صالة أسعار الدولار والذهب مقابل الليرة السورية ليوم الأحد 3-11-2013

[عمار اللامي]

شباب العاصمة نرجو تزويدنا بالأسعار الدقيقة الااااااان

[حمزة أبو أحمد]

بعد إزنكم سؤال ... بالنسبة لاستقبال الحوالات من العراق، شو الطريقة وشو المكاتب اللي شغالة حالياً ... مشكورين

[ابو عمار]

مساء الخير السوق الآن في دمشق 145 شراء 150 بيع

[عابر مجيب]

نزعت صباح صراف
قال ما بياخد اماراتي ، بس دولار
قلتلو الدولار بعتتوعلى لبنان يشترولي ذهب ، وبس يوصل بدي بيعو على دولار 162 حسب التسعيرة ، قللي لبنان معي على الخط 148 السعر ، قلتلو مو دولار بدهم يشترولي ذهب
قال على كل اونصة 10 دولار انت بدك تحملهم ، قلتلو منيح بيصير السعر 160 مو أقل

بالمناسبة قال وين ادنك ؟
وعم احسب وحول وقسم ما سعر الأونصة مبين 213300 وما بدها حسابات .

213300/1315 = سعر دولار الذهب وبيكون 162
ياسيدي وفوقهم 10 دولار
بيصيرو 1325
213300/1325 = 160.98 ليرة للدولار .
مو على اساس الكل ولاد مدارس وبيحسبو .

[حابس جذيان]

غريب امرو لهالدولار ....الشيء المرعب مو معروف سبب الهبوط ويا ترى سبب الهبوط الغير معروف رح يكون سبب للارتفاع في قادم الايام
الرقة الان شراء 147 ..مبيع 148

[أحمد الأحمد]

اقتباس: المشاركة الأصلية كتبت بواسطة eng.mdkh    يعني معقول ما حدى معو عملة سوري الآن ليشتري كميات كبيرة من الدولار معقول حتى المركزي ما معو .... قصدي معقول يللي عم يبيع دولار و يشتري ليرة تكون عم تطلع برات البلد ... و صارت رقبة الليرة بإيد ناس برات البلد ؟؟!!

هو مو معقول بس الظاهر هيك

نفسي اعرف مين عم يطش الدولار بالسوق, وهيك كميات بمئات الآلاف يعني مو سياسة قطيع , كل شي مدروس والو هدف.
انا بتوقع والله اعلم انو المركزي الو علاقة بهالشي , واذا كان تأكد ذلك معناه مسلسل الهبوط رح يضل شغال , وصارت مفاتيح الطلعة والنزلة بايد المركزي .
واذا كان اللي عم يطش الدولار جهة خارجية وهدفها المضاربة بالليرة ممكن بالمستقبل ترفع الدولار كتير,طبعا رح تخسر بهالشي , بس الخسارة مومهمه الها والمهم الهدف .

[eng.mdkh]

اقتباس: المشاركة الأصلية كتبت بواسطة أحمد الأحمد    هو مو معقول بس الظاهر هيك نفسي اعرف مين عم يطش الدولار بالسوق, وهيك كميات بمئات الآلاف يعني مو سياسة قطيع , كل شي مدروس والو هدف. انا بتوقع والله اعلم انو المركزي الو علاقة بهالشي , واذا كان تأكد ذلك معناه مسلسل الهبوط رح يضل شغال , وصارت مفاتيح الطلعة والنزلة بايد المركزي . واذا كان اللي عم يطش الدولار جهة خارجية وهدفها المضاربة بالليرة ممكن بالمستقبل ترفع الدولار كتير,طبعا رح تخسر بهالشي , بس الخسارة مومهمه الها والمهم الهدف .

لكن حط راسك بين هالروس .... و هيا بنا نبيع الدولار و الدهب و ناخد الليرة ..... بس و الله صعبة بلاها خلينا عم نشوف أحسن إن شاء الله

[غلبان]

بيكو في ساحة المحافظة 146.60 148 مع الامتناع قبل قليل عن شراء الدولار

[Professional]

b2b
يعنون اضافاته على غير العادة بـ
عاجل وهام للنشر للتعميم على أوسع نطاق..
هبوط حاد دراماتيكي لسعر الدولار مقابل الليرة

لماذا النشر على أوسع نطاق؟
سؤال بريء

[fearless]

أسعار بعض الخضار و الفواكة في سوق الهال القديم بدمشق (وسطي)

بندورة - خيار - زهرة 125
بطاطا 140 - 150
ملفوف 100
ليمون 65
خس 75
موز 150-160
تفاح 100 - 125
عنب 80
برتقال 60

ماستفدنا من نزلة الدولار غير بالموز