سعر صرف الدولار واليورو 8-4-2012 بالسوق السوداء

[Bader Halab]

اقتباس: المشاركة الأصلية كتبت بواسطة مجرد إنسان    صحيح !! لانو فتحو تصدير الذهب عينك عينك .. كان يطلع تهريب ،هلأ رح يصير يطلع بموافقة النظام بناء على القرار الجديد الذي وضعه اخونا محمد صابوني ! وخلي الليرة توقف على رجليها بعد ما يخلص الذهب الموجود بسوريا من المفارقات : انه واثناء الحصار على العراق : كان العراقيون يبيعون الخروف ب 1 غرام ذهب، :كان سعر الاونصة العالمي 200 دولار وسعر الدولار 50 ليرة .. أما السوريون فهم يبيعون ذهبهم ليحصلوا على الليرة السورية لنشوف مين رح يطلع اشطر ،ههههههههه

كني ما قريت الخبر منيح؟ سمحوا بتصدير مالا يزيد عن 10 كيلو من الذهب المصاغ بشرط اعادة نفس الكمية المصدرة على نفقة الصايغ
يعني اللي بدو يطالع 5 كيلو عيار 24 بدو بجيب 5 كيلو ويدخلا لسورية.

[shereen]

قال رئيس جمعية الصاغة "جورج صارجي " إن وزارة الاقتصاد أصدرت قراراً قبل أيام أتاحت بموجبه للصاغة السوريين بإخراج الذهب المصنع محلياً بهدف بيعه خلال مشاركتهم في المعارض الخارجية الإقليمية والعالمية ،على أن يعيد الكمية نفسها من الذهب الخام.
وبحسب صحيفة "الوطن " ، أوضح "صارجي " أن الصائغ الذي يقوم بإخراج 10 كغ من الذهب المصنع بعيار 18 قيراطاً عليه إحضار 7.5 كغ من الذهب الخام لأنهما متساويان في القيمة، و إن 750 غرام من الذهب الخام تعادل 1000 غرام من الذهب المصنع بعيار 18 قيراطاً لأن 250 غراماً منها شوائب.
واستدرك رئيس جمعية الصاغة: " في هذا القرار الكثير من الغموض لأنه تضمن الإشارة إلى العديد من البنود الجمركية التي يشترط تنفيذها "، مبيناً أن هناك قرارات من هذا النوع صدرت في السابق وتضمنت إشارة لبعض البنود الجمركية ليتبين فيما بعد أنها اشترطت دفع رسوم جمركية وضرائب وغيرها تصل قيمتها إلى ما نسبته 81% من قيمة الذهب الخام المستورد.
وأشار "صارجي" إلى أن القرار الجديد ينص على قيام الصائغ بتعهد قطع في المصرف المركزي على البضاعة التي يقوم بإخراجها، ويترك المجال مفتوحاً أمام الصائغ باستيراد الذهب الخام المنصوص عليه في القرار خلال أسبوع من عودة الصائغ من المعرض خارج سوريا.
وبين أن القرار مفيد جداً في المستقبل وعلى المدى البعيد، معتبراً أنه إذا كانت البضاعة المسموح باستيرادها معفاة من الرسوم الجمركية فإن القرار سيكون من أفضل القرارات التي صدرت لمصلحة جميع الصاغة السوريين ولاقتصاد البلد أيضاً.
وقال "صارجي" : " إذا كانت هناك ضريبة مالية على هذا الذهب فإن القرار سيكون عديم الفائدة ، إذ إنه من غير المعقول بيع بضاعة بقيمة 100 ل.س على سبيل المثال وإعادة مثيلتها ولكن بسعر 200 ل.س".
وسجل غرام الذهب 21 قيراطاً منذ الخميس الماضي سعر 3350 ل.س، ولم يتم تحديد تسعيرة جديدة له بسبب الأعياد.
وتوقع "صارجي" أن يكون هناك ارتفاعات جديدة في أسعاره في البورصات العالمية مع بداية الأسبوع الحالي وبما يعادل 50 دولاراً للأونصة الواحدة.
وتوقع "صارجي" استمرار هبوط سعر صرف الدولار ليصل إلى 65 ل.س مقابل الدولار الواحد مع نهاية نيسان الجاري، مبيناً أن هناك عرضاً أكثر من الطلب بكثير على عكس الفترة الماضية، ومن تخلص من الليرة السورية في الأشهر الماضية منذ بداية الأزمة واستبدلها بالدولار أصبح الآن يتخلص من الدولار مقابل اقتناء ليرات وأونصات الذهب بحسب إمكانياته


