المتابعة اللحظية لجلسة تداول الإثنين 5-09-2011

[Salam L]

اقتباس: المشاركة الأصلية كتبت بواسطة Ahmad Bayram    و الله انا كان عبالي اكتبللك تعليق ع مشكلة رفيقتك الي معلق عليها المعجب أخونا بالله و كان عندي حل ممكن يساعدها ... هلق بما اني شب و بفهم بشو عم يفكر الشباب ممكن قللك انو ما رح يحل عن سماها لبين ما يلزق بوحدة غيرها ساعتها بس بحل عنها فأول حل بالنسبة إلها أن توقعلوا شي بنت غيرها بطريقوا هاد الحل بجوز ما تحبوا رفيقتك لذلك بنروح مع الحل التاني الي فيو شوية احتيال .... خلي صديقتك تبعتلوا رسالة تشرحلو فيا انو بصراحة هي مقدرة مشاعروا النبيلة بس بصراحة هي بتحب حدن غيروا و ما حبيت تقلوا قبل هيك هالشي مشان ما تجرحلوا مشاعروا و تقوا فيا كمان الن الي بيحب التاني بتمنالوا السعادة و بالتالي هو اذا بحب رح بيحل عنا وقتها مشان تعيش هي بسعادة و تجبلوا سيرة انو بلا مسجات لانو الي بتحبوا بيضايق من هيك شغلات و اذا استمر يبعت مشجات رح بيضطرها تغير رقمها .... إذا بعتلها مسج مستقبلا بعد هيك أول مرة لا ترد عليه تاني مرة بيبعتلها خليها تعطي التلفون لاي حدن بيكون جنبها و خليها تتصل في و تخلي حدن يسوي حالوا صاحب الرقم الجديد و يستهبل علي شوي و بما انوا هي ما بتصادفوا اساسا فالموضوع بيكون انتهى هون ....

ممممم.... عجبتني هي الفكرة تبع اعطاء الخط لحدا تاني وانو الشخص يستهبل ويعمل حاله صاحب الخط الجديد!!

اذا لزمتني شي يوم بستخدمها.....

اما بالنسبة للخطة انو تخبره عن شخص تاني.... فهي ورادة وكتير بنات بيعملوها.... لكن بصراحة هي بيعملوها مع شخص بيشوفوه كل يوم او بيهتموا لامره من ناحية انسانية... متل زميل بالعمل بيشوفوه كل النهار او زميل دراسة.... علما اني ضد الكذب بجميع الاحوال....
اما صاحبنا اياه مابظن بدو كل هالتعقيد...وبعتقد متل ماقال الاخ عابر مجيب انو التطنيش دواءه... لانو اي تصرف تاني يدل على اهتمام ... وبالمناسبة.. لهلق مافي ولا شخص ذكر احتمال انو يكون هاد الشخص حقير وعم يلعب ويتسلى والقصة عنده سوسة مو اكتر!! معظم الردود افترضت انو شخص صادق لكنه لزقه او مابيفهم او غليظ .... بس ما حدا قال انو كذاب!

[manar]

اقتباس: المشاركة الأصلية كتبت بواسطة غسان    ميت السلامة خيو ونحنا من دمشق الفيحاء منحيك

الله يسلمك خاي

[غسان]

حجم طلب قليل على مجمل الاسهم
وجلسة ضعيفة كما يبدو

[saeed]

اقتباس: المشاركة الأصلية كتبت بواسطة economic opinion    صباح الخير والورد والربح للجميع

يسعد صباحك أخت روان ...
كيف الهمة بعد العطلة ...
مع عودة العمل والسوق ...

[وائل77]

