صالة أسعار الدولار والذهب مقابل الليرة السورية ليوم الخميس 19-9-2013

[أبوخالد]

اقتباس: المشاركة الأصلية كتبت بواسطة osama289    بعت سيارتي من فترة بسيطة وقلبت حقها دولار عال 215 ريثما لاقيلي وحدة غيرها المهم كل السيارات غليت بهالفترة شي 200 الف لكل سيارة اما عزيزنا الدولار المغضوب فمعروف شو وضعو

كلها أرزاق ... و عسى لخير

[انس الحموي]

اقتباس: المشاركة الأصلية كتبت بواسطة osama289    سلام اخ انس طول بالك ما بعد الضيق الا الفرج الاخ عابر مجيب ضل صابر شي سنتين عالاسترليني وبعدين مشي حالو وانت الله ييسرلك وينولك اللي ببالك

المشكلة انو كنت فاتح عقود كبيرة كتير والهامش المتوفر يلي بقى صغر كتير والبارحة تم اغلاق جميع الصفقات بسبب نفاذ الهامش ...مشكلة تجارة الفوركس وبالاخص العملات من اخطر انواع التجارات والطمع وعدم الصبر بيودي للتهلكة احيانا,,,من شهر تقريبا صاير مروح ارباح سنة وفوقها خسارة من راس المال يلي داخل فيه ...نصيحة لكل يلي بدو يشتغل بالفوركس الصفقة حرام تكون اكتر من 3% من راس المال ...تخيلوا الجنيه خلال شهر ونص ارتفع قرابة 900 نقطة ...وتخيل انو انت بايع جنيه والنقطة ب3 دولار بتكون خسرت 2700 دولار وتخيل عما تدعم بين كل 50 الى 70 نقطة عملية بيع تانية بتصير خساراتك عالاقل 12 الف دولار ...فما بالك انا كنت داخل النقطة ب 10 دولار وعامل 8 صفقات تدعيم ...فكل ما يطلع نقطه وحده اخسر 80 دولار ....لدرجة كنت بدي بيع احد البيوت يلي بمتلكها منشان دعم الحساب وما يتسكروا الصفقات ,,,بس ربك رحيم انو تسكروا الصفقات قبل ما بيع البيت والا كمان كان راح حق البيت انا اسامة ما بزعل بنوب ومتعود بس زعلت او تضايقت حط راسي ونام وبس فقت بنسى كلشي صار وهي اكبر نعمه من رب العالمين ...نعمة النسيان ...

[kloush]

اقتباس: المشاركة الأصلية كتبت بواسطة انس بكور    المشكلة انو كنت فاتح عقود كبيرة كتير والهامش المتوفر يلي بقى صغر كتير والبارحة تم اغلاق جميع الصفقات بسبب نفاذ الهامش ...مشكلة تجارة الفوركس وبالاخص العملات من اخطر انواع التجارات والطمع وعدم الصبر بيودي للتهلكة احيانا,,,من شهر تقريبا صاير مروح ارباح سنة وفوقها خسارة من راس المال يلي داخل فيه ...نصيحة لكل يلي بدو يشتغل بالفوركس الصفقة حرام تكون اكتر من 3% من راس المال ...تخيلوا الجنيه خلال شهر ونص ارتفع قرابة 900 نقطة ...وتخيل انو انت بايع جنيه والنقطة ب3 دولار بتكون خسرت 2700 دولار وتخيل عما تدعم بين كل 50 الى 70 نقطة عملية بيع تانية بتصير خساراتك عالاقل 12 الف دولار ...فما بالك انا كنت داخل النقطة ب 10 دولار وعامل 8 صفقات تدعيم ...فكل ما يطلع نقطه وحده اخسر 80 دولار ....لدرجة كنت بدي بيع احد البيوت يلي بمتلكها منشان دعم الحساب وما يتسكروا الصفقات ,,,بس ربك رحيم انو تسكروا الصفقات قبل ما بيع البيت والا كمان كان راح حق البيت انا اسامة ما بزعل بنوب ومتعود بس زعلت او تضايقت حط راسي ونام وبس فقت بنسى كلشي صار وهي اكبر نعمه من رب العالمين ...نعمة النسيان ...

