سعر صرف الدولار مقابل الليرة 24-1-2012 (السوقي)

[غالب]

الاخت سلام ما شاء الله عليها عروس مثل القمر واخلاق عالية ومستثمرة بالاسهم وانسانة خلوقة كثيرا وأراؤءها سديدة وتحمل شهادة ماجستير وتعمل في احد الجامعات وهي انسانة رائعة بكل معنى الكلمة .

لذلك يا اخي ماهر محمد انت عكيت وخلصت لما قلت لها الاخ سلام , ارجو منك تصحيح خطاؤك لطفا وصار لازم عزيمة على حسابك لترضى الاخت سلام مع كل المشرفين . يلا طلعها من ارباحك بالدولار .

انسة سلام انا اعتذر بالنيابة عن الاخ محمد وبالتاكيد هو لا يعرف ولا يوجد ما يدل للوهلة الاولى اعذرينا جميعا على هالغلطة واسفين باسمي واسم كافة المشرفين وادارة الموقع منشان الله سامحينا

[Salam L]

اقتباس: المشاركة الأصلية كتبت بواسطة alhamwi4invest    آنسة مع إحترامي الشديد الك معناتو ع هيك اذا كان منطقي سليم معناتو بيحقللي اتدخل بالطب والهندسة ومختلف العلوم بما فيه الإقتصاد حتى ولو ما اتبعت الأساليب الأكاديمية للوصول لهالشهادات بعتقد أنو الدين أولى من الطب والهندسة والفيزيا والكيميا والرياضيات لأنها كلها تنتهي مهمتها مع آخر لحظة الك بهالدنيا ( بعيد الشر يعني big grin ) حتى المسائل الإقتصادية متفرعة ولها متخصصين شرعييين مو أي صاحب شهادة شرعية يفتي فيها ولا مانع طبعا من نقل فتوى لأحد العلماء أصحاب الثقة وممن يعتد بكلامهم وأصحاب الإختصاص والإطلاع واذا بدك تناقشي المسألة شرعياً من جميع الجوانب والأدلة هلأ بسردلك أدلتي وانتي اسردي ادلتك طبعا بالنسبة لدليلك لا يوجد دليل واحد أن المضاربة هي السبب الرئيسي للضرر الجسيم الذي لحق بلبلد

اخي الكريم

بالنسبة لموضوع الفتاوى فمو هون قسمها وهيك نقاش بعيد عن هدف الصفحة ولذلك مارح خوض فيه كتير.... في ملاحظة كتير صغيرة بحب قلك ياها انو مسألة الفتوى ومسألة تحكيم عقل الانسان كل ماله علاقة بهاد الموضوع والحكي اللي قلته بمقدمة كلامك هي مسألة ايمان شخصي بحت.... ومو ضروري رأيك يطبق مع رأي.... وانا حرة وبفكر بهاد الموضوع بالطريقة اللي بدي ياها... واذا حدا ماناسبه الحكي كمان هو حر برأيه...

والمنطق بهاد الكلام كتير بسيط....(استفتي قلبك ولو افتاك المفتون).... وهاد دليل كافي بالنسبة الي على الاقل لحتى شغل عقلي وقلبي وابتعد عن كتير امور فيها بنظري اشكاليات... بدون مافوت بقصص الفقة والمذاهب والفتاوى المتعددة..... وبالتأكيد وقت احتاج موضوع تفصيلي ممكن الجأ لخبراء اعلم مني...

عودة الى موضوع المضاربة على الدولار تحديدا.... انا ذكرت ووضحت اني مو البديهي انو الهوامير الكبار والمضاربين عم يركبوا الموجة ويزيدوا الوضع سوءا....وبرأي الشخصي البحت اي شي ممكن يضر اقتصاد بلدنا سواء كتير او قليل هو شي حرام.... (انا ماقلت انو هو سبب الضرر الرئيسي)

هلق اذا بتحب تثبت انو المضاربة بالليرة لم تضر اقتصاد الوطن لا من قريب ولا من بعيد... وقتها ممكن قلك اي هي بنظري مو حرام..... ولاتنسى اني عم احكي عن رأي... انا لا شيخ بجامع ولا مفتي على التلفزيون ولا عم ادّعي اي شي تاني.....ولا بحاجة اصلا اني جيب ادلة.... خصوصي وقت تكون القصة واضحة متل عين الشمس... كمان بنظري.... وهلق لو يجي شيخ الازهر نفسه او امام الحرمين وقلي حلال يمكن مارح ارتاح للموضوع!!!!.....

