سعر صرف الليرة مقابل الدولار 17-6-2012 في السوق السوداء

[samer11]

اقتباس: المشاركة الأصلية كتبت بواسطة salam l    معلومة عامة هلق اتصلت بالويسترن يونيون لساتهن عم يحولوا مصاري لسورية.... والقبض بيكون حصرا بالليرة او بالدولار... اذا الحوالة كانت بأي عملة هنن بيحولوها للدولار وفق سعر يورو دولار العالمي.... مو كل المراكز بتسلم الحوالات دولار فلازم يسأل الشخص ويتأكد تكاليف الارسال واضح انها عالية ... وبتتحدد من بلد المرسل بس مثلا لو حدا من سورية بده يبعت 1000 يورو بيكلفه رسم التحويل 52 يورو....

اضافة بسيطه
كل ما بيكبر المبلغ تنخفض العمولة

[Eng. Hassan]

خبراء فلكيون : الحرارة ستتجاوز 70 درجة في دول الخليج و 50 درجة في دول بلاد الشام والعراق ومصر من الفترة مابين تموز و اب !!





من مدة الأسبوعين وإلى يومنا هذا أطلق عدد من الخبراء الفلكييون وعدد من العلماء توقعات صادمة ونتأمل أن لا تحدث فعلاً وهي أن الحرارة ستتجاوز في السعودية وعدد من دول الخليج الـ 70 درجة وستؤثر هذه الأجوار على مناطق بلاد الشام والعراق ومصر ومتوقع أن تصل في هذه المناطق لـ 50 درجة !!

وقد عزا خبراء الفلك أولاً بسبب التغيرات الضخمة بالطقس وثانياً بسبب تربع الشمس في أعلى نقطة لها وتبدأ تنفث الحرارة من جوفها وتشع الأرض بخارها .

وذكر خبير فلكي بأن هذا العام يعتبر من السنوات الحارة والتي ستشهد صيفاً مرهقا خلال الـ 60 يوما المقبلة،متوقعا أن"تتجاوز فيه الحرارة 50 درجة مئوية في الظل، وتتجاوز 70 درجة مئوية تحت أشعة الشمس المباشرة على الأسطح البيضاء ورمال الصحراء وتصل إلى أكثر من ذلك على الأسطح السوداء والجبال الصلداء، فيما ستكون درجات الحرارة بين 50 إلى 60 درجة على وجه الأرض "بحسب طبيعتها !!

علماً أن بعض من هذا الكلام تحقق اليوم وليس في تموز و اب المقبل حيث سجلت اليوم محافظة الرقة في سوريا درجة حرارة قياسية جديدة في هذا الشهر وتسجل لأول مرة في تاريخ السجلات المناخية حيث وصلت لـ 49 درجة !!

[عابر مجيب]

اقتباس: المشاركة الأصلية كتبت بواسطة Salam L    انا هاد السؤال خطر ببالي بعد ماعرفت انه البنك بيسلمني يورو... انو اساسا الشخص اللي بده يبعت كيف بده يبعت على بنك سوري وفي عقوبات؟؟ وحتى لو البركة بيقدر يسلمني ياهن بشي طريقة... نفس الفلم كيف حدا برا بده يبعت على البركة؟

مساء الخير
اليوم كنت مشغول وما دخلت على هالصفحة ، بلشت التصفح السريع واستوقفني سؤالك فلا بد انه مستعجل .
البنك ممكن يعطي عنوان الرئيسي بالبحرين وهوه بيتصرف
بس افتحي حساب بدمشق ، واتمتعي بالذوق العالي والخدمة الممتازة . بيعطوكي العنوان مطبوع على ورقة بتبعتي المعلومات للمرسل والعمولة إلي .

[mak]

اقتباس:
المشاركة الأصلية كتبت بواسطة Salam L







انا هاد السؤال خطر ببالي بعد ماعرفت انه البنك بيسلمني يورو...

انو اساسا الشخص اللي بده يبعت كيف بده يبعت على بنك سوري وفي عقوبات؟؟

وحتى لو البركة بيقدر يسلمني ياهن بشي طريقة... نفس الفلم كيف حدا برا بده يبعت على البركة؟

اقتباس: المشاركة الأصلية كتبت بواسطة عابر مجيب    مساء الخير اليوم كنت مشغول وما دخلت على هالصفحة ، بلشت التصفح السريع واستوقفني سؤالك فلا بد انه مستعجل . البنك ممكن يعطي عنوان الرئيسي بالبحرين وهوه بيتصرف بس افتحي حساب بدمشق ، واتمتعي بالذوق العالي والخدمة الممتازة . بيعطوكي العنوان مطبوع على ورقة بتبعتي المعلومات للمرسل والعمولة إلي .

