صالة أسعار العملات مقابل الليرة السورية ليوم الخميس 30-5-2013

[النسر]

السيد ابراهيم طاهر المحترم
بدي اسالك سؤال ارجو ان تجيب بصراحة
كما هي عادتك...
اذا كان كل الاعضاء في هذا المنتدى الكريم
والبالغ عددهم بفرض 2000 عضوعلى الاكثر
وكان بحوزة كل عضو ما يقارب معدل 10000 دولار
يكون الناتج الاجمالي 20000000دولار
يعني عشرين مليون دولار
وخلييهم يحولوهم سوري
رح ينزل الدولار؟؟
وبفرض نزل الدولار
شقد رح يضل نازل كام يوم... وبعدها ؟؟
اعطيني جوابك
ورح نعرف وين المشكلة الحقيقية ساعتها
مع كل التقدير والاحترام لرأيك

[محمد عامر النجار]

حاولت بالفترة الماضية أتحركش بأخونا لقمان (أبو حكيم) مثل ما بقولو عنا :كان عم يحكني بدني و بدي أسمعلي شي بهدلة . المهم فكرت أنو ما بيقرأ مشاركاتي لحد ما لقطني مبارح على غلطة و صابني بين عيوني مو تاري مطنشني و عم ينتظرني عالدعسة بس بصراحة كانت لازمتني
الخلاصة حتى ما يضربني بحجاره حبيت بس وضح من الموقف اللي صار معي مبارح وقت رحت لأشتري الدولارات لأبي كان الحساب كله رزم 50000 أو 100000 و فوقهم 2400 قلتله سامحني فيهم ما رضي وقال مو جايبه همهما و انا شايفه عم يحمل ملايين و يدحش بالأكياس و يطلع دولارات و يبيع يشتري على 150 و يبيع على 152 وخلال وقفتي 10 د عنده طلعله مربح 12000 تقريبا يعني نص راتبي لما كنت أشتغل ومن حديث لآخر قللي هي البسكليت إلك قلتله نعم قللي ما عم يوقفوك قلتله لما عم قللهم أني مؤذن و خادم مسجد عم يتغاضو عني قللي إذا هيك رح سامحك بال 2400 وبعدها نخرلي بدني و هو عم يحكي على واحد اشتغل عنده و كان مؤذن و شيخ و طلع حرامي و سرق منه المبلغ الفلاني يعني حزّت بنفسي و قلتله هاد مو شيخ بس عامل حاله هيك و حكيتله قصه عن الإمام أبو حنيفة و أمانته و رحت . لما وصلت عالمكتب وانا عم ضب أغراضي تذكرت أنو في ربطة 50000 بسحاب الشنته ما عطيته ياهم اتصلت فيه و خبرته ينتظرني و رحت عطيته ياهم و تشكرني الزلمة و قلتله قبل ما روح مو كل مؤذن مؤذن يللي عنا غير تبعكم
العبرة من كل هالقصة أنو قد يصدر عن بعض الناس لفرط حزن أو غضب كلام لو فعلوه عصوا الله كما قلت البارحة عن الانتحار ولكن اذا أتينا للفعل فمعاذ الله أرجو من الله أن يثبتني و إياكم على الحق و أن يلهمنا و يلهم أستاذنا رامي الصبر و أن يعيننا لنصل لمستوى من لا يخطئ حتى بالقول طبعا مو معناتها أنو لساني فلتان أبو حكيم لا تشتغل فيني دخيلك ما بيطلعلي معك
لا تنسوا الأوراد اللي خبرتكم عنها ببداية مشاركاتي فقد سلمني الله بفضلها من الموت عشرات المرات وربما من كثيير من المشاكل وأحاول أن أواظب عليها يوميا
قد تكون هذه آخر مشاركاتي إلا إن يسر الله لي انترنت فسأدخل للإطمئنان عليكم أرجو دعائكم أستودعكم الله و السلام عليكم و رحمة الله

اذا أبو حكيم ما بطج شكرا على هالمشاركة يمكن انتحر عن جد لا قدّر الله

[المضارب الحسكاوي]

مؤتمر جنيف +تدخل مركزي بيع 100 مليون يورو +تسهيلات ائمانية ايرانية سبعة مليارات دولار ------ زيادة خفيفة بعد استقرار في سعر دولار

صواريخ اس 300 +راتب موظفين +مستحقات موسم القمح +دخول علني لحزب الله +رفع حظر اسلحة اوربية +تهديد امريكي فرض حظر جوي --------- اتوقع ارتفاع جنوني خلال شهر

مين عندو غير وجهة نظر

[الليرة السورية]

شو قصة هالدولار الملعون ؟
كل مرة بينطرني لاطلع من المنتدى ربع ساعة منشان يجن ؟

حدا يحاكيه كلمة شباب باللتي هي أحسن
اوقاتكم بركة

[najm]

وإذا بليت بنكبة فاصبر لهــــــــــــــا مـــــــــــــــــن ذا رأيت مسلما لا ينكب
وإذا أصابك في زمانك شـــــــــــــدة وأصـــــــــابك الخطب الكريه الأصعب
فادع لربك إنه أدنى لمــــــــــــــــــن يدعـــــــــــــوه من حبل الوريد وأقرب
كن ما استطعت عــــن الأنام بمعزل إن الكثير من الــــــــــــورى لا يصحب
واجعــــــــــــل جليسك سيدا تحظ به حبرا لبيبا عاقــــــــــــــــــــــ ــــلا يتأدب

الشاعر"
صالح بن عبد القدوس

[المضارب الحسكاوي]

القامشلي وتوابعها الساعة السادسة مساءا شراء دولار 146 بيع 147.5 مين الو مصلحة

[najm]

اقتباس: المشاركة الأصلية كتبت بواسطة pop75    وزير الكهرباء يدعو المواطنين للاستعداد لرفع أسعار الكهرباء الله يستر من قادم الايام و ما تحمله في جوفها من قرارات تثقل كاهل المواطن السوري

يبدو بان العمل على انهيار قيمة الليرة جاري على قدم وساق .

[المضارب الحسكاوي]

مرحبا يا شباب ممكن نعرف توقعاتكن عن اسعار الذهب عالميا بدو يرتفع ولا بدو ينزل

[محمود1986]

مساء الخير للجميع
ممكن من الخبراء تبرير الفرق الكبير من محافظة لمحافظة
علما انو الدولار باللادئية 155 واليورو 200

[مصطفى1]

سعر صرف تالدولار مقابل الليرة
100 دولار تساوي 5000 ليرة سورية