سعر صرف الليرة مقابل الدولار2012/12/20 في السوق السوداء

[غسان]

اذكر منذ فترة نقلت موضوع عن الدين في القسم الاسلامي يرجى الاطلاع للفائدة
عموما الاتفاق في البداية يوفر العناء مثلا انا اقرضت فلانا 100 الف لمدة شهر
كيف سيكون الاتفاق اما ان اعطيه بالليرة واسترجع بالليرة وهنا صاحب المال يجب
ان يعلم ان الليرة متغيرة القيمة وبالتالي هو رضي بالامر ولا مجال ان يقول له
بعد شهر اعطيني 150 الف ماكنت حاسب ان الليرة ستخسر
الاولى ان يدينه بالدولار منذ البداية ويسترجع بالدولار

[Adam]

شكرًا أخي غسان كعادتك أوجزت وأصبت

تمنياتي لك بالتوفيق ويحفظ الله

شكرًا ودمت بخير

[SyrianWolf]

اقتباس: المشاركة الأصلية كتبت بواسطة adam    شكرًا لك أخي syria wolf على وساعة صدرك وفي الأول والآخر لاضرر ولاضرار وأنا احترم رأيك وقد أكون مخطاءً ولو حصلت معي لدفعت الفرق شكرًا ودمتم بخير الله وفضله

لأنك ابن عالم وابن أصل. وانشالله ربنا مابيحيج حدا يتدين من حدا, لأنو الدين مافي أتقل من همو والله يغمرنا ويغنينا بفضلو جميعاً.

[Big H]

السلام عليكم ورحمة الله وبركاته
مساء الخير للجميع وشكراً على هذا الموضوع المهم

عندي أمثلة حصلت معي أود ذكرها لتوضيح أن كل حالة مختلفة عن الأخرى :
1 - أدنت صديق لي مبلغ 50,000 ل.س في شهر تموز 2011 على أساس إرجاعهم
بعد ستة أشهر وتم ذلك بالوقت المحدد وأنا مرتاح لوفائه رغم خسارة في القيمة المالية
لارتفاع الدولار من 50 إلى 72 آنذاك لأن العقد شريعة المتعاقدين ولا خلاف على ذلك
2 - أدنت صديق آخر لي مبلغ 100,000ل.س لحل خلاف مادي بينه وبين زوجته دون
تعيين أو تسمية للأجل وحتى اللحظة لم يرجع شيئاً من المال ولا مشكلة عندي لظروفه
الصعبة كونه موظف
3 - أدنت صديق لي مبلغ 225,000 لمساعدته بالدفعة الأولى من ثمن منزل ليشتريه
ويتزوج وحتى اللحظة ورغم عدة مطالبات لم أحصل منه على قرش واحد وللأمانة دفع
لي في البداية مبلغ 50,000 ولكني لم آخذها لتقديري أنه أحوج مني إليها ..حصل هذا
عام 2008 فهل يعقل أن يرجع لي نفس المبلغ علماً أننا متفقين على إرجاع الدين خلال
سنة أو سنة ونصف كحد أقصى !!؟
4 - أدنت صديق أخي وبضغط من أخي طبعاً مبلغ 300,000 في رمضان عام 2011
على أساس لمدة أسبوعين فقط ولم يف بالموعد وآخر مرة تواصلت معه كان أول هذه
السنة بعد أن اختفى لمدة وطلبت منه تثبيت السعر بالدولار ووافق بسهولة"كونه نصاب"
وحتى اللحظة لم ولن أرى منه فرنك واحد ... فهل سيفتي لي الشيخ بوجوب أخذ المال
بالليرة السورية رغم اخلافه بالموعد وانخفاض القيمة الشرائية لليرة وسيقول قائل ماذا
لو ارتفعت قيمة الليرة أقول والجواب بسيط طالما التثبيت أصبح بالدولار فلا مشكلة معي
وإلا أصبح الموضوع داخلاً في باب الربا
5 - استدان صديقي المذكور في الحالة الثانية منذ عدة أشهر مبلغ 20,000 ل.س لولادة
زوجته على أن يعيدها خلال بضعة أيام وأرجع منها النصف بعد شهرين ورغم مطالبتي له
لحاجتي للمبلغ المتبقي في أول الشهر مع قبض الرواتب كان جوابه العظيم "ما في أموال"

