صالة أسعار صرف الدولار والذهب وباقي العملات مقابل الليرة السورية ليوم الخميس 29-8-2013

[homam]

مساء الخير

ان شاء لله يكون الدولار قلبو حاسو انو مافي ضربة لان الهيئة اليوم قلبو بارد على عكس التوقعات

الله يحمي الجميع

[حلبية]

اقتباس: المشاركة الأصلية كتبت بواسطة عابر مجيب    ما بتتخيلي أديش مقهور من اللي عم تعاني منه الناس لما بتضرب المثل بالضياع والفقد الكامل ، بتقول راح فرق عملة بس كأني فهمت من صفحة مبارح بعد إغلاقها بحيث لم أتمكن من السؤال ، نعم فهمت ان الحوالة وصلت ، وانت عم تسألي إذا أفضل تأخري الاستلام أو لا . بظن وانشاء الله يكون غلط ، أن الحوالة بتنصرف بسعر يوم وصولها مو يوم الاستلام . كل تأخير بتقابل مع ارتفاع للدولار ، الله يعوضك بتصور ، هاد رأي فقط ، وكل واحد بيعرف تفصيلات مابيعرفها غيره ، وقصدي عن الظروف الشخصية مو معلومات أخرى ، نعم أنا وحسب ظروفي كان ممكن استلم الحوالة ، وأعتبرها ما كانت ، وبشتري أسهم وبنساهم . على اساس أكتر من القرد ما مسخ الله ، ما بتعرفي بلكي بتزبط نظرية دارون هالمرة وبيصير القرد بني آدم . هههههههههههه المهم ما يكون المسخ اللي رح تختاريه عرضة للنهب أو الإفلاس ، انا بقول اسمنت البادية على الأقل بيبقى عندهم حديد خردة للبيع إذا تدمروا .المهم يكون لأسهم عندها أصول مو دفتر حسابات وعقار مستأجر . إذا محتاجة للمبلغ ، حولي دولار وعوضك على الله بالفارق أو فوات الربح . مصاريك نتيجة سهر وتعب ودراسة وعلم ، بيحرقوا القلب . خطر ببالي كمان تطلبي تحوليهم إلى لبنان ، إذا لسا ما محولين ، وبيضلوا بالويسترن يونيون وما بيروحوا ، ممكن تروحي خلال 3 أشهر على ما أظن ويمكن أكتر، ومعك الرقم وهويتك وبتستلمي من أول نقطة داخل الحدود اللبنانية ، ما بظن تضطري تنتظري أكتر من 15 يوم ، حسب ما الله مفرجيني . الله يلهمك الأحسن .

اخي العزيزعابر مجيب ..
تسلم والله على نصايحك ...
بالنسبة للحوالة .. نعم هي وصلت و معي الاشعار
لكن مابدي استلمها حاليا .. لوقت مايهدا السوق شوي
و صارت معي من قبل .. و استلمت على سعر اليوم .. مو سعر اللي بعتو فيه الدولار
(العملة المحولة / ريال ) بالوصل مو مكتوب دولار .. مكتوب سوري و ريال
بس انا حولتهم و طلعو 1200 دولار وشوي
وبصراحة مبلغ محرز ومتل ما انت قلت .. كله من التعب والشقاااا و سهر الليالي والله بيعلم ..
الحمدلله عكل حال
اما بالنسبة للسفر للبنان .. مستحيل ..
اخي وابي متوفيين .. العمر لاحبابك .. لهيك مابقدر اطلع لحالي :(
وبالنسبة لشغلة الاسهم فكرت فيها من قبل بس ( شيء ما بفهم فيه ) لهيك بخاف اخسر الحيلة والفتيلة هههههه يعني انا اخذتهم ادخار وحفظ للعملة على امل اشتري بيت ان شاء الله بس تنتهي الازمة ..
لهيك لاخر الاسبوع القادم ان شاء الله رح استلمهم شو ماكانو يكونو ههههههههههه
ويعطيك الف الف عااااااااااااااااااااااااااااااااااااااااااااااااا اااااااااافية

[حلبية]