[Tareq]

اقتباس: المشاركة الأصلية كتبت بواسطة salam    اخي الكريم بالنسبة لموضوع الفتاوى فمو هون قسمها وهيك نقاش بعيد عن هدف الصفحة ولذلك مارح خوض فيه كتير.... في ملاحظة كتير صغيرة بحب قلك ياها انو مسألة الفتوى ومسألة تحكيم عقل الانسان كل ماله علاقة بهاد الموضوع والحكي اللي قلته بمقدمة كلامك هي مسألة ايمان شخصي بحت.... ومو ضروري رأيك يطبق مع رأي.... وانا حرة وبفكر بهاد الموضوع بالطريقة اللي بدي ياها... واذا حدا ماناسبه الحكي كمان هو حر برأيه... والمنطق بهاد الكلام كتير بسيط....(استفتي قلبك ولو افتاك المفتون).... وهاد دليل كافي بالنسبة الي على الاقل لحتى شغل عقلي وقلبي وابتعد عن كتير امور فيها بنظري اشكاليات... بدون مافوت بقصص الفقة والمذاهب والفتاوى المتعددة..... وبالتأكيد وقت احتاج موضوع تفصيلي ممكن الجأ لخبراء اعلم مني... عودة الى موضوع المضاربة على الدولار تحديدا.... انا ذكرت ووضحت اني مو البديهي انو الهوامير الكبار والمضاربين عم يركبوا الموجة ويزيدوا الوضع سوءا....وبرأي الشخصي البحت اي شي ممكن يضر اقتصاد بلدنا سواء كتير او قليل هو شي حرام.... (انا ماقلت انو هو سبب الضرر الرئيسي) هلق اذا بتحب تثبت انو المضاربة بالليرة لم تضر اقتصاد الوطن لا من قريب ولا من بعيد... وقتها ممكن قلك اي هي بنظري مو حرام..... ولاتنسى اني عم احكي عن رأي... انا لا شيخ بجامع ولا مفتي على التلفزيون ولا عم ادّعي اي شي تاني.....ولا بحاجة اصلا اني جيب ادلة.... خصوصي وقت تكون القصة واضحة متل عين الشمس... كمان بنظري.... وهلق لو يجي شيخ الازهر نفسه او امام الحرمين وقلي حلال يمكن مارح ارتاح للموضوع!!!!.....

أخت سلام.... أصبتي كبد الحقيقة. الله يبارك فيكي

[Salam L]

اقتباس: المشاركة الأصلية كتبت بواسطة ابو ايهم    ليس انتقاص أو انتقاد لأراء الأخوة الزوار لكن مع بطء الشبكة وقلة الوقت وتقلب السعر يصعب الاطلاع و المقارنة بين سعر محافظة وأخرى بالسرعة المرجوة يطر المتابع تقليب عشرات الصفحات ليصل للمضمون.. مجرد رأي شخصي

ممكن يتم تعديل المشاركة الاولى فقط من قبل الاخ محمد... وبيحط عند كل تعديل الساعة والمدينة الخ الخ.... ووممكن كمان حدا من المشرفين ينقل مشاركات سعر الدولار بغير محافظات اللي بتجي من اشخاص موثوقين الى المشاركة الاولى كمان مع ذكر الشخص اللي قال هالكلام على مسؤليته

[Salam L]

اقتباس: المشاركة الأصلية كتبت بواسطة غالب    الاخت سلام ما شاء الله عليها عروس مثل القمر واخلاق عالية ومستثمرة بالاسهم وانسانة خلوقة كثيرا وأراؤءها سديدة وتحمل شهادة ماجستير وتعمل في احد الجامعات وهي انسانة رائعة بكل معنى الكلمة . لذلك يا اخي ماهر محمد انت عكيت وخلصت لما قلت لها الاخ سلام , ارجو منك تصحيح خطاؤك لطفا وصار لازم عزيمة على حسابك لترضى الاخت سلام مع كل المشرفين . يلا طلعها من ارباحك بالدولار . انسة سلام انا اعتذر بالنيابة عن الاخ محمد وبالتاكيد هو لا يعرف ولا يوجد ما يدل للوهلة الاولى اعذرينا جميعا على هالغلطة واسفين باسمي واسم كافة المشرفين وادارة الموقع منشان الله سامحينا

استاذ غالب .... يعني مابعرف شو بدي قول :005::005:

[غالب]

