سعر صرف الدولار مقابل الليرة 10-1-2013 سوداء

[لقماان]

كل عام و انت بخير أخت شيرين
و هي أحلى عيد ميلاد بأغلى قسم بين الدولارات....
كل عام و انت بخير أخت شيرين عيد ميلادك ال ؟؟
ال؟؟؟ ال؟؟؟؟ العشرين زائد كام سنة .....!!!!!
و كل الشكر للأخ رامي على هذه اللفتة المتميزة ................

[shereen]

اقتباس: المشاركة الأصلية كتبت بواسطة jack pot    حكيك على راسي و كتر خيرك ، بس الفكرة أنو وقت بدو يصير إعمار سورية أولا ما رح يطلع شي من الخزينة ، رح يجي مستثمرين من برّا ، يعني رح يفوت دولار مو يطلع و لا تواخذيني بس بدا شوية تفائل حاجتنا كامشين السلم بالعرض و عيد ميلاد سعيد و يومك مبارك

+
يومك مبارك اخي جاك القصة مو قصة تفائل القصة انو شركات الاعمار مالح تشتغل ببلاش لح بتشتغل مقابل شي يعني النفط مقابل البناء ومالح يفوت على الخزينة شي الا بس ترجع عجلة الانتاج اتدور وتجي استثمارات فوق اعادة الاعمار يعني مثلا شركات الاعمار اللي لح تجي مو لسواد عيون سوريا تاني شي المستثمرين لح يجو بس تخلص عملية اعادة اعمار سورية عندك مثال قريب لبنان بس خلصو بنية تحتية بعد الحرب واعادة اعمار اجو المستثمرين وعلى الرغم من هالشي عملتها انسحقت وديونها صارت بالمليلرات ونحنا بنفرق عن لبنان بموضوع النفط والزارعة فلذلك انهيار الليرة لح يكون اقل حدة من لبنان يعني بلبنان كل 1500 ليرة = 1 دولار نحنا بتوقع كل 500 ليرة=1دولار وانا شخصيا بتمنى ماتطلع اكتر من 100 ليرة او ترجع لل 50 لاني مدينة عالم مصاري سوري كتير ولهلق مارجعوهم ههههه وشكرا

[shereen]

اقتباس: المشاركة الأصلية كتبت بواسطة لقماان    كل عام و انت بخير أخت شيرين و هي أحلى عيد ميلاد بأغلى قسم بين الدولارات.... كل عام و انت بخير أخت شيرين عيد ميلادك ال ؟؟ ال؟؟؟ ال؟؟؟؟ العشرين زائد كام سنة .....!!!!! و كل الشكر للأخ رامي على هذه اللفتة المتميزة ................

وانت وعيلتك بالف خير اخي لقمان والله يرجع كل مين ترك بلد لبلدو باقرب وقت ونشوف الحركة ببلدنا والتجارة احسن من دول الخليج قول امين

[Jack Pot]

اقتباس: المشاركة الأصلية كتبت بواسطة shereen    + يومك مبارك اخي جاك القصة مو قصة تفائل القصة انو شركات الاعمار مالح تشتغل ببلاش لح بتشتغل مقابل شي يعني النفط مقابل البناء ومالح يفوت على الخزينة شي الا بس ترجع عجلة الانتاج اتدور وتجي استثمارات فوق اعادة الاعمار يعني مثلا شركات الاعمار اللي لح تجي مو لسواد عيون سوريا تاني شي المستثمرين لح يجو بس تخلص عملية اعادة اعمار سورية عندك مثال قريب لبنان بس خلصو بنية تحتية بعد الحرب واعادة اعمار اجو المستثمرين وعلى الرغم من هالشي عملتها انسحقت وديونها صارت بالمليلرات ونحنا بنفرق عن لبنان بموضوع النفط والزارعة فلذلك انهيار الليرة لح يكون اقل حدة من لبنان يعني بلبنان كل 1500 ليرة = 1 دولار نحنا بتوقع كل 500 ليرة=1دولار وانا شخصيا بتمنى ماتطلع اكتر من 100 ليرة او ترجع لل 50 لاني مدينة عالم مصاري سوري كتير ولهلق مارجعوهم ههههه وشكرا

مشكورة أخت شيرين ، لبنان لا تتشبه بسورية مطلقا ، كل حارة لها زعيم و كل لبنان ما بتملك ربع الأكتفاء الذاتي لسورية ، بعدين نحنا بلد منتجة للمواد الأستهلاكية مو بلد مستوردة للقمح و النفط و الخ ، يعني شو سبب قلة الكهرباء بلبنان ؟؟ مو سورية كانت بتمدّ لبنان و نفس الشي بالنسبة للأردن ، و في شغلة بسيطة برات الموضوع ، تتعلق بالمركزي ، مو أجانا أطنان سوري و انطبعوا ، طيب أنت كمضارب بالسوق و أجاكي أطنان سوري شو بتساوي فيون ؟؟ أنا عم بحكي على مستوى شخص ، فما بالك المركزي ؟؟؟ و ما حدا يأخذ حكي ، يشتغل متل ما بدو ، شكراً

[مجد]

طبعا في شئ لم يذكره احد وهو ان بكل الاحوال سيتم لاحقا ادخال جميع ايرادات الدولة بشكل كامل في الميزانيةبكل شفافية وهنا ننوه الى ثروة البترول الهائلة والفوسفات والغازوالاتصالات ووووووووووغيرها من الثروات الاخرى .ولكن كل هذا يحتاج الى وقت بعد انتهاء الازمة الحالية .ولايوجد حدود لسعر الليرة مقابل الدولار في الفترة القادمة حتى انتهاءالازمة .

