صالة أسعار الدولار والذهب مقابل الليرة السورية ليوم الخميس 17-10-2013

[حكيم الزمان]

[جوليت]

اقتباس: المشاركة الأصلية كتبت بواسطة حكيم الزمان

هلأ شوف السيد ناصر قنديل انا بعرفو , مبدأ حكيو بيعتمد على التأثير على العقل الباطن , والشهادة ناجح منيح للبعض , يعني التأثير على النفسية, بس انا بعرف انو سياسي شو جابو عالدولار ماني عرفانة , معقول انعدى من السيد قدري جميل وقال ماحدى احسن من حدا ....
انا ماني عرفانة ليش الجميع .. محللين .. وزراء الخ تركو الدنيا وصار الدولار همهم .. طيب ليش ماحدا عم يحكي عالاسعار يلي مانخفضت متل ماانخفض الدولار
ياريت السيد ناصر قنديل كان عمل حملة عالاسعار افضل من كتير من الحملة الاعلامية عالدولار , يمكن لانو مو حابب يعادي ناس كبار ... يمكن

[abd73fr]

اقتباس: المشاركة الأصلية كتبت بواسطة جوليت    هلأ شوف السيد ناصر قنديل انا بعرفو , مبدأ حكيو بيعتمد على التأثير على العقل الباطن , والشهادة ناجح منيح للبعض , يعني التأثير على النفسية, بس انا بعرف انو سياسي شو جابو عالدولار ماني عرفانة , معقول انعدى من السيد قدري جميل وقال ماحدى احسن من حدا ....

حلوة هذه التأثير على العقل الباطن.. ما قدرت أقاومها... في السياسة يقولون اكذب اكذب حتى يصدقك الآخرون.. في الاقتصاد يمكن أو أكيد ما راح تظبط .. والله أعلم

[جوليت]

اقتباس: المشاركة الأصلية كتبت بواسطة abd73fr    حلوة هذه التأثير على العقل الباطن.. ما قدرت أقاومها... في السياسة يقولون اكذب اكذب حتى يصدقك الآخرون.. في الاقتصاد يمكن أو أكيد ما راح تظبط .. والله أعلم

ولا بالسياسة بتزبط ( هادا للي بدو يفهم )

[العبدلله]

مرحبا
من اسبوع اخذت بيتزا حجم كبير من مطعم بمشروع دمر ب655 ليرة
اليوم اخدت نفسها ومن نفس المطعم ب770 ليرة
قالي الكاشير ارتفعت من يومين
طيب على اساس ارتفعت اذا عطلة العيد والبنوك. وكل شي مسكر بالبلد؟؟

[انس الحموي]

اقتباس: المشاركة الأصلية كتبت بواسطة abd73fr    أجدها غريبة ارتفاع سعر الذهب وهذا الارتفاع ربما لحصد أرباح من قبل هوامير سوق الذهب العالمي... إذا أن أخبار الموافقة على رفع السقف عملت مفعولا عكسيا متل تدخل المركزي عندنا.. هههههههه كان لدي سؤال لك أخ أنس وللأخوة الأعضاء عن رفع سقف الدين.. قبل قراءة مشارتك يوم أمس كانت فكرتي أن رفع سقف الدين يعني الموافقة على طباعة المزيد من الدولار ولكن كلامك كان يشير إلى أن رفع سقف الدين يعني الموافقة على الاستدانة أكثر.. فلماذا لا تقوم أمريكا بسداد دينها من خلال طباعة أوراق دولار بمقدار دينها وتنتهي قصة سقف الدين؟؟

