صالون سيرياستوكس للعطلات(6-7-8-9)-حزيران 2013

[رندة]

جمعة مباركة

[عابر مجيب]

حبيبي سعيد
التصميمات اللي بعد الأولاني حلوين وماعليهم حكي
بس الطاولة الزجاجية ، حوافها ( مبوزة ) ولو تم تدويرها بتخالف المنظر العام المعتمد على زوايا ، بدها حذر ، هتى ما تصيب قصبة الرجل ، الطاولة اللي برا كان افضل تكون مربعة . لتتماشى مع الجو العام .
قال : لا تحكم ذقنك بين اتنين ، واحد بيقلك طويلة وواحد بيقلك قصيرة ، مو هيك بالله ؟

[غسان]

صباح الخير جميعا
وصباح مخصوص لاخي سعيد .....الله يعطيك العافيه

[غسان]

صباح الخير اخي عابر ظريفه قصه القبار والخلط بينها وبين البازليا. والله حماكون
وانا لما فوت على غوغل واقرأ عن فوائد اي نبات بحس بمبالغات كبيره معقول كل هالفوائد ......

تفاحه وحده بتغني عن زياره الطبيب هههههه ايه ؟ وتفاحتين ؟ بتخلي الواحد يصير بروسلي

برجع للقبار. ماعرفتو وماحصلي الشرف بس من اسمو ما حبيتو ....لاء وبيقولو يا قباري ؟ شو معناها هي كمان ؟

في القراصيه والحبلاس والعناب والزعبوب ثمار ما كتير معروفه بدمشق .....

[saeed]

اقتباس: المشاركة الأصلية كتبت بواسطة عابر مجيب    حبيبي سعيد التصميمات اللي بعد الأولاني حلوين وماعليهم حكي بس الطاولة الزجاجية ، حوافها ( مبوزة ) ولو تم تدويرها بتخالف المنظر العام المعتمد على زوايا ، بدها حذر ، هتى ما تصيب قصبة الرجل ، الطاولة اللي برا كان افضل تكون مربعة . لتتماشى مع الجو العام . قال : لا تحكم ذقنك بين اتنين ، واحد بيقلك طويلة وواحد بيقلك قصيرة ، مو هيك بالله ؟

شكرا جزيلا
ملاحظات مهمة ودقيقة هيك عم تشجعنا ندخل لعالم التصميم
من خلال تجنب الملاحظات السابقة
والحفاظ على نقاط هامة منها :
الجو العام للتصميم
انسجام كل مكوناته مع بعضها
العمل قدر المستطاع على سلامة الأشخاص
اعطاء شعور بالراحة للقاطنين والزوار
ألوان هادئة مريحة
اضاءة مناسبة
ترتيب جميل يراعي مدى ثقافة الاسرة ( هل هم من محبين الكتب أم لا )

هي ملاحظات سريعة ... بدون بحث بالنت

بالنهاية أكيد التصميم عالم بحد ذاته ...
شكرا جزيلا لصاحب النظرة التصميمية الجميلة استاذنا عابر مجيب

[saeed]

اقتباس: المشاركة الأصلية كتبت بواسطة غسان    صباح الخير جميعا وصباح مخصوص لاخي سعيد .....الله يعطيك العافيه

صباح الخيرات والأنوار والبركات
شكرا جزيلا ابو يزن الغالي اشتقنالك
تحياتي لك وللعائلة الكريمة

[saeed]

اقتباس: المشاركة الأصلية كتبت بواسطة غسان    صباح الخير اخي عابر ظريفه قصه القبار والخلط بينها وبين البازليا. والله حماكون وانا لما فوت على غوغل واقرأ عن فوائد اي نبات بحس بمبالغات كبيره معقول كل هالفوائد ...... تفاحه وحده بتغني عن زياره الطبيب هههههه ايه ؟ وتفاحتين ؟ بتخلي الواحد يصير بروسلي برجع للقبار. ماعرفتو وماحصلي الشرف بس من اسمو ما حبيتو ....لاء وبيقولو يا قباري ؟ شو معناها هي كمان ؟ في القراصيه والحبلاس والعناب والزعبوب ثمار ما كتير معروفه بدمشق .....

رح جبلكم القصة كاملة من أصدقائنا بصالة الدولار
ليوم الجمعة 07/06/2013

أول القصة بلشت من أخونا omar1964
عندما أدرج تعريف بسيط وهو :
بداية مشاركة أخونا omar1964 :

القبار او الكبار او الشفلح نبات شوكي بري .
كانت جذوره في الماضي تستخدم للعلاج .و قد ذكره إبن داوود الانطاكي في كتابه ( تذكرة ابن داوود الانطاكي )
و الآن تجري عليه أبحاث في مخابر شركات الأدوية في اوروبا لعلاج بعض الامراض المستعصية .
قديما كان يشكل مشكلة للمزارعين
و الآن أصبح مطلوب للتصدير.
الجزء المطلوب منه البرعم قبل تفتحه و يستخدم بعد تخليله كمقبلات في المطاعم الراقية في اوروبا و امريكا .
تعتبر سورية من أهم الدول في انتاجه . و أصبح يشكل مصدرا مهما للدخل للآلاف الذين يعملون على قطافه و تصديره .
نهاية مشاركة أخونا omar1964


