نضال العلي

اقتباس:

المشاركة الأصلية كتبت بواسطة eng. Hassan والله وأنا عندي نفس الإحساس, وبتمنى يصير هالكلام حقيقة...الله كريم

ليست الأمور بالتمني ، و كما قال الشاعر:

ما كل ما يتمناه المرء يدركه تجري الرياح بما لا تشتهي السفن.

__________________

مجرد إنسان

شكرا لكم ، ولكني مقتنع بسعر الأخ الخطيب ، رأي بسيط بين السطور لمن يخشى أن يخسر خسارة كبيرة ، حدد نسبة خسارة مقبولة ، يعني لو وصلت خسائرك لها تبيع فورا ، والاقتراح الثاني هو انه يمكن ان البيع على دفعات ، يقسم المبلغ اللي معو على 5 فرضا ويبدأ يبيع جزء- جزء فلو طلع مقلب يكون أكل نص المقلب ولو طلع حقيقة والوضع الى نزول يكون اما ربح قليلا او خسر قليلا ..
على فكرة انا شاري ايام ما كان ب 61 ^_^ بنسبة 90%
في القلب شيء ... لا يعلمه الا الله والله أعلم بما سيحدث

__________________
{بل نقذف بالحق على الباطل فيدمغه فإذا هو زاهق ولكم الويل مما تصفون}

محمد ابو علي

__________________

Eng. Hassan

__________________

الباشا المهندس

طيب مقاطعة البضائع الأمريكية والنرويجية .. والأوربية .. والروسية والصينية والمحلية .. أي شو البضائع اليابانية ولا الصومالية والمكسيكية معبية البلد!

طبعا أنا مع فكرة معاقبة تجار الحروب حاليا وغدا .. بس بأقسى من موضوع المقاطعة .. وحتى المحاكمات الاقتصادية .. أو فرض غرامات مدمرة .. مو غلط .. طبعا .. بعد المحاكمة لبيان الأسباب!

ماهر ابو عدنان

شكر لسؤالك عنا
والك الشكر
بس اليوم ياجماعة اكلت ضرب بي 400 دولار والصراحة
بيكسرو الخاطر وماكان الي نفس افتح نت
القصة ومافيها اليوم الساعة شي 12 الضهر اضطريت على مبلغ 6 الاف دولار
نزلت على الهرم قام قلي بدنا شي نص ساعة وحاطط سعر المبيع كان 66.90
المهم طلعت لروح على المرجة بدي شوف صرافي قام شفت صراف شب سألني بدك تصراف
قلتلو ايه بدي اشتري قلي بي 77.5
ضليت فاصلو لحسبلي ياه بي 66.75 مبلغ 6 الاف
ورحت على بنك سوريا الدولي الاسلامي بالحريقة
لحول المصاري للزبون المهم
ياجماعة وهون كانت الصدمة والله حط المبلغ بالعدادة قام طلعت مية وحدة من جنب
رد حط المبلغ كمان طلعت مية مرة تانية عاد الطريقة كذا مرة وتطلع هي المية دولار
اخدى شافا وراح رجع بعد شوي اخد المبلغ كلو ورح غط شي 10 دقائق
ورجع وقلي عطيني هويتك
اخد هويتي وقلي استاذ من وين جايب الدولار في 400 مزورين ونحنا اتصلنا بالامن
والله اجت شرطة الحريقة واخدوني على المخفر والله سيران مرتب وحطيت قد 400
دولار بي 3 مرات ؟؟؟؟؟؟؟؟؟؟
لحسنة اطلع مع الف ترجي والله ياجماعة
رجعت على البنك وحولت الباقي
وحكيت انا والموظف واعتذر مني وقلي هو بيتحاسب اذا ماخبر وقلي انو التزوير بخوف مكنة 2012 مالقطة غير ورقة من الاربعة حتى هو شافى ومابينت معو شي بخوف
والله يعوضنا
وانا ياجماعة حكيتلكون هل القصة حتى ديرو بالكون وماتشترو الا من صراف بتعرفوه
يكون ثقة
والسلام عليكم ورحمة الله
وبالمناسبة اغلق سعر صرف الدولار بدمشق
شراء 76.30
مبيع 76.80

Eng. Hassan

__________________

غسان

الله يعوضك اخ ماهر ابو عدنان
والحمد لله على سلامتك وانك نفدت منها
ولاحول ولاقوة الا بالله

shereen

الله يعوض عليك اخي ماهر والمصيبة بالبلد انو وقت يكمشو واحد معو مزور بياخدوه قللو كانو هوة اللي مزورهم ومابيدورو ابدا على اللي باعو ياهم بس اخي ماهر وقت اشتريتهم للدولارات من المرجة ماحطللك ياهم على المكنة وشكرا

__________________
يارب

مجرد إنسان

الحمد لله على سلامتك أخي العزيز ، وان شاء الله ربي بعوضك أضعاف..
تروح المصاري : كلو فداك ، المهم سلامتك
وخيرا بغيرا ان شاء الله
بخصوص التزوير : نقترح فتح موضوع ، لانو مثلا اليوم المبلغ ما كان محرز هالضرب الكبير والمشكلة اللي عملوها معو بالبنك ، أنا بظن انو افضل طريقة تكشف المزور هي بياض عين فرانكلين باشا بالدولار الاصلي بتجي خطوط واي شي مزور بيجي طلس .. واذا حدا عندو شي وحدة مزورة والعين جاية خطوط يخبرنا
صعبة شوي وبدا هدوء ودقة ، بس احسن من هالكارثة مع فرع **** ، لانو ما بكفي انو الواحد خسر المضروبين ، كمان فات فوته ما بيشتهيا لعدو.. وفوق كل هاد دفع دم قلبو ليطلع بالسلامة
والحمد لله على سلامتك مرة تانية

__________________
{بل نقذف بالحق على الباطل فيدمغه فإذا هو زاهق ولكم الويل مما تصفون}