صالة أسعار صرف الدولار والذهب وباقي العملات مقابل الليرة السورية السبت 14-9-2013

[عابر مجيب]

اقتباس: المشاركة الأصلية كتبت بواسطة الليرة السورية    بس هيك يا استاذ صار كلام تاني انا حسب ما فهمت انو النصائح هون منشان الادخار و ليس المضاربة هيك صار الكلام مضاربة و المضاربة اذا نفعت شخص " كمواطن رح تكون بالصدفة " بس رح تضر اشخاص و اذا كان متمرس فهاد ما بيهمو " لى قولتكن " لا امو ولا ابوه ولا البلد انا حسب فهمي البسيط الشراء للادخار بيكون عند اي نقطة مقتنع المدخر انها مناسبة للمحافظة على قيمة شراء العملة يلي معو و بينام عليها طلوع نزول بسعر الصرف ما بيهمو المهم بيبيع حسب شو بيصرف فقط بدون ما يضل يقلب راس المال لان بالاساس بيكون مقتنع انو يحافظ على القيمة الشرائية مو يزيد راس المال او يجني ارباح هيك وللا انا غلطان ؟

لأ غلطان
لأنو اللي عم يحكي عن ارتفاع سعر الذهب بهالمقدار عم يحكي عن سنة أو أكتر ، ومارح يبيع تاني يوم
ولا انا قلت يبيع عند ارتفاع السعر للدولار وممكن يستنى للـ350 مثلا أوربما أكثر
شو الضرر إذا تم الادخار لمادة رابحة وإذا اشتراها بسعر رخيص ؟
أنا ما بحب المضاربة وبتمنى المضارب يخسر ، ولو سأل عن المضاربة ، مارح انصحو بس ما رح احكي غلط
خلي نظرتك عادلة ولا تبني على تصورات .

[jamal80]

اقتباس: المشاركة الأصلية كتبت بواسطة shereen    صديق الاستاذ عابر باع ب 210 وصديقتي باعت 1500 دولار من شوي على 213

ياريت تخبرينا و ين هاد السعر
عندي 3000 ما حدا عطاني اكتر من 207

[عابر مجيب]

اقتباس: المشاركة الأصلية كتبت بواسطة سكلموز افندي    بالزمنات كنت اتصل بتنين تلاته وقت بدي اشتري او بيع دولار و ثبت عند واحد أما هلا كلون انقشو و يلي نفد ما عم يرضى يعطي سعر او يثبت و الصرافين الصغار شغال الشلف عندهم بيزودو بين ال 4 ليرات لل 7 ليرات على السعر النظامي... السؤال برسم الجهات المختصة :: شو استفدتو ؟؟ نزلتو الدولار شي ؟؟ خليتو الناس تروح تبيع بالشركات النظامية على سعركم ؟؟ منعتو العالم تسعر بالدولار ؟؟ أفيدونا !!!

تم تحديد وكلاء حصريون ، وتم تحصينهم واطلاق يدهم .

[عابر مجيب]

اقتباس: المشاركة الأصلية كتبت بواسطة زلاتان    الدولار في الطريق إلى 190 ليرة... في عز سيناريو الكيماوي والضربة: الحكومة تمنع تراجعاً غير مقبول لليرة 13/09/2013 مصرفي لبناني : يلقن رجال أعمال سورين درسا في حب الليرة دمشق - سيرياستيبس قالت مصادر مصرفية : أنّ دولار السوداء في طريقه للمزيد من الانخفاض متوقعا عودته الى مستوى 190 ليرة قريبا جدا على أنّ المخطط له فعليا هو تخفيضه الى مستوى 150 ليرة خلال الفترة القادمة مشيرةً : إلى تقبل الناس وثقتهم بانخفاضه واقتناعهم بالقدرة على لجمه أكثر من أي مرّة بدليل عدم وجود مقاومة من قبل الصرافة والمتلاعبين الطبيعيين الذين أضعفته إجراءات الحكومة التي ركزت على تضييق الخناق عليهم ورأت المصادر أنّ إقبال المستحوذين على الدولار على بيع ما لديهم من قطع ابتاعوه بسعر رخيص في السابق لتحقيق الأرباح أو ابتاعوه بسعر غال وقرروا التخلي عنه تجنبا للخسائر كانت هي الأعلى خلال هذه الفترة و أكثر من أي مرّة سابقة يشهد الدّولار فيها انخفاضا وهذا بحد ذاته ساعد في انخفاض سعر صرف الدولار أمام الليرة المصادر توقعت مزيداً من التحسن العام في موضوع تداول القطع إذا ما نجحت خطوات التصحيح التي تشهدها عملية تمويل المستوردات باتجاه تقديم الأولويات من جهة و مراقبة إتمام عمليات الاستيراد التي تشهد حاليا نشاطا كبيرا بعد أن تم كشف قائمة تطول من رجال الأعمال والشركات والمستوردين الذين فضلوا سرقة القطع والمتاجرة به مقابل بيانات استيراد وهمية في كل الأحوال نجحت الحكومة في منع تدهور غير مقبول في الليرة فامتصت محاولات رفع سعر الصرف الذي لم يتجاوز ال 260 ليرة في عز سيناريو الكيماوي وهو سعر طبيعي جدا أن تصل اليه الليرة في بلد تهدده أقوى دولة في العالم بضربة عسكرية بل إن التراجع في سعر الصرف بدأ فعليا قبل إعلان الاتفاق في موسكو على موضوع الأسلحة الكيماوية هامش : لم تكن معنويات الناس مرتفعة بشأن تراجع سعر صرف الدولار وقدرة الدولة على تحسين وضع الليرة كما كانت خلال فترة التهديد بالضربة العسكرية حيث بدا واضحا أنّ قدرة الصرافة ومن يساندهم كانت محدودة جدا هامش ثانٍ : نتمنى أن تبقي الحكومة على قبضتها الحديدة اتجاه الصرافة لأنّهم لن يوفروا فرصة للتلاعب بالليرة هامش أخير : مصرفي لبناني معروف كان في جلسة مع رجال أعمال سوريين في بيروت استاء من إصرار رجال الاعمال على أنّ الليرة ذاهبة إلى مصير الليرة اللبنانية فصرخ في وجههم قائلا : دولار يكسب ستين ليرة ثم يخسرها في بلد تهدده الولايات المتحدة بضربة عسكرية بينما الإرهاب يغلب على معارضته يستدعي التفكير بوضعه وليس بوضع الليرة والحديث نقله لنا أحد الحاضرين للجلسة التي كان المصرفي اللبناني أكثر حماسة لليرة السورية من رجال الأعمال السوريين الجالسين وجميعهم جمعوا أموالهم بدعم من النظام وهربوها عند أول مفرق؟

