سعر صرف الدولار بالليرة السورية سوق السوداء ليوم الخميس 9-5-2013

[sajed]

اقتباس: المشاركة الأصلية كتبت بواسطة ringoo83    أنا ما ني مشرف على الموقع ولا بحق الي أنو اقمع رأي طالما هو مجرد رأي بس بتمنى من الأخوة الي عم يحطو ما يعتبروه "معلومة سياسية" دليل على معلومتهم أولاً وعلاقة عالمعلومة بالدولار والليرة ثانياً... شبعنا حكي من قبيل "خلصت" و "بكرة رح بتدخل المركزي لأنو ايران ... او لأنو امريكا وروسيا..." و "سوريا بخير" و" ملف سوريا بايد .... لهيك الدولار..." واعذوروني ان اخطأت في طرحي

أوافقك الرأي أخي رينغو

لكن لكل سبب مسببات، وما هبطت الليرة السورية الاّ بسبب الأزمة السياسية

عندما حصل الانفجار قرب المركزي ارتفع الدولار 10 ليرات في يوم واحد
عندما اعتدت اسرائيل على دمشق ارتفع الدولار 6 ليرات في ساعات
جميع اقتصادات العالم ترتبط بالتحركات السياسية
نأمل انتهاء المسببات ونأمل للجميع رغيد الحياة

[أبو وحيد]

اقتباس: المشاركة الأصلية كتبت بواسطة عابر مجيب    بعد ظهر الخير انقطع النت لعدة ساعات ، وخصوصا عن المنتدى عملت جولة على الصرافين ورجعت اكتب ما لاقيت نت وإليكم الآن سلطان متل عاداته يغرد خارج السرب وبيحط سعر منخفض وما ببيع حاطط على اللوحة المضيئة 130 - 131 عنده ضغط شديد وكأنه يوزع اعاشة بالمجان ، توقعت انه يبيع دولار ولو بكميات محدوده طلعت بس حوالات وبيسلمها بالسوري المتحدة أكتر شوي 131 -132 ضغط خفيف وعند السؤال تبين انهم يشترون ولا يبيعون والعالم عم يستلموا حوالات بالسوري الشرق الأوسط وهو اللي حطيت اسعاره بالمداخلة السابقة شريط متحرك مضاء 133 - 134.30 كان ماعنده بيع مريت بعد شوي وكنت طالب 700 دولار قالولي تفضل ، كنت مستعجل كتير ، وزبوني كان اشترى وخلص بسعر 139 ،بس قلت يلا باخد باللي معي ، ما طلعو بيشترو 100 $ واحدة ، تكاسلت من العودة للمكتب لأخبر جاري لأنه كان بحاجة دولار ، الحقيقة تفاجأت ، وما كنت متوقع يبيعني ، بس بعد ما ركبت الباص ندمت ، واتصلت بجاري وقلتلو روح خود 600 - 700 دولار بسرعة ، بعد شوي سألتو ، قلي رحت وقال ما عندو . هون عندي شك ، كل مرة بيشوفني عم راقبو ، الظاهر افتكرني من مراقبي المركزي وخاف مني ، بس أنا بالحقيقة بكون عم استنى الشريط ليمشي بالين والاسترالي والريال ووووو لحتى يوصل سعر الدولار . لذلك قرر يضحي بشي كم ليرة ليخلص مني . من خوفه . ويمكن كان لازم يبيع شوية نظامي والله بيعلم أديش بدو يسجل رقم مبيع على هويتي ، يعني ببيع 600 وبيسجلها 6000 مثلا . الاحتمال الأخير للأسف كان مفروض يكون الاحتمال الأول وهو انو كان عم يراعي حق الجيره بالخلاصة الدولار على طلوع للأسف

استاذنا الكريم .. كنت لابس طقم رسمي وكرافات وشايل شنطة بإيدك شي ؟؟!! هههههههه
اذا هيك أي أكيد بدك ترعبو للرجال

[عابر مجيب]

اقتباس: المشاركة الأصلية كتبت بواسطة ringoo83    أنا ما ني مشرف على الموقع ولا بحق الي أنو اقمع رأي طالما هو مجرد رأي بس بتمنى من الأخوة الي عم يحطو ما يعتبروه "معلومة سياسية" دليل على معلومتهم أولاً وعلاقة عالمعلومة بالدولار والليرة ثانياً... شبعنا حكي من قبيل "خلصت" و "بكرة رح بتدخل المركزي لأنو ايران ... او لأنو امريكا وروسيا..." و "سوريا بخير" و" ملف سوريا بايد .... لهيك الدولار..." واعذوروني ان اخطأت في طرحي

حككت لنا على جرب

[مجد جنود]

