صالون سيرياستوكس للعطلات(28-29-30 تشرين الثاني &1 كانون الاول ) -2013

[omar1964]

عيوبي، إنْ سألتَ بها، كثيرٌ ... وأيُّ النّاس ليسَ له عُيوبُ؟
وللإنسان ظاهرُ ما يراهُ ... وليس عليه ما تُخفي الغيوبُ
يجرّونَ الذيولَ على المخازي ... وقد مُلئتْ من الغِشّ الجُيوبُ
وكيفَ يصولُ في الأيام ليثٌ ... إذا وَهَتِ المخالِبُ والنُّيوبُ؟

-----
أبو العلاء المعري

[ياسمينة]

اقتباس: المشاركة الأصلية كتبت بواسطة عابر مجيب    الله لا يجيب زعل ، بس حتى ما تظلميها جربي الضو ، لتكون مقطوعة الكهربا هههههههههههههه

جربتو جربتو
بس تقطع الكهربا بقول خي ما دخلني هنن بيقطعوها بس وقت بتجي الكهربا بعمل كل شي الا الكوي
يعني بفتح نت وع اساس بيسرقني الوقت هيك لتقطع مرة تانية وبقول ما دخلني كلو من العصابات الشريرة

[ياسمينة]

اقتباس: المشاركة الأصلية كتبت بواسطة mouayad    انا ريحت حالي وعززت علاقتي مع الكوى اللي تحت بيتي وانحلت مشاكلي هههههه

والله هيك علاقات عندي بدها جهود دبلوماسية كتير
انا عززت ثقتي بنفسي وصرت البس بجاماتي بدون كوي .. يعني بترك الكوي بس للشديد القوي

من شو بتشكي الثقة بالنفس !!! لازم يعني الكسرة الراكزة ويا سيدي بلاها... الانسان مضمون :p

[لقماان]

اقتباس: المشاركة الأصلية كتبت بواسطة mouayad    انا ريحت حالي وعززت علاقتي مع الكوى اللي تحت بيتي وانحلت مشاكلي هههههه

على أساااس عاملي حالك ..
من عموم الجماهير الكالحة
عفوا الكادحة
و كل نهار بتنزلي صورتو للرفيق تشي غيفارة
مرة عيونو بالشرء و مرة بالغرب ...........
شو شايفك امبريالي رأسمالي رسمي يعني ...
عمتكويلي... تيابك عند الكوا .......
------------------
هللأ بيؤول حفاظا على استمرارية عمل الطبقات البروليتارية هيك عمساوي..
ما بيلبئلك بنوب ...تكون بروليتاري ..يا رفيق مؤيد ..........

[omar1964]

مساء الخير
أنا مستنى حصتي من أبو حكيم الدين ...
إما على قصة الآنسة يلي اتصلت أو على قصيدة بليك

لما قرأت القصيدة اليوم و لأول مرة ذكرتني كتير بحالي و أنا طفل
والدي الله يرحمه ربى تسعة غيري
لكن أنا الوحيد يلي كان عندو قناعة انو تربيتي و تقويمي
ما بتصير بدون النربيج ....فخصص شقفة نربيج فاخرة الي بس
و من قبل ما افهم شي بهالدنيا كنت انربط على ريحانتي زيتونة أرض الدار .
و آخد يلي فيه النصيب من النربيج .
الغريب اني لما كبرت شوي و رحت عالجامعة والجيش
اني كمان انا الوحيد يلي ما بيستغنى عني نهائيا ... عطول معو
حتى لما راح عالحج أخدني معو
طبعا منعني من السفر للدراسة او للشغل مع انو كان يشجع الباقيين من اخوتي عالسفر
و الاستقلال بحياتهم بالعمل ...
بعمري ما رديت رد اعتبرتو شوي قاسي عليه غير مرة أو تنتين
مرة منشان الجريدة كانت بربع ليرة... كل يوم كنت اشتري تشرين و لما ما يكون عنا شغل اقراها
و كل يوم كان يقلي تروك الجريدة و التفت للمحل ...!!!
و انا اتركها .., و التفت للمحل
بس مرة وحدة طبقت الجريدة ..
و قلتلو اي شو المحل محطة نووية يعني ..و الله مالي غفلان عن شيء !!
بعد هالكلمة صار اذا شي نهار نسيت الجريدة يذكرني اشتريها .