اقتباس: المشاركة الأصلية كتبت بواسطة salam    استاذ غالب .... يعني مابعرف شو بدي قول :005::005: Qqq

انسة سلام لا تقولي شيء هذا اقل من حقك الطبيعي

[ابو ايهم]

اقتباس: المشاركة الأصلية كتبت بواسطة salam    ممكن يتم تعديل المشاركة الاولى فقط من قبل الاخ محمد... وبيحط عند كل تعديل الساعة والمدينة الخ الخ.... ووممكن كمان حدا من المشرفين ينقل مشاركات سعر الدولار بغير محافظات اللي بتجي من اشخاص موثوقين الى المشاركة الاولى كمان مع ذكر الشخص اللي قال هالكلام على مسؤليته

متل ما بدك أنسة سلام يعني والله شهادة الاستاذ غالب فيك خلت كل واحد ما اعطاك حقك من التقدير يخجل من نفسه...

[farooq]

ياجماعة اول شي انا ماقرات كل المشاركات لانها كتيرة وطويلة لكن لاحظت ان الجدل حول موضوع لمضاربات ولي تعليق ووجهة نظر

ياجماعة اي مضاربات لي بدها تنزل عملة بلد مثل سوريا 50%

ومن مين هي المضاربات

من افراد او اشخاص رؤوس اموالهم بضعة الاف من الدولارات وبالاكثر عشرات الالاف

براي الشخصي مو المضاربات نهائيا الي اثرت

الموضوع حاشرحه بشكل بسيط من وجهة نظري

في دخل لسوريا من الدولار عبر عدة امور منها
الدخل من النفط المصدر والي بتقبض حقو الدولة بالدولار
الدخل من حركة السياح سواء زيارات مغتربين او سياح عرب وقت يدخلو البلد ويجيبو قطع اجنبي
الدخل من تحويلات المغتربين لاهاليهم
الدخل من الاستثمارات الاجنبية في سوريا
وايضا الدخل من عمليات التصدير
وايضا امور اخرى لكن هي بعضها

بنفس الوقت في امور بتندفع بالدولار منها
صفقات الاسلحة وماحدا يقلل منها لان حقها بالملايين والمليارات من الدولارات

امور الاستيراد الكثيرة من السيارات والادوات الكهربائية ومواد اولية ومشتقات مكررة ووووو وبلدنا بلد مستورد
وايضا امور اخرى

الي حدث وسبب خلل في توازن القطع الاجنبي الداخل والخارج
-حظر على النفط وعقوبات اوربية امريكية قاسية جدا
-سياحة راحت بشكل شبه كامل
- تحويلات المغتربين خفت بشكل واضح نتيجة اسباب كثيرة
-استثمارات اجنبية توقفت بشكل شبه كامل

بالمقابل الدفع بالدولار لم ينقص بشكل عام ربما نقص من خلال ان الاستيراد خف نتيجة للاوضاع المعيشية الي نزلت لاغلب طبقات الشعب وغلاء الاسعار لكن عوض هالنقص هو زيادة شراء الاسلحة والتسليح سواء الصفقات بالملاين او المليارات لصالح الجيش السوري واجهزة الامن والنظام بشكل عام او حتى تسليح المعارضة او الجيش الحر او المنشقين

كلو بالنهاية عميندفع بالدولار وصفقاته كبيرة جدا وتؤثر في التوازن

مع الاحترام لجميع وجهات النظر

[farooq]

طبعا اذا كان القصد بالمضاربات هو اندفاع الناس لتحويل تحويشتهم واموالهم للدولار للحفاظ على قيمتها .. فهو صحيح وبالفعل بدأت الناس بالاندفاع وهالشي زاد الامر تعقيد واثر بنسبة معينة -صغيرة- لانه زاد الطلب على الدولار والحركة من الليرة باتجاه الدولار وشكل ضغط جديد ..

لكن هالحركة مابدات فعليا وبشكل قوي غير لما تراجعت قيمة الليرة بشكل واضح .. وطبيعي اي شخص يشوف ارتفاع الاسعار وتراجع قيمة الليرة ويرى تحويشته تتراجع قيمتها الشرائية انه يحولها للدولار وهاد حقه ومابكون ضر حدا لكنه خفف الضرر لي ممكن يصيبه من تهور مجانين السياسة ببلدنا .. وبراي الشخصي مافينا نلومه وننسى الاسباب الرئيسية لي ذكرتها بالمشاركة الماضية ..

[Fdl14]

لا فض فوك يا أخ فاروق