صالة أسعار الدولار والذهب مقابل الليرة السورية ليوم الثلاثاء 1- 10 - 2013

[Ryad]

بما يخص الدهب
يومين مهمين مهمين مهمين مهمين
الفدرالي أول شي قال انو الوضع مو منيح و انو رح يضخ مصاري فطلع الدهب بعدين قال لأ هو مو منيح و مو لهلدرجة النمو تعبان فنزل الدهب

اليوم و مع المشاكل و توقف الخدمات الفيدرالية و الجماعة هونيك فايتيتن ببعض الدهب نزل أنا بشوف هاللحظة خطرة
لأنو ازا اتفقو على طبع و ضخ مصاري جديدة بالسوق بما معناه زيادة الدين العام فالدهب طالع طالع
ازا تخفيض نفقات (و على رأسا نفقات عسكرية) معناتا نازل
على فكرة هالموضوه بيأثر على سوريا حتى و على سعر صرف الليرة عالدولار
انا ما بتزكر اني قريت بحياتي عن وضع متل هالوضع يلي نحنا عايشينو و نحنا بنصو

[انس الحموي]

اقتباس: المشاركة الأصلية كتبت بواسطة hasan ash    برجع بسألك اخ انس ازا في مجال تفيدنا السعر لانو انا عم اشتري مواد اولية للمعمل و عم يعطوني دائما اسعار اكتر من هيك

مابعرف انت باي محافظة هلىء.... وسعر المواد عما تتسعر اعلى من سعر الدولار بالسوق السوداء ب10 ليرات تفاديا لاي طلوع مفاجىء

[المضارب الحسكاوي]

يا جماعة انا لاحظت ان 95 بالمية من الشعب زعلان من انخفاض سعر دولار وانا واحد منن
ومن ناحيتي زعلان لانو مشتري دولار بالغالي بس باقي الشعب ليش زعلان بيجوز كلو مشتري دولار ما بعرف بالله مين عندو تفسير

[جوليت]

اقتباس: المشاركة الأصلية كتبت بواسطة المضارب الحسكاوي    يا جماعة انا لاحظت ان 95 بالمية من الشعب زعلان من انخفاض سعر دولار وانا واحد منن ومن ناحيتك زعلان لانو مشتري دولار بالغالي بس باقي الشعب ليش زعلان ما بعرف بالله مين عندو تفسير

أوفقك بالرأي (موافقة اقتصادية دولاراتية بحتة) .... لأنو الدولار(الفرح ) بحرستا والأسعار (الطبل ) بدوما
بالأصل هالانخفاض ماكان موجه لللاسعار ,, مشاركتي السابقة بتوضح لمين

[lovelyma]

مساء الخير

دمشق_ الفردوس الساعة 2:50

160 – 165 متوفر

[Dynamic Pulse]

اقتباس: المشاركة الأصلية كتبت بواسطة المضارب الحسكاوي    يا جماعة انا لاحظت ان 95 بالمية من الشعب زعلان من انخفاض سعر دولار وانا واحد منن ومن ناحيتي زعلان لانو مشتري دولار بالغالي بس باقي الشعب ليش زعلان بيجوز كلو مشتري دولار ما بعرف بالله مين عندو تفسير

أنت واحد من ملايين الناس يللي شاريين بالغالي
أنا مثلا إشتريت ب275 بعدين بعت ب265 مفكر حالي فلهوي وإشتريت ب210 ولسة حاملون لهلأ
يعني خففت خسارتي قدر المستطاع وأبو سبع بحرات ومن يقف خلفه لم يللي في النصيب من جيبتي وجيبتك وجيبة الناس كلها
بالنسبة لسوق دمشق يوجد عرض كبير بالدولار وشح بالصرافة بإنتظار أبو سبع بحرات ليبعت الشرا بالوقت يللي بيشوفو مناسب

[الليرة السورية]

مبارح صارت بيعة في " طرطوس " على ذمة الرواي و اليوم صارت اختا
سعر " المبيع " 150 لكل دولار

[عابر مجيب]

اقتباس: المشاركة الأصلية كتبت بواسطة albshr    السلام عليكم ممكن حدا من الشباب بنورنا شو السوق بدمشق وينورنا وين وجهتو؟؟؟؟؟؟؟؟؟؟؟؟؟؟؟

متوسط الأسعار هو اللي محطوط بالمنتدى فوق ، لأن الصرافين عاملين فروقات ليرة وليرتين عن بعضهم ، وبيجوز عاملين شطارة بيشتروا بالسعر القليل وإذا طلبت بقول مافي ، أو كميات قليلة .
هلأ السؤال المهم لوين وجهتو . إذا حدا جاوبك ، ما بدها صفنة ، بيكون مدعي معرفة
ما حدا بيعرف ، أصلا الهبوط اللي صار استغرب منو المركزي نفسو
العالم هلأ بترجع تصحى شوي شوي ، وبتبلش مطمطة ، وبعدين بتعرف شو رح يصير .
بس على المدى الطويل ، ما متنا بس شفنا اللي ماتو ، وهنن ملاصقين لبلدنا الدولار كان 2.25 ليرة لبناني موكتير دقيق الرقم ، والدينار العراقي كان بأكتر من دولار بس ما بعرف بقديش . وما صار عندهم اللي عنا ، وكان في ضخ من كل الجهات . نحنا المضخة اللي على اساس بتضخلنا معطلة .

[Dynamic Pulse]

اقتباس: المشاركة الأصلية كتبت بواسطة ابوعلي    [center] تكرم اخ عابر مجيب بيــــــــــــــــــــــــــــروت الان 150 ــــــــــــــــــــــ 155 ع لبناني 10.1 9.75

إذا سعر دمشق بعد ساعة سيكون
155‏_‏160
والله أعلم

[انس الحموي]

الفئة يلي فرحانه هي فئة البسطاء يلي ما بيملكوا قوت يوم فئة الموظفين يلي ما عندهم غير راتبهم فئة العشاق يلي بياخدوا مصروفهم من اهاليهم وفئة المقبلين على الزواج يلي ما معهم غير مبلغ بسيط من المال ....البسطاء والموظفين بتخف عليهم اسعار المواد ولو واحد بالمية بلاقوها كبيرة وبيفرحوا فيها ...العشاق الجوالات صارت ببلاش تخيلوا اليوم عما شوف الجوالات وقع عيني على جوال سامسونغ جلاكسي دوز ميني ب16000 الف وجوال السامسونغ ستار ب15500 شي للصبابه وانتو اكيد بتعرفوا انو حلم الصبايا والشباب وحتى الموظفين يمتلكوا جوال حديث ...اما فئة المقبلين على الزواج فالذهب فرق معهم كتير بين 8000 الاف بين 6000 الاف ...الادوات الكهربائية نزلت قرابة 20 بالمية ...الادوات المنزلية نزلت قرابة 15 بالمية ...يس عندي احساس بخاف احكيه تطير احلام كتير ناس الاحساس تكون من خلال الساعتين يلي مضوا لانو اهم ساعتين باليوم ....