صالة سعر صرف الدولار بالسوق السوداء 27-6-2013

[محمد عامر النجار]

اقتباس: المشاركة الأصلية كتبت بواسطة abd73fr    ممكن لأنهم معارف عرضو عليك سعر 200 وهذا أفضل لهم من أن يبيعوه لصراف ما بأقل من ذلك.. وصباح الخير لك ولباقي أعضاء المنتدى

صحيح مبارح كان صاحب الشغل مضطر على 400 سألتلو واحد بالمرجة قال على 108 وكان عم ياخد على 195 المشكلة بعرف انو حرامي بس ما حدا غيرو رد واليوم كانت اختي بدها تصرف 1800 اماراتي بعد ما اجت بالسلامة يوم الاثنين سالتو قال 25'53 وسمعتو عم يضرب على 195 سالت واحد ثاني قال على 54 وسمعتو عم يضرب ب 200 بس شلون حسبوها ما فهمت
ممكن اللي بيعرف شو الأرقام اللي بنضرب الدولار فيها لنعرف قيمة مختلف العملات لانو كان في شاشة صغيرة بالصفحة الرئيسية تحت اسعار الدهب واليورو و المركزي تخدمنا بهالموضوع بس راحت وشكراً

[أبوقصي]

مسا الورد

[محمد عامر النجار]

اقتباس: المشاركة الأصلية كتبت بواسطة yousif974    الأخوة المقيمين في السعودية اللي تكلموا عن التحويل إلى سوريا بسعر 51.5 أرجو تزويدي بالجهة التي تحول لسوريا لأني بعرف أشخاص بياخدو عمولة كبيرة للتحويل أرجو المساعدة و جزاكم الله خيرا

أنا ما بعرف بصراحة بس اذا نازل على سوريا توكل على الله و جيبهم معك وتحصن بالأوراد و خبيهم منيح بتصرفهم هون احسن و بتوفر اجور التحويل
اختي نزلت من الامارات من يومين عن طريق لبنان ومعها مبالغ كبيرة من ناس هناك لأقاربهم و الحمد لله وصلت على خير و عم توصل الأمانات شوي شوي *

[الدولار الادلبي]

اقتباس: المشاركة الأصلية كتبت بواسطة yousif974    شو يا جماعة ما حدا جاوبني عن التحويل من السعودية لسوريا و على ادلب خصوصي أرجو المساعدة

راسلني عالخاص عن المبلغ الذي تريد تحويله وسأساعدك ان شاء الله أنا موجود في ادلب

[النسر]

السلام عليكم
السعر بحمص
شراء200 /201
مبيع 205

[ابو الحسن عمر]

اقتباس: المشاركة الأصلية كتبت بواسطة محمد عامر النجار    صحيح مبارح كان صاحب الشغل مضطر على 400 سألتلو واحد بالمرجة قال على 108 وكان عم ياخد على 195 المشكلة بعرف انو حرامي بس ما حدا غيرو رد واليوم كانت اختي بدها تصرف 1800 اماراتي بعد ما اجت بالسلامة يوم الاثنين سالتو قال 25'53 وسمعتو عم يضرب على 195 سالت واحد ثاني قال على 54 وسمعتو عم يضرب ب 200 بس شلون حسبوها ما فهمت ممكن اللي بيعرف شو الأرقام اللي بنضرب الدولار فيها لنعرف قيمة مختلف العملات لانو كان في شاشة صغيرة بالصفحة الرئيسية تحت اسعار الدهب واليورو و المركزي تخدمنا بهالموضوع بس راحت وشكراً

اخي الكريم بتقسم سعر الدولار عنا على 3.67 غالبا حسب مؤشر سعر العملة قياسا ع الدولار

على سبيل المثال الريال السعودي بنقسم سعر دولارنا على 3.75 بيطلع معنا السعر

[عابر مجيب]

اقتباس: المشاركة الأصلية كتبت بواسطة nadeemscs    انا بالدمام ونازل بعد 3 اسابيع فتنصحوني احول من هون ولا اجيب وصرف بالبلد لانو ماعند نعرف الامور كيف صارت

حول المصاري أفضل أكيد ، حتى لو بتخسر بالسعر بس استلم ريال بسوريا أو حدا يستلملك المبلغ ويحول لريال فورا .لأنو موسم السفر قريب للعمرة وبيصير طلب على الريال ، شهرين وبيقرب الحج ، ممكن ما يتوفر حج نظامي بس في ناس بيضلوا يحوصوا وإلا مايسافروا . ممكن تحول لدولار ، لأن في ناس رايحين على العمرة بمصر وتركيا هههههههههههه . فهمت ولا حاكيك بالمشرمحي ؟
خلي معك بس المبلغ اللازم لمصاريف السفر
ممكن حمل مصاري يعرضك لسرقة أو خطف ، إذا بعرف موعد الرحلة، أنا بجي بخطفك تكرم ههههه
بعتلي الموعد على الخاص حتى ما يآجرو معي الشباب ، انا بتركلك شوي ، وإذا ما قاومت ما بئزيك ههههههههههههه
توصل بالسلامة ، موفق .

