|
||||||
| استراحة المضاربين بعد قضاء .. فترة التداول والمضاربات .. لنسترح قليلا .. هنا .. ونتكلم .. ونتناقش سوياً .. |
 |
|
|
أدوات الموضوع |
25-12-2011, 12:56 PM
|
#1 |
|
مشرف
شكراً: 23,193
تم شكره 22,349 مرة في 4,677 مشاركة
|
الفصول الاربعة
جلس أبو سعد في مقهى الروضة كعادته كل مساء مع رفيقته الوحيدة هذه الايام ... يضع شفتيه على ثغرها الصغير ويسحب ماجمعته من دخان حتى يتوهج الفحم على رأسها الصغير والذي يشبه رأس سكان المريخ الاسطوري.....هنا يدخل الدخان الى رئتيه ويصل الى رأسه في تناغم خيالي بين الرأسين وصولا الى نفث الدخان خارجا وكأنه ينفث همومه التي لاتنتهي....... خلال الساعتين الماضيتين لم تصدر عن شفتيه أي كلمة باستثناء كلمة نارا ليتقدم أبو النار نافشا ريشه كأنه وزير أو سائق في سادكوب ويتفضل ويغير الفحم من رأس معشوقة أبو سعد .....!! في شارع العابد كان ارتين الارمني يتجول فيه و الذي نستطيع أن نسميه شارع الكوكتيل ففيه محلات الذهب والالبسة والمقهى والمطاعم ومحلات النظارات والمفروشات والموبايلات ومسلتزمات البيت وهو ينتهي بساحة السبع البحرات حيث البنك المركزي آرتين صديق قديم لأبو سعد من أيام الطفولة كانا لا يلتقيان الا ...صدفة وكل عشر سنوات مرة او مرتين استطاع أبو سعد أن يميز آرتين وسط جموع المارة ونادى عليه : ...آرتين ....آرتين ...اتفضل ...اتفضل دخل آرتين المقهى المشبع والمليء بأنفاس زواره والذين كانوا أوفياء دائما له ولم يتركوه حتى وان كانت الدنيا مقلوبة في خارج حدود المقهى !! أما داخله فان زواره من كوكب آخر اسمه دخن عليها تنجلي .... صديقتهم الوحيدة الطاولة والزهر تعانق آرتين مع أبو سعد قائلا : أهلين خبيبي كيفك انت خبيبي أبو سأد ....... أبو سعد :آه يا آرتين آه ....... يتبع التعديل الأخير تم بواسطة غسان ; 25-12-2011 الساعة 11:02 PM. |
|
|
| 13 أعضاء قالوا شكراً لـ غسان على المشاركة المفيدة: |
|
25-12-2011, 01:21 PM
|
#2 |
|
مشرف
شكراً: 11,973
تم شكره 19,580 مرة في 6,034 مشاركة
|
رد: الفصول الاربعة
خبيبي خسان لا تطول علينا الجزء الثاني . دخول ارتين على الخط يعد مفاجئة سارة ريحتنا شوية من ابو الهول . |
|
|
|
|
25-12-2011, 02:07 PM
|
#3 | |||||||||||||||||||||||
|
عضوية مميزة
شكراً: 18,885
تم شكره 22,038 مرة في 4,797 مشاركة
|
رد: الفصول الاربعة
خبيبي غالب هدا آرتين واخد مسور تمام .... مو بيسور بموبايل تبع انت ....هيك بيموت ...... هاد آرتين بيسور بيتبع كاميرا ...بيأطي فلاش بأد ما بيهط راسوا جوا كيس أسود.... بأدين ...بيطاليئ سوار شي تمام كتير .... فهمت ألاي شي خبيبي ...لأنو أنا ما بيفهم على خالوا هالأيام ....... (خالوا أنا ...مو خالو أخو أمو ...) والله هاد واخد غسان واخد ألابنضا يأني أفريت مو سهل بنوب ............ |
|||||||||||||||||||||||
|
|
|
|
25-12-2011, 04:12 PM
|
#4 | |||||||||||||||||||||||
|
مشرف
شكراً: 11,973
تم شكره 19,580 مرة في 6,034 مشاركة
|
رد: الفصول الاربعة
خبيبي لكمان ,.... يا ريت خبيبي تحط واخد سورة تبع انت متسورها اند واحد خبيبي ارتين تكون كريبة شوية. |
|||||||||||||||||||||||
|
|
|
|
25-12-2011, 10:41 PM
|
#5 |
|
مشرف
شكراً: 23,193
تم شكره 22,349 مرة في 4,677 مشاركة
|
رد: الفصول الاربعة