وبعدها أعقبها أستاذنا الغالي ( عابر مجيب )
بمداخلة جميلة وهي :
بداية مشاركة الاستاذ عابر مجيب :

هلأ فهمت عليك شو القبار !
قصدك الشفلح ؟
هههههههههههه
عم امزح
لقيت على غوغل موضوع ، يمكن الكاتب أردني وقايلين انو البعض بيسموه شفلح ههههههه
ياترى مو بيشبه البازلاء بس أصغر ؟
كيف بيستعمل ؟
عاملينو أهم أكلة
بينفع للكبد والطحال والدورة الدموية وبيعالج السرطان ومعروف عند الفراعنة ، يمكن هوه اللي خلاهم ينقرضو ( ما بدها ألف الاطلاق ) لأنها عامية ههههههه
سافر جاري الفرنسي وتركلي إرث ، أشكال وألوان ومشمع طاولة وعلبة فيها بزاليا صغيرة معلبة ، صنع تركيا ، طبخناها بزاليا بمرقة ، وما حبيناها ! منيح اللي ما متنا من تركيزها .
على حسب الوصف في غوغل يمكن كل أسبوع بيكفي حبه
الوصف فاق الحبة السوداء ( حبة البركة )
وبالمناسبة الدراسات الأوروبية بتقول الحبة السوداء غير صالحة للإستعمال الآدمي ، حيرونا !
يمكن نكاية بالطب النبوي
بكل حال كل شي كتير بيضر ، حتى الماء ، بيسبب ميوعة السوائل بالجسم ، بما فيها السائل داخل الأذن وبيسبب دوخة ( دوار ) .

نهاية مشاركة الاستاذ عابر مجيب.

وتوتة توتة خلصت الحتوتة

[رندة]

[رندة]

[عابر مجيب]

اقتباس: المشاركة الأصلية كتبت بواسطة غسان    صباح الخير اخي عابر ظريفه قصه القبار والخلط بينها وبين البازليا. والله حماكون وانا لما فوت على غوغل واقرأ عن فوائد اي نبات بحس بمبالغات كبيره معقول كل هالفوائد ...... تفاحه وحده بتغني عن زياره المريض هههههه ايه ؟ وتفاحتين ؟ بتخلي الواحد يصير بروسلي برجع لللقبار. ماعرفتو وماحصلي الشرف بس من اسمو ما حبيتو ....لاء وبيقولو يا قباري ؟ شو معناها هي كمان ؟ في القراصيه والحبلاس والعناب والزعبوب ثمار ما كتير معروفه بدمشق .....

يسعد صباحك وكل أوقاتك اشتقنالك ، ماعندك اجازات ؟ هدول اللي بيقولولون هوليدييز
بتعرف صار فيني متل البدوي اللي غرقت رجلو بالرمل ، وسحبها وطلعت بلا كلاش ، وكل رجلو زفت ، تاري رزقة وبترول ، وهوه صار يسبسب !
بالسطح بعدة أماكن وعلى درج الحديقة ، كل فترة بيطلع نبات ورقو أخضر غامق وعلى عروقه شوك ، وكل ما قطعتو بيرجع أقوى . مو تاري رزقة ، واصلة لعندي ومالي عارف قيمتها !
هلأ طالع اقلع بلاط الدرج ، وأحفر سور السطح ، واقلع بلاطو . واسفح سطل مي .
ممكن اتصل بشركة أرامكو مثلا ، يستثمروه ، بس قولك بيستولوا على البيت ؟
لا عاد بدنا دولار ولا سياحة ، هه قال هندسه قال ! أحلى قبار أو شفلح
مواصفات بتجنن ، احسن من الجرجير
رح افتح محل عطارة ، صحيح مو طلع عنا حرادين بالسطح ، بتتيبس وبتنطحن ! وقال هادا النبات بتعشقو الحيايا وبتتخبى فيه ، رسمالها شوية انابيب اختبار وخود على سم لشركات الأدوية
اليوم وصلت أول دفعة أسلحة أكيد ، لأني شفت شلة صراصير أميركية ( من القياس الفاخر ) في الحمام ، صحيح روحنا قنينة الكاز اللي حيلتنا بس كمان بشاير خير . بكرا أفخم المطاعم الصينية بتطلب ودي .
البلد صارت كلها خيرات ، مبارح تعبى قميصي الأبيض بالبعوض كأني ببرنامج عالم الحيوان بمجاهل أفريقيا ، مع اني كنت بالمرجة .
اختفى الجرار ابو خزان أصفر اللي كان يرش مبيدات