صرلي أكتر من مرة عم حاول حط نفس المعلومة ...بس شكرا للنت ..كل شوي مدري شو يصرلها...بتوقف و نطور لترجع...على كلن حكيك مظبوط ...بيعطوك عنوان التحويل بالبحرين...بس بيأكدو على شغلة انو تذكر سبب التحويل...انا ما جربت مشان هيك ما بعرف شو قصدهن بهاد السبب .....بس هاد من أجل القوانين السورية حسب مو ذاكرين...وما بعرف اديش النشبة يللي بياخدوها

[Ahmad Hamdi AlSharif]

سعر صرف ال$ أمام الليرة السورية بالسوق السوداء
شراء 69.20
بيع 69.40-69.50
سعر صرف ال$ أمام الليرة السورية حسب المركزي+هوية
شراء 68.5
بيع 68.75
المحافظة : دمشق - هذه الاسعار بقيت ثابته طوال اليوم ولم تتغير يعني هو سعر الافتتاح وهو سعر الاغلاق تحياتي للجميع

[Ahmad Hamdi AlSharif]

ملاحظة ولكنها جاءت متأخرة للأسف وهو ان الصرافة اليوم حاولوا استغلال انتخابات اليونان و أصبحوا يشترون اليورو ب85 ليرة ويبيعون ب87.5 واذا طلبت تبيعهم على سعر المركزي بيقولوك مامعهم مصاري سوري واذا طلبت تشتري يورو على سعر المركزي بيقولوا كمان ماعندهم يورو يعني هدفي من هذا الكلام هو الانتباه لهذه الامور وعدم الوقوع فيها

[f.fatina]

اقتباس: المشاركة الأصلية كتبت بواسطة salam l    نصيحة خدي فورا احسن راوتر بتلاقيه.. ويكون بيغطي مساحة كبييرة... لانو وقت يكتبوا المساحة بمواصفات الراوتر بيحسبوا انو هو بمركز دائرة وبدون اي عوائق متل الحيطان والابواب... انا هلق مضطرة غير الراوتر مشان هالقصة

شكراً لنصيحك أنسة سلام

[سندباد]

اقتباس: المشاركة الأصلية كتبت بواسطة f.fatina    إي والله هلأ عم شكل لجنة لدراسة الموضوع (شو الحكومة أحسن مني؟) طلع بدي شي 6000 بين راوتر واشتراك مشان هيك أجلتا لأول الشهر ههههههههههههه

صحيح ذكرتيني الشركات الخاصة بياخدو رسوم زيادة على 190 ....1500-2000 ليرة

بل 190 بتكلفك خالصة 3000 ليرة عبارة عن مودم ب 2800 و رسوم حوالي 300 ليرة...لذلك اذا ناوية تشتركي بنصحك متل ما قالت الاخت سلام انو تشتري المودم من اليوم خوفا من غلاء الدولار في المستقبل....

[سندباد]

اقتباس: المشاركة الأصلية كتبت بواسطة salam l    نصيحة خدي فورا احسن راوتر بتلاقيه.. ويكون بيغطي مساحة كبييرة... لانو وقت يكتبوا المساحة بمواصفات الراوتر بيحسبوا انو هو بمركز دائرة وبدون اي عوائق متل الحيطان والابواب... انا هلق مضطرة غير الراوتر مشان هالقصة

اختي سلام بطرح عليك احتمال بجوز يكون حل لمشكلتك

انو في احتمال يكون مستقبل الوايرلس بجهازك يكون ضعيف

هاد شي صار معي... اختي عندها جهاز لاب توب شاريتو جديد على مسافة 12 متر لقط الموديم علما انو كان في جدار وباب بينوا وبين الراوتر

بيمنا جهازي مالقط اشارة كونوا قديم ...

ففي احتمال اذا حدثت الوايرلس تبع جهاز بمستقبل احدث يمكن يلقط الراوتر بدون ما تغيره

[سندباد]

اقتباس: المشاركة الأصلية كتبت بواسطة عابر مجيب    مساء الخير اليوم كنت مشغول وما دخلت على هالصفحة ، بلشت التصفح السريع واستوقفني سؤالك فلا بد انه مستعجل . البنك ممكن يعطي عنوان الرئيسي بالبحرين وهوه بيتصرف بس افتحي حساب بدمشق ، واتمتعي بالذوق العالي والخدمة الممتازة . بيعطوكي العنوان مطبوع على ورقة بتبعتي المعلومات للمرسل والعمولة إلي .

اخي عابر تحياتي الك

وشكرا لمعلوماتك القيمة

ممكن تذكرلنا اذا في طرق ممكن لشخص هون يحول لبرات البلد ((لا سمح الله ادهورت الامور عنا بشكل سريع ووصل البل لدقنا وصار فينا متل حمص العدية وغير من المناطق الله لا يقدر))