سعر صرف الدولار مقابل الليرة السورية بالسوق السوداء 14-3-2013

[انس الحموي]

اقتباس: المشاركة الأصلية كتبت بواسطة د. همكي    تسلملي ما أطيبك ... حموي أصيل شهم أنا مالي مصلحة بالعقار حالياً لأني بالشام .... مشكور كتير بقديش الجبن الغنم؟ بلش الموسم الجديد وإلا لسة شوي؟ على كل حال كيف بيحكو عالخاص .. ممكن تعلمني ...

بخصوص الجبنه اكيد بلش الموسم الجديد ومن قرابة اسبوع واذا كانت الجبنه مدسمة ومافيها ملح بوقف عليك الكيلو بالتنكة ب220 اما اذا كانت مالحة ما بتتاكل يعني مخلوطة نصفها ملح بيوقف الكيلو ب140 بس هي مالك مصلحة فيها بتحس حالك عما تاكل ملح مو جبن بخصوص كيف بدك تحاكيني على الخاص ...الموقع مزود بنظام تبادل الرسائل بين الاعضاء وفيك بكل بساطة ترسل لي رسالة وانا ايمتى ما دخلت بيظهر لي تنبيه انك ارسلت لي رسالة وبدخل وبرد عليها ...يعني لكل واحد بريد فينه يستقبل ويرسل منه

[انس الحموي]

اقتباس: المشاركة الأصلية كتبت بواسطة د. همكي    أستاذ أنس ... نمت مبارح وما جاوبتني ........ كيف منحكي عالخاص؟

جاوبتك قبل ما شوف تعليقك ...واسف بس هلىء حتى دخلت المنتدى وبلشت بالمشاركة واول ماشفت تعليقك البارحة رديت عليه

[hesham]

اقتباس: المشاركة الأصلية كتبت بواسطة د. همكي    أستاذ أنس ... نمت مبارح وما جاوبتني ........ كيف منحكي عالخاص؟

اخي دكتور همكي
اضغط على اسم " انس بكور " في اي مشاركة له
ثم اختر من القائمة ماتريد

[Hany Basha]

اقتباس: المشاركة الأصلية كتبت بواسطة انس بكور    اخ باسل اسمحلي الك غلطان كتير بنقطة خروجك وغلطان اكتر ومتوهم اذا مفكر تدخل بنقطة 96 -97 الله يسامحك ويهديك بس المفروض تكون حاسبها صح وشكلك هل المرة ما عرفت تحسبها والشي يلي عملته بيشبه المقامرة ويمكن تكون خسارتك فادحة كتير ... اول الشي انا متفق معك الدولار بيطلع وانو ردة بسيطة بالمقارنة بطلوعه وعلى هل الردة نحن المضاربين عما نشتغل ...بس الشي يلي عملتو بحالك اجرام ...على اي اساس بنيت ارتداده لنقطة 97 ؟؟ يا صاحبي اذا في ردة بتكون نقطة ارتداده على 102 - 103 هي اولا ...رح تسالني ليش لانو سعر صرف الدولار للصرافة تحول من 87 ليرة مقابل الدولار ل96 ليرة ومن البديهيات مابدو الواحد يقول الك انو اقل فرق بين دولار الصراف حوالات ودولار السوق السوداء بكون بين 5 الى 6 ليرات يعني ضيف 6 ليرات فرق بتكون نقطة مقاومته صارت 102 مو 96 يعني اذا الك امل تدخل رح تدخل بنقطة 102 - 103 وانت بايع على 104 يعني اذا بدك تشتري رح تشتري على 103 يعني رح تجني ربح ليرة وحدة وبعد مقامرة frown11 الله يصلحك ويهديك ويسلمها معك بس frown11 وفي حال ما ارتد السعر وواصل طلوعه ل110 شو بكون صار فيك ؟؟؟ بتكون خسرت على الاقل من راس مالك 6 بالمية ...ويلي بدي قوله للكل محد يستغرب انو الليرة السوري تخسر 20 ليرة خلال اسبوعين ويصير الدولار ب110 مقارنة باقتصاد الدولة الحليفة لسوريا ايران نحن ما عنا ربع ربع مقوماتها والدولار كان يساوي قبل فرض العقوبات الاقتصادية على ايران كان يساوي 10 الاف ريال وبعد بسنة قفز ل33 الف ريال وهلىء ب42 الف ريال انتو عما تستوعبوا الارقام يعني خسرت قميتها اكتر من 400 بالمية ومحد يقول لي الاقتصاد السوري اقوى من الاقتصاد الايراني ومن هل الشعارات الرنانة والفضفاضة بكفي بترول وغاز ايران يلي انتاجها من النفط بس ما بقل عن 3 مليون برميل بالاضافة لمواردها السياحية وطبيعة جمال اراضيها ونمو البشري فيها بالاضافة لمئات معامل التصنيع بخطوط عالية التقنية والدقة ...لك الا شوي رح تصير نووية ...ومع هيك شوفوا ادش خسرت من قيمة عملتها ...ومقارنة بايران لازم تكون قيمة عملتنا بعد سنتين من هل الحصار الاقتصادي وسنتين حرب طاحنه كل دولار يساوي 200 ليرة كاقل تقدير ....وكل شخص واهم انو بقرض من روسيا او ايران بقوي قيمة عملتنا بكون غلطان على العكس بزيد من ضعف الليرة ويلي بدو اشرح له هل النقطة بشرحها له بمداخله تانية ... ومتل ما قلت لكم الاقتصاد الايراني اكبر عبرة ودرس لازم نتعلمه نحن السوريين ...ودايما نصيحتي للكل اشتروا دولار والسهم طالع وبيعوا دولار والسهم نازل ...لانو نحن بحالة انهيار وفقدان مقومات الدولة بشكل تدريجي وجني ارباح قليلة مضمونة افضل من مقامرة ومغامرة تبكي عليها طول العمر ...هارد لك اخ باسل

