سعر صرف الدولار مقابل الليرة1-3-2012 (السوقي)

[saeed-sy]

تحية للجميع ،،
أنا سعيد - محلل تقني بالسوق العالمي ( عملات - معادن )

هي أول مشاركة إلي بالمنتدى ، رح أحكي بالعامية ( منعاً لإنتقاء كلمات غير مفهومه بالنسبة للشخص العادي )

بالنسبة لليرة السورية فالتحليل التقني ملغي والأعتماد فقط على الفندمنتل والتحليل الأساسي ، وشخصياً أنا كان عندي تصوّر للهبوط من من بداية السنة الماضية 2011 .. ( احداث تونس )
الأرقام اللي كنت متصورها كالتالي ( 50 - 55 - 84 - 125 - 250 ) .. كل رقم = ليرة مقابل دولار واحد
كل رقم مذكور رح يكون في عندو مراوحة ورح يعتبر نقطة مقاومة .. اما النقاط العمياء متل 62 و 74 فهي مقاومات ضعيفة والمراوحة عندها حتكون قليلة لهيك ماذكرتها ..
حالياً الكل بيعرف انو الدولار ضعيف مقابل سلة العملات والمعادن والسلع العالمية ، الدولار اندكس ( دليل المشتريات للدولار ) حوالي 78 .. يعني هو منخفض جداً .. كلام برنانكي الأخير رفع الدولار مؤقتاً ، انا بعتبر هالارتفاع بمثابة التصحيح التقني خصوصاً للذهب ,, بمجرد العودة بالذهب من جديد لمستوى 1800 .. وباليورو لمستوى 1.36 ( اللي بيشكل 200 ويكلي موفينج افرج ) رح نهبط بكل بكل مايقابل الدولار .. والمستفيد من هالهبوط هو الدولار .. بمجرد تحقيق ماسبق ذكره رح يقفز الدولار قفزه نوعية من 84 للـ 125 خلال 3 اسابيع من تاريخ تحقيق اليورو 1.36 والذهب 1800 من جديد ..
أنا حالياً مراهن على ارتفاع الدولار مقابل كل شي عالمياً ..

بعتذر مجدداً لأني حكيت بالعامية والكلام مشتت نظراً لأني عم اكتب وانا مستعجل ،،
للجميع التحية

[ابو النخل]

أهلين سعيد من وين بأمريكا عم تحكي؟

[saeed-sy]

لا أخي أبو النخل ،، أنا بالشام

تحياتي

[عابر مجيب]

اقتباس: المشاركة الأصلية كتبت بواسطة saeed-sy    تحية للجميع ،، أنا سعيد - محلل تقني بالسوق العالمي ( عملات - معادن ) هي أول مشاركة إلي بالمنتدى ، رح أحكي بالعامية ( منعاً لإنتقاء كلمات غير مفهومه بالنسبة للشخص العادي ) بالنسبة لليرة السورية فالتحليل التقني ملغي والأعتماد فقط على الفندمنتل والتحليل الأساسي ، وشخصياً أنا كان عندي تصوّر للهبوط من من بداية السنة الماضية 2011 .. ( احداث تونس ) الأرقام اللي كنت متصورها كالتالي ( 50 - 55 - 84 - 125 - 250 ) .. كل رقم = ليرة مقابل دولار واحد كل رقم مذكور رح يكون في عندو مراوحة ورح يعتبر نقطة مقاومة .. اما النقاط العمياء متل 62 و 74 فهي مقاومات ضعيفة والمراوحة عندها حتكون قليلة لهيك ماذكرتها .. حالياً الكل بيعرف انو الدولار ضعيف مقابل سلة العملات والمعادن والسلع العالمية ، الدولار اندكس ( دليل المشتريات للدولار ) حوالي 78 .. يعني هو منخفض جداً .. كلام برنانكي الأخير رفع الدولار مؤقتاً ، انا بعتبر هالارتفاع بمثابة التصحيح التقني خصوصاً للذهب ,, بمجرد العودة بالذهب من جديد لمستوى 1800 .. وباليورو لمستوى 1.36 ( اللي بيشكل 200 ويكلي موفينج افرج ) رح نهبط بكل بكل مايقابل الدولار .. والمستفيد من هالهبوط هو الدولار .. بمجرد تحقيق ماسبق ذكره رح يقفز الدولار قفزه نوعية من 84 للـ 125 خلال 3 اسابيع من تاريخ تحقيق اليورو 1.36 والذهب 1800 من جديد .. أنا حالياً مراهن على ارتفاع الدولار مقابل كل شي عالمياً .. بعتذر مجدداً لأني حكيت بالعامية والكلام مشتت نظراً لأني عم اكتب وانا مستعجل ،، للجميع التحية