اقتباس: المشاركة الأصلية كتبت بواسطة ابن الجبل    الله يجزيكي كل خير وفرتي علي نقل مشاركة الامس على قولة نحنا بواد و هم بواد أخر انسيها كل العالم بتعرفها تعتبر الحوالات إحدى مصادر الدخل بالقطع الاجنبي للدولة و بناءا عليه يأتي أحد الفلاسفة الاقتصاديين و يعجز عن تأمين قطع إلا بهذه الطريقة أو بطريقة الجزائري الله يعطيه العافية و الحل للحوالات هي استلامها خارج القطر الاردن تركيا لبنان نكتة حقيقية ( صديقي قال لاخيه و لك صارلك كم شهر مجوز و ما طلعت سياحة تكرم عينك صديقي بلبنان وعدني عنده شقة صغيرة روح صيفلك أسبوع و رجاع على حسابي و هو بلبنان قاله حولتلك 20 الف دولار على حسابي بالبنك اسحبهن و حولهن سوري و اعطيهن لفلان حق الارض اللي بظهر الجبل ) بهذه الطريقة ربح من سياحة اخيه المبلغ المرقوم على ذمته كان التصريف وقتها 250 و الحوالات 182

ههههههههههههههههههههههه
والله ضحكتني يا اخي .. بس ماعندي اخي مجوز ولا مو مجوز
عن جد شر البلية ما يضحكككككككككككككككك ..
سبحان الله ! حتى الاستغلال وصل لهون
ونعم .. نحن بوادي و المركزي مو بس بوادي تاني ... عالمريخ مرة وحدة ههههههه

[حلبية]

اقتباس: المشاركة الأصلية كتبت بواسطة ابن الجبل    بما أنه المبلغ كبير إذا مو مضطرة خلي مرسل الحوالة يسترجعها و يعيد ارسالها من جديد باسمك او اسم جديد على تركيا او لبنان أيها الأأمن ثانيا و لو صار سعر الدولار 1000 ليرة رح تضلي خسرانة بفرق التصريف و رح يضل قيمة الحوالة مختلفة يعني خسارة بس اذا المبلغ صغير الناس عم تقول بلا لبكة و حوالة على سوريا يعني اللي عم يحول 50 الف ليرة سورية اذا بده يحولهن على لبنان يعني بالاصل هم أقل من 300 دولار و اذا حسبوها بتطلع الشغلة مخسرة معهن لهيك بتشوفو حوالات بالهبل عم تنبعث على سوريا كمصاريف عائلية و ما شابه بس اذا المبلغ على الاقل 1000 دولار يعني سفرة لبنان ما رح تكلف 10000 ليرة سورية و اذا الفرق بين السعر و الصرف 20 ليرة يعني المربح 10000 الاف و انت أحق بهذا المبلغ ما بالك اذا كان المبلغ أكثر أو الفرق أكثر مثل هذه الأيام أخيرا الخيرة فيما اختاره الله و ارجوا لك التوفيق

اخي العزيز
عارفة انو الخسارة موجودة ..
لكن بينما اقبض 182 .. واشتري 200
بينما اقبض 182 و اشتري 260

و بالنسبة لسعر الحوالة ..
اخي انا من فترة منيحة بقبض من الويسترن يونيون
وكله على سعر لحظة القبض
ماحدا عاملني من قبل على سعر وصول الحوالة

بس بذكر مرة انو واحد اتحولت له حوالة لما كان الدولار بحيطان ال 350 من لبنان
وشفته عم يخانق الموظفين بشركة الهرم انو ما قبضوه بسعر الدولار في هذاك اليوم
مع انو كان سعر مرتفع
وقبضوه متلنا عال 220 بوقتها ..
لهيك هالقرار ملتغي ( بحلب ) على الاقل

يعني صارت حارة كل مين ايده اله
يعني المفروض الشركة تكون قوانينها وحدة ..
لكن هالايام غيرت كل القوااااااااااااااانين

شكرا لك على النصيحة
واتمنى لو كنت اقدر اعملها ..