السيد الأخ أنس بكور:
أشرت في شرحك السابق عن أن قرضاً من إيران أو روسيا لن يقوي عملتنا
أرجو منك الشرح
وشكرا

[د. همكي]

اقتباس: المشاركة الأصلية كتبت بواسطة hesham-tayara    اخي دكتور همكي اضغط على اسم " انس بكور " في اي مشاركة له ثم اختر من القائمة ماتريد

شكرا جزيلاً مشرفنا العزيز

[د. همكي]

اقتباس: المشاركة الأصلية كتبت بواسطة انس بكور    جاوبتك قبل ما شوف تعليقك ...واسف بس هلىء حتى دخلت المنتدى وبلشت بالمشاركة واول ماشفت تعليقك البارحة رديت عليه

يسلموا هالإيدين .... عُلم

[Hany Basha]

اقتباس: المشاركة الأصلية كتبت بواسطة انس بكور    لك نحن منحب بعض ومنحبببببببببك كتيييييييييير بس انت يلي عندك مشكلة بافكارك وكل مرة بتبدل شخصيتك frown11 وداخل هلىء بعضوية جديدة علينا على كل مو مهم هل الحكي بس عنجد منحبك بس كم مرة بدنا قولها الك اللعبة مو لعبة صرافين ولا فوركس بالوكالة واكتر الشي عجبتني المصاري يلي عما توصل من برى للمضاربين منشان هي بدها ابتسامه عريضة big grin لاحولة ولا قوة الا بالله لو حكيك صحيح انو عما توصل مصاري للمضاربين وهدفها بس استنزاف الليرة السورية وتدمير الاقتصاد كنا شفنا الدولار كل يوم بارتفاع وما كنا شفنا لا استقرار له ولا اي هبوط في بعض الاحيان لانو يلي عما يرسل مصاري للمضاربين وما بهموا كم فاتورة الخسارة بتم عما يشتري بالدولار كل يوم وبيرفع من سعره وكنت شفت المؤشر على طول صاعد ...وهل الشي موجود فكتير احيان عما نشوفه مستقر واحيانا بيهبط عدة ليرات ....تاني شي بخصوص الصرافين والمضاربين يلي عما يخسروا الليرة قيمتها ...بدك تقنعني انو الدولة مافينها توقفهم عند حدهم ؟؟؟ ما الدولة هي يلي مرخصة للمضاربين والصرافين انو يشتروا ويبيعوا دولار منشان ما تنهار العملة وتفقد قيمتها ...ولا اسماء الصرافين والمضاربين عندها اسم اسم وفينها بقوتها الجبارة يلي شفناها على الارض تجرد اي صراف او مضارب مو بس من مصاريه من روحه كمان :stickouttongue تحياتي اخي اب..... والله والله منحبك

الأخ أنس بكور
أنا من الأشخاص الكثر الذين يقرأون مشاركاتك بهدوء و تمعن
تعجبني في كثير من الأحيان طريقة تحليلك للأمور و إن كانت أحياناً صعبة القبول
تحياتي لك
والله أنا بحبك

[Hany Basha]