شكرا على الشرح بس بالعامي ما فهمنا ، الحمد لله أنك ما كتبت بالفصحى .
يعني الأمور اللي باني عليها دراسة الليرة ما بعرفها بس الأرقام اللي حاططها أبدا مو غريبة مع انو ما بينطبق على حالتنا أي تحليل علمي أو منطقي يعني ما ممكن بالقلم والورقة والرسم البياني . وأنا حاسس انها مجرد إلهامات وتوقعات لا يؤكدها إلا الوضع على الأرض . والوضع على الأرض عرضة لتغيرات جذرية بين لحظة وأخرى .
ما فهمت بالآخر كيف بعد ما يرتفع اليورو وبعد ما يرتفع الذهب رح يطير سعر الدولار إلى 125 وأكتر ! خصوصا أن ارتفاع اليورو ( وهو داخل في تقييم الليرة بنسبة 34% تقريبا ) أقول ان ارتفاع اليورو بيرفع معو الليرة شوي ، متل فكرة التغذية العكسية عند خبراء الإليكترونيات . أو بالعامي من دهنو سئيلو .

تخيل منظري يطلع كلامك واضح والكل فهمو عليك وأنا بس اللي مغرد خارج السرب ، خزوة مو ؟!

هيك بيصير معي لمن بفوت على معرض فن تشكيلي بصير بدي اتأكد أنو اللوحة مو مقلوبة !

أهلا وسهلا بيك ( هاي بالمصري فيك عندهم معيبة ما بيستعملوها ) بس لتشوف أول فوته على المنتدى.
نحنا زهراويين وبنحب المزح والجد سوا .
تحياتي .

[saeed-sy]

أهلاً عزيزي عابر ،،

لا بالفعل أنا رجعت قرأت الكلام اللي أنا كتبتو ، بالفعل الكلام مضغوط ومشتت وغير مفهوم ( بالرغم من صحة المعلومات ) إنما الكلام هو المتشتت .. لو شبهتلك ياها .. كلامي كان بيشبه سحابة دخان مضغوطة داخل الغرفة . أول مافتحنا الباب تخيّل صيغة الخروج ؟

المهم ، رح أجاوبك عاالتساؤلات بقدر مافهمت الأسئلة :
بالنسبة للإنطباق العلمي والمنطقي على وضع الليرة ، فأنا ذكرت إنو التحليل التقني والفني ملغي بحالة الليرة والاعتماد فقط على الـ fundamentals والتحليل الأساسي اللي هو الأخبار والمؤثرات سواء الداخلية أو الخارجية .
أما سؤالك عن علاقة اليورو بالذهب بالليرة ،، فالربط ماكان متل ماتخيلت أنت !
بقصد بالربط إنو الدولار حالياً منخفض مقابل الكل ، ورح يرتفع بالأيام القادمة ، دليل هالارتفاع رح يكون من وقت اليورو رح يسجل رقم 1.36 و 1800 للدهب .. وقتها رح ينخفض كل شي مقابل الدولار بما فيها الليرة المسكينة ..

