جلسة صالون سيريا ستوكس ليومي الخميس 15 والجمعة 16-9-2011

[Ship World]

اقتباس: المشاركة الأصلية كتبت بواسطة economic opinion    أخي القبطان العزيز، هل فعلاً هاد الموضوع صاير مصدر قلق لنا جميعاً وأنا جربت كتير شغلات بزمانتي ريجيمات ورياضة، مارح قول إنو ما نفعوا، لأ وقتها كنت اتبع أيام ريجيمات قاسية لما كنت حس وزني زاد شوي بالجامعة وفعلاً كنت انحف عليهون بس بعد فترة يرجع يزيد وزني وهكذا..... بعدين صرت حس إنو داق خلقي من الريجيمات وما عاد إلي خلق بس لقيت آلية ساعدتني والله شوي بأنو وزني على الأقل ما عاد زاد، وعلى المدى الطويل أسبوع - شهر صار ينقص بدون ما يرجع يزيد، رح اذكرهون علون يفيدوكم: 1- بعد الساعة 7 مساءً لا للطعام، خاصة الدسم منه والتسالي، هلأ انا كتير أيام للأسف برجع على البيت المساء بعد هاد الوقت، فصرت مثلاً لما كون جوعانة أعمل شي صحن أخضر (سلطات، فتوش تبولة) وعلى علمكون أنواع السلطة كتيرة وفيك تنوع فيها، وصحن السلطة بيصير بعشر دقائق وبتاكل وبيشبع بدون ما يسمن، أيام كمان بعملي ظرف شوربه خفيفة كمان بيمشي الحال (اكيد مو من تنبعات الكريما اواللحمة)، وعل فكرة الخل كتير مفيد إذا فيك تحطو بالسلطة أو الفتوش لأنو كمان بيساعد على حرق الدهون. 2- التركيز على الحركة متل ما قالت إختنا سلام ويفضل الحقيقة تسجيل بنادي رياضة، يعني ياجماعة هية كلها ساعة بالنهار، اعتبرها ساعة راحة لأنها فعلاً حتى بتحسن النفسية. 3- صح فيكون المسا تاكلو فواكه أو خضرة إذا ما بدكون تعملو سلطة، وعلى فكرة أنا مرة سمعت من دكتور تغذية إنو التفاح مفيد جداً جداً ويساعد على التخلص من دهون الجسم 4- إذا فينا نقلل من المعجنات والخبز والرز شوي بيكون كتير منيح (ديرو بالكون أنا قلت تقليل مو امتناع متل الريجيم وصدقوني هاد بيكفي، يعني بدال ما الواحد يعبي مثلاً صحن مليان رز ويحط فوقو الشاكرية، حط معلقتين رز بقلب لبناة الشاكرية والله بتحسها طيبة وخفيفة (لا حدا يسألني ليش شاكرية، يمكن لني بحبها كتير ) على فكرة في ناس مرة كمان نصحوني بالشاي الأخضر أرجو إني كون فدتكون

شكرا اخت روان العزيزة

و الموضوع على سهولته صعب التقيد به و منهم قال
لا تاكل مع اصحابك ولا تاكل مع اشخاص تحبهم و لا تجتمع باصحابك كثيرا و قلل الطعام في الصحن و لا تلاب العزائم و ما الى هناك من اراء
و لكن رايت وصفتك جيدة و ساحاول البدء بها و شكرا مجددا لك

[ابو تيم]

مسا الخير يا شباب

شو الاخبار وين مختفيين ما حدن عم ياخد و يعطي بالصالون

مين من الشباب عايش بالامارات او كان عايش بالامارات من فترة قريبة

[Ahmadhsn]

اقتباس: المشاركة الأصلية كتبت بواسطة saeed    أهلا وسهلا بالغالي أبو حميد العزيز ... نورت المنتدى ... كيفك .. طمنا عنك ... نتمنى لك التوفيق في كل المجالات وفي كل مكان ... نتمنى عودتك سالماً غانماً لبلدك ... اشتقنالك ...