والخلاصة بعد أن سردت لكم جزء مما جرى معي وعذراً للإطالة :
1 - لا تدين أحداً كي لا تخسره
2 - كل حالة مختلفة عن الأخرى
3 - يتم التعامل مع هذه الحالات بشكل فردي وبما لا يخالف الشريعة
4 - الدين ليس ضعيفاً وقابل للتطوير على مر العصور "الإجماع والقياس"
5 - أكل الحقوق حرام والمنطق يتبع الدين وليس العكس
6 - الحق في كل الأزمنة ينتزع انتزاعاً ولا مكان للطيبة ... ويتضح لك ذلك عندما تقع
ولا يلتفت إليك أحد "وعذراً للهجومية في هذا البند"

[Adam]

أخي الكريم Big H الله يعوضك آلاف الآضعاف في الدنيا قبل الآخرة


﴿مَنْ ذَا الَّذِي يُقْرِضُ اللَّهَ قَرْضًا حَسَنًا فَيُضَاعِفَهُ لَهُ أَضْعَافًا كَثِيرَةً وَاللَّهُ يَقْبِضُ وَيَبْسُطُ وَإِلَيْهِ تُرْجَعُونَ(245)﴾

مَّثَلُ الَّذِينَ يُنفِقُونَ أَمْوَالَهُمْ فِي سَبِيلِ اللّهِ كَمَثَلِ حَبَّةٍ أَنبَتَتْ سَبْعَ سَنَابِلَ فِي كُلِّ سُنبُلَةٍ مِّئَةُ حَبَّةٍ وَاللّهُ يُضَاعِفُ لِمَن يَشَاءُ وَاللّهُ وَاسِعٌ عَلِيمٌ (261) الَّذِينَ يُنفِقُونَ أَمْوَالَهُمْ فِي سَبِيلِ اللّهِ ثُمَّ لاَ يُتْبِعُونَ مَا أَنفَقُواُ مَنّاً وَلاَ أَذًى لَّهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ (262

سيعوضك الله كما قال تعالى وجزاك كل خير

يجب على الإنسان أيضاً أن يكون حذراً من المحتالين

قال سيدنا عمر " أنا لست بالخب ولا الخب يخدعني "

شكرًا ودمت بخير

[Big H]

اقتباس: المشاركة الأصلية كتبت بواسطة adam    أخي الكريم big h الله يعوضك آلاف الآضعاف في الدنيا قبل الآخرة شكرًا ودمت بخير

دكتورنا الحبيب .. أشكرك من كل قلبي على مداخلتكم الكريمة والمفيدة بإذن الله
وصدقني لولا اقتناعي التام بأن الله هو المعوض لما أدنت أحداً .. وإيماني الـتام
بأن العوض ليس بالضرورة مادياً بل ممكن أن يكون بالصحة والسعادة والطمأنينة
ودفع البلاء - وأنا لا أزاود هنا على أحد -
أما فيما يتعلق عن تكرار ما فعلت فالسبب يعود إلى قناعتي بأن المال هو وسيلة
ووجوده لديك دون حاجته مع حاجة الآخرين إليه سببه تسخير الله لك لحكمةٍ هو
يعلمها وجعلك أنت أيضاً وسيلة لإيصال هذا المال للآخرين سواءً بدين أو زكاة أو
صدقة - وأنا لا أزاود هنا مرة أخرى على أحد -

أما إذا فكر أحد بالاستدانة مني حالياً فالجواب سيكون أحد الأكذوبات التالية :
- حالف يمين ما ديّن حدا
- مافي أموال
- ظروفي صعبة وأموري مو مستقرة
- آسف .. عندي التزامات .. مالك شايف حال البلد .. الله يفرّج

[abu mhd]

اقتباس: المشاركة الأصلية كتبت بواسطة syrianwolf    هاد الحكي مستحيل الدين يقبلوا، إنت لما بتتدين المطلوب منك ترجع "المال" يللي الدائن "أكرمك" ودينك ياه مو ترجعلو "الورق". والشغلة مابدها إعادة اتفاق أو تبرع شخصي، الشغلة منطقياً لازم تكون تحصيل حاصل. على هالمنطق تبعكون مابيعود حدا بيدين حدا.

