|
||||||
| استراحة المضاربين بعد قضاء .. فترة التداول والمضاربات .. لنسترح قليلا .. هنا .. ونتكلم .. ونتناقش سوياً .. |
 |
|
|
أدوات الموضوع |
03-11-2010, 12:18 AM
|
#1 |
|
عضو
شكراً: 0
تم شكره 0 مرة في 0 مشاركة
|
ذكريات
بتتذكروا ،،،، بتتذكروا.. يوم يجي أخوك الأكبر منك ويقول لك: بدك أرسم لك ساعة وانته تمد إيدك ويعضّك هديك العضة اللي تضل مرسومة أسبوع. بتتذكروا.. يوم كنا نتصوّر عند مصوّر العيلة وطبعاً غصب عنك الخلفية زرقاء مو بكيفك ولازم تمشط شعرك بالمشط اللي عنده.. كله شعر.. بتتذكروا.. المصيص الأحمر اللي بيعلق بالسنان ومعو عود لونه احمر مخطط بالأبيض وكنا نقلبو بالمقلوب ونحطو ع الشمعة أو الغاز وننفخ مشان نساوي فقاقيع وطبعا ما تطلع النفيخة لحتى تطلع زلاعيمك معها وتنحرق كل أصابيعك. بتتذكروا.. يوم كنّا نشوف افتح يا سمسم ونتأثر بكعكي اللي ياكل بسكوت ونشتري بسكوت ونتم ناكل مثله وبعدين نحطو بطاسة مي أو بالمغسلة وناكلو عم يشرشر. بتتذكروا.. يوم الجمعة ... نقوم من الصبح مشان نسمع أغنية في قصص الشعوب قصائص لا تنتهي وعالم حلو بهي يسكن في القلوب في قصص الشعوب . بتتذكروا.. تيلفون أبوقرص اللي يهلك أصابيعك وانت تتصل ويا ويلك يطلع الرقم مشغول لأنه ما في ريدايل. بتتذكروا.. يوم كنا نربط الشرشف على رقابنا مثل سوبرمان ونطلع فوق الخزاين ونط على التخوت وآخر شي ناطط غلط ومنكسرة إيدك. بتتذكروا. يوم كنا نحط الآيس أو الكازوزة بالكيس بالتلاجة مشان تصير متلجة وكل ما بدك تجي تاخدها تلاقي الوالدة حاططته تحت ومانو متلّج.. يا حسرة. بتتذكروا.. لما كانوا الأولاد يشطفوا البرندة بالصابون ويضلوا يتزحلطوا عليها طوال النهار وآخر الشي تنفكش رجل شي واحد وما ينام الليل لأنو رجلو ورمانة.. بتتذكروا..لما كنا نستقبل الحجاج بكامل الفرحة واللهفة على الهدية والعيدية وآخر شي: مسواك ومسبحتين والكاميرا الحمراء وسجادة وللبنات قطعة قماش مبرقعة وساعة. بتتذكروا.. عزايم قبل والسفرة ومفرش الطاولة اللي عليه صورة (فواكه) وريحتو لازم مثل ريحة المطبخ وقاعد على كراسي القش اللي لما تقوم تلاقي سيقانك عليها شخوط ومربعات. بتتذكروا.. أيام الدراسة لما نشد حيلنا بالدراسة ونشتري قلم فسفوري أصفر أو برتقالي مشان نظلل على الشي المهم وآخر شي نظلل على كل الكتاب.. وين الشي المهم؟؟ ما بعرف!!!! بتتذكروا.. أول ما يسرق الأولاد سيارة أبوهم كانت الرجل اليمين على البنزين والرجل اليسار على الفرام من شدة الفرحة .... ولازم طبعاً يمر على أولاد الحارة ويطلعوا معو شي خمسين واحد بتتذكروا.. لما تتقاتل مع ولد الجيران وتقول له: انقلع عن بيتنا وعن رصيفنا... يقول لك: مو رصيفكن هادا رصيف الحكومة كلام منطقي, ويتم يمرق قدام البيت ويقول لك مادخلك. بتتذكروا.. لما يروحوا الأولاد السوق مع أبوهن أو أمهن مشان يشتروا تياب للعيد ..وآخر شي شارين تياب متل بعض بس غير ألوان وتشوفن بأول يوم العيد من الأخ الكبير للصغير متل فرقة حسبالله. بتتذكروا.. لما الشباب بدهن يعملو عضلات يرحوا يترسو علب النيدو باطون ويحطون بينهن عمود حديد وهووووووووب وآخر شي منكسرة ضهورهن. بتتذكروا...لما نشيل الطراريح والشراشف ونعملهن خيم ...أو ناخذ المخدات الكبيرة ونعملهن بيوت. واللي ما عمل شي من المذكور فوق بيكون من جيل الهمبرغر وسبيس توون وأبطال الديجتال..راحت عليكم هديك الأيام أولاد هالأيام بتلاقيه عايش مرحلة وحده بس ألا وهي مرحة الكبار: سيارة وموبايل و تدريجة وشحططة في الشوارع والمطاعم. ماشاف لا أفلام كرتون ولا لعب وهو صغير.. أول ما يفتح التلفزيون بتلاقيه يتفرج ع هيفا ونانسي وروبي وعلى أيامنا قصص عالمية و حديث الجمعة الديني وسهرة صباحية ع الشدة كل ليلة خميس وأم عمار ببرنامج ما يطلبه الجمهور وعصمت رشيد يغني بين الشوطين ويوم الجمعة سيران والله أيام للأسف صار الجيل الجديد بلا هوية |