أما كلامك عن إنها كلها تخمينات ، فحتى بالسوق العالمي وأي استراتيجي بالسوق لازم يكون فاهم الأحداث العالمية خصوصاً للعملات أو السلع اللي عم يتداول فيها + عامل تحليل تقني وفني بمؤشراته الخاصة .. وضروري جداً يترك حيّز كافي للتخمين والحظ ( متل الكوارث الطبيعية )
رح اقتبسلك رد إلي بمنتدى جاوبت فيه شخص عن عدة تساؤلات وكان أول سؤال هو عن قضية التخمين بالسوق :

جواب السؤال الأول : أخمّن السلوك الذي سيسلكه صانع السوق كما تخمّن أنت ردة فعل والدك إن سرقت ، أما أنا فلا أعرف كيفية ردة فعل والدك ، وأعرف ردة فعل والدي أنا ،،، إذن فالمعرفة بـ ردة الفعل لكل أب منّا قادمة بالاكتساب والمعايشة طيلة فترات متتابعة ، يوم بيوم ولحظة بلحظة .. هي التشرب كالاسفنجة إذن ، ولا تأتي من خلال الشرح .. فلا قاعدة هناك

انتهى الاقتباس


؛ ؛
تحياتي

[Anasbrsy]

صباح الخير على الجميع

[غسان]

اقتباس: المشاركة الأصلية كتبت بواسطة shereen    مساء الخير للجميع انا لقيت اكتر سعر رائج بالشام 82 شراء و 83 بيع وحابة انو نوه للاعضاء الجداد وللقائمين علموقع كل فترة بيفوت عضو جديد بيلحش سعر غير طبيعي وبيمشي ارجو من المشرفين الانتباه لهل الشي مشان الموقع مايفقد مصداقيتو متل في شب كاتب السعر في بيروت 78,5 بكرة بيجيك واحد بيكتب السعر بالصين 88 وهيك الشغلة صارت سخيفة وشكرا وتصبحو على خير

وانت بخير ....وصباح الخير

اخت شيرين ثقي ان الموقع له مصداقية عالية جدا وهو من المواقع القلائل الذين حافظوا على سوية عالية من بين مواقع كثيرة فقدت الثقة فيها لاسباب مختلفة ....

ولكن بالتأكيد ليس بينها السبب الذي ذكرتيه .....

وكما يلاحظ الجميع تم السماح لمشاركات كثيرة

اما من يقتنع بوجهه نظره فقط و(امام سر.....يمين در .....يسار در ) فمن الصعب ان يجد من يقتنع به...

لا نقوم بمنع وحظر او تعديل المشاركات الا في حدود ضيقة جدا وعند الاضطرار فقط

حاليا بالنسبة للدولار جاري الذي يسكن تحتي لديه سعر مختلف عن سعر جاري الذي يسكن جنبي واثق بهما معا ....

بشكل عام اسمع جميع الاراء واختار مايناسبني

[عابر مجيب]