معناها لح بنفيق شي يوم ونلاقي الدولار ب 150 او 200 ومالح يضل دهب بالبلد كمان لح بيقولوك الدول النفطية اشترت كل الدهب السوري وهربتو او شو رايكم

[مجرد إنسان]

اقتباس: المشاركة الأصلية كتبت بواسطة bader halab    كني ما قريت الخبر منيح؟ سمحوا بتصدير مالا يزيد عن 10 كيلو من الذهب المصاغ بشرط اعادة نفس الكمية المصدرة على نفقة الصايغ يعني اللي بدو يطالع 5 كيلو عيار 24 بدو بجيب 5 كيلو ويدخلا لسورية.

لأ ، أريت منيح ، بس انت بتعرف انو التجار بياخدو الفايدة من كل شي ، وقرارات السماح يسهل تنفيذها اما قرارات المنع فلا يمكن للدولة تنفيذها يعني ، رح يلاقو شي ثغرة ، وبكرة بنشوف وبنضحك ، وقد يكون فتح تصدير الذهب سبب اضافي لرفع السعر ، مالو احسن من البيض ههههههههه

ورح علمك حيلة صغيرة ^_^
بنطلع من الجمارك 5 كيلو ذهب ، وبنطلع تهريب 5 تانيات *_^
ولما نرجع لهون بنرجع ال5 اللي طلعناهن تهريب وبنقول : هدول بدل هدنك
وعيشوا بنعيم الصياغ الحريصين على الوطن والمواطن

[دولارجي]

شباب المشرفين .... شو فين الأسعار ... شكلو السوق رح يسكر على ارتفاع؟؟

[Bader Halab]

بجوز يلفو يمين ويسار بعرف تجارنا... بس الدولة مي بكل هل غبااء!!! يعني مكتوب بالقرار انو لازم يحط وديعة بالبنك المركزي ويرجع يشتري نفس الدهب خلال مدة اقصاها اسبوع

اقتباس: وأشار "صارجي" إلى أن القرار الجديد ينص على قيام الصائغ بتعهد قطع في المصرف المركزي على البضاعة التي يقوم بإخراجها، ويترك المجال مفتوحاً أمام الصائغ باستيراد الذهب الخام المنصوص عليه في القرار خلال أسبوع من عودة الصائغ من المعرض خارج سوريا.

[ملك]

حلب
‎ 72.5
73

[Eng. Hassan]

اقتباس: المشاركة الأصلية كتبت بواسطة ملك    حلب ‎ 72.5 73

شايف هدي الوضع شوي...

[محمد s]

اقتباس: المشاركة الأصلية كتبت بواسطة دولارجي    شباب المشرفين .... شو فين الأسعار ... شكلو السوق رح يسكر على ارتفاع؟؟

.
الشباب ماعم يقصرو بالفعل سعر موضوع صحيح لذى لاداعي لاي تدخل 72.5 شراء بيع 73

[shereen]

اقتباس: المشاركة الأصلية كتبت بواسطة ملك    حلب ‎ 72.5 73

شايفة هبط السعر

[محمد s]

اقتباس: المشاركة الأصلية كتبت بواسطة shereen    شايفة هبط السعر

لم يهبط بمعنى هبوط لكن هو تخوف من نشرة تدخل مركزي غدا والتي اتوقع ستكون نفس السابق 72.20 شراء بيع 72.90