صالون سيريا ستوكس لايام السبت 18-8 -2012 وعطلة العيد لغاية الجمعة

[economic opinion]

اقتباس: المشاركة الأصلية كتبت بواسطة Tareq    أخت روان سهرة حلوة مو هيك. اي كتييييييير حلوة وعم شوفها بالألوان ايام ما كان عندي نظر . أخت ام محي الدين أنا مستعد ساندك أنا وأخي ابو محي الدين بالهجوم على مؤيد. مؤيد باشا محصن بيتك مؤ محصنوا الربيع والخريف وكل الفصول النسائية رح تدخل لعندك . هلا أنا وأخي ابو محي الدين عم نمتص الصدمة وبعدين الله يعينك. بدنا مجلس المنتدى ينعقد ونلاقي حل. بركي بيتعين المبعوث رامي عنان او ابو النور الإبراهيمي. شوي تانية رح طالب بقوات فصل وحفظ سلام عندي بالبيت. له يا مؤيد بعتني باكيت معسل.

خلص ممتاز أخي طارق معناها منضمك إنت وأخي أبو محي الدين للحلف ومنسميه حلف مجموعة أصدقاء مؤيد

[ام محي الدين]

اقتباس: المشاركة الأصلية كتبت بواسطة mais    اتشرفت بمعرفتك اختي ام محي الدين وقولك لازم نحدد الاهداف ولازم يكون في ضحية في المنتدى حتى يصير عبره للباقي

انا الي الشرف بمعرفتك
بالنسبة للضحية خلينا نعطيهن فرصة حتى يعرفوا اننا لا نمزح بس خلو السلاح ملقم من شان الغدر هههههههه

اقتباس: المشاركة الأصلية كتبت بواسطة economic opinion    له له من حكى عن الانسحاب انا خلص معكون وما رحت نام إلا بعد ما حددنا هدف الجمعية الأول وهو الوصول لأختنا أم عمر

ايوة وهيك صار ماعندن مهرب
اختي ام عدنان سمعينا صوتك واذا كان في عندك قمع خبرينا حتى نحط ابو عدنان هدف ثاني

[غسان]

ابو محي الدين بسيطة شغلتك ميسرة ومحلولة. (( لاتاكل هم))

....


انسة روان تكرم عينك بس نرجع عالشام احلى كراوية من ايد ام يزن وطبعا الحباشات ( فستق جوز سنوبر لوز )اكتر من الكرواية وسخنة بتلسع المستعجل......... صحة وهنا

[غسان]

الاب لاولاده : كلمتين نضاف احسن من جريدة وسخة........

هي السنة مافي عيد مشان الاوضاع وبالتالي ماااااافي عييييييييييدية



الام والابناء وبصوت واحد : ايوا ...... هاد هدفك يعني .......

نحنا رح ننشق عن هذا النظام ....... ونطالب بحرية تنقل العيدية من

جيبك لعبنا بالتي هي احسن وانت عم تضحك وتلعب او تبكي وتصرخ .......فالضرورات تبيح

المحظورات....... والعيدية هنا ضرورة لنا ..... فلاتخلط الحابل بالنابل ولاتنتهز الفرص

الا يكفي انك اقنعتنا بان العيد ليس لمن لبس الجديد بل لمن ..........

لو كنت فقيرا .....ماشي الحال ...... بس امورك طيبة وبدنا توريجنا الطيبة على اصولا


مد ايدك على عبك .......خلينا نحبك

ولامانع طبعا من البحبحة على الناس مما اكرمك الله.......



شفت كيف جريدة نضيفة احسن من كلمتين مش ولابد

الاب : الله اكبر ......الله اكبر

هيك بدي ياكم. ايد وحدة .......ايد وحدة



بس تاني مرة اختصروا شوي ..........

