صالة أسعار صرف العملات مقابل الليرة السورية ليوم الاثنين 27-5-2013

[alternative]

اقتباس: المشاركة الأصلية كتبت بواسطة الليرة السورية    سؤال بريء مية بالمية الكل بيسمع كلمة عرض و طلب و يتم تحديد سعر السوق بناء على العرض و الطلب من هو العارض و من الذي يطلب ؟ اذا كان المدخر اصبح مضارب و المضاربة كما سمعت من افضالك اخي لقمان الغالي تفيد الليرة و تطيل عمرها اذن المدخر اصبح " طالب " للدولار قبل ان يصبح عارض حيث انه يطلب بكميات كبيرة و يعرض كميات صغيرة و الصراف ايضا نفس المقياس و تاجر السوق السودة " اذا اعتبرناه غير الصراف " مان يخضع لنفس المقياس نلاحظ ان الاشارة في كلامكم الى ارتفاع سعر الصرف يبدا عند كلمة " اقبال على الشراء و امتناع عن البيع " طيب مين العارض و مين الطالب و كيف يقسم السوق !!!!! اسف اذا كان سؤالي غير واضح ولكن " على قد فهمي " و طمعي دائما بمعلوماتك و اسلوبك في طرح المعلومة وروحك المرحة و محبتك للجميع تحياتي للجميع

اخي الكريم سؤالك وجيه وبحاجة للتوضيح
الطلب : رغبة في شراء شيء ما (بضاعة - دولار - اسهم ) مع توافر المقدرة
مثلا : اتصل فلان بهدف الاستعلام بصراف وسال عن سعر الدولار فقال الصراف 150 رد السائل شكرا ولم يحرك ساكنا
هذا ليس طلب والسئل ليس طالب
مثلا اتصل تاجر بصراف ليشتري 2000 دولار ثمن لبضاعة اشتراها وقال له ثبت المبلغ
هذا طلب
العرض : رغبة في بيع شي ما مع توافر المعروض عند العارض

فلا تستغرب ان يكون المرء طالبا مرة وعارضا مرة اخرى
مثلا اشترى فلان 10000 دولار يوم الخميس الماضي يوم الخميس كان هذا الفلان طالبا للدولار
وعرض يوم الاحد مبلغ 1000 دولار على صراف للبيع
فهو بهذه الحالة عارض للدولار

[لقماان]

يا الله عن اذنكون شباب بدنا نسكر هون
حملوا حالكون و دو لاراتكون و يوروياتكون
و دهباتكون و لحؤنا على الصالة الجديدة
صالة أسعار صرف العملات والذهب مقابل الليرة السورية ليوم الثلاثاء 28-5-2013

[expert]

اقتباس: المشاركة الأصلية كتبت بواسطة Dynamic Pulse    الله يعوض عليك أضعاف اليوم في ناس كتير بدها تخلع وتسافر وهناك عروض ما هب ودب مع أني أفضل الأراضي الزراعية أو المحاضر المعدة للبناء ولكن لنتحدث عن المنازل فلنفرض أن هناك منزل وهو من أكثر العقارات التي إنحدر سعرها دمر دمارا كاملا هل تتوقع أن منطقته المدمرة على الأغلب ستعود بنفس التنظيم القديم بعد نهاية الأزمة ( وخلينا نكون واثقين أنو ما في شي بيدوم ) سوف تدخل شركات إستثمارية عملاقة لإعادة الإعمار ( بالتأكيد مو على سواد عيون صحاب البيوت بس تجار البناء بيعرفو أنو كل قرش بيدفعوه بيرجعلهم دبل ) أنا مابعرف كتير حلب بس رح إضربلك مثل بالشام عين ترما عنا حسب الروايات مدمرة بعد نهاية الأحداث أكيد في تنظيم جديد وصاحب الأرض ( المنزل المدمر ) ألو منزل بدل أسهمه بالأرض يعني كان عندو منزل بمنطقة شعبية صار عندو منزل بمنطقة راقية والفرق عدة أضعاف ( يعني متل الفرق بالسعر بين تنظيم كفرسوسة والتخطيط ) ولاتنسى أنك عم تشتري البيت اليوم بتراب المصاري تخيل مبارح إنعرض علي بيت بكفربطنا بمليون ومئتي ليرة علما أني كنت دافع لصاحبو مليون ونصف من ثلاث سنوات وما باعني علما أنو البيت مافي ولا ضربة لحد الأن يعني معروض عليي بربع قيمته الحقيقية هاد الحكي كلو ليلي معو فائض مو محتاجو لعشر سنين عالأقل ولاتنسى أنو حبيبنا النبي قال طوبى لمن له بالشام مربط شاة

شكرا لاهتمامك ودعاءك
بتعرف احيانا بتمنى اكون متفائل بس ما بحسن
كل كلامك عم تبنيه على اساس تبدا مرحلة اعادة الاعمار والهدوء
من تمك لبواب السما
بس من ناحية تانية عنا امثلة لفوضى بدات وما انتهت للان متل العراق مع انو العراق فيه موارد اقتصادية جيدة جدا يمكن افضل من موارد بلدنا النفط متوفر وبدال النهر نهرين وشعب مثقف
طيب على فرض موضوع اعادة الاعمار انا مهندس وبالنسبة لموضوع البيوت المدمرة ما الها غير حل واحد
بيجي متعهد وبيشتري حصص الناس بتراب المصاري وبيعمر والناس بتشوف العمارة الجديدة وقلبها اكلته الحسرة لانو من المستحيل انو تتفق الجيران على الترميم او اعادة البناء على حسابهم وهاد من تجربة وخبرة في المباني التي فيها تشققات والتي لابد من هدمها واعادة البناء (قبل الازمة) الناس صعب بل مستحيل تتفق واذا اتفقوا مو الكل معه امكانيات يدفع مصاري لاعادة البناء
واذا متوقع يجي حدا من المريخ او الخليج ويعمر الخراب لوجه الله معناها الازمة خلصت وعمار يابلدي

[ابو المجد]

أغلق السوق بحمص عال 150