صالون سيرياستوكس للعطلات(28-29-30 تشرين الثاني &1 كانون الاول ) -2013

[حكيم الزمان]

معلومات و حقائق جميلة :

- إغماض العين يجعلك تتذكر ما نسيته بسهوله أكبر.

- ﻓﺮﻙ ﻗﻄﻌﺔ ﺛﻠﺞ ﻋﻠﻰ ﺑﺎﻃﻦ ﻳﺪﻙ ﺑﻴﻦ ﺇﺑﻬﺎﻣﻚ ﻭﺳﺒﺎﺑﺘﻚ يساﻫﻢ ﻓﻲ ﻋﻼﺝ ﺃﻟﻢ ﺍﻻﺳﻨﺎﻥ ﺑﺴﺒﺐ ﻭﺟﻮﺩ ﻣﻤﺮﺍﺕ ﺍﻷﻋﺼﺎﺏ ﺍﻟﻤﺤﻔﺰﺓ ﻟﻠﺪﻣﺎﻍ التي تمنع ﺇﺷﺎﺭﺍﺕ ﺍﻷﻟﻢ!

- دقيقه من الضحك تعادل ساعتين من النوم لجسم الانسان!

- تناول الطعام خارج المنزل مع الأصدقاء يمكن أن يرفع من مستوى السعادة ويقلل من الاكتئاب!

- السمع هي الحاسة الوحيدة التي لا تتوقف بشكل كامل خلال مراحل نومك!

- تدوين افكارك السلبيه في ورقة و الرمي بها في القمامة يمكن ان يساعدك فعلاً على تعديل مزاجك السيئ!

- التفاح أكثر فعالية من القهوة لجعلك أكثر يقظة في الصباح!

- كثير من الناس يعتقد أن النقود مصنوعة من الورق ، و الحقيقة أنها مصنوعة من القطن.

- الألم الذي تشعر به في رأسك عندما تأكل شيئاً بارداً بسرعة سببه تجمع الدم في دماغك للمحافظة على حرارته

[عابر مجيب]

أخي حكيم الزمان
بالمشاركتين السابقتين لفت نظري شغلتين بالأولى
عن رسوخ الفكرة عند المرأة
إن اخراج فلينة سقطت داخل قنينة ، أهون من اخراج فكرة من عقل امرأة ( هاي مو من عندي هه )
والتانية عن السعادة بتناول الطعام خارج المنزل
أكيد لأنو ما في حدا عم ينق فوق راسك ( هاي من عندي بقا )
مشاركاتك تحمل الفائدة والمتعة شكرا .

[omar1964]