[Om adnan]

ايوة وهيك صار ماعندن مهرب
اختي ام عدنان سمعينا صوتك واذا كان في عندك قمع خبرينا حتى نحط ابو عدنان هدف تاني


لا شو قمع ما قمع
نحنا الديموقراطية عنا بالبيت مستفحلة عالآخر !!!!!!!!
وانا متل ما قلتلك قبل معاك عالموت

[sooadchamden]

اقتباس: المشاركة الأصلية كتبت بواسطة Om adnan    ايوة وهيك صار ماعندن مهرب اختي ام عدنان سمعينا صوتك واذا كان في عندك قمع خبرينا حتى نحط ابو عدنان هدف تاني لا شو قمع ما قمع نحنا الديموقراطية عنا بالبيت مستفحلة عالآخر !!!!!!!! وانا متل ما قلتلك قبل معاك عالموت

الله يوفقكم ويوفق جميع اخوتي باسرة سيريا ستوكس
والله ابوعدنان ملك وهو اهل للديموقراطية
بس واكد لكي بكلمة بس !!!!!!!!انتبهي من

مؤيد وبراغييييييه هههههههههههه

[sooadchamden]

اقتباس: المشاركة الأصلية كتبت بواسطة غسان    ابو محي الدين بسيطة شغلتك ميسرة ومحلولة. (( لاتاكل هم)) .... انسة روان تكرم عينك بس نرجع عالشام احلى كراوية من ايد ام يزن وطبعا الحباشات ( فستق جوز سنوبر لوز )اكتر من الكرواية وسخنة بتلسع المستعجل......... صحة وهنا

ابو يزن الغالي هدا العشم انت اهل له
الله يسعد اوقاتكم جميعا ان شاء الله ماتكون انسيتني من يلي وصيتك عليه

[ام محي الدين]

اقتباس: المشاركة الأصلية كتبت بواسطة om adnan    لا شو قمع ما قمع نحنا الديموقراطية عنا بالبيت مستفحلة عالآخر !!!!!!!! وانا متل ما قلتلك قبل معاك عالموت

والله انت مافي منك وماشية حسب التعليمات السرية
(انا اصدن عم أول هيك من شان يفكروا انو المي عم تمشي من تحتهم مو دريانين )
وعلى كل الاحوال هي حلفنا كلمالوا عم يكبر
انتوا اهم شي خليكن منتظرين ساعة الصفر

[GDahrouj]

إلى كل اصدقائي واخوتي في هذا المنتدى الرائع
أقول لكم - عيدكم مبارك وتقبل الله طاعتكم -
ع امل الفرج القريب
وعودة الامن والامان لبلدنا الجريح سوريا وترجع البسمة عامرة ع شفاه اطفالنا وشيوخنا

[GDahrouj]

أتيت ياعيد
وبأي حال عدت
أين فرحك وصخبك
أين براءة الطفولة
وملاعب الصبا
واليوم لم يعد سوى الرجع والصدى
واليوم لم يبق إلا الأنين والبكا
عدت ياعيد .. وبأي حال عدت
لن تعرفنا ياعيد
غيرتنا الأيام وقسوتها
أبدلتنا الأحداث وظلمها
أتيت ياعيد .. والألم يعتصرني
فكيف استقبلك كعادتي
كيف أستقبلك بفرحي الطفو لي
والأطفال تُقتل كل يوم
والصبايا تُغتصب كل ساعة
والنساء تترمل كل لحظة
كيف استقبلك بشوقي المدفون
تحت أعطافي
والحب يدفن تحت قصف الصواريخ
والكرامة تلوث بالذل المهين
والحق يشوه بالدعاية والأكاذيب
والإرهاب شعار للعصر الحديث
ترسم بألوانه خريطة الشرق الجديد
فيا حسرتاه عليك ياعيد
جئت لتشهد للعلي القدير
بأن الفطر السعيد
قد بات يتفطر حزناً أليم
فيا أيها الإنسان إنك راحل
فاكسب رضا المولى العظيم
بجميل الصبر والإحسان
وشديد البطش على الأعداء
لتنال رضى المصطفى العدنان
وتربح جنة عرضها عرض الأكوان
وستبقى ياعيد حزينا
حتى يحل السلام