سعر صرف الليرة مقابل الدولار 8-5-2012

[expert]

شو رايك اخي نضال بوضع الدهب؟؟؟
قربنا من 1600 للاونصة !!!!

[firas1]

اقتباس: المشاركة الأصلية كتبت بواسطة expert    احبائي الدولار يحلق بالعلالي مع اسهم فيس بوك على حساب كلشي تاني يورو ---- دهب --- نفط --- ين وهي فرصة للكثيرين ليركبوا موجة الصعود

كيف يمكن الاكتتاب على اسهم فيسبوك ؟

[مجرد إنسان]

اقتباس: المشاركة الأصلية كتبت بواسطة ahmadmmmmm5    مهمته هي من مهمة المصرف المركزي و هي محاربة التضخم و المحافظة على سعر الصرف هادا طبعا بالوضع الطبيعي أما بالوضع الاستثنائي فالله أعلم

آخد ماجستير وما بتقدر تخبرنا شو مهمة المركزي في الوضع الاستثنائي ؟
لأ ، وكمان رسالتك عن أسعار الصرف !
والتضخم؟ ما بعود من مهمة المركزي في الوضع الاستثنائي ؟
شو مشان يا أخي ؟
يا ريت تحطلنا خاتمة الرسالة اللي فيها تلخيص الموضوع وشكرا لك ..
على كل حال : لو كنت بدك تنفع حدا كنت اجيت وقت بلشت اللعبة من شهرين بس اليوم مو حاسس موضوعك له اهمية .. فليس أكثر من تحليل سطحي لفعل المركزي وتلاعبه بالسوق كمضارب لا أكثر
وشغلة تانية : الدولار اليوم بيد السوريين هو حماية لهم من قرارات هوجاء لمن يقود اقتصاد البلد نحو الهاوية وليس فقط للادخار او الاكتناز كما ذكرت
اعتراض المواطن على المركزي: أن المركزي ترك مهماته كاملة عندما ترك سعر الصرف يتذبذب بين 70 الى 100 تذبذب بنسبة 50% !! ، ومنها ضبط سعر الصرف (ليست مهمة المركزي رفع او خفض السعر ) والتضخم ، وخربت البلد عالاخر نتيجة أفعاله ..
وكنت من اول كم مشاركة هون بالمنتدى كتبت أن المركزي سينتهز الفرصة لرفع سعر صرف الدولار الى 65 وهالحكي من شهر 12 كانوا المحللين الاجانب عم يحكوه ، والهدف تنشيط التصدير ورفع منافسة سوريا .. وامور اخرى .

المركزي ركب موجة الهبوط ودفش السعر للادنى والصرافين خافوا ،وهو يلعب لعبة بوكر بالتخويف مما لديه مع اني اظنه اقرب للافلاس والكلام منه للافعال .. وعندما يدرك السوق ذلك سنرى تغيرا في السلوك
مسألة: لا يهم الدولة سعر الصرف فقط فهو تابع وليس أساس ، فلم أسمع حاكم الفدرالي الامريكي يتحدث عن سعر الصرف في اي اجتماع وانما عن التضخم والركود فقط والتوسع الاستثماري وتنشيط الاسواق والوظائف وهم أهل الصنعة (جماعة كينز ) !!
والله أعلم

[مجرد إنسان]

اقتباس: المشاركة الأصلية كتبت بواسطة expert    شو رايك اخي نضال بوضع الدهب؟؟؟ قربنا من 1600 للاونصة !!!!

ههههههههههههههه
حرام عليك : نضال كان عندو ثقة بالذهب ....

[NetPro]

اقتباس: المشاركة الأصلية كتبت بواسطة ahmadmmmmm5    في مرة من المرات قدمت أطروحة ماجستير عن سعر الصرف في سورية و خلال الأطروحة كنت ذاكر كلمة عربية فصيحة لكنها ليست أكاديمية فكان واحد من الدكاترة يلي بدهن يناقشو الأطروحة حاول رفض الأطروحة بالكامل منشان هي الكلمة لإنها كلمة ليست علمية فالرجاء من أعضاء المنتدى ما حدا يشلف كلمات و يحكي كأنه خبير من السوربون أو من شي بورصة مهمة بالعالم لإنوا في مصالح ناس ممكن تنهار من ورا كلمة بهذا المنتدى و على فكرة أنا صرلي فترة منيحة متابع المنتدى بس ما بعرف حسيت لازم فيد الناس منشان هيك اشتركت

أخي إذا سمحت عندي سؤال
سوريا فيها مدخولات للدولار ومصاريف له مثل أي بلد، صح ...
المدخولات تأثرت كثيراً (سياحة و نفط)
المصروفات إذا لم نقل زادت فهي بقيت على حالها
بالنتيجة وبغض النظر عن مضاربات وخلافه أليس المنطقي أن ترجح كفة الطلب على العرض مع الوقت ؟ وذلك رغم الإجراءات التي كبحت جماح الطلب مثل (منع استيراد الكثير من المواد) ولكن يوجد سحب شهري من الدولار لسوريا لا بد منه. (استيراد مواد لايمكن إيقافها + تهريب على الأقل الدخان الخ)
بانتظار جوابك.

[expert]

اقتباس: المشاركة الأصلية كتبت بواسطة مجرد إنسان    ههههههههههههههه حرام عليك : نضال كان عندو ثقة بالذهب ....

شو يعني ممنوع نمزح معوا
انا بطلت عن الدولار
منشان ما يزعل واحد منعرفوا
بركي بكرا انشاء الله مناخد كم لير دهب احسن

[Bader Halab]

حطم الذهب رقما قياسيا بنزوله إلى ١٦٠١$ للاونصة في تداولات اليوم وثم ارتد قليلا وهو الآن عند ١٦٠٤$ واكن ما زال الطريق مفتوحا إلى ١٦٠٠$ (دعم قوي) و ١٥٨٠$. ويكون الذهب بذلك قد وصل إلى أدنى مستوى له منذ ٥ شهور.

[د.أبو محمد]

اقتباس: المشاركة الأصلية كتبت بواسطة firas1    كيف يمكن الاكتتاب على اسهم فيسبوك ؟

والله يا أخ أحمد مبينتك مهبر فيسبوك فرد ضربة
بس بدك موافقة قبل؟؟؟؟؟؟؟؟؟؟؟

[د.أبو محمد]

ياشباب انا شايف عقار (محل تجاري ) بدي اشتريه و المصاري معي كلها دولار شو رأيكن صرف و اشتري ولا اتريث؟؟؟؟؟؟؟؟؟؟؟

افيدونا من فظلكم!!!!!!!!!!!!!!!!!!!!!!!!!!!!!!!!!

[د.أبو محمد]

بس وقت انا بحكي بتسكتوا شو القصة بدنا نصيحة اخ اكسبيرت