سعر صرف الدولار والذهب مقابل الليرة السورية اليوم الثلاثاء 04 -03- 2014

[hasobman]

سؤال محيرني
شنون تسعيرة المركزي 145
وشنون بيتدخل ب 150
معناتا سعر التدخل هو السعر الادنى للسوق السودا صح
دائما هيك سعر التدخل هي اخفض قيمة يتم التداول بها بالسوق السوداء
يعني لو فرضنا طلع الدولار لل200 وسعر المركزي ضل متل مو هوي
التدخل رح يكون تقريبا بشي 197
فهمتو قصدي
يعني لتعرف سعر التدخل تبع المركزي
ما عليك سوى معرفة اخفض قيمة يتم التداول بها بالسوق السودا
وعشان اخي المسار ما يزعل
من ابداعات ابو نجيب

[عابر مجيب]

اقتباس: المشاركة الأصلية كتبت بواسطة رشاد حج علي    ياشباب الواضح في تخبط بالاسعار بالشام استقرولنا عسعر لنعرف نستفيد

زودها ونقصها ليرة ليرتين ، في سوق مقطع الأوصال ، ولم يعد هنالك من يتجرأ على مجرد اتصال هاتفي للسؤال . غدا سيستعيد السوق عافيته بعد ان يعود معتم ابوسودا من سردابه . وقريبا سيفقس أولاد السودا ، أحفاد مظلم ابو كحلا . وهذا نتاج الضغط مع وجود ضرورة وحاجة لطالما كانت أم الاختراع .
ما علاقة سند الاقامة والفواتير في الاقتصاد ؟ أليست مجرد اجراء يتم تحميل تكلفته على الدولار ، وهو اشبه بالمصنعية التي تضاف على المسكوكات الذهبية مهما تم تداولها ، وكما لو كانت في كل مرة تعاد صياغتها من جديد .

[hasobman]

طالما سعر التدخل متل اقل سعر بالسودا
معناتا عملية التدخل بالاصل هي عملية سودا(لا تفهموني غلط قصدي عملية للسوق السودا)
التدخل عبارة عن عملية نفسية بامتياز
لا واحلى من هيك المركزي بعملية التدخل ببيع دولارو اغلى من تسعيرتو بشكل نظامي
يعني كانك عم تشتري علبة بسكويت مسعر عليها 145 ب 150 وبدون ما تسترجي تحكي لا ومكيف كمان
ولو كان تدخل فعلي كان ادخل ب 145

[M-PMP]

دولار سوق اللاذقية اليوم بداية السهرة
شراء 152.5
مبيع 154

متوفر....

[باسل غ]

سعر الاغلاق الحدود التركيه - كلس - عنتاب - الريحانيه


151.50____________152.25

[عابر مجيب]

اقتباس: المشاركة الأصلية كتبت بواسطة hasobman    طالما سعر التدخل متل اقل سعر بالسودا معناتا عملية التدخل بالاصل هي عملية سودا(لا تفهموني غلط قصدي عملية للسوق السودا) التدخل عبارة عن عملية نفسية بامتياز لا واحلى من هيك المركزي بعملية التدخل ببيع دولارو اغلى من تسعيرتو بشكل نظامي يعني كانك عم تشتري علبة بسكويت مسعر عليها 145 ب 150 وبدون ما تسترجي تحكي لا ومكيف كمان ولو كان تدخل فعلي كان ادخل ب 145

ملعوبة بتكتيك عالي ، هدف محقق لولا العارضة اللي ما بتستحي .
ولا تنسى تحميل باقي المصاريف ، المختار والطوابع وصورة الهوية ومواصلات وهدر وقت والنتائج مجهولة 200 ، 300 دولار ، ويمكن يقولولك روح هلأ مافي .

[عابر مجيب]

دولار الذهب
214000/1334.4 = 160.37 لام سين

بكرا ببين سعر الافتتاح

[رشاد حج علي]

يبدو بعد التهدئة بازمة اوكرانيا بدات الاسواق العالمية بالتحسن الروبل الان ٣٦،٠٦٦٥ كان الافتتاح ٣٦،٥٥ والدهب ١٣٥٠ الان ١٣٣٤ اليورو على ما اتوقع سيعاود الارتفاع لل ١،٣٨ الاسترليني ١،٦٦٦٨ اتوقع استقرار الليرة ١٥٢//١٥٥ لفترة والعودة لللصعود البطيء

[عابر مجيب]

اقتباس: المشاركة الأصلية كتبت بواسطة رشاد حج علي    يبدو بعد التهدئة بازمة اوكرانيا بدات الاسواق العالمية بالتحسن الروبل الان ٣٦،٠٦٦٥ كان الافتتاح ٣٦،٥٥ والدهب ١٣٥٠ الان ١٣٣٤ اليورو على ما اتوقع سيعاود الارتفاع لل ١،٣٨ الاسترليني ١،٦٦٦٨ اتوقع استقرار الليرة ١٥٢//١٥٥ لفترة والعودة لللصعود البطيء

ما بتخيل يصير تهدئة ، اللي صار بجورجيا مختلف ، جورجيا كلها شي ست سبع ملايين ، أوكرانيا بظن فوق أربعين مليون ، هدول صعب تطويعهم ، وبنفس الوقت روسيا ما بتتخلى عن أهم موانئها على البحر الأسود . كل هاد كوم والتدخل المادي والمعنوي والوجداني والقلبي ، إضافة إلى الأدعية والأوراد ، التي تتمنى تأجيج الصراع .
جورجيا انطفت بسطلين مي ، لنشوف شو راصدين لأوكرانيا .
الله كبير

[رشاد حج علي]

معك حق استاذ عابر مشكلتنا ما منعرف التركيبة الديموغرافية ب اوكرانيا يعني انا عبشوف بالاخبار انو فين نسبة منيحة من الروس بظن ودعم الغرب لاوكرانيا مختلف عن جوجيا انا قصدت بالتهدئة انو في خيار عسكري بس مستبعد بالوقت الحالي حسب اللي فهمتو من بوتين مع عدم الاعتراف بالسلطات الحالية