صالة سعر صرف الدولار مقابل الليرة 2-9-2013

[homam]

اقتباس: المشاركة الأصلية كتبت بواسطة shereen    هههههههههه والله ياجماعة شي بيضحك من جد نزل الدولار من 285 شراء لل 210 حدا يعطيني سبب مقنع ارجوكم وشكرا

ارتفاع سعر صرف الدولار كان لسبب وزوال هالسبب رجعو لارقامو الطبيعية
عالاقل للوقت الحالي

[جوليت]

اقتباس: المشاركة الأصلية كتبت بواسطة مجد    بصراحة العلقة الان صارت مع ....... وليس مع المركزي!!!!!! هذا نسميه الطمع وهذا هو من يهلك صاحبه .يلي بيطلع من السوق بريشه يكون قد فاز فوز كبير .......نحن واجبنا ننصح فقط وكل واحد حر بالنهاية .

مع مين يعني ؟؟؟؟؟

[دمشقي]

السلام عليكم جميعا
ومبارك للموقع التطبيقات الجديدة
والله كنت مفكر انو الاستاذ رامي وعدنا انو في شغلات جديدة وما صار شي
بس والله ياعمي الشغل مية المية موفقين جميعا
وتحيتي لكل الاعضاء
بالنسبة للدولار شكله صار معلق بالقرارات السياسية
الله يهدي الاوضاع وتستقر الاسعار

[salkiny]

اغلاق سوق ريف ادلب بارتفاع خمس ليرات للمبيع والشراء
215- 220
متوفر بالاتجاهين
مع امكانية المبازرة ل 219 مبيع او 216 شراء ( اذا كنت صاحب كمية بالمبيع او الشراء )

[عابر مجيب]

اقتباس: المشاركة الأصلية كتبت بواسطة shereen    هههههههههه والله ياجماعة شي بيضحك من جد نزل الدولار من 285 شراء لل 210 حدا يعطيني سبب مقنع ارجوكم وشكرا

يسعد مساك خص نص وكل الباقي كمان طبعا
والله السعر مانزل ، واللي عم يشتروا بأسعار قليلة ، صدفة أو حدا صايرلو خاروف وما عنده سوري .
اليوم حاولت اشتري لزبون ثمن تذاكر عدد 2 للسفر مبلغ 1260 $ اتصلت بـ 3 صرافين ، وعدوني يتصلوا ويعطوني السعر ( ما فاصلت ولا حددت سعر ) من الساعة 11:30 للساعة 02:00 تحرم عليهم إذا حدا اتصل . وكان الزبون ما عندو مانع يشتري ولو بـ300 . بس انا ضميري ما كان مرتاح ، قلتلو روح وتعال بكرا وحاول تلاقي بس السعر مو فوق 230 . اتصل الساعة 06:15 قال ما دبر، وكان راح على منطقة مخيم مدري انو واحد منهم أو السيدة زينب ، قلتلو تعا بكرا والله بيفرجها .
طبعا كنت متعاطف وقلت حرام ممكن ياخد شوية نظامي ، رحت خلف المحافظة ( شي متحدة ) قاعد واحد على الباب بيقطع من عندو ، قال اليوم مافي ، على الطرف المقابل صراف وما في ولا زبون ، سألت أبو الكرسي ، بس عندكم ؟ قال جرب بلكي نحنا مابدنا نبيع إلا على كيفنا ! كان عم يحكي بمودة على غير عادات أمثاله . ورجع لاطفني وقلي ما في ، ربتت على كتفه وشكرته .
( حلوة هي ربتت بعد كل الحكي العامي هههههههههههههه )
المهم رجعت للزبون وبما أنو أجدب ورايح على اليمن أصلا عطيتو رقم بيفهمو : قلتلو عطيني 290 ألف إلا ميتين ههههههههههههه وتحت الزود والنقص وخود التذاكر ، إذا زاد بعطيك ، وإذا نقص بترجع بكرا بتعطيني ، طبعا إذا ما رجع بلغي التذاكر وبلعن ابو اللي خلفو .
قال ما حامل اليوم غير 220 ، قلتلو حل عني منشان اللي خلقك وتعال بكرا ومعك دولار .
بعد شوي جاء صديق مضطر ليدفع اجرة اصلاح جهاز اوكسجين ، باع بـ 210
لا بقا حدا يقول نزل ، الكل منتظرين تدخل المركزي وشاكين ، ومنتظرين الضربة ومتأكدين .
السعر المتداول وهمي مضاعف ، يعني مربع ، يعني اس 2 وبعدة مجاهيل سين وصاد و عين والنتيجة جذر سالب ( تخيلي ) .
اقتنعتي؟

[خيرو الشامي]

من اسباب انخفاض الدولار ان الصرافين يقللون من النقود المعدة للمضاربة خوفا ان يقع المحذور عليهم ويبيعون مايشترون فورا على مربح ليرتين او ثلاثة ولا يدخرون ؟؟؟لانهم مدخرين اغلب راسمالهم بالدولار ونايمين عليهم لساعة الفورة لذلك نرى تعادل بين العرض والطلب ..سعرالدولار بدمشق ليلا شراء207 مبيع211 (والصباح رباح)

[احمد م حسن]

انا اشتريت من شركة صرافة مشهورة عدة الالف بسعر 210 الساعة الرابعة بعد الظهر وكمان كان بجانبي شخص اشترى 3000 بسعر 210

[مجد]

جاء رجل إلى النبي ـ صلى الله عليه وسلم ـ فقال يا رسول الله : متى الساعة؟ قال : وماذا أعددت لها ؟ قال : لا شيء إلا أني أحب الله ورسوله ، فقال : أنت مع من أحببت ( رواه البخاري )