اقتباس: المشاركة الأصلية كتبت بواسطة انس بكور    اي اسالني على الخاص اكيد ما ممنوع في شقه فخمه كتير بشارع عريق كتير سعرها رخيص كتير وبطالع لك بالميته ميته 25 الف ليرة كل شهر حاكيني على الخاص اذا حابب تعرف التفاصيل ...اما بخصوص السمن العربي بصراحة ما عندي فكرة عن سعره بهي الايام لانو ما مناكله ما منحبه frown11 بس بعرف سعر الاجبان والالبان ..وعلى فكرة عنا ارخص من كل المحافظات ايمتى ما بدك كم تنكة جبنه عطيني العنوان وبيوصلوك لاي مكان شو كم د. همكي عندي ...وبخصوص السمن العربي رح اسال لك يوم السبت عن السعر واذا ما عندكم سمن عربي بالمكان يلي متواجد فيه وحيات عيونك احلى تنكت سمن عربي بتوصل لعندك هدية من اخ لاخوه

شو مشاني أنا؟؟
يقولون من حضر السوق باع و إشترى
ومن حضر القسمة فاليقتسم
والله أنا درويش
بس مابحب السمن العربي
ههههههههههه
عم أمزح كل شي منك سيد أنس خير وبركة
كمان عم أمزح
ههههههههههههههههههههههههه
الله يهدي سركم وشكرا لإستحمال غلاظتي

[Hany Basha]

اقتباس: المشاركة الأصلية كتبت بواسطة انس بكور    ياشباب يلي عما يحكي عن الاربعاء الاسود وكيف هبط الدولار فيه بيختلف عن الامور حاليا اول الشي الدولار خلال الاسبوعين الماضيين صعد بشكل تدريجي وبمعدل ليرة ليرة وكسر حاجز نفسي يلي هو 100 وبعد كسره استمر بنفس وتيرة الصعود ومضى يوم واثنان وثلاثه واربعه وخمسه وانتهى اسبوع وانتهى يوم الاربعاء ويوم الخميس ...ولو كان في نزله كانوا الصرافيين والصاغة ما اشتروا دولار من الناس على 105.5 - 106 وامام عيني كانت حركة الصرافين كبيرة كتير بحماة وكان في هوامير كبيرة كتير عما تشتري بمبالغ بتخوف كتير حتى اهم صراف عنا بالبلد صار يجمع للهامور فئة الدولار والخمسة دولار حتى يطبق له الحساب... واستمرت لوقت خروجي من السوق الساعة 3 العصر ...حتى انو الذهب الكسر قبل خروجي من السوق وصل لاعلى من التسعيرة وكان عما ينباع ب4675 فيا شباب لا تتسرعوا التريث حلو واهم الشي هدوء الاعصاب

عرف مايلي:
هوامير مفردها هامور.
ملاحظة:الجواب ليس نوع من أنواع السمك بلا حسك

[najm]

اقتباس: المشاركة الأصلية كتبت بواسطة د. همكي    أعتقد أن البعض يبالغ بوصف موقف المركزي وخلافا لمعظم الآراء التي تنشر هنا عن المركزي ودوره.... أعتقد أن المركزي يعرف جيداً ماذا يفعل وهو الذي يوجه سوق الصرف سواء شعرنا بذلك أم لا ولكل من ينتقد أداء المركزي.... هل كنتم تتوقعون أن يبقى سعر الصرف 50 ل س مثلا برغم كل ما حدث ويحدث في البلاد ولمدة سنتين متواصلتين؟؟؟ وهل يمكن أن تزودونا بالسعر الذي كان يجب أن يستقر عليه سعر الصرف بعد سنتين من الحرب لو كان جهبذ المصارف يدير المركزي طبعاً من جهة ثانية أنا لا أدعي أن أداء المركزي هو الأداء المثالي فربما يكون هناك أخطاء أو سوء تقدير في حالات معينة ولكني أقول أن الكمال لله وحده ومن يعمل يخطىء ويقول احد الكتاب (لا أذكر من هو) إذا قلت أن شخص لا يخطىء فاعلم أنه لا يعمل أعتقد أننا جُبلنا على الانتقاد السلبي لأي شيء في حياتنا ومحيطنا.... حتى بين بعضنا البعض للأسف....... مع فائق الاحترام للجميع

كلام سليم بالواقع ...
وليس دفاعا عن اداء المركزي لو يلي حدث هنا حدث بأي بلد اخر لنهارت العملة من زمان بدليل وقائع تاريخية . وبدليل تأثر البورصات العالمية والعملات بالاسواق الحرة بأي حدث او حادث مهما كان صغيرا فورا بس بلا تشابيه هنيك ما في تدخل بالعصاية .
وبالنسبة للجملة الاخيرة اؤيدك فيها تمام والا ما كنا لهلاء ورا كل البشر .