expert

والله انا اخر شي بيهمني سعر الكهرباء المنزلية
يعني بما اني حاليا امر بظروف استثنائية هههه
اجلت موضوع فواتير الكهرباء حتى اشعار اخر
وعم انتظر مراقب الكهرباء يجي يشيل الساعة
وعم افكر اعطيه قرشين منشان يشيلها على بكير
لانو وقتها ما بيضل عندي مصروف كهرباء منوب
وبصير متلي متل بياع الدخان يللي على راس الشارع كهربتي من العمود مباشر هههه
وما حدا احسن من حدا
طبعا هي مو دعوة لعدم دفع الفواتير (لا سمح الله) ههههههه
هاد الكلام بيعبر عن مواطن سوري يمر بظرف استثنائي من ارتفاع الاسعار والمصاريف في ظل انخفاض الدخل المستمر
شفتولي الظرف الاستثنائي كم مرة ورد بحديثي السابق ههههههه

shereen

كلامك صح تماما اصلا لوفي انتاج للبندورة السورية ماكانو استوردو كيلو من الاردن بالاخص هللق صارت الاردن عم تحوي معارضين والخ بس من فترة وقت شدت البندورة لل 70 كانو عم يصدرو للعراق اكيد بس بوقتها كان موسم البندورة مضروب بالاردن وبمصر بس هللق البندورة بامريكا ارخص من عنا والدولة بظن قصدا عم تغلي السلع الاساسية يعني بندورة فروج بيض بطاطا خيار هدول الواحد مستحيل يستغني عنهم وبالعكس سوريا لهلق بتصدر غنم وفروج وبيض وبالاونة الاخيرة ازداد تصديرهم بشكل كبير بس ليش مابعرف ؟؟؟

__________________
يارب

shereen

ارتفع سعر لحم الخروف ليسجل كيلو اللحم بعظمه سعر 500 ليرة، و كيلو الهبرة 900 ليرة كما واصل سعر لحم العجل ارتفاعه ليصبح حاليا سعر الكيلو 600-650 ليرة‏.

أما اللحوم الجاموس التي ترتبط أسعارها بالدولار بحكم كونها مستوردة من الهند وتتذبذب أسعارها مع تذبذب ارتفاع وانخفاض الدولار، فقد سجل كيلو لحم الكتف سعر 400 ليرة بينما في الاسبوع الماضي كان 375 ليرة وكذلك الفتيلة 450 ليرة وقبل يوم كان سعرها 425 ليرة وكانت قبل بضعة أشهر بين 250 – 300 ليرة للكيلو .‏

و تغيب تسعيرة اللحوم عن النشرة التأشيرية التي تصدرها وزارة الاقتصاد كل اسبوعين و في حال شوهدت تسعيرة في أحد المحال فإنها تعود إلى عام 2006 و هي 400 ليرة للكيلو غرام الواحد، أي أنها للعرض فقط.

و فيما يتعلق بلحوم الفروج عاد سعر الكيلو غرام الواحد ليرتفع نحو عشر ليرات مع ارتفاع أسعار الأعلاف، وتوقف بعض المحافظات المنتجة للدواجن عن التربية كادلب وحمص ودرعا، وهذا ما يفسر عدم انتظام صدور التسعيرة خلال الفترة الماضية علماً أنها كانت تصدر كل ثلاثة أيام وأصبح الكيلو بمبلغ 220 ليرة بدلا من 210 ليرة.‏

كما أدى غياب الرقابة على عملية التصدير العشوائية إلى ارتفاع سعر صحن البيض من جديد على عملية التصدير الفائضة والعشوائية مما يؤدي لنقص هذه المادة وعدم تلبيتها للاحتياجات المحلية

__________________
يارب

مجرد إنسان

ما شاء الله كلكن طلعتوا مفتحين على البندورة ^_^
مو عرفانين انو في ناس اشطر منكن
بيطلعوا البندورة من هون وبيرجعو ببيعوكون اياها على اساس من الاردن ..
ولسا اخبار السيارات التي تعبر يوميا من سوريا الى الاردن محملة بالبندورة موجودة ، اقرؤوها مرة تانية
يمكن انت اخي ماهر كنت بوقت كان الدولار ب 50 مو ب 70 ..، ويمكن تجار العملة الاردنيين عم يرجعولنا الليرة السورية مشان نفرح فيا وبنفس الوقت عم يخففوا منها بارصدتن
الواقع موجود اليوم وليس بالتاريخ
شو بدو يحكي الواح ليحكي الواح

__________________
{بل نقذف بالحق على الباطل فيدمغه فإذا هو زاهق ولكم الويل مما تصفون}

ماهر محمد

هههههههههههههههههههههه
شو قصتك صايرة ما عم تجيبيلنا أخبار غير مصايب

__________________
لسنا ننشد عالماً لا يُقتَل فيه أحد، بل عالماً لا يمكن فيه تبرير القتل

مجرد إنسان

على فكرة لما كنت انت بالاردن والسعر كان ب 9.5 الى 13 ليرة ، كان سعر البندورة هون بالسوق ب 5 ليرات نوع ممتاز
واذا للطبخ كل 5 كيلو ب 10 ليرات ..
يمكن كاينين عم يبيعوك بندورة حورانية ومالك دريان

__________________
{بل نقذف بالحق على الباطل فيدمغه فإذا هو زاهق ولكم الويل مما تصفون}

ماهر محمد

وحياتك ما حدا بيفهم بالبندورة قدي بميزلك الأردنية عن الحورانية
بعدين وين عايش أنت بندورة بـ5 ليرات نوع ممتاز!!
5 كيلو بـ10 ليرات!!!
معلم إزا بدك تشتري زبل لشجر البندورة الكيلو أغلى من 2 ليرة

__________________
لسنا ننشد عالماً لا يُقتَل فيه أحد، بل عالماً لا يمكن فيه تبرير القتل

Bader Halab

عاااااجل: الذهب الآن 1535.800$!!! انخفض الذهب مع افتتاح سوق شرق آسيا

__________________
قال الرسول صلى الله عليه وسلم : « من دخل السوق فقال: "لا إله إلا الله وحده لا شريك له ، له الملك وله الحمد يحيي ويميت وهو حي لا يموت بيده الخير وهو على كل شيء قدير" كتب الله له ألف ألف حسنة ومحا عنه ألف ألف سيئة ورفع له ألف الف درجة » .