صالة اسعار صرف العملات و الذهب ليوم الخميس 13-6-2013

[shereen]

اقتباس: المشاركة الأصلية كتبت بواسطة عابر مجيب    مساء الخير جميعا وهي وصلتي على البيت ، اخذ الطريق ساعتين ونصف ، بسبب اغلاق الوصلة بين طلعة قصر الضيافة القديم ، وحتى الأمويين .يعني أمام نادي الضباط . سألت صباحا عن سعر شراء الدولار وحصلت على 167 شراء . بعد الظهر عطونا سعر 168 شراء و 170 مبيع قبل مغادرة المكتب حضر صديق وكان يريد صرف 50 دولار ( الساعة الخامسة إلا ربع ) لقيت فرصة لسؤال الصراف الغليظ اللي بيشعر كلامو بمصاري ، قلت هالمرة مافيها منيه معي الدولارات ، وقد ما عطاني رح بيعو ، أولا ياضربتي من غير كيسي وتانيا منشان مو كل مرة كون عم اسأل بس . قلتلو بقديش عم تاخدو؟ قلي 170 ! ناولتو الخمسين . انحرج مسكها وصار يفحصها على الضو ويفركها ، ما لقى عذر ناولني 8500 قلتلو بقديش عم تبيعوا ؟ قلي 172 ، عندي بعطيك إذا بدك صاحبي طار عقلو وكان سائل صرافو الموثوق وقلو 168 .وبيع مافي . في حدا رح يزاود على كلامي ؟ إذا في ، بس يشرح لي شو مصلحتي من وراء ادعاء لا صحة له . هات لنشوف :stickouttongue

مساء الخير هادا الكلام الصحيح واللي بيقللك مافي 170 بيكون غلطان

[لقماان]

اقتباس: المشاركة الأصلية كتبت بواسطة جمالوف    كيفك عمي ابو الهول وشو نظرتك لصعود الدلار

اقتباس: المشاركة الأصلية كتبت بواسطة عابر مجيب    يسعد مساك ياحلو انا عرفتك من أول مشاركة ، ولو ماقلتلي على الاسم الحركي اللي بدك تناديني فيه ، كانت العفاريت ما فهمت عليك ، فرطها انا اسمي هون عابر ، هلأ بيستلموني الشباب وخصوصا أبو حكيم ههههههههه الله يسلمك ويسلم ابو نورس ، بالمناسبه كان بدو يصرف خمسين هوه كمان ، بس كان السعر اللي عطيتو ياه سعر الصبح ، ووقت اللي قلي صايرلو اكتر قلتلو صروف . والسعر الأخير والله ما عرفتو إلا بوقتها . وكان بالمنتدى السعر شوفة عينك 164 - 168 . هلأ بيفكروني صراف بحق وحقيق ، شو خمسين دولار ؟ مو لعبة ههههههه

يا للهول .........
أهلين و الله بأخونا أبو الهول .....و لا بتحب نعيطلك عابر .....
يا حبيبي ....طلع أخونا عابر متجوز و عندو ولد و اسمو الهول ....
اي وئت شفت مشاركة جمالوف ....و انت الوحيد يلي حاطط شكرا عليها
الت لحالي شو القصة .....
أبو الهول ....
اسم تراثي أثري
..كمانة ...
بيجوز مستمد من أيامك الجميلة بمصر ..
في غير الهول عندك الله يخليلك ياه ...
ان شاء الله في خوفو وخفرع و منقرع ...كمانة .....
بس كل شي الا رعمسيس الثاني ....
أهلين و الله أبو الهول ...ترى ما حدن فهم علينا فوتلك العالم بالحيط.....
لا تاكل هم أخونا عابر ...ولاو ...
عمنحاول نتعلم مهنة الرتي ...دوبنا آعدين بلا شغل

[غسان]

المضروب راكض ركض لحيطان ال200 ......
لماذا كل هذا التسارع بالهبوط ؟
ربما المعطيات لم تختلف كثيرا عن السابق
ولكن استمرار الوضع على ماهو يراكم السيء مع السيء
وتزداد الامور صعوبة تدريجيا ثم تأخذ الدرجة بالارتفاع اكثر فأكثر
تذكرت قصة عن ابو حنان كيف طلق زوجته بعد 20 عاما وكل الناس استغربت حدوث الطلاق
مو تاري الخلافات عم تتراكم وكانوا عم يمرقو لبعض ...
بعدين علقت بيناتون وكل واحد طلع الخمير والفطير ...
وصارت الناس بدال ماتستغرب الطلاق
صاروا يستغربوا كيف عاشوا طول هالعمر مع بعض

اخ.... يا ليرة مين سأل عنك
بالاخر ..... ماراحت الا على حنان واخواتا
لا الاب همو خربان البيت باعتباروا مأمن حالو
ولا الام........... صحي وجعا قلبا شوي بس بعدين تزوجت واح تاني

[عابر مجيب]

اقتباس: المشاركة الأصلية كتبت بواسطة الدولار الادلبي    شباب هاي أول مره بتجيني رساله عالخاص بس ماعرفت شلون بدي طالعا حدا فيكن يتكرم عليي ويدلني هلق فورا ومشكوررررررررررين

سهلة ، بتطلع للصفحة لفوق ، ما بدها سلم ، بدولاب الفارة بيكفي
بتحط المؤشر على الرسائل الخاصة ، اللي تحت الترحيب بك في المنتدى
سمي بالله وكبيس ، لا تخاف ما بتنفجر
بتفتح صفحة جديدة ، بنصفها الفوقاني ، الرسائل الواردة أو الصادرة بتغيير انت
اختار الواردة
بس تفتح صفحة الوارد ، حط المؤشر على موضوع الرسالة بتفتح
إذا بتحط على اسم المرسل بتفتح صفحتو .
يلا طمنا شوصار .

[الدولار الادلبي]

اقتباس: المشاركة الأصلية كتبت بواسطة عابر مجيب    سهلة ، بتطلع للصفحة لفوق ، ما بدها سلم ، بدولاب الفارة بيكفي بتحط المؤشر على الرسائل الخاصة ، اللي تحت الترحيب بك في المنتدى سمي بالله وكبيس ، لا تخاف ما بتنفجر بتفتح صفحة جديدة ، بنصفها الفوقاني ، الرسائل الواردة أو الصادرة بتغيير انت اختار الواردة بس تفتح صفحة الوارد ، حط المؤشر على موضوع الرسالة بتفتح إذا بتحط على اسم المرسل بتفتح صفحتو . يلا طمنا شوصار .

صرلي ساعه عبدور على رابط الرسائل الخاصه ماشفتو وهوي قاعد قدامي والله شي بضحك