جزاك الله الخيرررررررررررررررر

[RAFEK]

سعر دمشق الساعة 5
240 مبيع
225 شراء
متوفر مبيعاً وشراءً

[حلبية]

اقتباس: المشاركة الأصلية كتبت بواسطة cold0zero    كلامك صحيح استاذ الحوالة بتضل موجودة بسعر اليوم اللي وصلت فيه و ما بتتغير لو ارتفع السعر او نزل لهيك الحوالة تبع اخت حلبية رح تنصرف ع سعر 182 شو ما صار يصير انا اللي بعرفه من شب بيشتغل بمكتب حوالات تابع لويسترن وهوة خبرني ان الحوالة بتضل 40 يوم اذا ما استلمها بترجع ع الدولة اللي انبعتت منها عوضك ع الله بالخسارة بفرق الحوالة و انا اكلها كتير من قبل

والله يا اخي ما بعرف ...
عنا بحلب كل شي غير شكللللللللللللللللللللللللللللللللللللللللل
متل ما قلتلك صارت معي .. و قبضت بسعر اللحظة

شركة الهرم من شهرين ..
كانو بيحطو ورقة بيضا على باب الشركة بيحطو فيه السعر كل شوي
و لما بصير اعلى .. بيقبضو عالاعلى
ولما يصير اقل .. بيقبضو عالاقل
وسواء شركة الهرم او بنك البركة بحلب نفس الشي عنا
انا هدول اللي بتعامل معهم
والحمدلله على كل حاااااااااال
رزقكم الله جميعاااااااااااااااااااااااااااااااااااااااا

[najm]

تحية للأصدقاء
قبل مبارح بدي بيع سألت أكتر من صائغ بمحل اقامتي عادتا بيصرفولي قال ما في لا بيع ولا شراء
واحد منهم كان صريح جدا قال منشتري ب 200 ومنبيع ب 300 للمبالغ الصغيرة طبعا
عرفت بأن ما حدث في الايام الاخيرة لعبة نصب وسرقة علنية بوضح النهار

[حلبية]

اقتباس: المشاركة الأصلية كتبت بواسطة أبوخالد    معناها على صاحب الحوالة أن يحسب الفرق يعني لو لم يستلم الحوالة و عادت الى البلد المرسل سيكون عليه دفع كلفة التحويل من جديد لاستلامها من لبنان + كلفة السفر الى لبنان لاستلام الحوالة و يقارن لو استلمها اليوم قديش الفرق لح يكون ؟

صحيح اخي ..
بس الفرق رح يكون كبير
خاصة مع الطريق الخطر جدا ...
لما طرحت الفكرة عالوالدة قالتلي ( لا تستلميها .. المهم انت تبقي سالمة )

[حلبية]

اقتباس: المشاركة الأصلية كتبت بواسطة moutaz    إذا مبلغ الحوالة كبير يعني أكتر من 5000 دولار, بتنقبض بالدولار من فروع بنك البركة.

1270
مبلغ مو كبير يمكن ..
بس بالنسبة لي ( كبير كتير )

يعطيك العااااااااااافية

[حلبية]

اقتباس: المشاركة الأصلية كتبت بواسطة $aboud    للتذكير والنشـــــر اخواني واخوتي ... الله يحميكن جميعاً . :( هــــــــام : للاحتياط هذي نصيحة من اخونا عراقي عاش 3 حروب مع امريكا ب1991 و1997 و2003 اذا في حدا بيته قريب على وزارة او منشأة عسكرية او دائرة امنية او محطة كهرباء ياريت يطلع بأسرع وقت الى مكان امن لحين هدوء الوضع للاحتياط فقط لان الصواريخ الامريكية مابترحم والغارة الامريكة مابترجع لتساوي الهدف بالارض ومابيهمها عدد المدنيين بمحيط الهدف .. لصق الشبابيك والابواب الزجاج بالشريط اللاصق الكبير على شكل علامة x ودائما اتركو الشبابيك مفتوحة بسبب قوة عصف انفجارات الصواريخ قد تؤدي الى تكسيرها .. اذا تركتو البيت حاولو تسكرو الباب بطريقة يصعب فتحها اذا صار في نهب وسرقة

حسبنا الله ونعم الوكيل ...
يا ترى الثكنات .. فيها خطر !
او بس المطارات حسب ما عم يقولو ؟؟؟

الله لا يروينا شي نكرهه
ويخرجنا من هالازمة بخير وسلامة