نصيحة لا تفتح أي صفقة بأكثر من 2% من
رأس المال و أنسى موضوع تنويع الصفقات
و ركز على نوع واحد أو زوج واحد للفوركس
وأيضا هذا رأي المتواضع لحركة السوق
يستمر مؤشر الدولار بالهبوط رافعا الذهب
و النفط و يحطم اليورو قمما جديدة هكذا
حتى تشرين أول .

[shereen]

اقتباس: المشاركة الأصلية كتبت بواسطة osama289    بعت سيارتي من فترة بسيطة وقلبت حقها دولار عال 215 ريثما لاقيلي وحدة غيرها المهم كل السيارات غليت بهالفترة شي 200 الف لكل سيارة اما عزيزنا الدولار المغضوب فمعروف شو وضعو

لعبة السيارات لعبة تجار وقربت نزلتهم نزلة قوية في تجار اشترو سيارات بتراب المصاري شي بعتوه للبنان وشي لدبي وشي باعوه هون وطلعو قرار منع الاستيراد علما انو من 15/05/2011 مافاتت سيارة جديدة على البلد كلو باع اللي عندو بالصالات والمستودعات بس التجار ناوية تلم سيارات بهالفترة فيا اما بدهم يطلعو قرار باستيراد السيارات المستعملة من 2005 ومافوق وطبعا مالح يطبق او يسمحو استيراد السيارات وكمان مالح حدا يستورد بس مجرد هلااشاعات لح تنزل السيارات بقوة

[golden]

مساء الخير
شباب شو مشان تدخل المركزي
في اشاعة يتدخل الاسبو ع الجاي

[خيرو الشامي]

اقتباس: المشاركة الأصلية كتبت بواسطة kloush    بس رجاء التحديد مين قال لك انو مافي طلب عالذهب ؟

شهادة الزور من الكبائر ....اقول انا شهدت بزرة ذهب كسر الصايغ اتصل بثلاث صياغ من تجار الكسرلم يدفعو له اكثر من 8000 بالغرام كعي يدفعولو كم ليرة زيادة والله يحرم عليهم وخلال حديثه كانو يقولون السوق بارد وما في طلب ومن ثم لحق حالو وباعهم وقلهم انا ثبتت معكم ابعثو لي بالنقود قالولو انته بدك تجي تقبض .... يعني بالزور اشترو ولو كان في سوق كانو بيعطوه مثلا 8025 ما حلم ب25ليرة ذيادة

[خيرو الشامي]

اقتباس: المشاركة الأصلية كتبت بواسطة aymtal    يرجى تحديث السعر في الاعلى لان سعر 214 غير موجود باي محافظة

والله اليوم سعر المنتدى بوادي والسوق بالشام بوادي تاني.....ارجو من الاخوة اذا حدا شهد حدا اشترىب214ان يشهد لنا بذلك.............ونحن لن نعلق علية بحرف.....ونقول له شكرا

[خيرو الشامي]

اقتباس: المشاركة الأصلية كتبت بواسطة mak    جواب:......انت شو رأيك؟.....

انا رايي ان السعر يمكن للمحافظات يلي دائما اغلى من دمشق بس تقولو بالشام ما بتظبط منوب

[روميو]

اقتباس: المشاركة الأصلية كتبت بواسطة خيرو الشامي    والله اليوم سعر المنتدى بوادي والسوق بالشام بوادي تاني.....ارجو من الاخوة اذا حدا شهد حدا اشترىب214ان يشهد لنا بذلك.............ونحن لن نعلق علية بحرف.....ونقول له شكرا

السلام عليكم
اخي انا من حمص اليوم شي الساعة 7 المسا حكيت مع الشخص اللي بجيب من عندو دائما قلي المبيع ب 215 مع العلم مبارح كان 208

[shereen]

اقتباس: المشاركة الأصلية كتبت بواسطة خيرو الشامي    انا رايي ان السعر يمكن للمحافظات يلي دائما اغلى من دمشق بس تقولو بالشام ما بتظبط منوب

اخي انت شو السبب انك خايف يطلع السعر ياريت توضحلنا