[abu mhd]

اقتباس: المشاركة الأصلية كتبت بواسطة لقماان    على أساااس عاملي حالك .. من عموم الجماهير الكالحة عفوا الكادحة و كل نهار بتنزلي صورتو للرفيق تشي غيفارة مرة عيونو بالشرء و مرة بالغرب ........... شو شايفك امبريالي رأسمالي رسمي يعني ... عمتكويلي... تيابك عند الكوا ....... ------------------ هللأ بيؤول حفاظا على استمرارية عمل الطبقات البروليتارية هيك عمساوي.. ما بيلبئلك بنوب ...تكون بروليتاري ..يا رفيق مؤيد ..........

اهلا ابو حكيم
انا من طبقة البلوريتاريا الكادحة
وكذلك جاري الكوى
منحن على بعضنا هههههههههههه
هاي الها قصة انوا اول ما تجوزت اختك ام عمر كانت مدللة ببيت اهلها ومالها متعودة على طبقة البلوريتاريا المهم دفعت ثمن تعلمها 2 من اعز قمصاني بظروف غامضة
وعلى اعتباري محاسب مررررررر
قمت ضربت وجمعت وقسمت طلع معي انوا اذا بكوي عند جاري وهو لسه عالتسعيرة القديمة وما بخسر ولا قميص وبوفر بفاتورة الكهربا بيكون المكسب معي
بس للحق انوا كوي اختك ام عمر وبيجي معهم لمسة عناية خاصة بس مالي حابب اخسر قميص جديد بعد ان صار حق القميص نص راتب شهر الا يومين

[عابر مجيب]

كيف تشل المتابع
طبعا لو كنت عالما أو حكيما أو مثقفا حقيقيا فلن تحتاج إلى النصيحة ، لأنك لن تحتاج إلى خطة تخدع بها الناس ، فأنت إنسان طبيعي ولن تبحث عن الطرق الملتوية للعيش . ولن تفكر في شل الآخرين (بتجي لحالها) .
نعود إلى صاحبنا المتسرع والذي يفضل المغامرة من أجل ربح سريع وقد يخدمه الحظ في اقتناص الفرصة الأولى ، فبعد أن يقنع أكثرية الموجودين ، تسهل عليه الخطوات القادمة .
أولا عليك بجمع بضع كلمات من عدة كتب ، شريطة فهم الفكرة المحددة التي ركزت عليها ولو بشكل مبدئي .
تبدأ الحديث قائلا :
لا أريد الإطالة عليكم بقصص من التاريخ القديم وصولا إلى يومنا هذا ( ضربة موفقة فأنت واسع المعرفة الموغلة بالقدم )
وتستأنف ، طبعا من خلال مراجعة الطبيعة الانسانية والكتب السماوية ، نجد ان الصراع بين الخير والشر قائم منذ الأزل ( العمى الزلمة مو مخلي شريعة ما بيعرفها ، والكل بيخرس وبيهز براسو تظاهرا بالفهم والمتابعة ، لأ وما أحلاهم يناقشوه ويفضحوا جهلهم امام الآخرين ) بتغمز وبتشير لمزامير داوود ولوكنت بعمرك مو قاريها لا انت ولا حدا من الحضور أصلا ، بس إلها وقع موسيقي رنان .
وبتكمل : كلنا بنعرف الميكافلية ( ناس سمعانين فيها وناس لأ ، بس ما حدا بيحكي ) بتعرفوا أنها بتدعي للهدف والغاية بصرف النظر عن الأسلوب ( هيك بتبين انك فهمان الفكرة وهاضمها وعم تحكي عنها بعباراتك الخاصة ، موتقول انو الغاية تبرر الوسيلة بالأسلوب الجاف المعهود ، وبيكون هاد كل شي بتعرفو أصلا عن الموضوع ، وبتبين قاري كتاب الأمير الممل كلياتو)
لا تنسى ترفع أصبعتن من كل ايد ( السبابة والوسطى ) بين الحين والحين على أساس عم تحشر معلومات بين مزدوجين ، من فيض علمك ومعرفتك الواسعة .
بتبلش بالزهد ، وبتتطرق للصوفية وانتفاء الرغبات الدنيوية ( بتوحي انك قاري موسوعة المثنوي وبكل اجزاءها من الجلدة للجلدة ) وبيكفي تذكر اسم محي الدين ابن عربي ( هاد سهل ما بتنساه بس مو تروح تقول شيخ اللي جنب الجسر الأبيض ، انتبه )
طبعا لازم تحكي عن حواراتك مع ناس بتخترعهم من عقلك ، وبتحكي كيف افحمتهم ، ولا تسهب بالتفاصيل حتى ما تنفقس .
انتهت المقدمة ، هلأ شو ما بدك تبث من اشاعات وكلام فاضي ، الساحة إلك
مو بطال إذا بتعرفلك بيتين شعر طنانين تبلش فيون ، متل لكل أمر إذا ما تم نقصان ......
أهم شي انك بالنهاية تخبر المتابعين انك معتمد مبدأ عدم الحوار والمناقشة ، مولشي لا سمح الله، بس هو عهد قطعته على نفسك لتترك للمتلقي الفرصة للاستنتاج بعيدا عن التأثير على استنتاجاته الشخصية .
مبروك سبقت ساي بابا ، وبدأت بأول السلم للوصول إلى مرتبة الدلاي لاما ، ولا تكلفت لا وقت ولا ثمن كتب ولا بقبقت عيونك بالقراءة.
يوم ما بيخالفك حدا من المثقفين ، مريدينك بيخرسوه يا بيضربوه ، لا تشيل هم ورح تلاقي بينهم ملكيين أكتر من الملك، اللي هوه حضرتك .
نسيت شغلة مهمة ، إذا حدا قاطعك ، عطيه ابتسامة تهكم ، وتفرس بوجوه الحاضرين بمعنى شو بدي قول لهالحمار ، وبتقول بعدها معلش خليني أكمل الفكرة ، بيحمر وشو والكل بيتحول عليه بالنظر وبيقعد متشتش عرق .