تسلم ابو سعود الغالي
انا الحمد لله بخير ومشتاقلكم كتير
شكرا لكلامك الطيب

تحياتي يا غالي

[Ahmadhsn]

اقتباس: المشاركة الأصلية كتبت بواسطة broker    مسا الخير .... اليوم الشغل على قدم وساق بخصوص وجمع الأصوات

الله يعطيك العافية وان شاء الله يستجيبو وينفذو هالوعد العظيم

[Ahmadhsn]

اقتباس: المشاركة الأصلية كتبت بواسطة مجد    السلام عليكم شباب صار لي حوالي ساعة واصل من عمان. حقيقة زهلت حين رايت عمان وتطورها العمراني شئ لا يصدق لبلد لايوجد بها موارد.

الحمد لله على سلامتك اخي ابو طارق
وبالتوفيق لك

[Ahmadhsn]

تحياتي لجميع اعضاء المنتدى فرداً فرداً

[Ahmadhsn]

اقتباس: المشاركة الأصلية كتبت بواسطة ابو تيم    مسا الخير يا شباب شو الاخبار وين مختفيين ما حدن عم ياخد و يعطي بالصالون مين من الشباب عايش بالامارات او كان عايش بالامارات من فترة قريبة

مسا النور
انا عايش بالامارات ...

[Ahmadhsn]

في 24 ساعة: 100 مستثمر بالبورصة يوقعون على مناشدة الحكومة إقرار الصندوق السيادي

(دي برس - خاص)
بعد كل الجلسات والتصريحات بخصوص إنشاء صندوق سيادي لدعم البورصة السورية توجه عدد من المستثمرين في السوق إلى جمع تواقيع لمستثمرين في السوق يناشدون الحكومة إقرار مشروع الصندوق حيث تجاوز عدد التواقيع بعد اليوم الأول لإطلاق الحملة 100 توقيع.

وأوضح المستثمر رامي العطار الذي أطلق الحملة من خلال موقع الأسهم السورية على الإنترنت أنه حصل على معلومات تفيد بأن مشروع الصندوق السيادي الذي ينتظر المستثمرون دخوله السوق عالق منذ مدة في رئاسة مجلس الوزراء حيث تدعم فكرة الصندوق عدة جهات من بينها السوق والهيئة ووزارة المالية فيما تعارضه جهات أخرى.

أما بالنسبة لقائمة التواقيع فقد أوضح العطار أنها ستستمر إلى يوم الأحد حيث سترفع بعدها إلى رئاسة مجلس الوزراء، وستوزع نسخ على شركات الوساطة المالية ونسخ إلى كل من هئية الأسواق والأوراق لمالية وإدارة سوق دمشق للأوراق المالية ومكتب وزير المالية محمد جليلاتي، ويضيف العطار "تفاعل عدد كبير من المستثمرين مع الفكرة وقد وردتنا أسماء لم نكن نسمع بها من قبل، وهذا يعبر عن رغبة كبيرة لدى المستثمرين بمطالبة الحكومة إنشاء هذا الصندوق عله ينقذ السوق ويساعد في إيقاف نزيفه".

وكان المستثمرون قد حصلوا في أوقات سابقة على وعود من قبل إدارة السوق بالتدخل الفوري في حال وصلت أسعار الأسهم إلى القيم الدفترية وفقاً للعطار، إلا أن القرارات التي اتخذتها عند وصول الأسعار إلى القيم الدفترية لم تكن جوهرية كتعديل الحدود السعرية وإلغاء جلستي تداول أسبوعيتين من وجهة نظر العطار، وهو ما كان قد اعتبره في وقت سابق الدكتور مأمون حمدان المدير التنفيذي لسوق دمشق للأوراق المالية كل ما يمكن أن تقوم إدارة السوق به، في حين يعود تشكيل الصندوق السيادي إلى الحكومة كونه من صلاحياتها.

[BROKER]

اقتباس: المشاركة الأصلية كتبت بواسطة لقماان    يعني تهديد بس ...... طيب بلكي ابدع المدير و آل الله معك (مع أنو للأمانة هو كتير بيحبني و أنا كمان بحبوا في الله ) بتعرف أنا كمان ببدع وأتا و بألوا الله معك انت كمان.....

[BROKER]

اقتباس: المشاركة الأصلية كتبت بواسطة ابو تيم    مسا الخير يا شباب شو الاخبار وين مختفيين ما حدن عم ياخد و يعطي بالصالون مين من الشباب عايش بالامارات او كان عايش بالامارات من فترة قريبة

عندك احمد حسن بدبي على كيف كيفك
وفي كمان غيث متزوج حديثاً