سعر صرف الليرة السورية مقابل الدولار ليوم الاربعاء 2013/01/02 في السوق السوداء

[مجد]

اقتباس: المشاركة الأصلية كتبت بواسطة tarek    الله يهنيهون بالكهربا الكهربا بحلب صارن حلم وعلى قوله دريد لحام

بس المذكور لم يعد ينتقد او يتكلم ......................

[kloush]

اقتباس: المشاركة الأصلية كتبت بواسطة tarek    اخي شلون عيارها مضروب و عليها ختم الجمعيه مشان الختم انا بفضل عيار ال 21 وحتى سمعت انو عيار 22 هي اللي بيصير فيها تلاعب *

شو فكرك ختم الجمعية هو ختم الانبياء لا يمكن تزويره و حتى ان لم يكن مزور(يستطيع بعض الشباب تمريقه ) شو مو عايش بالبلد و عندكم في حلب اذا كنت مهتم كيف كشفوا من حوالي السنتين ورشات
تبيع الاساور السحب بأجرة 75 ليرة للاسوارة مدموغة نظامي من نقابة حلب ثم تبين بأنها محشوة من الداخل بالبوريك بزيادة غرام الى غرامين في الاسوارة

[najm]

اللهم أرحم شهداء المليحة اليوم برحمتك وتقبلهم شهداء بجنتك . انا لله وانا اليه راجعون

[$ABOUD]

اقتباس: المشاركة الأصلية كتبت بواسطة lord1983    شباب بدي حول مبلغ كبير من قطر لسوريا بحيث استلمه بالدولار.. حدا عنده طريقه؟؟ لانو اغلب المكاتب بيقلبوه سوري.. و اللي بحول دولار ما بيسمح اكتر من الفين دولار بكل مره.. فياريت حدا ينصحني بطريقه اقدر حول مبلغ فوق ال 40 الف دولار بحيث استلمهم باللادئيه حصرا بالدولار..

أخي الكريم خدهن معك كاش اذا ما قدرت تحولهن بالدولار يعني كاش دولار وبأيدك ولاتخبر حدا وخلي قرايبك ينتظروك بالمطار - انا هيك عملت من فترة لما نزلت ع الشام اخدت معي 45 الف دولار وعادي ماحدا بيسألك .

[$ABOUD]

اقتباس: المشاركة الأصلية كتبت بواسطة najm    اللهم أرحم شهداء المليحة اليوم برحمتك وتقبلهم شهداء بجنتك . ان لله وان اليه راجعون

اللهم آمين - حسبنا الله ونعم الوكيل بالطغاة .
اللهم ارحم شهدائنا واسكنهم فسيح جناتك .

[باسل غ]

السلام عليكم

ما تواخذني يا اخوان النت مقطوع كل اليوم

من ساعه كان السعر

94_____94.5

علما انو وصل الى 95.5

واستمر لمده تقربيا نصف ساعه

اليوم كان في طلب بشكل كبير جدا

[lord1983]

اقتباس: المشاركة الأصلية كتبت بواسطة $aboud    أخي الكريم خدهن معك كاش اذا ما قدرت تحولهن بالدولار يعني كاش دولار وبأيدك ولاتخبر حدا وخلي قرايبك ينتظروك بالمطار - انا هيك عملت من فترة لما نزلت ع الشام اخدت معي 45 الف دولار وعادي ماحدا بيسألك .

حبيبي عبود والله ما عم فكر بالنزلة أبدا" بالوقت الحالي... بخاف انزل و أعلئ.. و علي شغل كتير..
انا سمعت انو الويستيرن يونيون صار بيعطي دولار تحت بس المشكله الفين دولار و عكل الفين دولار بياخد ٧٠ ريال.. مصيبة..