|
|
|
04-11-2010, 04:15 PM
|
#2 |
|
مشرفة صالة إدارة وأعمال
شكراً: 3,346
تم شكره 3,494 مرة في 1,132 مشاركة
|
مع إنها ما صرلها شي ... سنين معدودة بس مقارنة مع الواقع بنلاقي فجــوة كبيرة بين أيـــام زمان وأيـــامنا هلا |
|
|
|
|
04-11-2010, 04:40 PM
|
#3 |
|
عضو أساسي
شكراً: 397
تم شكره 389 مرة في 188 مشاركة
|
هههههههههههه مع اني مو كبير لهالدرجة بس عن جد رجعتينا لأيام الطفولة الحلوة مشكورة |
|
|
|
|
04-11-2010, 08:28 PM
|
#4 |
|
عضو أساسي
شكراً: 3,069
تم شكره 1,939 مرة في 898 مشاركة
|
جميل أن نتذكر وجميلة الذكريات وأتذكر الجيل الذي قبلنا يتكلم عن جيلنا بطريقة أقسى مما نتكلم نحن عن الجيل الذي بعدنا كل جيل له وقته وجيلنا أفضل من الذي قبله والذي بعدنا أفضل منا ولكل جيل طريقة تتطور بالمتعة والذكريات والمعرفة |
|
|
|
|
04-11-2010, 08:49 PM
|
#5 |
|
عضو أساسي
شكراً: 715
تم شكره 791 مرة في 269 مشاركة
|
كأنك يا أبو أحمد جوات قلبي، حكيك صح 100% الله يفرح هالجيل أكتر وأكتر ويعطيه كل السعادة والفرح. |
|
|
|
|
04-11-2010, 08:56 PM
|
#6 | |||||||||||||||||||||||
|
عضو أساسي
شكراً: 3,069
تم شكره 1,939 مرة في 898 مشاركة
|
وانت اياس دوماً بقلبي لأنك تدخل قلب كل من يعرفك ولهلأ ماخبرتني شو صار بالفلاشة؟ |
|||||||||||||||||||||||
|
|
|
|
04-11-2010, 09:09 PM
|
#7 |
|
المشرف العام Rami alattar
شكراً: 25,586
تم شكره 37,110 مرة في 9,197 مشاركة
|
عم تسأل الانسة فرح ...... بتتذكروا ؟؟؟؟ وكأنو بتعرف او متأكدة أنو عشنا نفس الأحداث !!! بس عن جد الأحداث متشابهة بنسبة 90% .... يعني بتفرق بين الوحيد اللي ما حدا عضلو ايدو وبين اللي ما كان عندن تلفون من اصلو لحتى يدحرج القرص .... موضوع حلو كتييييييييييييييييييييييييييييييييييييييير وكان في شغلات بتضحك كتيررررررر مشكورة |
|
|
|
|
04-11-2010, 09:13 PM
|
#8 |
|
مشرف
شكراً: 23,193
تم شكره 22,349 مرة في 4,677 مشاركة
|
ميت السلامة اخي ابو احمد كيفك اخي اياس كيفك اخي رامي الكل بالمحبة والود بالنسبة للذكريات انا بتذكر الدحل ولعبة خمس حجار واكتر شي (النقيفة........) لاني مرة اكلت صواب حجر نئيفة اجا بعيني غير شكل كنت بالقطار والرامي بتقاطع السكة مع الطريق  التعديل الأخير تم بواسطة غسان ; 04-11-2010 الساعة 09:16 PM. |
|
|
|
|
04-11-2010, 10:30 PM
|
#9 | |||||||||||||||||||||||
|
عضو أساسي
شكراً: 3,069
تم شكره 1,939 مرة في 898 مشاركة
|
سلامة عينك حبيب القلب "أنس" الله يسلمك دوماً |
|||||||||||||||||||||||
|
|
|
|
05-11-2010, 01:56 AM
|
#10 |
|
عضو أساسي
شكراً: 715
تم شكره 791 مرة في 269 مشاركة
|
أحلى غسان، لازم هالكام يوم نعمللنا شي طلعة، في عنا حكي كتير لازم نحكي عن الأسهم، يا جماعة في أحداث تاريخية عم تمر بالبورصة ونحنا بعا عن بعض أبو أحمد، الفلاشة مشي حالها، يا صارت بالزبالة، يا يمكن تاركها برة، أجا شي قط وأخدها، المهم أنو لقيت معظم الملفات تبع الشغل عالكومبيوتر الرئيسي تبعي يلي بالبيت، وفي ملف كنت عم أشتغل عليه هنيك، هاد يلي راح، يعني شغل يوم واحد بس، وهاد يلي ريحني المهم أنو الحمدالله الواحد بيشوف الأصدقاء بهيك لحظات. |
|
|
|
|
| أدوات الموضوع | |
|
|
