سعر صرف الليرة مقابل الدولار 26-6-2012 في السوق السوداء

[f.fatina]

رفقاتنا لي ساكنين بالهامة وقدسيا مااجو اليوم عالشغل وقاال هن مو ببيوتن
صارو بالملاجئ

والدولار نزل
شومشان؟؟!!!!

يلا الله يلعن أبو الدولار
المهم الناس ماتنأذى

[f.fatina]

كأن مافي حدا غيري بالمنتدى ؟؟؟
عم العي العي لحالي هههههههههه

يلا تصبحو ع خير عندي فحص بدي روح ادرس كم كلمة
سلام يااخواتي

[مجرد إنسان]

مؤسسة إيجان جونز تخفض التصنيف الائتماني لألمانيا !!
من aa- إلى a+

[tarek]

اقتباس: المشاركة الأصلية كتبت بواسطة om@r    حلب تعيش ازمة بنزين خانقة جدا منذ يومين

بدأت الموسيقى الليلية في حلب بس هالمرة الصوت اقوى من غيرو اللهم اجعله بردا وسلاما على المسلمين وعلى كل الشعب السوري يعني كالعادة ما في نوم لبعد صلاة الصبح

[AnGeL_EyEs]

اقتباس: المشاركة الأصلية كتبت بواسطة f.fatina    طبعاً انتو عيلتي الإفتراضية وأنا بحبكن كتير عنجد شكراً إلك ياأخي عالتوضيح 100 مليون تريلون ........ شكر ومشان مناقشتي السلسة انتو أساتذتي بهالمجال ولو طالما في محبة واحترام بينا نحن الجيل الجديد معناها سوريا بخير لأن رح نربي انشالله جيل أحسن منا ب 100 مرة

مرحبا اخت فاتنة بتمنى انك تتقبلي تعليقي ع كلامك
أكيد انشالله في محبة واحترام بين الجيل الجديد وفي ألفة وأخوة كمان
وانا برأيي الشخصي بهال الاوضاع هيي يلي عم نعيش فيها عم ينصنع عنا جيل جديد مختلف تماما
عن الاجيال الماضية .. جيل عرف معنى كلمة صديق و أخ وقيم وأخلاق ونخوة وشهامة وكتير كتير من
الشغلات يلي كانت مغيبة عن الاجيال السابقة .....
بتمنى ما كون طولت بتعليقي
وتحياتي الك ولكل شخص موجود بالمنتدى وبتمنى تقبلوني صديق الكن بعيلتكن الافتراضية

[سمير]

اقتباس: المشاركة الأصلية كتبت بواسطة f.fatina    والله الحمدلله أن في حدا شاف هالعبوة وماأذت حدا بس الفكرة أن رغم أن العبوة جنب المركزي طولو لوصلو يعني مو شي ساعة لوصلو وقت كان العبوة بالتضامن طولوا أربع ساعات يلا الحمدلله ع كل حال لازم كل يوم نستسمح العالم ومانخلي حدا يزعل او يتدايق مننا ونصلي ونعمل الفرايض كلها ومانأذي حدا بركي إجتنا شي رصاصة طايشة بعيد الشر عنكم يسعد مساكن

أكيد عم يعملوا استطلاعات عن المنطقة قبل الحضور خوفاً من أن يكون هناك كمين من المسلحين.
وباعتبار أن العبوة تم كشفها فمن المؤكد أن الناس في المنطقة قد أخذو احتياطاتهم منها.
الله يحمي الشعب السوري

[AnGeL_EyEs]

اقتباس: المشاركة الأصلية كتبت بواسطة Abu Amr    كلامك حلو كتير و واقعي وبحب كمل انا الشي يلي حكيتوا و قول انو بايدنا نحنا نرجع متل ماكانوا من زمان واحسن بس كل واحد فينا يبلش بحالو وبعدين بمحيطه الصغير وطريق الالف خطوة يبدا بخطوة وطول ما في ناس مننا متل الاخت سنفورة و انت اخ سندباد و كتير متلكن فنحنا قادرين نرجع احسن من قبل بكتير و ايد بايد منبني هالبلد من جديد

مرحبا أخ أبو عمر كلامك استوقفني لأني اتذكرت شغلة مرة حكاها شيخ
أنو الأديان لما ربنا نزلها ع الارض ما فورا أمر فيها أمة كاملة
بلش فيها بشخص واحد وبعدها بمحيطه الصغير وبعدها تتوسع وتنتشر الدعوة
وهاد الشي ملموس بكل الأديان السماوية ... أكيد نحن قادرين اننا نرجع متل الاول واحسن
بس يكون عنا النية بالتغير نشوف غيرنا عم يتوجع نحس فيه ونساعدو ونحاول بكل الطرق اننا نخفف عنه ,, صدقني اذا كل الناس بتتتعلم من الشي اللي عايشين فيه هلأ لحتى يطلع عنا جيل يغزي العالم بالقيم والأخلاق وبكل المجالات .. تقبل مروري أخي الكريم

[AnGeL_EyEs]

اقتباس: المشاركة الأصلية كتبت بواسطة Abu Amr    أدان أعضاء حلف شمال الأطلسي يوم الثلاثاء إسقاط سوريا طائرة عسكرية تركية ووصفوه بأنه "غير مقبول" وطالبوا دمشق باتخاذ خطوات لمنع تكرار أحداث مماثلة. واجتمع سفراء دول الحلف الثماني والعشرين في بروكسل اليوم للتشاور مع تركيا حول الواقعة بناء على طلب من تركيا. ونقلت وكالة "رويترز" عن أندرس فوه راسموسن الأمين العام لحلف الأطلسي قوله عقب الاجتماع "عبر أعضاء حلف شمال الأطلسي عن إدانتهم القوية لهذا العمل غير المقبول على الإطلاق." وقال إن أمن الحلف لا يتجزأ لكنه أوضح أنه لم تتم مناقشة المادة الخامسة من ميثاق الحلف والتي تدعو الدول الأعضاء لاعتبار الهجوم على إحداها هجوما على كل أعضاء الحلف. وأضاف راسموسن "نقف مع تركيا بروح التضامن

روح التضامن مو هيك قال السيد راسموسن
معهن حق بحمص يطلعوا ويقولوا : تركيا حمص معك للموت

[AnGeL_EyEs]

اقتباس: المشاركة الأصلية كتبت بواسطة yara991979    له له له شكلو إنقرم شاربو ومو بس هيك.. أمين حلف الناطو يقول: ندين ونستنكر و... وإن تكرّر الأمر سنناقش الخيارات

بدهن يناقشوا كتير أخت يارا وبدهن يدينوا ويستنكروا ويشجبوا اكتر و اكتر
ذكروني بمسرحية طاب الموت يا عرب
ونحن مننتظر الفرج من رب السماء والارض هو اللي بينصفنا وهو اللي بيعرف الخير بحقنا وين

[AnGeL_EyEs]

اقتباس: المشاركة الأصلية كتبت بواسطة f.fatina    هلأ جنب شغلي كان في عبوة ناسفة لهيك كل موظف ترك مكتبو وقعدنا بنص الهول وتسكر الطريق شي نص ساعة الحمدلله فككوها وهلأ نحن بخيييييير كلياتنا

الحمدلله ع سلامتك والله يحميكي ويحمي كل شخص من أمة محمد صلى الله عليه وسلم
ويحمي بلدنا بحمياتو الربانية .... يااااااااااااارب تتلطف فينا