اقتباس: المشاركة الأصلية كتبت بواسطة عابر مجيب    كيف تشل المتابع طبعا لو كنت عالما أو حكيما أو مثقفا حقيقيا فلن تحتاج إلى النصيحة ، لأنك لن تحتاج إلى خطة تخدع بها الناس ، فأنت إنسان طبيعي ولن تبحث عن الطرق الملتوية للعيش . ولن تفكر في شل الآخرين (بتجي لحالها) . نعود إلى صاحبنا المتسرع والذي يفضل المغامرة من أجل ربح سريع وقد يخدمه الحظ في اقتناص الفرصة الأولى ، فبعد أن يقنع أكثرية الموجودين ، تسهل عليه الخطوات القادمة . أولا عليك بجمع بضع كلمات من عدة كتب ، شريطة فهم الفكرة المحددة التي ركزت عليها ولو بشكل مبدئي . تبدأ الحديث قائلا : لا أريد الإطالة عليكم بقصص من التاريخ القديم وصولا إلى يومنا هذا ( ضربة موفقة فأنت واسع المعرفة الموغلة بالقدم ) وتستأنف ، طبعا من خلال مراجعة الطبيعة الانسانية والكتب السماوية ، نجد ان الصراع بين الخير والشر قائم منذ الأزل ( العمى الزلمة مو مخلي شريعة ما بيعرفها ، والكل بيخرس وبيهز براسو تظاهرا بالفهم والمتابعة ، لأ وما أحلاهم يناقشوه ويفضحوا جهلهم امام الآخرين ) بتغمز وبتشير لمزامير داوود ولوكنت بعمرك مو قاريها لا انت ولا حدا من الحضور أصلا ، بس إلها وقع موسيقي رنان . وبتكمل : كلنا بنعرف الميكافلية ( ناس سمعانين فيها وناس لأ ، بس ما حدا بيحكي ) بتعرفوا أنها بتدعي للهدف والغاية بصرف النظر عن الأسلوب ( هيك بتبين انك فهمان الفكرة وهاضمها وعم تحكي عنها بعباراتك الخاصة ، موتقول انو الغاية تبرر الوسيلة بالأسلوب الجاف المعهود ، وبيكون هاد كل شي بتعرفو أصلا عن الموضوع ، وبتبين قاري كتاب الأمير الممل كلياتو) لا تنسى ترفع أصبعتن من كل ايد ( السبابة والوسطى ) بين الحين والحين على أساس عم تحشر معلومات بين مزدوجين ، من فيض علمك ومعرفتك الواسعة . بتبلش بالزهد ، وبتتطرق للصوفية وانتفاء الرغبات الدنيوية ( بتوحي انك قاري موسوعة المثنوي وبكل اجزاءها من الجلدة للجلدة ) وبيكفي تذكر اسم محي الدين ابن عربي ( هاد سهل ما بتنساه بس مو تروح تقول شيخ اللي جنب الجسر الأبيض ، انتبه ) طبعا لازم تحكي عن حواراتك مع ناس بتخترعهم من عقلك ، وبتحكي كيف افحمتهم ، ولا تسهب بالتفاصيل حتى ما تنفقس . انتهت المقدمة ، هلأ شو ما بدك تبث من اشاعات وكلام فاضي ، الساحة إلك مو بطال إذا بتعرفلك بيتين شعر طنانين تبلش فيون ، متل لكل أمر إذا ما تم نقصان ...... أهم شي انك بالنهاية تخبر المتابعين انك معتمد مبدأ عدم الحوار والمناقشة ، مولشي لا سمح الله، بس هو عهد قطعته على نفسك لتترك للمتلقي الفرصة للاستنتاج بعيدا عن التأثير على استنتاجاته الشخصية . مبروك سبقت ساي بابا ، وبدأت بأول السلم للوصول إلى مرتبة الدلاي لاما ، ولا تكلفت لا وقت ولا ثمن كتب ولا بقبقت عيونك بالقراءة. يوم ما بيخالفك حدا من المثقفين ، مريدينك بيخرسوه يا بيضربوه ، لا تشيل هم ورح تلاقي بينهم ملكيين أكتر من الملك، اللي هوه حضرتك . نسيت شغلة مهمة ، إذا حدا قاطعك ، عطيه ابتسامة تهكم ، وتفرس بوجوه الحاضرين بمعنى شو بدي قول لهالحمار ، وبتقول بعدها معلش خليني أكمل الفكرة ، بيحمر وشو والكل بيتحول عليه بالنظر وبيقعد متشتش عرق .

يسعد مساك استاذ عابر
شاملة و كاملة و عم نشوف نماذج كتير منهم بالمجتمع
بس اذا الحضور متل حضرتك ما رح يستفيد شي من كل هالحركات .. هههههه

[حكيم الزمان]

اقتباس: المشاركة الأصلية كتبت بواسطة عابر مجيب    أخي حكيم الزمان بالمشاركتين السابقتين لفت نظري شغلتين بالأولى عن رسوخ الفكرة عند المرأة إن اخراج فلينة سقطت داخل قنينة ، أهون من اخراج فكرة من عقل امرأة ( هاي مو من عندي هه ) والتانية عن السعادة بتناول الطعام خارج المنزل أكيد لأنو ما في حدا عم ينق فوق راسك ( هاي من عندي بقا ) مشاركاتك تحمل الفائدة والمتعة شكرا .

[عابر مجيب]

اقتباس: المشاركة الأصلية كتبت بواسطة omar1964    يسعد مساك استاذ عابر شاملة و كاملة و عم نشوف نماذج كتير منهم بالمجتمع بس اذا الحضور متل حضرتك ما رح يستفيد شي من كل هالحركات .. هههههه