صباح الخير للجميع ،مشان الاخت سلام ولقاء الاستاذ حمدان على الفضائية هي لقاء تازة

قال المدير التنفيذي لسوق دمشق للأوراق المالية الدكتور مأمون حمدان إن أولويات العمل بالنسبة للسوق والهيئة حاليا سيكون فتح ملف ادراج الشركات المساهمة العامة التي لم تدخل إلى البورصة ، إذ إن عدد هذه الشركات القابلة للإدراج وتتبع لإشراف هيئة الأوراق يصل إلى /52/ شركة من أصل /72/ شركة إذا استثنينا شركات تم الترخيص لها ولم تباشر العمل في السوق ولذك من الضرورة فتح ملفات هذه الشركات شركة شركة وسيكون بالتعاون مع جريدة الثورة كما طرحتم.‏
لاشركة مساهمة من دون بورصة‏
حمدان يرى أنه لا يمكن الحديث عن شركة مساهمة عامة دون أن تكون مدرجة في البورصة وتبيع وتشتري أسهمها فيها لكن هذه الشركات تخاف من الإدراج بالبورصة لعدة أسباب على هذا المستوى لا يستطيع أن يفهم المرء أن لايتم إدراج شركة مساهمة عامة مثل اسمنت البادية وهذا فيه ظلم على الشركة وعلى المساهمين فيها إذاً من أين يشتري المرء أسهماً من هذه الشركة اذ لم تكن مدرجة في البورصة لأن السوق تم إحداثه من أجل الشركات المساهمة ألا نصبح كمن أحدث سوقاً لبيع الخضراوات (سوق هال ) والناس تبيع على بسطات خارج السوق .‏
انخفاض الأسعار‏
وحول الأسباب التي تحول دون إدراج هذه الشركات يرى حمدان أن انخفاض أسعار الأسهم في هذه الفترة من أهم الأسباب ومن ثم يأتي موضوع الجهل بأهمية ومكانة البورصة والفوائد التي تجنيها الشركة جراء الإدراج لكن المفارقة اليوم بين حال السوق الذي يعتمد على أغلبية شركات المصارف والتأمين بنسبة 80٪ وقلة الشركات الصناعية والزراعية ، الأمر الذي عظم من أزمته، لأن أسهم المصارف والتأمين باعتبارها أسهم شركات مالية هي أول من تتأثر بالأزمات في البورصة بعكس أسهم شركات الإقتصاد الحقيقي (زراعة ، صناعة) لذلك نحن اليوم نحتاج إلى ادخال هذه الأسهم إلى بورصتنا لتفادي آثار الأزمة الحالية لكن الظرف لا يساعد ،وحول وجهة نظره إن كان مع العقوبات أو التحفيز تجاه دخول الشركات المساهمة إلى البورصة قال حمدان انه مع الاتجاهين معاً من خلال تطبيق القانون، اذ إن كل شركة مساهمة عامة يجب أن تدرج، مقابل ذلك نحتاج إلى العمل سوية مع الشركة للدخول إلى البورصة واليوم اذا نظرنا إلى الشركات المدرجة سنجد أن أغلبها حديثة، إذاً المشكلة بالشركات القديمة .‏
مصالح الجميع‏
وفيما يخص آلية عمل شركات الوساطة في السوق باعتبارها الصانع الأول له ، طالبها حمدان أن تعمل وفق نظرة استراتيجية بعيدة تحقق مصالح كل الشركات لا النظر إلى العمل وفق المرحلة الحالية أو مصلحة كل شركة على حدة ، لذلك مطلوب منها أن تعمل على بناء السوق من خلال ترشيد الزبائن في اتخاذ قرارات البيع والشراء ،لأن الزبون ليس محللاً مالياً ، لذلك من المفروض ألا نسهل له عملية البيع السريعة وقت الأزمة التي تعتمد على أسباب نفسية لا اقتصادية وهنا يكون واجبنا إرشاده إلى الطريق الصحيح لا أن نقوم بعملية البيع مباشرة فهذا لا يجوز، والهيئة عندما رخصت لشركات الوساطة لم تضع عليها الشروط الصارمة بالعمل ، بل تركت لها الحرية وفق حاجات الوطن ووفق قواعد السلوك المهني وأخلاقياته.‏
رابطة لشركات الوساطة‏
وهنا تبرز أهمية وجود رابطة لشركات الوساطة، الأمر الذي لم يتم الاتفاق عليه حتى الآن ، لأن الجميع ينظر وفق مصالحه الضيقة ، إذ ما المانع من اتفاق جنتلمان بين هذه الشركات ، وإذا كان لدي /200/ ألف سهم فهل ستباع إلا عن طريق هذه الشركات لذلك من المفروض أن يتم تنظيم العمل وليجد الزبون كلمة واحدة عند كل الشركات ، دون القول سيتركني ويذهب لغيري ، وهذه قواعد لتنظيم وحماية السوق الذي يعمل ويعيش منه الجميع لا نعمل على تدميره .‏
والغريب أن هيئة الأوراق المالية جادة في تأسيس رابطة لشركات الوساطة وقدمت محفزات بالمقر والكادر وبعض النفقات لكن الشركات لم ترض بذلك واعتبرته تبعية

[abu mhd]

اقتباس: المشاركة الأصلية كتبت بواسطة manar    الله يسلمك خاي

شو خاي انا بكرة ان شاء الله بوصل على حلب شي الساعة 1 الضهر
منشربلنا فنجان قهوة بمعيتك ؟؟؟؟

[عابر مجيب]