[SyrianWolf]

اقتباس: المشاركة الأصلية كتبت بواسطة tarek    اخي الكريم بدك تفرق بين الليرة عيار 21 والليرة عيار 22 فالليرات الرشادية والانكليزية الاصلية عيار 22 اما التقليد فعيار 21 والليرة عيار 22 بياخدو صياغه عليها 800 ل س وهي مطلوبة بكثرة بينما الليرة عيار 21 فصياغتها 300 ل س نفس الشي بالنسبة للاونصة فالاونصة السويسرية صياغتها من 2500 لل 3500 اما الاونصة الوطنية فصياغتها 800 ل س طبعا السويسرية مكتوب عليها 999 اما الوطنية 995

أخ طارق أنا سمعان أنو بحلب اللطش أكتر من الشام, بس هون بالشام أجار الليرة 21 حوالي 400 والليرة 22 أدها أو أقل.
بس بالنسبة للأونصة حبيت نبهك, كل الأونصايات مكتوب عليهم 999 (مدري 999.9 إذا ماخانتني الذاكرة) بس الوطنية فعلياً متل ماعم تحكي عيارها 99.5% (وهيك مكتوب على دمغتها إذا عندك عدسة مكبرة محرزة).
أونصة سويسرية أصلية بيكون إلها رقم تسلسلي (شرط لازم بس غير كافي ).

اقتباس: المشاركة الأصلية كتبت بواسطة kloush    السيد gold man المحترم أسمح لي أن أقول لك أنك تفتري على الصياغ فهذا الكلام به تجني فاليرة التي قد تشتريها باجرة 300 أو 400 أو500 اقول لك فورا بأن هناك احمتال كبيير أن يكون عيارها مضروب أي ليست 21 بل 20 و 19 أي أنك قد تفرح بانك حصلت عليها بسعر لقطة و لكنك لاتدري أن هناك أحتمال أنك دفعت 4000 ليرة زيادة فلذلك لا تغرك المظاهر فهذه أحدى وسائل صيد الزبون

أخ "kloush" على قولة المتل "ولاد الحرام ماتركوا لولاد الحلال شي". ياسيدي بتكون دافع حقها لليرة وزيادة ومن صياغ مشهور وثقة (على أساس) ومع هيك بتنصدم أحياناً.

اقتباس: المشاركة الأصلية كتبت بواسطة tarek    اخي شلون عيارها مضروب و عليها ختم الجمعيه مشان الختم انا بفضل عيار ال 21 وحتى سمعت انو عيار 22 هي اللي بيصير فيها تلاعب *

بأيدك, أنا نصحوني بعيار 21 لأنو ليرة 22 حتى الصياغ مابيحبوها من خوفهم من اللعب بالعيار.

[expert]

اقتباس: المشاركة الأصلية كتبت بواسطة SyrianWolf    أخ طارق أنا سمعان أنو بحلب اللطش أكتر من الشام, بس هون بالشام أجار الليرة 21 حوالي 400 والليرة 22 أدها أو أقل. بس بالنسبة للأونصة حبيت نبهك, كل الأونصايات مكتوب عليهم 999 (مدري 999.9 إذا ماخانتني الذاكرة) بس الوطنية فعلياً متل ماعم تحكي عيارها 99.5% (وهيك مكتوب على دمغتها إذا عندك عدسة مكبرة محرزة). أونصة سويسرية أصلية بيكون إلها رقم تسلسلي (شرط لازم بس غير كافي ). أخ "kloush" على قولة المتل "ولاد الحرام ماتركوا لولاد الحلال شي". ياسيدي بتكون دافع حقها لليرة وزيادة ومن صياغ مشهور وثقة (على أساس) ومع هيك بتنصدم أحياناً. بأيدك, أنا نصحوني بعيار 21 لأنو ليرة 22 حتى الصياغ مابيحبوها من خوفهم من اللعب بالعيار.

الخلاصة شكرا الك اخيSyrianWolf كلامك صح وانا معك
وبالنسبة للاخ kloush متل ما قال اخونا وانا بايده بهالفكرة موضوع الغش اله اول ماله اخر واذا كانت الصياغة غالية هاد ما بيعني انه ضمانة ضد الغش والتزوير

[najm]

اقتباس: المشاركة الأصلية كتبت بواسطة باسل غ    اليوم كان في طلب بشكل كبير جدا

غريب مع العلم لسانا بعطل الأعياد وبحاجة للنقد السوري !