سعر صرف الدولار مقابل الليرة 19-1-2012 (السوقي)

[ehsansaeddin]

اعتقد ان الحكزمة والمركزي يتخبطان ببعضهما فهذا الارتفاع غير حقيقي ومبالغ فيه لحد كبير والله اعلم

[jax113]

انا بتوقع اخفاظ بسعر الدولار لانو هل السعر مانو حقيقي ابدا ووهمي
والامر رح يبان نهار الاحد او الاتنين اول شي بيكون خلص اجتماع العربان وتاني شي بيكون شفنا نوع تدخل المركزي وتالت شي التعليمات التنفيذية لقرار تحديد سعر الصرب بحسب سعر السوق قرار ممتاز. ورح يسحب البساط تحت كتير من الصرافين يلي عم يلعبو بالسعر واهم شي بتوقع موجة بيع شديدة للدولار لجني الارباح

بننطر وبنشوف شو رح يصير

[هااس]

ما يحدث دلاله واضحه ان الحكومه تعيش بأزمة موارد حقيقيه وحسب فهمي فان البنوك ستبيع من مخزون القطع الأجنبي المبني علي سعر بحدود الخمسين للمشتري بسعر يتجاوز السبعين

فهل الفرق سيذهب أرباح للبنوك او ان الحكومه ستقوم بجباية الفرق او جزء منه من البنوك من خلال انظمه جديده

ياريت أزا في حدا فاهم يفهمنا القصه

[نضال العلي]

اتمنى الهبوط العاجل للدولار و الشفاء لليرة السورية من كل داء

[alhamwi4invest]

اقتباس: المشاركة الأصلية كتبت بواسطة mouayad    اخي الكريم ما بدها عصبية هون الحذف و التعديل لا يتم عشوائيا و الكثير تكلم و لكن لم نقم باي تعديل المنتدى اقتصادي فقط و الرجاء الحفاظ على هذه الخاصية له هنالك منتديات اخرى لغير مواضيع

والله يا اخي الكريم
انا حكيت ضمن الاقتصاد
يلي عم يلعب برزق هالعالم وعما ينهب المليارات وقرارت اقتصادية مأجورة لصالح فئة قليلة( فيما اظن هذا شأن اقتصادي ) اقل شي بحقو هو الاعدام
اذا فينك تقللي هالشي خارج الاقتصاد انا بدي ارفع القبعة

بعدين هي تاني مرة بتعدلي والواضح انك الك رأيي لا يتوافق مع رأيي
انا بقترح عالاقل انه يكون التعديل غير خاضع لرأيي واحد ، وان كان المنتدى اكثر حدية بالتعامل والقرار لشخص واحد فاحذف المشاركة ولا تعدل عليها

[سندباد]

شايف المركزي تحول الى حارة كل مين ايدو الو ههههههه

[jax113]

يا جماعة في خبر وصلني بس ما متأكد منو
قال مزبوط انو الصرافين بشارع الحمرا ببيروت عم يسعرو الدولار بالليره السوريه ب 62.3 ?? وهاد نص الخبر

انخفض سعر صرف الدولار مقابل الليرة السورية الى62,2ليرة سورية للدولار الواحد عند الصرافيين في شارع الحمراء في بيروت، بينما لا يزال عند صرافيين الحريقة في دمشق ٧٣ ليرة سورية للدولار

[Eng. Hassan]

الجمعة 20-1-2012


كشف حاكم مصرف سوريا المركزي أديب ميالة، عن أنه هناك خطه لتعويم موجّه لسعر صرف الليرة السورية الأسبوع المقبل.
ونقلت صحيفة (فايننشال تايمز) البريطانية اليوم الجمعة، عن ميالة قوله إن "سعر الصرف قفز كثيراً خلال الأيام العشرة الماضية، ونحن الآن في فترة من السيطرة عليه، ونعرف أن المصارف لديها ما يكفي من النقد الأجنبي وتريد بيعه".
وأشارت الى أنه حاكم مصرف سوريا المركزي، رفض التعليق على وضع إحتياطي المصرف من العملة الأجنبية، مشدداً على أن الإفراج عن هذه الأرقام "من شأنه أن يوفّر أدوات للذين يسعون إلى تقويض الثقة في الليرة السورية".
وأكد ميالة أن الدولة السورية "لديها الموارد المطلوبة للتعامل مع البيئة الإقتصادية الحالية".
وقال "نعرف أن هذه الأزمة ستستمر لفترة طويلة لكننا مستعدون لمواجهتها، كما نعرف أيضاً أن العقوبات ستكون أليمة لكنها لن تقتل".
وأشارت الصحيفة إلى أن هذه الخطوة تأتي وسط أزمة سياسية تعصف بالبلاد منذ نحو 10 أشهر دفعت الليرة السورية إلى مستويات قياسية مقابل الدولار في السوق السوداء، حيث وصل سعره الآن إلى 70 ليرة سورية وإلى 57 ليرة سورية في تسعيرة المصرف المركزي، بعد أن كان سعره نحو 47 ليرة سورية في بداية الأزمة السياسية.

[Eng. Hassan]

بيروت - الحمراء / دمشق-الحريقة :

(الجمعة ٢٠-١-٢٠ ١١)

انخفض سعر صرف الدولار مقابل الليرة السورية الى ٦٤،٢ ليرة سورية للدولار الواحد عند الصرافيين في شارع الحمراء في بيروت، بينما لا زال عند صرافيين الحريقة في دمشق ٧٣،٣ ليرة سورية للدولار !!



نرجوا الإفادة عن وضع السعر في حلب وباقي المحافظات ؟

[SyrianWolf]

بغض النظر عن تمنياتنا للناس أنو ماتنضر وتخسر قيمة مقتنياتها من الليرة السورية.
بس بالمنطق كيف المركزي -عن طريق المصارف- بدو يغطي الطلب على الدولار إذا ماكان في -عالمدى الطويل- تعويض وموارد لتغطية هالطلب.

وبالتالي للأسف بيضل وضع الليرة مو مريح وgloomy!!.