صالة أسعار صرف العملات والذهب مقابل الليرة السورية ليوم الاربعاء 5-6-2013

[tareq773]

مساء الخير جميعا
خففواسياسة وخلونادولار بالرغم من استحالة الطلاق بينهم بس خففوا احسن وعملوا ريجيم عالدولار بلا دسم السياسة اللي مابيجي منها غير الجلطات والسكتات الدماغية وتصلب الشرايين
تقبلوا مروري

[Dynamic Pulse]

دمشق إغلاق
‏153_154

[عابر مجيب]

اقتباس: المشاركة الأصلية كتبت بواسطة shereen    مساء الخير مين بيظن انو دخول القوات الحكومية القصير قللو تاثير على سعر الصرف والحالة الاقتصادية والاجتماعية بسوريا ياريت نشوف مشاركات وتعليقات بنآئة وشكرا

تضرب الهمزة بحكيها بلبل وبكتبها متل السلحفاة ، والكلمة اللي ما حافظها بصم بتحاشاها
بناءة
أحلى شي وقت بيكتبوا على الشريط : كروفر ، كنت مفكرها عملية جديدة طلعت كر ، وفر
ولوووووووووووووو انت اللي بتعرفي
نورينا

[عابر مجيب]

اقتباس: المشاركة الأصلية كتبت بواسطة ميرا    شكرا للفائدة واعتذر عالتأخير بسبب الكهرباء ، أسعارك دائما موضع ثقة . اشتريت على 153.5 والمبلغ مو صغير . في أسعار جديدة عالساعة 5 ؟؟

سألني جاري ولا ناقة له ولا جمل ، عن تحويل مبلغ لأصدقاء له ، في البحصة حصل على 153 ، وكانوا حاصلين على 153.5 في القصور ، المبلغ 40000 $ ، قلتلو شو بدك بها البلوة ، 20000 ل. س. خسارة أهون بكتير من حمل 6 ملايين ، وعبور حواجز ، وأحلى شي يفكرونا صرافين ونروح فيها بين الرجلين .
قلتلو يصرفو دخيلك ، مو محرز الفرق بيطلع 0.0037 % ما بينحكى فيون .
وخربتا عليون
بس ما يكون انت

[sarab1618]

إت حكى الواح بيقولو الواح حكى وان ما حكى الواح بيقولو الواح ما حكى

[أبوقصي]

اقتباس: المشاركة الأصلية كتبت بواسطة Dynamic Pulse    دمشق إغلاق ‏153_154

مشكور أستاذ Dynamic Pulse
ما بتقصر

[عابر مجيب]

اقتباس: المشاركة الأصلية كتبت بواسطة الليرة السورية    صديقي كل يغني على ليلاه و كل من لا يقف في صف " البعض السياسي " سيحظى بنفس الوصف من " الديمقراطيين الجدد " الشهابي يتحدث باسم حقوق الصناعيين الذين " نهبت معاملهم " و بيعت لتركيا ولا يتحدث باسم الحكومة تحياتي لك و اتمنى ان تخفف من " التشنج الانتمائي " قليلا خدلك استراحة بعد هالعمر لك كل المحبة

صدقا انك فهمتني غلط
أنا عاتب على الأسلوب ، لأني بشم الكولكة وتبييض الوش ، وبكره تمسيح الجوخ ، بأشياء لا بتودي ولا بتجيب . يمكن لو الشهابي مع كل احترامي له ، ما كان بالداخل ومستلم منصب كنت بصدق حسن نواياه أكثر . صدقني مجرد استعراض بايخ .
والله لا متشنج ولا منتمي لحدا .
صدقني هالنوعيات اللي بيعتمد عليها ، بتكون أول من يخون .
والأمثلة كثيرة ، فقط ارجع بالذاكرة وشوف مين المنشقين .
لذلك قالوا ، رافق السبع ولو أكلك ولا ترافق الندل ولو حملك .
أو على الأقل عدو عاقل خير من صديق جاهل ، بأحسن التأويلات .
يلي مالو كبير يشتريلو كبير ، وبيقولوا ما لو تدبير .

[sarab1618]

بعد اخبار السياسة خطر ببالي اسحب ارصدتي من البيت وشلح أمي صيغتها واكسر حصالة اختي الصغيرة ... وسافر ... صومال ... نيجر ... موزمبيق ... ما بهم المهم أنهي استثماراتي الميكرومجهرية بهالبلد ...

[ph-hosam]

اقتباس: المشاركة الأصلية كتبت بواسطة عابر مجيب    عزيزي الليرة السورية شوقتني منذ البارحة لقراءة ما كتبه رئيس غرفتي الصناعة والتجارة معا وعندما قرأت ! وجدت أن من سبق له حذف الكلام ، قدم لك خدمة بالمقام الأول . أعد قراءة الكلام كلام لا يليق لا بمركز قائله ولا متبنيه هو أشبه بكلام معلق رياضي طائش يلقي كلاما كيفما اتفق ليتلقى رضاء نادي رياضي من الدرجات المتأخرة ، لا عبوه أقوياء البنية فقط . المفترض أن نكون كسوريين أفضل وأكثر رصانة ، لسنا فرقة رياضية ، ليأخذنا الحماس وننسى وقارنا . الرأي قبل شجاعة الشجعان ....... هو أولا وهي المقام الثاني .

بما انو أولي الأمر بالمنتدى لسا ما فتحولي زر الشكر
فبحب ألك شكرا و هادا هوي الحكي اللي بينسمع و بينقرا

[ابو بلال]

السعر بلبنان اليوم بعد الظهر .. كان ثابت عالـ 149 - 150