اخي الكريم على اي أساس تقول انوا الدين لا يقبله ؟؟؟
ما أنت بالأساس وقت عم تدين شخص عم تعمله خدمة دينية و إنسانية ولك الأجر عند الله وإن كنت تريد الأجر بالدنيا فلك الحق بالدين بالفائدة و قلب الدين لدولار
وأي شي بالاتفاق ولايوجد شيء اسمه تحصيل حاصل
يعني كيف بدك تجبر الدائن على اعادة مبلغ أكبر ؟؟وخاصة اذا مافي عقد ينص على اعادة تقييم الدين
الأفضل أن تدين بالدهب
لست بشيخ او عالم ولكن لا تتأول على الدين مالا ينص عليه او الرجاء جلب دليل
اما ان كنت تطرح وجهة نظرك الشخصية فلك الحق ولكن وضح انها وجهة نظر

اقتباس: المشاركة الأصلية كتبت بواسطة syrianwolf    "يَا أَيُّهَا الَّذِينَ آمَنُواْ إِذَا تَدَايَنتُم بِدَيْنٍ إِلَى أَجَلٍ مُّسَمًّى فَاكْتُبُوهُ وَلْيَكْتُب بَّيْنَكُمْ كَاتِبٌ بِالْعَدْلِ" بس هالآية لما نزلت كانت العالم تتعامل بالذهب والفضة وبالتالي التداين كان بيكون بأشياء عينية (ذهب, فضة, مواشي...), وماكان في هالإختراع يللي اسمو النقد الورقي. كتير كتير مهم ننتبه لهالشي. "قلت أن الأصل في الدين (بفتح الدال و سكون الياء) التيسير على الناس و سداد الدين يقيمته عند استحقاق الدين له اثاره السلبية على الطرفين الدائن و المدينو لا مجال للتسوية بين الضرر كونه حاصل على أي حال لذا الأصل أن لا يكون السداد حسب القيمة عن استحقاق الدين." أعوذ بالله شو هالمنطق وأنو دين بيقبل بهالحكي. هاد الكلام أنا ضدو ومابقبلو نهائياً وكتير كتير بيضايقني. الأصل هو السداد بنفس قيمة الدين, شو المشكلة بهالحكي بدي أفهم (مع اعترافي المسبق أنو النقد الورقي خلى الأمور أصعب بس نحنا بدنا نحاول استطاعتنا مو نتحجج ونلاقي أعذار). "لكن نقول أن الأمر يجب أن يكون فيه نوع من التقوى و المروءة فنوجه صاحب الدين أن هذا ابتلاء له و هو أمر خير له و عليه نشجعه على الصبر و العفو و يكفيه أجرا أن اعطاء الدين من البداية كان سبب في تفريج كربة و الله سيفرج عنه كربة من كرب يوم القيامة." هاد الحكي غلط بغلط, الدائن ربنا العظيم رح يعطي ثوابو لأنو هو "تكرم" وفك ضيقة أخوه, وهاد بيكفي. بس هو حقو أنو يرجعلو مالو بنفس القيمة. وغير هيك بيكون أكل لحقوق العباد, وربنا العظيم غضبو شديد ورح ينتقم من هالإنسان يللي تدين ومارجع الحقوق (قيمة المال) لأصحابها ورح يكون غضب ربنا أشد لما بندّعي أنو دين ربنا بيقبل بهالشي. الدين -أخي الكريم- إجا حتى يحفظ حقوق العالم والعباد وبشدة وصرامة ومافي مزح. هلأ بعد هيك إذا الواحد حب يتبرع ويتنازل عن شي من حقوقو عن طيب خاطر, هاد موضوع تاني والله ييسرله. بس دين ربنا -بالأصل- بيحميه وبيحمي حقوقو. أخي الكريم أنا من الناس يللي بيمشي بهالدنيا على مبدأ "استفتي قلبك" وإذا كان 7000 فقيه ضد قناعتي مابهتم وبرجع لضميري. وبالمناسبة أنا مالي مدّين حدا حتى ماانفهم غلط. وبالأخير "اختلاف الرأي لايفسد للود قضية" وأنا -والله- كتير بشكرك وبحترم رأيك.