[البحر الهائج]

كأنو نحنا بفترة هدوء ماقبل العاصفة واللي بظن رح تبلش عأول الشهر
مسالخير للجميع

[النسر]

الحلقي: اقتصادنا يتكيف مع الأزمة وبدأنا صرف مخزون الطحين الاستراتيجي

الاخبار المحلية

قال رئيس مجلس الوزراء وائل الحلقي يوم الاربعاء إن الاقتصاد السوري يكيف نفسه مع تعقيدات الازمة التي تشهدها البلاد معتبرا أن إجراءات الحكومة "عززت ثقة المواطن بالاقتصاد الوطني".



واضاف الحلقي في جلسة لمجلس الشعب أن الحكومة بدات بصرف المخزون الاستراتيجي من الطحين لتغطية نقص ناتج عن تضرر اربعة مطاحن في ريف دمشق قبل اسبوع.

واعتبر رئيس الوزراء ان الليرة السورية مستهدفة اليوم من خلال ضخ مالي وإعلامي غير مسبوق , وأن الحكومة اتخذت إجراءات لتعزيز ثقة المواطن بها.

ويتفاوت سعر صرف الليرة السورية أمام الدولار من ساعة لأخرى صعودا وهبوطا، إلا انه يتراوح إجمالا حول 200 ليرة سورية للدولار الواحد، بعد ان كان 48 ليرة للدولار قبل الأزمة.

وفي القطاع الصحي، قال الحلقي إن أعمال العنف أدت إلى خروج 32 معمل أدوية و36 مشفى من الخدمة.

وفي سياق آخر، كشف الحلقي أن "لجنة إعادة الإعمار صرفت نحو 7ر4 مليار ليرة لتعويض المواطنين المتضررين من أصل 9 مليارات ليرة تم تقييمها وإقرارها من قبل اللجنة لعام 2013 كما تم الطلب من وزارة المالية صرف 3 مليارات ليرة أخرى لتشمل جميع المتضررين" من الأزمة.

وأشار رئيس مجلس الوزراء إلى نية الحكومة إصدار تشريع لمحاسبة المتلاعبين بأسعار السلع والمتاجرين بلقمة عيش المواطنين إضافة إلى الطلب من وزارة التجارة الداخلية وحماية المستهلك زيادة عدد المراقبين التموينين.

سيريانيوز


بس اكيد اللجنة ما فاتت على المناطق التي من المقرر زراعتها بطاطا

[RAFEK]

اقتباس: المشاركة الأصلية كتبت بواسطة seraj    تضرر كميات كبيرة من الغذائيات في ثلاجات السوريين نتيجة الانقطاع الطويل للكهرباء تاريخ المقال: 2013-06-27 الاقتصادي – خاص: أفاد العديد من المواطنين السوريين عن تضرر الأطعمة الموجودة في ثلاجاتهم نتيجة انقطاع الكهرباء المستمر في دمشق وريفها ومحافظات أخرى ليومين متتالين، معبرين عن تخوفهم من تضرر جزء كبير من "المونة" المفرزة، خاصة في ظل ارتفاع الأسعار الكبير التي تشهده البلاد. وقال مواطنون لـ"الاقتصادي" إنهم: "خسروا خلال انقطاع الكهرباء التي شهدتها مناطق في البلاد لمدة يومين متتاليين بقيمة 12إلى 13 ألف ليرة سورية"، مبينين أنه "من ضمن المواد التي فسدت في الثلاجة لحوم وخضار واللبنة وغيرها". وأشارت إحدى المواطنات إلى أن "توقيت انقطاع الكهرباء الذي أثر على المواد الغذائية الموجودة في الثلاجة، جاء في فترة صعبة جدا بالنسبة للمواطن السوري، خاصة مع ارتفاع غير مسبوق للمواد في الأسواق وخاصة اللحوم". ودفع قرار منع القطاع الخاص من الاستيراد والعودة عنه كثير من المواطنين إلى التهافت على الأسواق لشراء كميات كبيرة من الغذائيات وتخزينها خشية من ندره السلع في الأسواق، بعدما حذر تجار من نقص السلع بسبب منع الاستيراد. وكان وزير الكهرباء عماد خميس أفاد أمس الأربعاء، أنه تم الاعتداء على خطوط وأنابيب الغاز والفيول التي تغذي محطات توليد الطاقة الكهربائية في المنطقة الجنوبية"، مشيرا إلى أن الاعتداء أدى إلى انقطاع التيار الكهربائي عن أجزاء من محافظات درعا والسويداء والقنيطرة ودمشق وريفها. يشار إلى أن سورية تشهد انقطاعات للتيار الكهربائي بشكل دائم نتيجة التقنين التي تتبعه الحكومة السورية، لكن أحيانا في بعض المناطق يستمر الانقطاع يوم أو يومين أو أكثر نتيجة الاعتداءات على الخطوط التي تغذي المناطق بالكهرباء، بحسب تقارير رسمية.

يا سبحان الله
الكهرباء صرلها 3 ايام عنا بمنطقتنا بتقع وبتجي بنفس الوقت
من الساعة 9 مساءاً إلى الساعة 8 صباحاً
ومن الساعة 10 صباحاً إلى الساعة 7 مساءاً
يعني كلشي عنا مختلف حتى العصابات الارهابية
بتخرب الخطوط يومياً وبنفس الوقت
ويتم الاصلاح ايضاً بنفس الوقت
يا سبحان الله عيش كتير بتشوف كتير
مع اني صغير مو كبير كل عمري 28 سنة
ويستمر مسلسل الاستغباء