ياليت هيك وبس، لأ وبخرب عليه الصف اللي انا فيه والصفين اللي قدام والصفين اللي ورا
في صبايا بها الأيام شكلين ، بنات حاملين معتقدات راسخة قديمة وواقفين عندها بحذافيرها ، وفي بنات متطورين بس بلا اساس أومعتقد واضح سوى الاستعباد للرجل. والكل عندهم خلل بالهوية ، وعم يتمسكوا بحبال العنكبوت ويغلب على الطرفين التعب النفسي .
كام بنت متوسمين فيني الخير ، وحبو يفيدوني ظاهريا ، بس بتخيل كانو حابين يشوفوا إذا كانوا محقين ، وبما انهم متابعين واحد اسمو نون ، حبو يدعوني لمحاضرة ، رحت لشوف شو اللي آخد عقلهم !
وصلنا ، واحد واقف عم يبيع التسجيلات والكتب ، بس المحاضرة ( الدعائية دعوة عامة ببلاش ) وبمركز ثقافي بتشرف عليه الدولة .
محاضرة ممتعة ، بيقيم من على الزاوية بيحط على الراوية ، وضربه على الحافر وضربة على النافر ، وبيجامل كل الطوائف ، وبيستعمل كلمات ، لقطت منو عبارة عندما قال :
"أي انسان ، سواء ذكر او انثى رجال أو رجالة "
طبعا انا عرفت المفتاح الخاص لأحد الأصناف ، لنعتبرهم الصنف الأول ، وامسكت بمكمن الألم عند البنات المهمشين وشو اللي عم يخدرهم ، ويجذبهم .
خصوصي اللي أهاليهم بيعتبروا البنت خدامة أو تحصيل حاصل وأنو أصلها من ذيول الأبالسة .
والصنف التاني كان عم يغرقهم في التعصب والانغلاق أكتر.
وفي ما يخص الصنف الأول المحاضر مزج الجنسين وخلط الحابل بالنابل وعطاهم أمل بباطن مختلف عن الظاهر، وبالتالي التحرر من تسلط الرجل في سبيل الوصول إلى رضاء الأئمة والصالحين ثم قبولهم عند رب العالمين أو على الأقل أعطاهم أمل باحتمال التحول للأحسن في الجيل اللاحق .
بقي انو كان هداك كان آخر يوم بيروحوا هنن ورفقاتون . لو بيعرف ممكن يبعت مريدينو يقتلوني .

[حكيم الزمان]

[حكيم الزمان]

[حكيم الزمان]

امثال هندية
-------------
1) الله معلوم كل شي عن نفر .... بس انتا مافي معلوم كل شي عن نفر !!

2) لو انتا يمشي في ليل يطلع عليك قطو اسود بعدين كلام مياااااوو .... وانتا خوف ... كلام بسم الله الرحمن الرحيم .. بعدين خوف يروح !!

3) الله يعطي انتا فلوس كثير .. لازم شكر الله ... انتا مافي شكر الله .. بعدين انتا ينوم يقوم مافي حصل فلوس !!

4) انتا يبغا ياكل تفاح !! لازم ياكل يد يمين !!

5) أي نفر يشوف ناس من طرف خشم مال هوا ... ربي يعاقب هوا ... علشان كلو بني ااادم من تراب

6) انتا انسان في مخ لازم يعبد الله ... مخ خراب خلي ولي يعبد بقرة !!

7) حرمه مخ خراب ... دايم يمسك تلفون قرقر مع صديقه هوا .. مافي ينتبه بيت ... مافي ينتبه بزورا ... رجال مال هوا ... طلاق زواج حرمه ثاني اكوس من هيا !!

علم سوي نور كويس .... جهل خلي انتا مافي شوف شي كلو اسود !!

9) مافي خلي كلو شغل بكره ... لازم خلص شغل اليوم علشان انتا يرتاح ..

10) لو انتا ياكل شي طعم هوا مافي كويس ... مافي كلام وعععععع .... هذا نعمه بعدين ربي يعاقب انتا !

11) كلو بني ادم سوي خطا ... بس نفر كويس مافي سوي هذا خطا مره ثانيه

12) انتا مسلم .... انتا نفر ميه ميه .... بس لازم اسلام انتا يكون ميه ميه ...!!

13) انتا يلبس شرابات لازم غير شرابات علشان ريحه مافي كويس

[حكيم الزمان]

في أمان الله وحفظه ورعايته, حفظكم الله في الليل والنهار

[Big H]

السلام عليكم ورحمة الله وبركاته ..
نهاركم آمن بدون قذائف هاون

عن جد عن جد عن جد .. اشتقتلكون
والحء الحء الحء ... إنّو المنتدى بلا
الأخت رنده وبلاكون حؤّ فرنكين