بالنسبة لاستفسارك عن ارتفاع الذهب وباقي العملات امام الدولار على الرغم من توصل الكونغرس لاتفاق بشأن رفع سقف الدين لنهاية العام ...عنا شي اسمه بعالم الفوركس قراءات او بيانات اقتصادية او اخبار متوقعه او اقل من المتوقع او اكتر من المتوقع ...على سبيل المثال معدلات الشكاوى من البطالة كانت 320k ومتوقعه تنخفض لمعدل 290k بس انخفضت اقل من المتوقع لل 300k هون الخبر او البيان الاقتصادي بيدفع الدولار للهبوط امام سلة العملات والذهب وليس دائما على سبيل المثال نحن منتكلم مع انو القراءاة اجت منخفضة والمفروض يحقق الدولار مكاسب بس لانها اجت اقل من المتوقع فبصير لها مفعول عكسي ...وهادا يلي صار كان متوقع رفع سقف الديون لمدة عام كامل بس اجت القراءة اقل من المتوقع واجت بس 3 اشهر فبصير هون فعل عكسي عند المستثمرين طبعا هل ارتفاع الذهب والعملات ارتفاع يومي ولحظي مرتبط بصدور البيانات وقابل للارتفاع والانخفاض على حسب البيانات ويلي زاد الارتفاع الكبير اليوم هو معدلات شكاوى البطالة يلي انخفضت اقل من المتوقع كانت القراءة الحالية 373k ومتوقع 335k بس اجت اقل من المتوقع 358k >>>ولاحظ ان مؤشر الداو جونز يلي بيحوي اكبر 30 شركة صناعية بامريكا ما تاثر لانو بيعرفوا اللعبة منيح تخيل مسجل 15300 نقطة وبحياتوا ماوصل ل13000 نقطه الا بهادا العام سجل 13000 و 14000 و 15000 الف نقطة وارتفاعات خارقه بالنسبة لسؤالك الثاني بالاول ماذا يعني رفع سقف الدين يعني طرح المزيد من سندات الخزينة للبيع لاجل محدد وهي فعليا بما انها دولة عظمى عما تطرح سندات عبارة عن ورق لا قيمة له لانو باي لحظة بتقول انها فلست ومحد فينو يعمل اي شي ...فليش لتكلف نفسها بطباعة عملة وتخسر قيمة ورق وحبر من عندها هي بهل الطريقة بتخلي النظام المالي ومعظم دول العالم تحت رحمتها وهي فعليا ما بحاجة الاستدانة من اي دولة ..وهادا ما يسمى بالهيمنة المالية ...يعني انت ما بتملك القوة بس بتملك المال وانا بملك القوة فليش ما احتال عليك وشلحك مالك وهيك لا بعود الك لا قوة ولا مال وبتم تحت رحمتي ...لاحظ مصر قبل شهر طرحت سندات خزينة بقيمة مليار دولار والسداد بعد عام بتقدر مصر تلعب بذيلها ؟؟؟ اكيد لا لانو بكل بساطة ضعيفه واذا ما سددت ديونها او جزء منها رح ينفرض عليها عقوبات وحصار اقتصادي وتجميد ارصده ويمكن توصل الامور لاكتر من هيك حسب الدولة يلي اشترت منها السندات ...اما امريكا محد فينو يعاقبها باي شي لانو هي النظام العالمي المالي برمته حاليا والدولار هو العملة الوحيدة يلي كل دول العالم بتتعامل فيه لاحظ الصين وقوتها ما قدرت تعمل اليوان الصيني عملة رقم واحد بالعالم وبيبقى النظام العالمي كله بما فيه الصين مرتبط بالدولار وجميع المعاملات التجارية مرتبطه بالدولار

[mak]

اقتباس: المشاركة الأصلية كتبت بواسطة العبدلله    مرحبا من اسبوع اخذت بيتزا حجم كبير من مطعم بمشروع دمر ب655 ليرة اليوم اخدت نفسها ومن نفس المطعم ب770 ليرة قالي الكاشير ارتفعت من يومين طيب على اساس ارتفعت اذا عطلة العيد والبنوك. وكل شي مسكر بالبلد؟؟

على اساس الصورة يللي بعتتها شيرين قبل شوي

[روميو]

اقتباس: المشاركة الأصلية كتبت بواسطة حكيم الزمان

عسيرة ناصر قنديل قصدي عسيرة البندورة لك لاااااااا عفوا عسيرة الدولار ب 100 اليوم بحمص
1كغ بندورة = 200 ليرة سوري
يعني اذا السيد ناصر قنديل عملنا الدولار ب 100 بصير
1 كغ بندورة = 2 دولار هي اذا ما كان غلي البندورة لوقتها اكتر
عفكرة نادرا خلال الازمة ما طلع فوق ال 100 ليرة كيلو البندورة
فا شايفلكن خلينا نستثمر بندورة
والله لنكييييييييييييييييييييييف

[najm]

اقتباس: المشاركة الأصلية كتبت بواسطة العبدلله    مرحبا من اسبوع اخذت بيتزا حجم كبير من مطعم بمشروع دمر ب655 ليرة اليوم اخدت نفسها ومن نفس المطعم ب770 ليرة قالي الكاشير ارتفعت من يومين طيب على اساس ارتفعت اذا عطلة العيد والبنوك. وكل شي مسكر بالبلد؟؟

هذه هي الفكرة التي كنت أحاول ايصالها من ساعات

[جوليت]

اقتباس: المشاركة الأصلية كتبت بواسطة najm    هذه هي الفكرة التي كنت أحاول ايصالها من ساعات

اخ نجم تحية لك :
كلامك مع حق فيه, العالم مفكرة كل المشكلة على غلاء الدولار , يعني تغيب للعقول عن سبق اصرار وترصد وتصميم كمان, اذا ضل الوضع على ماهو عليه بالاسعار يلي ماجاع لسى , رح يجيه الدور