بيت سكن شبابي للبيع موقع جيد

[angel]

ياجماعة assalam1 عندي بيت سكن شبابي فئة الف جاهز للتسليم بتوسع الضاحية المطلوب 3.5 مليون وطبعا بتستلمو بريء الذمة والموقع حلو يعني عالشارع من جهة و ساحة من الجهة التانية واذا ما بدك تستلمو بريء الذمة يعني انت بتكمل اقساطه بيصير السعر 2300000 للاستفسار عبر المنتدى

[sasoky]

معلم .... سؤال لوسمحت ... assalam1


ايمتى اكتتبت على المشروع ... أقصد العام ... ug9;



لأني مسجل عليه من 2003 وما طلعلي شي .... شو القصة cr

وعندك علم أنو عم يقولوا .. أنو في قابل يعطعو العالم بغير منطقة قدسيا الضاحية ؟؟؟؟؟akh1


شكرا حبيبي

[angel]

انا سجلت 2002 ما صار تسجيل ب2003 انا بعرف انو يا 2002 يا 2004 على كل حال انا ما بعرف انت بيتك بكم سنة بدو يطلع بس اذا كان ب 5 سنين لازم تراجع الاسكان يا بالمزة يا بالضاحية لان تبع ال 5سنين صارو موزعين 1500 بيت تقريبا و اخي من اسبوع كانو عم يوزعو وأجل استلامو هلأ البيوت كلها بتوسع الضاحية بس شو منطقة والله حلوة وحسب ما شفت كل التخصيص هنيك لان منطقة كبيرة ولسا عم يشتغلو فيها المهم يا sasokyلازم اذا كنت فئة أ و 5سنين ورقمك لحد 1600 روح واساللان اللي ما بيحضر التخصيص اللجنة بتخصصو من عندا بتمنى كون فدتك واذا لزم شي سؤال تكرم

[sasoky]

مظبوط كلامك طلع 2004

المشكلة أو الميزة .... ما بعرف شو لازم سميها

- أنو وقت اكتتابي على أساس حيصير قرعة ، فطلع مرسوم من الرئيس أنو الكل يلي اكتتبو ياخدو بيوت ، وعد إذا فيك تعد كم واحد اكتتب !!!!!!!!!!

- من جهة المدة كاتبين لكل أفراد دفعتي بالدفاتر ، مدة التسليم 12 سنة !!!!! cr

- انتى شو كاتبين لك ؟؟؟؟ المدة

على كل الأحوال رح اتبع نصيحتك وراجع المديرية شيت الاسكان لعل وعسى

ويسلموا ايديك على النصيحة وتتهنى ببيتك ، صحي بدي اسألك كمان لو سمحت .... كيف الكسوة ، وكيف وزعوا الطوابق ، يعني حسب شو اعتمدوا يتوزيع الطوابق؟؟؟؟

ويعطيك العافية ...

[angel]

والله مابعرف شو اقلك انا كانو كاتبين 5 سنين يعني كان لازم استلم ب 2007 بس استلمت من كم يوم هلأ الكسوة ماشي حالها منيحة بس خزاين المطبخ موحلوة بس بشكل عام منيح بس والله ضحكوني لما رحت شوف بيتيئال لازم انا حط خزان مازوت و مغسلة وكرسي التواليت والبيكدوش لأن المؤسسة مو ملزمة فيهن لأنن رفاهياتakh1
هلأ توزيع البيوت حسب الارقام يعني اللي رقمو واحد بينئي اول شي وهيك بئا اخي من اسبوع وئت التوزيع كان رقمه 522c11ug11;ئام ما لئا غير الحشوات او اخر طابق ئام أجل استلام بيته للدفعة الجاية ابصر ايمتة بس الحلو بالتأجيل انو بيكون ئلك الأولوية يعني بيكون ارقام المأجلين اول شي و بيختارو على كيف كيوفن
نسيت ئلك حق البيت ياحزرك اديش صار هنة على اساس شي 600ألف بس لما تخصصت ئالوليcr1500000والقسط متل مابدك معك من سنة ل 30 سنة بس الفوائد بتزيد يعني ب 30 سنة مثلا بتدفع كل شهر شي 5 الاف وبتصير الفائدة75%crاذا طولت عليك لا تواخزني

[sasoky]

اقتباس: المشاركة الأصلية كتبت بواسطة angel    والله مابعرف شو اقلك انا كانو كاتبين 5 سنين يعني كان لازم استلم ب 2007 بس استلمت من كم يوم

يا حبيبي ..... إذا 5 سنين وتأخرت سنتين معناتو بحسبة بسيطة 12 سنة بيأخروا 4.5 سنة

اقتباس: المشاركة الأصلية كتبت بواسطة angel    هلأ الكسوة ماشي حالها منيحة بس خزاين المطبخ موحلوة بس بشكل عام منيح بس والله ضحكوني لما رحت شوف بيتي ئال لازم انا حط خزان مازوت و مغسلة وكرسي التواليت والبيكدوش لأن المؤسسة مو ملزمة فيهن لأنن رفاهيات