نفس كلامي السابق كلامك خطأ كبير دينيا
مين قال انوا اعادة الدين بالقيمة الشرائية ؟؟؟؟؟؟؟ اذا ماكان هيك الاتفاق

رأي شخصي
المشكلة نشأت عندما صارت قيمة الدولار و العملة متغيرة أما سابقا فلم تكن هنالك مشكلة
عندما تريد أ تدين شخص اليوم إما أعطه دولار أو ذهب أو بضاعة يعيدها لك

[najm]

اقتباس: المشاركة الأصلية كتبت بواسطة Big H    دكتورنا الحبيب .. أشكرك من كل قلبي على مداخلتكم الكريمة والمفيدة بإذن الله وصدقني لولا اقتناعي التام بأن الله هو المعوض لما أدنت أحداً .. وإيماني الـتام بأن العوض ليس بالضرورة مادياً بل ممكن أن يكون بالصحة والسعادة والطمأنينة ودفع البلاء - وأنا لا أزاود هنا على أحد - أما فيما يتعلق عن تكرار ما فعلت فالسبب يعود إلى قناعتي بأن المال هو وسيلة ووجوده لديك دون حاجته مع حاجة الآخرين إليه سببه تسخير الله لك لحكمةٍ هو يعلمها وجعلك أنت أيضاً وسيلة لإيصال هذا المال للآخرين سواءً بدين أو زكاة أو صدقة - وأنا لا أزاود هنا مرة أخرى على أحد - أما إذا فكر أحد بالاستدانة مني حالياً فالجواب سيكون أحد الأكذوبات التالية : - حالف يمين ما ديّن حدا - مافي أموال - ظروفي صعبة وأموري مو مستقرة - آسف .. عندي التزامات .. مالك شايف حال البلد .. الله يفرّج

يعني ما في مجال ولا شوي لأخوك أبو أيهم ؟

بالنتيجة بحسب الاتفاق يتم تسديد الدين الا اذا دخلته الفائدة فهي حرام .
أما من النواحي الشخصية هي بترجع لكل انسان وذوقه ومر معي جملة مفيدة كتبها احد الاخوة هيك ما بعود حدا بدين حدا وبيبطل فعل الخير
فيها وجهة نظر
ومن بداية فتح النقاش شعرت انو فيها ظلم ومازال نفس الشعور قائم
يعني لا يعقل فوق ما فرجني وعمل معي منيح رجعلو المصاري مشركين
اي ما حدا بيرضى يصير معه هيك
وان ما حكى رح يحملها بقلبه وما بدين حدا بعدها . مظبوط

[SyrianWolf]

يالله ماشي الحال, اليوم جمعة والصالة أصلاً مسكرة وبالتالي ماعم نضايق حدا .

"ما أنت بالأساس وقت عم تدين شخص عم تعمله خدمة دينية و إنسانية ولك الأجر عند الله وإن كنت تريد الأجر بالدنيا فلك الحق بالدين بالفائدة و قلب الدين لدولار "
مزبوط حكيك الدائن عم يعمل خدمة دينية و إنسانية وأجرو عند الله, بس شو ألو علاقة هالحكي أنك ماترجعلو قيمة أموالوا للزلمة. يعني بعد ماأكرمك وفك ضيقتك تاكل عليه قيمة أموالو. ياأخي الكريم أنو شرع وأنو دين هاد يللي بيقبل هالحكي...(حاشاك)
وبعدين برأيك إذا الواحد طالب أنو الدين يكون بالدولار (يللي هو حالياً "وعاء" نقدي أفضل من الليرة) صار عم يتاجر بالدنيا. لأ ياسيدي أنا برأيي إذا دائن طالب تقييم الدين بالدولار فهو أنسان أجرو عند ربنا إن شاء الله محفوظ مابينقصو شي أبداً لأنو فك ضيقة أخوه وبنفس الوقت لأنو تعبان بأموالو ومو جايبون بالحرام فهو عم يطالب ترجع قيمة أموالو متل ماهنين لاأكتر ولاأقل.
أما بالنسبة للدين بالفائدة, بصراحة مافهمت عليك.