[حكيم الزمان]

[حكيم الزمان]

[حكيم الزمان]

حقائق_غريبہ عن مخ الانسان:

1- لا يمكنك دغدغة نفسك لأن المخ يفرق بين لمستك ولمسة الآخرين.

2- من أفضل الطرق لتقوية الذاكرة هى طريقة “الإرتباطات” أى ربط كل معلومة تريد تخزينها فى الذاكرة بحدث معين.

أثناء نومك يقوم المخ بالعمل على تقوية تلك الإرتباطات وبالتالي تقوية ذاكرتك (لذلك ينصحون بمذاكرة الأجزاء الصعبة قبل النوم وقراءتها مرة عند الإستيقاظ).

3- يتوقف مخك عن النمو فى عامك ال 18.

4- المخ نفسه لا يشعر بالألم (لعدم احتوائه على مستقبلات حسية) إذاً ما هذا الصداع الرهيب الذي أشعر به الآن ؟؟؟ أغلب أسباب الصداع تنحصر فى ارتفاع أو انخفاض الضغط فى الأوعية الدموية أو التهابات فى بعض التجاويف مثل الجيوب الأنفية أو التهابات فى بعض أغشية المخ، وكل هذا تشعر معه بألم ولكن أنسجة المخ نفسها لا تشعر بأى ألم.

5- بعض العمليات الجراحية فى المخ تطلب أن يتحدث الدكتور الجراح إلى المريض مباشرةً لذلك يخدر الدكتور الجلد و الجمجمة (فروة الرأس أو Scalp) إلى أن يصل إلى المخ و يتحدث مع المريض كما يحلو له فكما اتفقنا أنسجة المخ لا تحتوي على مستقبلات حسية.

6- إذا أتيحت لأحدهم الفرصة لكي يقوم بإخراج مخك من الجمجمة ونجح في ذلك فستجد عينيك قد خرجت معه، ببساطة لأن العين متصلة إتصال مباشر بحزمة من الألياف العصبية البصرية بفص الدماغ الخاص بمركز الإبصار.

7 - ترمش عين الإنسان الطبيعي 20 ألف رمشة فى اليوم ومع ذلك أثناء عملية الرمش لا تكاد تشعر بأن العالم أصبح سوادًا أمامك ليس فقط لسرعة الرمش ولكن لأن مخك قد حافظ على الإضاءة من حولك لعدة كسور من الثانية حتى لا تتأذى عندما ترمش في كل مرة.

8- يتطلب الضحك أن يعمل 5 مراكز فى المخ مع بعضهم من أجل الشعور بهذا الإحساس.

9- يأخذ مخ المرأة وقت أطول من الرجل في اتخاذ القرارات ولكن من الصعب قليلاً أن يتراجع فى هذا القرار، بينما مخ الرجل يأخذ القرار سريعاً ولكن يمكن التأثير على هذا القرار بسهولة نوعاً ما (عكس الشائع والمعروف تماماً !!!).

10 - نسبة وزن المخ إلى وزن الجسم في الإنسان هى 2% بينما فى الفيل هى 0.15%