هذا دأب اللبنانيين ، ليش ما يروح يدعم ليرتو مو كان أحسن ما يتبروظ علينا
عيب ، ولا بلاها ما بيعرفوا العيب
بعدين وقت بتعاتبو وبتقلع عينو ، وبتفهمو شو يعني ميزان تجاري ، ما يخجل وبيقلك كنت عم فنص !

[ghasangsb]

اقتباس: المشاركة الأصلية كتبت بواسطة nido    يا جماعه لا حدا يضحك عليي ... بس جد نكشت المنتدى و قلبتو فوقاني تحتاني و ما عرفت كيف بدي فعل زر الشكر حدا يساعدنيbig grin

بكير عليك ليش مستعجل لاتنسى بالتأني السلامة
مع جزيل الشكر

[سكلموز افندي]

اقتباس: المشاركة الأصلية كتبت بواسطة عابر مجيب    تم تحديد وكلاء حصريون ، وتم تحصينهم واطلاق يدهم .

قولتك على مبدأ ضخ دماء جديدة .... الظاهر انو الشعار و الفؤاد و و و و و ... اتنمردو و لازم يربو الجدد بالقدما

[عابر مجيب]

اقتباس: المشاركة الأصلية كتبت بواسطة jamal80    ياريت تخبرينا و ين هاد السعر عندي 3000 ما حدا عطاني اكتر من 207

لكل مجتهد نصيب ، والكل بيعرف ان في اسرار ممكن تضر .
ثق صديقي نفسه ما سألته وين ، وقت بدي بقلو إذا سمحت مرقلي هالمبلغ .
هيك أصول السوق ، ولذلك بقي شوية صرافين بالرغم من كل هالمخاطر بيحترمونا وبنحترمهم .

[خيرو الشامي]

دمشق الساعة السابعة205........................210
منذ ساعتين شقيع حويص اشترى 4000بسعر212 زبونو خاوز معو الان باعهم207

[ghasangsb]

اقتباس: المشاركة الأصلية كتبت بواسطة عابر مجيب    لكل مجتهد نصيب ، والكل بيعرف ان في اسرار ممكن تضر . ثق صديقي نفسه ما سألته وين ، وقت بدي بقلو إذا سمحت مرقلي هالمبلغ . هيك أصول السوق ، ولذلك بقي شوية صرافين بالرغم من كل هالمخاطر بيحترمونا وبنحترمهم .

شكر خاص للأخ عابر

[ابن الجبل]

اقتباس: المشاركة الأصلية كتبت بواسطة shereen    صباح الخير اخي عابر كل ماحللك شكر بتطلعلي هالعبارات , لا تملك تصريح بدخول هذه الصفحة. قد يكون هذا أحد الأسباب التالية وربما بسبب آخر: حسابك قد لا يكون فيه إمتيازات كافية لدخول هذه الصفحة. هل تحاول تعديل رسالة عضو آخر, دخول ميزات إدارية أو نظام متميز آخر؟ إذا كنت تحاول المشاركة, ربما قامت الإدارة بحظر حسابك, أو لا يزال حسابك بإنتظار موافقة الإدارة. الخروج من المنتدى الصفحة الرئيسية

امر عادي عادة يظهر عند وجود محاولة للهجوم على الموقع او الضغط كثير ما كانت تطلعلي وقت ما حجبوا الموقع
على كل شيء بصير