economic opinion

غسان

صحيح لايعمل تم الحذف

economic opinion

ماشي بروكرنا العظيم فيما يتعلق بموضوع التدخل برجل يضرب زوجته وهو سكران (يعني بغير وعيه) فأنا شفت إنو تصرف أخونا أبو معاذ كان رائع ويمكن رب العالمين ألهمو الصواب والله أعلم إنو لما دق عليه الباب قال له أنه من الأمن ولم يقتحم منزل الرجل، ما بعرف يمكن لو قال للأمن عنجد كانت صارت فضيحة هي العائلة أكبر، ويمكن كان الزوج انحبس كم يوم واحتمال هي المخلوقة عندها أطفال وما بتقدر تعيلهون. غير هيك يمكن بعد ما يطلع من الحجز يفش خلقو فيها بزيادة، وبالتالي بكونوا صعبوها عليها أكتر بدل ما بساعدوها
بس يمكن بهاد الأسلوب الزلمة ارتدع لأنو ما بدو تكبر القصه بالشرطة، آم كف آذاه عن المخلوقة.
وواضح إنو بما أنو الزوجة كانت متحملة منو كل هاد الشي لفترة إنو وضعها كتير صعب وما كان في قدامها أي حل غير إنها تتحملو.
ففعلاً جزاك الله ألف خير على موقفك أخي أبو معاذ

ام محي الدين

يا جماعة صرلي من وقت انتهاء التراويح
وانا عم انتظر والله مليت ليش ما بتبلشوا
بوقت ابكر من هيك طبعاً انا عم احكي بالمونة

__________________
لله الأمر من قبل ومن بعد
((( أم محي الدين )))

economic opinion

أما موضوع الدراسة فهو موضوع شائك بنظري، وبعد ما قريت كل الردود السابقة فأنا مع الرأي يلي بقول "التعليم إلزامي للبكلوريا وبعدين الإختيار للطفل أولاً لأنو بهاد السن بيكون الولد وعي شوي وبلش يعرف شو بدو ( موبس فهمان إنو ما بيحب المدرسة)
مع العلم إنو وضع البنت يختلف كتيييييير بنظري عن وضع الذكر فأنا بشوف إنو البنت لازم يكون في بإيدها شهادة مشان الزمن ولأنو أكبد ما فيها تشتغل بأي مكان.

abu mhd

انا نعسااااااااااااااااااااااااااااااااااااان
بس ما عم اقدر نام و يبدو راحت معنى للفجر
وهي المسحر حاسس عم يدق على راسي مو على الطبلة
سحورا مبارك و تقبل الله منا و منكم سلفا

