سعر صرف الدولار والذهب مقابل الليرة السورية اليومي الخميس والجمعة 27و28 -02- 2014

[عبدالقادر]

اقتباس: المشاركة الأصلية كتبت بواسطة hasobman    لاجديد اليوم متل ماتوقعت لا تدخل وبانتظار وصول السعر لل165

والله الحديث كان ليوم بالسوق اني الطلوع ل185 من كبار الحيتان خلينا نراقب ونشوف

[hasobman]

اقتباس: المشاركة الأصلية كتبت بواسطة hash    في محاولة جديدة وصفتها مصادر حكومية مطلعة باليائسة سلفا قام مضاربون بالتلاعب بسعر الصرف ليصل سعر الدولار 158 ليرة المصادر أكدت أنّه سيتم التدخل سريعا بعد اتخاذ قرار بذلك و لن يُسمح بأي ارتفاع غير مبرر في سعر الصرف ناصحا المواطنين بعدم الانجرار وراء المضاربين لأنّه ستم التدخل في السوق دون أن تستبعد حملة مداهمات لدفعة جديدة من الصرافة غير النظاميين و جتى النظاميين الذين يثبت مضاربتهم بالليرة نقلا عن سيريا ستيبس

هي التدخل الي عم يصير

[hasobman]

اقتباس: المشاركة الأصلية كتبت بواسطة عبدالقادر    والله الحديث كان ليوم بالسوق اني الطلوع ل185 من كبار الحيتان خلينا نراقب ونشوف

اول شي الله يسرنا ونطلع لل 165 بعدين لاحقين منطلع لل 185
بس بتوقع الاسبوع القادم رح نضل تحت ال 165 والله واعلم

[عابر مجيب]

اقتباس: المشاركة الأصلية كتبت بواسطة رشاد حج علي    ياشباب اتوقع شخصيا مايلي الذهب مزيد من الصعود لعدة اسباب طبعا سياسية دولية تصريح وزير دفاع روسيا بان بلاده ترغب بنشر قواعد في فنزويلا فيتنام نيكاراغوا والازمة الاوكرانية

مو شرط يرتفع الذهب ، ممكن يصير ارتفاع بعملات أخرى ، لأن اعتبار الذهب ملاذ آمن بيكون لفترة قصيرة على ما تمرق العاصفة ، بس شغلة روسيا مطولة والناس بدها ملاذات آمنة ، بس كمان بدها ملاذ يطعمي خبز ، يعني ممكن يستثمروا بالبنوك ( بالفايظ ) أو بالأسهم والسندات ببلاد لا بتهش ولا بتنش .
الأزمة الأوكرانية بتكفي لحالها في استنزاف النظام الروسي ، الشعوب ملت من الوصاية .
أهم شي لا حدا يخلي معو روبل ، اليورو لا قوي تشدوا ايدكم ، وحتى ما تقولوا اني عم شجع على شراء عملة معينة ، ما رح قول شو تشتروا ، انتو اختارو لحالكم شي عملة عالمية مرتبة والكل بيتعامل فيها ومين ما شافها بيرتاح . بس حتى ما يصير التباس مو الايوان الصيني ، لأ ، لأنو كم يوم بتشوفوا بالصين شي ما انشاف .

[رشاد حج علي]

اقتباس: المشاركة الأصلية كتبت بواسطة عبدالقادر    والله الحديث كان ليوم بالسوق اني الطلوع ل185 من كبار الحيتان خلينا نراقب ونشوف

اخي عبد اذا فرضنا انو كليوم عميطلع 1،5 ليرة ونص بكون بدوو شهر وعشر ايام ليوصل 185 وباربعين يوم يخلق الله ما لا تعلمون برأي الشخصي بافضل الاحوال بالوقت الحالي اذا وصل 160 للشراء يعني 15 ليرة بما انو العالم مخزنة ع 145 حلوين ولا شو رايك انت

[المسار]

اخي عبد القادر
خدني على قد عقلي اذا سمحت

ممكن وضع تقييم من خلال نظرت حضرتك للحيتان والهامور
يعني

حتى الشخص نطلق عليه اسم حوت اديش لازم يكون معو و باي مبالغ بيتعامل

وكذلك الهامور

وزكاتك مرقلنا الصوص على البيعة

شكرا

[hasobman]

مبارح سالنا سؤال اديش المركزي صارلو ما طرح عملة بالسوق
فكان الجواب من شي 6 شهور
والله واعلم زمن طرح الدولارات من قبل المركزي ولى الى غير رجعة
التدخل الي عم يصير حاليا عم يصير من مبدا من دهنو سقيلو
مبارح عبد القادر قاللي نقلا عن الحوت الي قابلو
انو الحيتان كل راس مالها دولار وعم تشتغل عالمضمون فرق بين البيع والشراء
يعني بيشتري الي بدو يبيعون وبيحط الفرق بجيبو
طيب المركزي اكبر حوت بالسوق واكيد عم يشتغل على نفس المبدا
فهمتو عليي ولا اشرح اكتر

[عبدالقادر]

اقتباس: المشاركة الأصلية كتبت بواسطة رشاد حج علي    اخي عبد اذا فرضنا انو كليوم عميطلع 1،5 ليرة ونص بكون بدوو شهر وعشر ايام ليوصل 185 وباربعين يوم يخلق الله ما لا تعلمون برأي الشخصي بافضل الاحوال بالوقت الحالي اذا وصل 160 للشراء يعني 15 ليرة بما انو العالم مخزنة ع 145 حلوين ولا شو رايك انت

بشرفي من يوم 240 مابعت ولا اشتريت وفي شي ب230ولا بهمني ارتفع بسرعة ولا ببطئ كان الحديث مو حديثي حديثون اني النقطة ولا مارح احكي لان في عالم عم تحاول ينحط علي رقابة رح اسكت وتابع فقط

[عابر مجيب]

اقتباس: المشاركة الأصلية كتبت بواسطة جوليت    لأ اخي المسار خسارة معنوية ولكن بحادث اليم

خير ان شاء الله شو عمل ؟
أسلم !
انشق !
انكشف عن بصيرتو ؟
الله يجعل العواقب سليمة ، المكتوب على الجبين لازم تشوفو العين .

[hasobman]

اقتباس: المشاركة الأصلية كتبت بواسطة عابر مجيب    مو شرط يرتفع الذهب ، ممكن يصير ارتفاع بعملات أخرى ، لأن اعتبار الذهب ملاذ آمن بيكون لفترة قصيرة على ما تمرق العاصفة ، بس شغلة روسيا مطولة والناس بدها ملاذات آمنة ، بس كمان بدها ملاذ يطعمي خبز ، يعني ممكن يستثمروا بالبنوك ( بالفايظ ) أو بالأسهم والسندات ببلاد لا بتهش ولا بتنش . الأزمة الأوكرانية بتكفي لحالها في استنزاف النظام الروسي ، الشعوب ملت من الوصاية . أهم شي لا حدا يخلي معو روبل ، اليورو لا قوي تشدوا ايدكم ، وحتى ما تقولوا اني عم شجع على شراء عملة معينة ، ما رح قول شو تشتروا ، انتو اختارو لحالكم شي عملة عالمية مرتبة والكل بيتعامل فيها ومين ما شافها بيرتاح . بس حتى ما يصير التباس مو الايوان الصيني ، لأ ، لأنو كم يوم بتشوفوا بالصين شي ما انشاف .

ممكن شرح هالعبارة استازي