اقتباس: المشاركة الأصلية كتبت بواسطة saeed-sy    أهلاً عزيزي عابر ،، لا بالفعل أنا رجعت قرأت الكلام اللي أنا كتبتو ، بالفعل الكلام مضغوط ومشتت وغير مفهوم ( بالرغم من صحة المعلومات ) إنما الكلام هو المتشتت .. لو شبهتلك ياها .. كلامي كان بيشبه سحابة دخان مضغوطة داخل الغرفة . أول مافتحنا الباب تخيّل صيغة الخروج ؟ المهم ، رح أجاوبك عاالتساؤلات بقدر مافهمت الأسئلة : بالنسبة للإنطباق العلمي والمنطقي على وضع الليرة ، فأنا ذكرت إنو التحليل التقني والفني ملغي بحالة الليرة والاعتماد فقط على الـ fundamentals والتحليل الأساسي اللي هو الأخبار والمؤثرات سواء الداخلية أو الخارجية . أما سؤالك عن علاقة اليورو بالذهب بالليرة ،، فالربط ماكان متل ماتخيلت أنت ! بقصد بالربط إنو الدولار حالياً منخفض مقابل الكل ، ورح يرتفع بالأيام القادمة ، دليل هالارتفاع رح يكون من وقت اليورو رح يسجل رقم 1.36 و 1800 للدهب .. وقتها رح ينخفض كل شي مقابل الدولار بما فيها الليرة المسكينة .. أما كلامك عن إنها كلها تخمينات ، فحتى بالسوق العالمي وأي استراتيجي بالسوق لازم يكون فاهم الأحداث العالمية خصوصاً للعملات أو السلع اللي عم يتداول فيها + عامل تحليل تقني وفني بمؤشراته الخاصة .. وضروري جداً يترك حيّز كافي للتخمين والحظ ( متل الكوارث الطبيعية ) رح اقتبسلك رد إلي بمنتدى جاوبت فيه شخص عن عدة تساؤلات وكان أول سؤال هو عن قضية التخمين بالسوق : جواب السؤال الأول : أخمّن السلوك الذي سيسلكه صانع السوق كما تخمّن أنت ردة فعل والدك إن سرقت ، أما أنا فلا أعرف كيفية ردة فعل والدك ، وأعرف ردة فعل والدي أنا ،،، إذن فالمعرفة بـ ردة الفعل لكل أب منّا قادمة بالاكتساب والمعايشة طيلة فترات متتابعة ، يوم بيوم ولحظة بلحظة .. هي التشرب كالاسفنجة إذن ، ولا تأتي من خلال الشرح .. فلا قاعدة هناك انتهى الاقتباس ؛ ؛ تحياتي

شكرا لاهتمامك واجابتك
أنت رجل دقيق ودمث وفهيم ، وهذا ما يفرق بين محلل وآخر ، العلم واحد بس المتلقي ومجالات اهتمامه ومدى قوة عقله وأخص الباطن هنا ، ذلك كله يلعب دور في تميزه عن الآخرين .
ما حدا أحسن من حدا وإليك اقتباس من كلامي .
لأحدهم عما تسميه أنت باستشراف رد الفعل للسوق كمن يستشرف رد فعل من خبرت ردود فعله . ربما تزاوج التوضيحين فتجد فكرة أسهل لإفهام الفكرة ، من الواضح أنك من محبي الإفادة وتوصيل المعلومة للآخر قد يناسبك سلك التعليم كثيرا . قلت :
"شوف بقا :
تغير السعر علمه عند الله طبعا ثم في العقل الباطن الذي يحلل في الخفاء ، ثم فجأة تقول والله خليني بيع أو ما بيع . طبعا هذا حسب الجو اللي معيش فيه عقلك الباطن ، مو تكون عم تتفرج على المسلسلات والأغاني ، وموجود في جو مدرسه ابتدائية وحديث المعلمات حواليك عن الطبخ ."
انتهى الاقتباس مع حفظ حقوق الاقتباس للجعفري

[Ahmad Hamdi AlSharif]

اقتباس: المشاركة الأصلية كتبت بواسطة a_khateeb82    أخ ماهر على ما اعتقد الذهب ما تأثر بموضوع ايران هبوط الذهب سببه الاساسي تصريحات رئيس البنك الفدرالي برنانكي بخصوص التصور المستقبلي للاقتصاد الاميريكي مع تراجع معدلات النمو بالهند أحد اكبر الدول المستوردة للذهب بس شو الفرق بين برنانكي وبين ميالة big grin مافي فرق ابدا big grin

عنجد الفرق بينه وبين ميالة واحد تصريحه بتهتز له أسواق العالم وبيتأثر فيه الاقتصاد العالمي وواحد بتهتز له الابدان من كثرة الضحك :0069:

[مجد]

اقتباس: المشاركة الأصلية كتبت بواسطة د.وائل نحاس    سمعت من بعض التجار ان سعر الدولار في بيروت اقل ب 3 ليرات من سعره في سوريا

يعني خبر فرق سعر الدولار بيننا وبين بيروت صحيح طالما جاء من مصدرين .بس ممكن صعوبة التهريب والانتقال هي سبب هذا الفرق وتوفر الليرة في لبنان .ومو في جدة