاركة الأصلية كتبت بواسطة jamal80    أخي الكريم الصفحة التي ذكرتها لم تنشر الخبر و إنما الموضوع و اعتذر عن التعبير علاك بعلاك واحد معلق بالحكي يلي نقلته حضرتك رجاء أخوي التأكد من مصداقية الخبر قبل النشر و لك الشكر

أخي الغالي لقد أوردت الخبر لأتاكد منكم فقط و ليس لمجرد العلاك. و انا شخصيا غير مقتنع بهذا الكلام و انا نقلت الخبر و لم انشره. فاحترم نفسك رجاء و لا داعي للتنظير و الفزلكة

[جوليت]

دمشق الساعة 8
148 -150 ------------ 152 - 153

[عمار اللامي]

اللاذقية الان
152
155