"يعني كيف بدك تجبر الدائن على اعادة مبلغ أكبر ؟؟وخاصة اذا مافي عقد ينص على اعادة تقييم الدين "
أنو مبلغ أكبر يعني برأيك قيمة المليون ليرة هلأ متل قيمتها قبل سنتين.

"لست بشيخ او عالم ولكن لا تتأول على الدين مالا ينص عليه او الرجاء جلب دليل"
ياأخي الكريم مو ضروري تكون "شيخ" أو "عالم" حتى تحكي بالدين لأنو الدين نزل عالكل مو بس "عالشيخ" أو "العالم".
أما بالنسبة للدليل, بسيطة. أصل هالمشكلة أنو أنتو عم تطبقوا أحكام نزلت وقت كان النقد ذهب وفضة (يعني "أوعية" نقدية أصيلة وتحفظ قيمة المال) على مصاري الورق ("وعاء" نقدي مزروب ومضروب بطبيعتو). وهاد شي غريب برأيي. لازم تفرق بين "قيمة" المال و"وعاء" المال. الدائن عم يدينك "قيمة" المال مو "وعاء" المال. وبعدين -إذا كتير بيهمك- حسب الموضوع يللي أشار ألو أستاذ غسان طلع رأيي حكى فيه كتير من الفقهاء.

"مين قال انوا اعادة الدين بالقيمة الشرائية ؟؟؟؟؟؟؟ اذا ماكان هيك الاتفاق"
يعني هلأ إذا كان الدائن أنسان بسيط ومابيعرف راحت عليه, ولا كمان بالدين "القانون لايحمي المغفلين". أخي الكريم المحافظة على حقوق العباد هو أس الدين, ومو ضروري كون "شيخ" أو "عالم" حتى أعرف هالشي.

"المشكلة نشأت عندما صارت قيمة الدولار و العملة متغيرة أما سابقا فلم تكن هنالك مشكلة"
هلأ صرت عم تحكي مزبوط وأنا بأيدك 100% وبالتالي المفروض نراعي هالشي. مو طبيعي ولامنطقي أنك تطبق نفس الأحكام والظروف تغيرت مع العلم أنو الهدف من الأحكام هي حماية حقوق العباد. إلا إذا بتقبل أنسان متل أخونا "Big H" ترجعلو مصاريه يللي تعبان فيهون ناقصة بالقيمة بعد ماكان شهم وفك ضيقة الناس. أنتو هيك برأيي -وعن حسن نية- عم تروحوا المروءة بين العالم.

هادا رأيي يللي طلع كتير من الفقهاء آلوا فيه. وبالأخير الدين نزل على أصحاب العقول وكل واحد هو وعقلو.

[Big H]

اقتباس: المشاركة الأصلية كتبت بواسطة SyrianWolf    مو طبيعي ولامنطقي أنك تطبق نفس الأحكام والظروف تغيرت مع العلم أنو الهدف من الأحكام هي حماية حقوق العباد. إلا إذا بتقبل أنسان متل أخونا "Big H" ترجعلو مصاريه يللي تعبان فيهون ناقصة بالقيمة . أنتو هيك برأيي -وعن حسن نية- عم تروحوا المروءة بين العالم.

سيدي الفاضل SyrianWolf المحترم
لم أضع لك شكراً على مداخلتك الكريمة فقط لأنك أوردت اسمي فيها بصورةٍ
جيدة مشكورً طبعاً للطفك وذوقك ... وإنما لأنك أيضاً أتبعت المنطق بالدين
ولم تخضع الدين للمنطق .. شكراً لك[/SIZE]