اقتباس: المشاركة الأصلية كتبت بواسطة ahmad bayram    و الله انا كان عبالي اكتبللك تعليق ع مشكلة رفيقتك الي معلق عليها المعجب أخونا بالله و كان عندي حل ممكن يساعدها ... هلق بما اني شب و بفهم بشو عم يفكر الشباب ممكن قللك انو ما رح يحل عن سماها لبين ما يلزق بوحدة غيرها ساعتها بس بحل عنها فأول حل بالنسبة إلها أن توقعلوا شي بنت غيرها بطريقوا هاد الحل بجوز ما تحبوا رفيقتك لذلك بنروح مع الحل التاني الي فيو شوية احتيال .... خلي صديقتك تبعتلوا رسالة تشرحلو فيا انو بصراحة هي مقدرة مشاعروا النبيلة بس بصراحة هي بتحب حدن غيروا و ما حبيت تقلوا قبل هيك هالشي مشان ما تجرحلوا مشاعروا و تقوا فيا كمان الن الي بيحب التاني بتمنالوا السعادة و بالتالي هو اذا بحب رح بيحل عنا وقتها مشان تعيش هي بسعادة و تجبلوا سيرة انو بلا مسجات لانو الي بتحبوا بيضايق من هيك شغلات و اذا استمر يبعت مشجات رح بيضطرها تغير رقمها .... إذا بعتلها مسج مستقبلا بعد هيك أول مرة لا ترد عليه تاني مرة بيبعتلها خليها تعطي التلفون لاي حدن بيكون جنبها و خليها تتصل في و تخلي حدن يسوي حالوا صاحب الرقم الجديد و يستهبل علي شوي و بما انوا هي ما بتصادفوا اساسا فالموضوع بيكون انتهى هون ....

صباحك عسل
اقتراحاتك بتدل على انك شب حباب وشهم وحابب تساعد ، بس انت متربي ببيت راقي وعلاقاتك لساها بريئة ، ما لي حابب قول انو تجربتك قليلة . مثلا إحدى الأخطاء أن تدعي الارتباط والبنت أكيد بانتظار شخص مناسب ، بهيك حالة الكل رح يعتقدوا انها مرتبطة وتحرم حالها الفرصة منشان شقفة غليظ عديم النظر والتقدير ويمكن يفسر كلامها انتقاما لأفشتو أنها مصاحبة ! لكان ليش ما عجبها ؟ لأنها بدها حبيب القلب اللي عم يصرف عليها والخ.. من سخافة الاتهامات .
واحد مطيلس أفضل شي تزبلو .
وأنا عم اقرأ مداخلتك والموبايل والادعاء أنه أصبح لشخص آخر ... مر برأسي شريط أخباري فيه صور قتلى واسلحة وأموال وسيارات مدروزة بأمشاط من الرصاص تدل على وفرة السلاح عند الفاعل ، القصد أن المبالغة تعطي عكس المرتجى .
واضح الكلام ؟ ولا نشرح بالألم نشرح ونروح فيها !؟
تحياتي .

[manar]

النت كتير بطيء مع انني استعمل سبيد

[لقماان]

اقتباس: المشاركة الأصلية كتبت بواسطة manar    احيكم من حلب الشهباء و جلسة موفقة للجميع

صباح الخير أبو طلال
اذا كنت بسيارتك بحلب
بحب طمنك انو مافي داعي لحزام الأمان و لا توأف على الاشارة الحمرا
و اذا بدك تعيط على الشرطي بيبتسم بوشك
و اذا بتلحق تشتريلك شي أرض أو سطح و تعمروا الكل بساعدك على هالشي
أنا من يومي كنت بحلب بس ما لحقت عمرلي شي عمارة مخالفة سابقا
نظامية حاليا

[ابو تيم]

اقتباس: المشاركة الأصلية كتبت بواسطة salam    ممممم.... عجبتني هي الفكرة تبع اعطاء الخط لحدا تاني وانو الشخص يستهبل ويعمل حاله صاحب الخط الجديد!! Big grinbig grin اذا لزمتني شي يوم بستخدمها..... اما بالنسبة للخطة انو تخبره عن شخص تاني.... فهي ورادة وكتير بنات بيعملوها.... لكن بصراحة هي بيعملوها مع شخص بيشوفوه كل يوم او بيهتموا لامره من ناحية انسانية... متل زميل بالعمل بيشوفوه كل النهار او زميل دراسة.... علما اني ضد الكذب بجميع الاحوال.... اما صاحبنا اياه مابظن بدو كل هالتعقيد...وبعتقد متل ماقال الاخ عابر مجيب انو التطنيش دواءه... لانو اي تصرف تاني يدل على اهتمام ... وبالمناسبة.. لهلق مافي ولا شخص ذكر احتمال انو يكون هاد الشخص حقير وعم يلعب ويتسلى والقصة عنده سوسة مو اكتر!! معظم الردود افترضت انو شخص صادق لكنه لزقه او مابيفهم او غليظ .... بس ما حدا قال انو كذاب!

ماحدا افترض انو كذاب يمكن من باب حسن الظن مو اكتر ......