المتابعة اللحظية لجلسة تداول يوم الثلاثاء 12-4-2011

[anasatfirst]

اقتباس: المشاركة الأصلية كتبت بواسطة broker    ويتطلب شعور وطني من مواطن وطني يملك عملة وطنية ليدخل السوق ويطمئن الناس وبالتالي هو يربح والكل يربح من عشرة ايام كان ملقتى رجال الاعمال كان لا يقل عن 400 مواطن وطني فيه اين هم من السوق ؟؟؟

وكمانة لكانة مالك السهم .. لا يبيع سهمه هلق ويرتعب ويخاف.. وخليه وطني وماسك على سهمه...

[ابي نادر]

اقتباس: المشاركة الأصلية كتبت بواسطة abo haydara    لا ولو اخوي عم نلطف جو

طبعآ ابو حيدرة الغالي

والله لو بدنا نضل نحكي بلأسهم ومشاكلا كنا طقينا ...أصلا ما في بأيدينا بهل الأيام غير الصبر

أنا أكثر شي مبسوط أنو الأعضاء وخاصة يلي بتابعو كل يوم روحون رياضية ومرحا

[BROKER]

اقتباس: المشاركة الأصلية كتبت بواسطة احمد العبد    السلام عليكم ورحمة الله قل لن يصينا إلا ماكتب الله لنا وأرجو من الله العلي القدير أن تهدأ الأمور وترجع البورصه إلى سابق عهدها ومنرجع نعوض الخسائر بإذن الله تعالى . يا شباب مين عندو معلومات عن شركة بركه للإنتاج الزراعي والحيواني ( شام ) حيث أن أحد أصدقائي يقول أنه إكتتب على عدد من الأسهم فيها من الثمانينات ولا يعرف عنهم سيء لذا أرجو ممن ليه معلومات عن الشركه المذكوره لا يبخل علينا بها وله جزيل الشكر

وعليكم السلام ورحمة والله وبركاته

اهلا بك استاذ احمد

- ان غالبية شركات القطاع المشترك او المساهمة التي تأسست في تلك الفترة ، فيها الكثير من المخالفات من عدم انعقاد الجمعيات العمومية وعدم تقديم الافصاحات المالية وغيره الكثير .... لذلك هي بحاجة الى اعادة هيكلة .... وأيضاً تلك الشركات لا تفكر بالدخول للسوق نظرا لاوضاعها .

أنا أكلمك بشكل عام ولا علم دقيق عندي عن هذه الشركة تحديداً ..

[Salam L]

اقتباس: المشاركة الأصلية كتبت بواسطة broker    كيـــــف ؟؟ هاد أغلظ شعور بصراحة ... الله يكون معك والاتفاق اتفاق

ههههههههه
المشكلة ياسيدي انو في اشخاص بيثقوا فيني ودخلوا بكل قصة الاسهم بناء على رأي(كنت عم حاول اعم عمل خير!) ...هلق الاسهم الي تم شراءها بسعر الاكتتاب متل الشام والبركة ماعليها مشكلة والحمد لله لكن اكيد الارباح عم تقل ...المشكلة الخسائر هي بسورية الدولي الاسلامي وشوي بالعقيلة.

[سودوكو]

صباح الخير للجميع, تمعنوا بحديث رسول الله صلى الله عليه وسلم :

" عجباً لأمر المؤمن فإن أمره كله خير, وليس ذاك لأحد إلا للمؤمن, إن أصابته سراء شكر فكان خيراً له, وإن أصابته ضراء صبر فكان خيراً له".

[abu mhd]

اقتباس: المشاركة الأصلية كتبت بواسطة salam    لسا مابينت معي هههه لنشوف شو الله بيسر....لو القصة عليي لحالي كانت اهون...المشكلة اني متورطة بالموضوع مع اكتر من شخص...ولا حدا يسألني كيف...وااااع

مشان ما تزعلي مو بس انت لحالك معك ناس
و انا كمان بس ماحدا غريب اختي
قلتلها خلينا نفوت الربح الك و الخسارة عليي
ولا حول ولا قوة الا بالله صارو 900 الف
لو الواحد بس مصرياته منقول الله جاب و الله اخد بس يكون معك حدا هون المشكلة و بلش النق و اخخخخخخخخخخخخخخخخخخخخخخخخخخخخخخخخخخ شو بدي احكي

[BROKER]

اقتباس: المشاركة الأصلية كتبت بواسطة ابي نادر    معلوماتك صح لأول مبارح مبارح يا معلم كان سلطة فواكه من وصفة مشرفة المنتدى الأسلامي رنا big grin

تذكرنا حبيب ....

خلص وقت منروح رحلة رح تكون الشيف تبعنا

[سودوكو]

اقتباس: المشاركة الأصلية كتبت بواسطة mouayad    مشان ما تزعلي مو بس انت لحالك معك ناس و انا كمان بس ماحدا غريب اختي قلتلها خلينا نفوت الربح الك و الخسارة عليي ولا حول ولا قوة الا بالله صارو 900 الف لو الواحد بس مصرياته منقول الله جاب و الله اخد بس يكون معك حدا هون المشكلة و بلش النق و اخخخخخخخخخخخخخخخخخخخخخخخخخخخخخخخخخخ شو بدي احكي

على فكرة أخي مؤيد بالنسبة لشراكة المضاربة في الإسلام فإن من يتحمل الخسارة المالية هو صاحب المال وليس المضارب, والمضارب يخسر جهده ووقته, شرط أن لايكون متعدياً بالبيع أو الشراء.

[best time]

روحنا رياضية كتير
شو رأيكم بلعبة كرة قدم ترفع المنويات لأن الملاعب خضراء و منشتري لكم كرة خضراء كمان

[ABDUL KARIM]

الشركات المحظوظه هذه الايام الشركات التي لا يتم عليها تداول !!!!!!!
وحتى الان الشركه الوطنيه للتأمين سجلت اقل الخسائر وهذا منطقي لان لديها افضل الارقام من حيث عائد الربحيه والسعر العادل