أبو سعد :آه يا آرتين آه ....... آرتين : اوخ اوخ شو أبو سأد باين انتي واخد فايت بستميت هيط شو صاير معو....... اخكليلوا اخكليوا لشوف أبو سعد : شو بدي احكي لاحكي ...لك كنك موعايش بهالدنيا انت ؟؟ آرتين : آه .......مشان هيك انتي عم تهرئي دمك هون الله يهديكي واخد غشيم انتي أبو سأد .... هلأ خلينا فيكي ليش زءلانة وئالبة على نصك وين كرشك راخ ؟؟؟؟ أبو سعد : أنا ماشفتك من أكتر من 8 سنين ماهيك ؟؟ شوف يامرحوم البي ..باين عليك فاضي ورح سمعك موال بحياتك ماسمعتو !!! انت بتعرف انو انا كان عندي معمل تريكو وكانت القشة معدن وكنا نصدر كنزات والبسة نسواني على روسيا وأوروبا الشرقية بعنا بيع بيخوف ....حتى صار وقت بدو يفوت ابن البلد لعنا ماكنا نرضى نبيعو ونئلعوا ...... وانا اللي مفكر حالي حربوء رحت وصيت على اربع مكنات من ايطاليا ....مشان وسع المعمل و كلفوني وقتا عشرين مليون ورئة ....ورئة تنطح ورئة ...... وانا ركبت هالمكنات وبلشت انتج فجأة ...... مدري شو صرلون اختفوا الروس والاوربية وبطل حدا يجي لعنا ؟؟؟؟؟؟ صاروا يستوردوا من الصين أرخص وأحلى ويمكن لانو بعض التجار صار يصدر بضاعة زبالة حتى الكل فقد الثقة بالبضاعة السورية انخرب بيتي يا آرتين انخرب تمام سكرت المعمل وبعت المكنات باربع ملايين ليرة بس لاغير آرتين : الله كريم ....وشو ائملتي بأدين ؟؟ أبو سعد : مع مين عم تحكي آرتين ؟؟؟أنا رجال لك مالك شايف هالشوارب يلي بيكتفوا تور ؟؟؟؟ المهم شايف هدا محل الدهب اللي مواجه القهوة ...هاد كان محلي لانو بعد مابعت المعمل فكرت اشتغل بالدهب شغلة خفيفة نضيفة وما بتبطل ومابدا معلمية ؟؟؟؟ هيك كنت مفكر ؟؟ وما طبق حساب السرايا على حساب الكرايا طلعت شغلة بدها معلمية ومومين ماكان بيمشي حالو بالهمصلحة بعد سنتين بس بعت المحل بعد خسارة محرزة .... آرتين :ديئتلوا خلئوا هه ...... لك ليش هيك منخوسة انتي ؟؟؟ أبو سعد : طول بالك لسه ماخلص الفلم ؟؟؟ بالهفترة سمعت انو الدولة فاتحة بورصة والعالم عم تربح متل الكذب ؟؟؟بعت اللي فوقي واللي تحتي بعت بيتي لك شوي تانية كنت لح بيع طقم عرسي وسناني ...ورحت اشتريت فيون اسهم ونصحوني نوع وشكل الاسهم مشان ما اخسر اذا نزل سهم كتير ... وأنا اشتريت الاسهم من هون يا آرتين ومدري شو صار بالدنيا من هون ؟؟ انتفضت الأمة العربية من المحيط الى الخليج ..من المغرب الى اليمن .......وانهارت البورصة ورجع انخرب بيتي مرة تالتة آرتين :  يتبع التعديل الأخير تم بواسطة غسان ; 25-12-2011 الساعة 11:14 PM. |
|
|
|
|
25-12-2011, 11:32 PM
|
#7 |
|
مشرفة سابقاً
شكراً: 391
تم شكره 291 مرة في 140 مشاركة
|
رد: الفصول الاربعة
أنا شايفة أنو قصة أبو سعد بتنطبق على أغلب رواد المنتدى ..... الله يرحمنا احسن شي .......يلي باع بيتو ويلي باع الذهب ويلي حط مدخراتو ....ويلي تبرع بتشغيل المصاري لأقربائوعلى أساس شو ...البورصة ناشئة وفعلاً متل ماقال أبو سعد ومدري شو صار بالدنيا من هون ؟؟ انتفضت الأمة العربية من المحيط الى الخليج |
|
|
|
|
26-12-2011, 12:52 AM
|
#9 | |||||||||||||||||||||||
|
عضوية مميزة
شكراً: 18,885
تم شكره 22,038 مرة في 4,797 مشاركة
|
رد: الفصول الاربعة
ما هذا يا أبو يزن ........... انت حرام تشتغل بالبورصة ............. يلي عندون موهبة بالكتابة متل حكايتك..... و عندون هالفكر النضيف..... بيكون الون تأثير كبير بالأجيال ...و بصمة و اضحة بالحياة .... لازم تتفرغ للكتابة ............... و لا تغلط غلطتي...وأت لحقت الدنيا و بهرجتا....و ركضت ورا أشياء ما أدرت حصلا ......و حتى أشك انو حصلا...............و أهملت ما كان عندي.. فلا طلت بلح اليمن و لا عنب الشام ...... |
|||||||||||||||||||||||
|
|
|
|
26-12-2011, 02:23 AM
|
#10 | |||||||||||||||||||||||
|
المشرف العام Rami alattar
شكراً: 25,586
تم شكره 37,110 مرة في 9,197 مشاركة
|
رد: الفصول الاربعة
بالاحرى حرام يشتغل موظف لا بالخاص ولا بالعام القصة حلوة وبدها كمان سرد للوقائع من الــ 1980الى 2005 |
|||||||||||||||||||||||
|
|
|
|
| أدوات الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| القواعد الاربعة للمحافة على أعصابك | beautiful life | إدارة وأعمال | 3 | 28-03-2009 01:34 PM |