مو طالبيــــن ضريبة رفاهية عليهون كمان ؟؟؟؟؟؟؟؟ cr

اقتباس: المشاركة الأصلية كتبت بواسطة angel    هلأ توزيع البيوت حسب الارقام يعني اللي رقمو واحد بينئي اول شي وهيك بئا اخي من اسبوع وئت التوزيع كان رقمه 522ئام ما لئا غير الحشوات او اخر طابق ئام أجل استلام بيته للدفعة الجاية ابصر ايمتة بس الحلو بالتأجيل انو بيكون ئلك الأولوية يعني بيكون ارقام المأجلين اول شي و بيختارو على كيف كيوفن

كتير منيح أنا رقمي قريب كتيييييير 10673

اقتباس: المشاركة الأصلية كتبت بواسطة angel    نسيت ئلك حق البيت ياحزرك اديش

لا ترعبني ......... يلي بعرفو 600.000 مساحة 80 متر

اقتباس: المشاركة الأصلية كتبت بواسطة angel    صار هنة على اساس شي 600ألف بس لما تخصصت ئالولي1500000والقسط متل مابدك معك من سنة ل 30 سنة بس الفوائد بتزيد يعني ب 30 سنة مثلا بتدفع كل شهر شي 5 الاف وبتصير الفائدة75%

عن جد مسخرة بمسخرة ....... قال رضينا بالبين والبين ما رضي فينا .....

قلنا لجالنا في أمـــــــــــــــــل بهالحياة أو بهالبلد ...

بس كيف شغلة الفائدة يعني هلا عم ندفع بالشهر 2000 بدنا نصير ندفع 5000 ؟؟؟؟ وإذا ما قدرنا بزيد سعر البيت أكثر من 1.5 مليون !!!!!!!!؟؟؟؟؟؟؟؟؟

اقتباس: المشاركة الأصلية كتبت بواسطة angel    اذا طولت عليك لا تواخزني

لاء الله يخليك ..... أنا عم اتغالظ بأسئلتي .....

كــــل عام وأنت بألف خير ..... وجميع الأهل والأقارب ..... أكيد اليوم مارح تقرا مشاركتي لأنو اليوم معايدة على الأهل ومافي وقت .....

[NetPro]

للبيع بالتقسيط مع فرش جديد:
بيت بحرستا - زحلة - ط 4 فني - 3 غرف وصالون - مساحة 90 متر. مع سطح (مبلط ومسور)للمنزل بدرج من داخل المنزل وبنفس مساحة المنزل.
السعر: 2400000 دفعة أولى 1500000 والباقي أقساط شهرية.

[angel]

assalam1اهلين ابو الشباب انشاء الله وانت بخير الله يجعله عيد سعيد عليك وعلى العائلة
اما عن جد ضحكتني يا سيدي اذا ما كنت متجوز انشاء الله من هون لتستلم بيتك بتكون تجوزت وبتجوز ابنك فيهيعني ضمنت بيت الولد اذا لهلأ وصلو لرقم 1600 معناها احسبا انت
هلأ بالنسبة لموضوع 600000 مافي هيك شي ابدا هلأ انا وقف حق بيتي اذا بدي ادفع كاش 1.200.000هاد يا معلمي اذا معك هاد المبلغ انا طبعا مامعيcr قام قسطت المبلغ هلأ بتقدر تقسط من سنة ل 30سنة بس كل مازادت المدة بتزيد الفائدة انا قسطت لمدة 10 سنين مشان ماتزيد الفائدة كتير ئام صار لازم ادفع القسط 10435ليرة كل شهرug11;ولمدة 10سنين يعني وقف عليي البيتوانا 1252200 و انا دافع 220000 اقساط لهلأ وبين ساعة كهربا وساعة مي و معاملة ومدري شو دافع 50 الف كمان بئا حسوب اديش صار حق بيتي والمساحة 84 يعني في 4 متار زيادةطبعا البيت الارضي اغلى لان حق الجنينة غير حق البيت كل متر بالجنينة حقه 1500 بس بتعرف انت لازم تفرح لان من هون لحتى تستلم بيتك بجوز تكون خلصت حقه او بيجوز تكون دافع زيادة و يرجعولكug3;c11 اذا تقلت عليك لاتسبني بس انا هيك مهضوم مو بايديug10;ug4;

[ado]

أخي الكريم angleassalam1
وضحت لنا شغلات كتير مهمة شكراً إلك ....
صدمات ممتاليةakh1 بس كان ضروري نعرف هل المعلومات ....ug11;