__________________
شآمُ ما المجدُ؟ أنتِ المجدُ لم يغبِ ..

economic opinion

إذا بدي احكي متل مؤيد عن تجربتي الشخصية، فالحقيقة أنا والدي ووالدتي كتير التعليم عندون مهم، ووالدي بالذات بشوف إنو البنت لازم تدرس جامعة ويكون معها شهادة (من هون اجت نظرتي طبعاً)
أنا بكتير مواقف من حياتي كان تدخل العناية الإلهية حاضر وموجود لصفي، أنا لما كنت صف تاسع كان في عنا بالبيت شوية ظروف خلتني ما أعرف ادرس منيح وجمع 190 علامة وهديك السنة طلبوا للتعليم العام 201 _ لا حدى يسألني ليش وواحد_ ناقشوا كتير أهلي أفكار مشاني شي تعليم خاص وشي سفر للأردن مشان ادرس علمي بس بسبب انشغال والدي بشيء آخر ذلك الوقت قررنا إني أنزل سجل بثانوية تجارية ومنشوف بعدين.
وفعلاً نزلت سجلت ولما بلشت احضر محاسبة ورياضيات مالية والمواد التجارية عجبني الوضع وصرت اتفوق بدون ما ابذل جهد كبير ، كنت حس حالي عم بفهم بسهولة، (بعكس الماضي يلي كنت لأبداً ما اقدر استوعب بزمناتي بالإعدادي الفيزياء والكيمياء والرياضيات العامة والعلوم)، وتفوقت بالبكلوريا التجارية وكان حلمي كلية الإقتصاد وكانت صعبة المنال بالثانوية التجارية بس رب العالمين وفقني وجبتها من أول سنة وبسهولة، وبس فتت الكلية عينكون ما تشوف إلا النور، انصدمت بواقع التعليم والحضور بالكلية والدكاترة والعلمات ........
بس ما بنكر اني تعلمت فيها شغلات مهمة وأساسيات وكان على وقتي بالجامعة في تغيير مناهج وكنت أنا من أول دفعة بيتطبق عليها المنهاج والتخصصات الجديدة، ومن حبي بالمحاسبة اختصيت محاسبة، منت كتير أيام قول لوالدي إنو الدكاترة مو مناح والحضور سيء كان دائماً يتطلع عليي بطرف عينو ويقلي " بابا مو المكان أو الدكاترة بيعطوكي العلم، هاد انتي بتجيبي، والمشكله فيكي مو فيون" واتخرجت من الجامعة وبلشت دور على طرق زيد فيها معرفتي وبحثت بأكثر من ماجستير وبعد الإطلاع على عدة مناهج اخترت أحد الماجستيرات مع العلم إنو غير معترف فيه إلى الآن بجامعة دمشق وسجلت فيه وللآن مستمرة فيه لأني فعلاً لقيت فيه معلومة

economic opinion

مؤيد بتعرف.... أنا لما كون بدي نام وما عم بقدر بمسك بإيدي كتاب وبتسطح وبقرأ فيه وما بدي احكيلك 3 صفحات بكون خالصة (يفضل يكون كتاب دراسي لأنو الضرة مره )

economic opinion

مساءكون سعيد وتقبل الله صيامكم وطاعاتكم

رندة

مساء الخير جميعاً
أحببت جداً فكرة صالة النقاش
فأي مساحة للحوار مفيدة لنا

1-هناك فجوة كبيرة بين المهارات التي نكتسبها أو التي يجب أن نكتسبها وبين حصاد الشهادة الذي نجنيه والنتيجة دائما مخيبة للامال
2-نادراً ما يتمكن الانسان من اختيار الاشياء التي يحبها
لذلك يجب ان لايفوت الفرصة باختيار المجال الذي يحب ان يدرس او يعمل فيه خلال حياتنا وخصوصا ان الدراسة الجامعية هي من أهم فترات اعادة اكتشاف الذات والتعلم من الاخرين وهي البيئة المناسبة للالتقاء بكل اطياف المجتمع الثقافية والاجتماعية والسياسية ومثل مابقولوا الجامعة جامعة

3-من خلال تجربتي الشخصية كل ما تعلمته خلال دراستي
هو ما ساعدني في صقل هوايتي في الكتابة والمطالعة بينما المهارات التي اكتسبتها في الحياة هي ما ساعدني في مجال عملي عكس المتوقع

4- بالنسبة لابنائي لهم مطلق الحرية باختيار المجال الذي يدرسونه بس احب ان يعبروا جسر البكالوريا ليدرسوا ما يحبون لكن اتمنى الايفوتوا تجربة الدراسة الجامعية
فهي مميزة لصقل الشخصية او هيك كانت بالنسبة لي

5- طبعا مع ملاحظة ان اسلوب التعليم البصم قد أضاع
كل فرص الابداع والتعلم ولا يمكن تقييم قدراتنا ومواهبنا من خلال تقييم العلامات الذي نحصل عليه بل احيانا يحدث العكس فكل الامكانات المادية والجهود الفكرية التي بذلت
تضيع ادراج الرياح بعد انتهاء الامتحان

وعذرا على الاطالة

__________________

أولاً يتجاهلونك , ثم يسخرون منك , ثم يقاتلونك , ثم تفوز أنت .

المهاتما غاندي

وفي النهاية لن نتذكر فقط كلمات اعدائنا بل أيضاً صمت اصدقائنا .

مارتن لوثر كنج