المتابعة اللحظية لجلسة تداول الاثنين 29-11-2010

[lemonanita]

اقتباس: المشاركة الأصلية كتبت بواسطة غالب    دعوة لكل الاخوة المضاربين لدعوة زوجاتهم والجلوس معا وفتح موقع سيريا ستوكس - استراحة المضاربين - مطبخ المضاربين لمشاهدة انواع الطبخات وابداء الرأي والمشاركة ونعدكم جميعا بطبخات جديدة ولم تمر عليكم من قبل . ترقبوا جديدنا و سيسر ازواجكم بكم . دعوة مفتوحة لكل الشباب والشابات العزاب والعازبات لمتابعة هذا الموضوع والتشجع على الزواج واكمال نصف الدين .

استاذ غالب صباحك اول شي

ونحنا هربانين من المطابخ وشغل البيت لنرتاح هون ... فلا تقولو عني كسلانة اذا ما شاركت ولا بطبخة !! انا هون مسمية عالعنصر الرجالي

[Ahmadhsn]

صباح الخير لاعضاء احلى منتدى ...
نتمنى لكم جلسة موفقة ومربحة وممتعة ومولعة ...
ان شاء الله تكون جلسة خضراء بامتياز ...

[غالب]

اقتباس: المشاركة الأصلية كتبت بواسطة lemonanita    استاذ غالب صباحك اول شي ونحنا هربانين من المطابخ وشغل البيت لنرتاح هون ... فلا تقولو عني كسلانة اذا ما شاركت ولا بطبخة !! انا هون مسمية عالعنصر الرجالي

صباح الخير

اولا نحن بأنتظار مشاركاتك في قسم مطبخ المضاربين ما منها مهرب الشغلة .

ثانيا اعدك بطبخات عراقية من الطراز الاول . ديري بالك على الزلمة .

ثالثا دعوة خاصة لك ان تدعي زوجك للجلوس معك على الكمبيوتر لمشاهدة الاسهم والبورصة .

رابعا ما عنا والله انا محسوبة على العنصر الرجالي كل واحد خير وبركة بموقعه ومكانه .

[غالب]

اقتباس: المشاركة الأصلية كتبت بواسطة ahmadhsn    صباح الخير لاعضاء احلى منتدى ... نتمنى لكم جلسة موفقة ومربحة وممتعة ومولعة ... ان شاء الله تكون جلسة خضراء بامتياز ...

اخي احمد حسن صباح الخير وجهودك مشكورة وجعلها الله في ميزان حسناتك .

شكرا لك على افتتاح الجلسة والله يعطيك حتى يرضيك .

نتمنة لك جلسة مولعة ومربحة كمان وخضرا يا بلادي خضرا .

[غالب]

في كم واحد مكركين على اسهمهم اتمنى منهم ان لا يبقوا كذلك

[غالب]

السهم شخص اعتباري وليس شخص طبيعي لا عواطف مع السهم حبيتوا وحبني ؟؟

[lemonanita]

اقتباس: المشاركة الأصلية كتبت بواسطة غالب    صباح الخير اولا نحن بأنتظار مشاركاتك في قسم مطبخ المضاربين ما منها مهرب الشغلة . ثانيا اعدك بطبخات عراقية من الطراز الاول . ديري بالك على الزلمة . ثالثا دعوة خاصة لك ان تدعي زوجك للجلوس معك على الكمبيوتر لمشاهدة الاسهم والبورصة . رابعا ما عنا والله انا محسوبة على العنصر الرجالي كل واحد خير وبركة بموقعه ومكانه .

:(
شكلو ما في مهرب منوب ...
ومشكور مقدما عالوصفات العراقية.. لانو لحد هلا ما بعرف غير وصفة وحدة ... سلملي سلام خاص عالمدام ... انشالله منستفيد من خبرتا ...
مشان الدعوة بتوصل ويسلمو عالترحيب فيه .. والله الي زمان بحاول انو خليه يشارك او يتفاعل !! بس سوسة البورصات ما عم تنتقلو !! دوبو بالكمبيوترات والبرمجيات تبعو ..ما عم يقتنع مني انو العلم ما بطعمي خبز .. ug3;

[Rihab]

صباح الخير لكل الصبايا والشباب

[Rihab]

اقتباس: المشاركة الأصلية كتبت بواسطة lemonanita    :( شكلو ما في مهرب منوب ... ومشكور مقدما عالوصفات العراقية.. لانو لحد هلا ما بعرف غير وصفة وحدة ... سلملي سلام خاص عالمدام ... انشالله منستفيد من خبرتا ... مشان الدعوة بتوصل ويسلمو عالترحيب فيه .. والله الي زمان بحاول انو خليه يشارك او يتفاعل !! بس سوسة البورصات ما عم تنتقلو !! دوبو بالكمبيوترات والبرمجيات تبعو ..ما عم يقتنع مني انو العلم ما بطعمي خبز .. ug3;

بونجور لمى

هلء بلا لف ودوران بدك تنزلي لنا شي طبخة من طبخاتك

[abo haydara]

صباح الخير للجميع و جلسة موفقة إن شالله الإسلامي يصحح وضعو اليوم و لكن لا اتوقع ذلك فالإحتمالات ضعيفة شو رأيكم ؟