سعر صرف الدولار والذهب مقابل الليرة السورية اليوم الاربعاء 29 -01- 2014

[samsamo]

شكرا" للاخوة بلاك غوست و المسار على ما يقدموه لنا من فائدة و مبروك لهم

[المسار]

اقتباس: المشاركة الأصلية كتبت بواسطة نورالهدى    مساء الخير : السيد الفاضل والصديق العزيز المسار : نبارك لكم وتمنياتنا لكم بدوام التقدم والنجاح أنور

الله يبارك بعمرك وجميع الاخوة الاعضاء اخي نور

(بعتذر على التاخير (كمان اليوم عندنا انت بالمرة)

الله يقدرنا نردلكم ياها بافراحكم انشالله

[عابر مجيب]

اقتباس: المشاركة الأصلية كتبت بواسطة رشاد حج علي    http://sana.sy/ara/134/2014/01/29/525012.htm نقلا عن سانا مبيع ٥٠٠٠ ليرة دهبية خلال يومين

على الهوية ، وفاتورة موبايل ؟
وبكرا بيلاحقوهم على اساس عم يتلاعبوا بسعر الليرة الذهب
غريبه هالازدواجية في التشجيع على الادخار بما لا يرضي الحس الوطني ! هل هنالك فتوى عند المطالبين بالتخلي عن الدولار ؟!
كان بيكفي يضلوا على قوالب الانجليزية أو الأونصات ، ويضيفوا ( ميد إن سيريا )
في حدا شاف الشهادة المرفقة ، على اساس مع كل ليرة ؟

[Ryad]

الاعزاء جميعا
ازا حدا بدو يحول من $ الى €
ممكن تنصحونا بحدا بلبنان ما ينهبنا؟؟؟
يفضل شتورة او بيروت
مع كل الشكر

[رشاد حج علي]

اقتباس: المشاركة الأصلية كتبت بواسطة ryad    الاعزاء جميعا ازا حدا بدو يحول من $ الى € ممكن تنصحونا بحدا بلبنان ما ينهبنا؟؟؟ يفضل شتورة او بيروت مع كل الشكر

اخي الكريم اليوم ببيروت اليورو جاي 1،3650 عالشاشة
ببيعوك يورو 1،375 بياخدو منك يورو 1،3550
يعني كل 100 يورو بيعطوك 135،5 $
اذا بدك 100 يورو بياخدو منك 137،5$

[رشاد حج علي]

اقتباس: المشاركة الأصلية كتبت بواسطة عابر مجيب    على الهوية ، وفاتورة موبايل ؟ وبكرا بيلاحقوهم على اساس عم يتلاعبوا بسعر الليرة الذهب غريبه هالازدواجية في التشجيع على الادخار بما لا يرضي الحس الوطني ! هل هنالك فتوى عند المطالبين بالتخلي عن الدولار ؟! كان بيكفي يضلوا على قوالب الانجليزية أو الأونصات ، ويضيفوا ( ميد إن سيريا ) في حدا شاف الشهادة المرفقة ، على اساس مع كل ليرة ؟

استاذي انا ماشفتا وماعرفتا وليس للترويج من باب نقل الخبر والمصدر عمعلوماتك هالرقم صحيح او نزلت بالشام الا لساها مؤجلة

[Ryad]

اقتباس: المشاركة الأصلية كتبت بواسطة رشاد حج علي    اخي الكريم اليوم ببيروت اليورو جاي 1،3650 عالشاشة ببيعوك يورو 1،375 بياخدو منك يورو 1،3550 يعني كل 100 يورو بيعطوك 135،5 $ اذا بدك 100 يورو بياخدو منك 137،5$

مشكور بس بدي اسم او محل صراف بقدر مر عليه انا و طالع عمطار بيروت
و شكرا عالتنويه

[رشاد حج علي]

اذا طالع من الشام مر عشتورة وانت جاي

[عابر مجيب]

اقتباس: المشاركة الأصلية كتبت بواسطة omar1964    كم تبلغ أجرة مصاغ الليرة هل هي 2000 ل س كما قيل و هل هناك سعر خاص للصياغ يعني صاحب محل الصياغة المرخص و المسجل بالجمعية و بغرفة التجارة الخ عم ياخدو منو 2000 اجرة ولا 2000 سعر نهائي للمواطن ؟؟؟

بتصور ربح الصايغ بيكون من فرق سعر البيع والشراء
أما الـ 2000 ليرة تبع الصياغة ، فهي متل الكيس الأسود تبع المواد المقننة ، ببيعوك الرز والسكر بسعر مخفض ، وبتحمل عليهم سعر الكيس ، او متل مرة كانوا يعطوا دولار للمسافر بسعر رسمي ، ومع السعر على الوصل ضايفين شي مسمينو عمولة صرف دولار 10 ليرات وقت كان الدولار بسعر أربع ليرات ونص ، ولما بتقرش المبلغ بيطلع دولارك أغلى من السعر المعلن .
يعني كل غرام حامل 2000/8 = 250 ليرة وهدول بتضيفون على الـ5400 اياها
وبتكون حملت كتف وخففت شوي من دعم الدولة للذهب .
بس ما فيك تقول سعر الذهب 5400 +250 = 5650 وتحسب عليها سعر الدولار ، وتقول دولار الذهب هالقد ، شفت الشطارة ؟!

[عابر مجيب]

طبعا الـ 2000 ليرة أول مرة بتتحمل على سعر الليرة لصالح سعر الذهب
بالمرات التالية بيضلوا مربح للصايغ بالاضافة لفرق سعر البيع والشراء . وهيك بتصير الليرة منشار .