دمشق-سانا 9-ايار-2013
أكد الدكتور أديب ميالة حاكم مصرف سورية المركزي أن انخفاض سعر صرف الليرة أمام الدولار في السوق غير النظامية إلى /136/ بعد أن وصل إلى /145/ ليرة خلال العطلة الرسمية يشير إلى أن الارتفاع الحاصل هو "استمرار للعبة البعض بالمضاربة على الليرة مستغلين إغلاق المصارف ومؤسسات الصرافة المرخصة خلال العطلة الرسمية".
وأشار ميالة في تصريح لسانا إلى "أن حجم العمليات المنفذ بسعر 145 ليرة للدولار يكاد لا يذكر ما يؤكد أن الأسعار المتداولة في السوق السوداء هي أسعار وهمية بهدف تحقيق مكاسب غير مشروعة".
وبين حاكم مصرف سورية المركزي أن سعر صرف الليرة السورية مقابل الدولار الأمريكي بتاريخ اليوم حسب نشرة أسعار الصرف /5ر128/ ليرة للدولار الواحد وهو السعر الذي يتم وفقاً له تمويل عمليات الاستيراد بهدف تأمين استمرار تدفق السلع والمواد الأساسية بأسعار مقبولة.
وأكد ميالة أن المصرف المركزي مازال مستمرا بعملية التدخل عن طريق بيع القطع الأجنبي للمصارف ومؤسسات الصرافة للدفاع عن سعر الصرف والحفاظ على استقرار الليرة السورية.
ولفت ميالة إلى تشديد الحملات التي يقوم بها المصرف المركزي بمؤازرة الجهات المختصة لضبط الأنشطة غير النظامية في السوق السوداء وإيقاف المتعاملين بها ومصادرة المبالغ الموجودة بحوزتهم وتغريمهم غرامات مالية كبيرة وفق القوانين والأنظمة النافذة.
وحذر حاكم مصرف سورية المركزي المواطنين من مغبة الانجراف وراء الشائعات التي يحاول المتلاعبون في السوق السوداء إشاعتها لاستغلال حاجتهم إلى القطع الأجنبي والمضاربة على سعر الصرف وتحقيق بعض المكاسب مؤكدا أن المصرف المركزي "موجود باستمرار للدفاع عن سعر الصرف وان احتياطاته النقدية قوية وكافية لذلك".

[Dynamic Pulse]

اقتباس: المشاركة الأصلية كتبت بواسطة alternative    للاسف اخ داينمك راي يحترم ولكن غير واقعي ولا منطقي زيادة الرواتب بدها ايرادات وهاد مو متوفراولا تانيا البلد عم تعاني من حالة التضخم واصبح القطاع الانتاجي السوري في حالة العرض غير المرن اي زيادة رواتب لو افترضنا تامنت الايرادات ستزيد في مستوى الاسعار العام يعني حتزداد نسبة التضخم والاقتراح الثاني بدفع الضرائب والفواتير بالدولار اصلا بالسوري في تهرب ضريبي كبير وتخلف عن سداد الفواتير المستحقة ناهيك عن انو الدولة وقت بدها تقبض بالدولار الدولة بتكون عم تفرض دولرة التعامل النقدي وبالنسبة للاقتراح الاخير هاد غير ممكن بتاتا واكيد انت مالك مقنع بامكانية حدوثه

يارااااجل
لما كان سعر الدولار 120 ومستقر نسبيا قرر المركزي التدخل
قرر تسليم الحوالات بالليرة
يعني كان السعر مستقر على نكشة
راح العينتين ونكشو
يعني يللي كان عندو هيك منطق ما لازم تستغرب منو شي
أحسن شي رايح آخدلي بورية بلكي بيتحسن عندي المنطق شوي وبصير بفهم شي
سلام

[september]

لم يتجاوز سعر المبيع طوال اليوم 137.5 ومادون
والشراء 135
وانا كنت بالسوق طوال اليوم بانتظار أي تغير لكن للاسف
وبالنهاية اشتريت من عند صراف بعرفو عال 137

[september]

اقتباس: المشاركة الأصلية كتبت بواسطة september    لم يتجاوز سعر المبيع طوال اليوم 137.5 ومادون والشراء 135 وانا كنت بالسوق طوال اليوم بانتظار أي تغير لكن للاسف وبالنهاية اشتريت من عند صراف بعرفو عال 137

طبعا هذه الاسعار أكيدة في محافظة طرطوس

[أبو وحيد]

بالنسبة للكلام عن المنطق !!!!
والله مافي شي اسمو منطق بهالأيام ..
كل شي عم نشوفوا لا يمت للمنطق بصلة

[omar1964]

مساء الخير للجميع
إعذروني على جهلي و لكن هل يستطيع المركزي أن يتصرف دون الرجوع للمكتب الاقتصادي ؟؟

[أبو وحيد]

حماه :
أغلق السوق والصرافين بحماه على سعر 136 شراء و 138 بيع