[tarek]

اغلاق الدولار في حلب 75'93 94 الذهب 4300 4350

[tarek]

اقتباس: المشاركة الأصلية كتبت بواسطة jack pot    عدم المؤاخذة ، مو كأنو ظلمتي الدولار شوي ، 500 رقم أحلى ، للمعلومات العامة فقط ، حوت السوق هوالمركزي و على رهن ، و بالمناسبة 200 ألف دولار كافية ليرجع السعر لل75 و يلي مفكر أنو المركزي ما عد عندو عملة بكون مخربط و مكتر و ملاحظة أنا لاني شاري و لا بايع بس عطيني أسم تاجر موجود حالياً و بوزن المركزي

اخ جاك صحيح انو اكبر سيوله موجوده عند المركزي بس للاسف الروتين وقله الخبره بيخلوا تاجر صغير ياثر في السوق اكتر منو و بالنهايه لازم تعرف انو تخبط المركزي و قراراتو الطاشه هي اللي وصلت الدولار لهون و الله اعلم لوين بدو يوصل*

[mak]

اقتباس: المشاركة الأصلية كتبت بواسطة jack pot    مشكورة أخت شيرين ، لبنان لا تتشبه بسورية مطلقا ، كل حارة لها زعيم و كل لبنان ما بتملك ربع الأكتفاء الذاتي لسورية ، بعدين نحنا بلد منتجة للمواد الأستهلاكية مو بلد مستوردة للقمح و النفط و الخ ، يعني شو سبب قلة الكهرباء بلبنان ؟؟ مو سورية كانت بتمدّ لبنان و نفس الشي بالنسبة للأردن ، و في شغلة بسيطة برات الموضوع ، تتعلق بالمركزي ، مو أجانا أطنان سوري و انطبعوا ، طيب أنت كمضارب بالسوق و أجاكي أطنان سوري شو بتساوي فيون ؟؟ أنا عم بحكي على مستوى شخص ، فما بالك المركزي ؟؟؟ و ما حدا يأخذ حكي ، يشتغل متل ما بدو ، شكراً

ما بحب كون متشائم ...بس انسى لبنان ....هي العراق ..كمان جيرانا ...بس مواردهم اكتر من سوريا ...بكم الدينار العراقي اليوم مقابل الدولار؟...و شو وضع البنية التحتية ببغداد؟

بعتقد اهم شي يجي ناس صادقين و قلبهم عالبلد و ساعتها باقل الموارد يمكن اعادة البناء....و الا رح يكون سيران طويل....بس من ناحية العملة السورية (الحالية عالأقل) ما بظن رح تتحسن بمجرد حل الأزمة لأنو الوضع القتصادي و خصوصا رؤوس الأموال يللي هربت لبرا و بلشت بمشاريع هنيك ما رح ترجع بهالسهولة

[عابر مجيب]

بعض الحوارات تعكس امنيات وأحلام وبعضها اشبه بكلام طلاب الحضانة :
انا أبي أقوى من أبوك
بس ابي عنده جاكيت كبير وبيدفي
انا انا امي بتطلع على السلم وبتمسك بأيد واحدة هيك.
بيجي غليظ الصف ، انا أبي معو كتير مصاري وبدو يحكم الدنية !

وين سلطان بروناي بسلامتو ليش ما حكم الدنيا ؟ قلة مال يعني !ليش ما لفو عليه ولاد آدو تبعات البريكس ؟!
يقول مراقبون مثقفون !

[abu mhd]

اقتباس: المشاركة الأصلية كتبت بواسطة jack pot    عدم المؤاخذة ، مو كأنو ظلمتي الدولار شوي ، 500 رقم أحلى ، للمعلومات العامة فقط ، حوت السوق هوالمركزي و على رهن ، و بالمناسبة 200 ألف دولار كافية ليرجع السعر لل75 و يلي مفكر أنو المركزي ما عد عندو عملة بكون مخربط و مكتر و ملاحظة أنا لاني شاري و لا بايع بس عطيني أسم تاجر موجود حالياً و بوزن المركزي

؟؟؟؟؟؟؟؟؟؟؟؟؟؟
200 الف دولار ؟؟؟؟
حبيبنا اذا كان المركزي يبيع كل مزاد دولارات اكتر من هيك وما صار شي فاحكي شي منطقي
انا مواطن سوري وراتبي سوري
بس لازم نفكر شوي ماهيك
يااما اذا المركزي قلك تكتب هيك قله لعاب غيرها سبقكم حمدان بجعجعة من غير طحين