مجرد إنسان

الله يسامحك يا نجم ، أنا ما فيني أعطيك وردة لحتى تقول إتأمر عليك ..
على فكرة اليوم طن الاسمنت بالدولة 7200 أرض مستودعات مؤسسة العمران
وبالسوق السوداء من 10000 وفوق ..
يعني العمار ماشي على قدم وساق وأضعاف ما كان سابقا

__________________
{بل نقذف بالحق على الباطل فيدمغه فإذا هو زاهق ولكم الويل مما تصفون}

عابر مجيب

فقط للضرورة العلمية :
يحدث تصلب الاسمنت خلال السبعة ايام الأولى ويتشرب الماء خلالها بشراهة
بين سبعة أيام وواحد وعشرون يوما يصبح الاحتياج للماء أقل وترتفع نسبة التصلب وبالتالي المقاومة أو القوة إلى حدها الأعلى أو بين 90% إلى 100% .
الأن لو فرضنا أن الاسمنت بقي بلا ماء أو لنفرض أنة تم نقله واستعماله قبل اكتمال التصلب المرتبط بالوقت والماء وغاز الكربون الداخل في التفاعل .
ماذا سيحصل ؟
قلبت الطاولة على مجموعة كبيرة من الخبراء وافحمتهم بزماناتي لما ما سقينا عصب مسبق الاجهاد طول 28 متر( لتحويلة حمص) وكانت تكلفته حينها 80 ألف ليرة عام 1983 . فقد جاءت عطلة العيد واللي يحب النبي يخلي وكل واحد على بيتو .
انعقدت لجنة التحقيق فقلت لهم يمكن السقاية في أي وقت لمدة 21 يوم اعتبارا من اليوم وسيأخذ حقه من الماء كما لو كنا بدأنا من أول يوم . وتحديت ان يثبتوا العكس .
قالوا إذن لماذا علينا سقي الأسقف 21 يوم ؟ قلت لتفكو الخشب من تحته ( الكوفراج ) .
خلص الاستعراض .
الاسمنت يأخذ حقه من الماء خلال سنوات ، والدليل :
ما حدا عنده كيس بمستودع ؟ بعد فترة بيبدأ بالتصلد مع مرور الوقت نتيجة الرطوبة من الجو ، ثم تنساة لسنة وتعود لتجده جثة هامدة قصدي قطعة صخر متصلبة . ما بدها عباد شمس الحكاية .
دعولنا واسكنوا بالبيوت ولا تخافوا .

مجرد إنسان

اقتباس:

المشاركة الأصلية كتبت بواسطة عابر مجيب فقط للضرورة العلمية : يحدث تصلب الاسمنت خلال السبعة ايام الأولى ويتشرب الماء خلالها بشراهة بين سبعة أيام وواحد وعشرون يوما يصبح الاحتياج للماء أقل وترتفع نسبة التصلب وبالتالي المقاومة أو القوة إلى حدها الأعلى أو بين 90% إلى 100% . الأن لو فرضنا أن الاسمنت بقي بلا ماء أو لنفرض أنة تم نقله واستعماله قبل اكتمال التصلب المرتبط بالوقت والماء وغاز الكربون الداخل في التفاعل . ماذا سيحصل ؟ قلبت الطاولة على مجموعة كبيرة من الخبراء وافحمتهم بزماناتي لما ما سقينا عصب مسبق الاجهاد طول 28 متر( لتحويلة حمص) وكانت تكلفته حينها 80 ألف ليرة عام 1983 . فقد جاءت عطلة العيد واللي يحب النبي يخلي وكل واحد على بيتو . انعقدت لجنة التحقيق فقلت لهم يمكن السقاية في أي وقت لمدة 21 يوم اعتبارا من اليوم وسيأخذ حقه من الماء كما لو كنا بدأنا من أول يوم . وتحديت ان يثبتوا العكس . قالوا إذن لماذا علينا سقي الأسقف 21 يوم ؟ قلت لتفكو الخشب من تحته ( الكوفراج ) . خلص الاستعراض . الاسمنت يأخذ حقه من الماء خلال سنوات ، والدليل : ما حدا عنده كيس بمستودع ؟ بعد فترة بيبدأ بالتصلد مع مرور الوقت نتيجة الرطوبة من الجو ، ثم تنساة لسنة وتعود لتجده جثة هامدة قصدي قطعة صخر متصلبة . ما بدها عباد شمس الحكاية . دعولنا واسكنوا بالبيوت ولا تخافوا .

شكرا شكرا
وكل التخويف اللي بيحكوه عن البنايات المخالفة حكي فاضي نسبة للابنية المخالفة الموجودة ..
اذا وقعت بناية معمرة جديد بتجن الناس وبصيروا يقولو : يي وقعت بناية لانا مخالفات
مع العلم ان كل البنايات اللي سمعت فيها بالشام وريفها بهالفترة 2 ، ويمكن صار معمر مئات البنايات .. وفي ناس لسا بتحكيلي على بناية مخالفة وقعت من 20 سنة

__________________
{بل نقذف بالحق على الباطل فيدمغه فإذا هو زاهق ولكم الويل مما تصفون}

expert

اول شي الحمد لله على سلامتك والله ضل بالي عندك وعند اهل دوما
الله يحفظ الجميع ويدفع الظلم
بالنسبة لموضوع المخالفات
يعني هاد موضوع بناقشك فيه
المخالفات مشكلتها انو فيها خطر على الحياة خاصة مازاد منها عن طابقين
خاصة اذا كانو الطابقين اضافة على الطوابق المرخصة
والحمد لله صار الناس تعمر بدون مهندسين كانو اختصاص الهندسة ماله لزمة وكل نجار بيتون صار بيفهم قد عشر مهندسين
والمشكلة انو حلب وماحولها منطقة ضمن حزام الزلازل ووضعها مو متل دمشق بل اخطر
طبعا هاد اضافة الى ما يحدث من اغتصاب لاملاك الاخرين وحجب الهواء والشمس وغيرها من عيوب البناء العشوائي

expert

مشكلتنا انو اذا مات شخص واحد بسقوط بناء ناتج عن زلزال قوي جدا باليابان بيستقيل وزيرين تلاتة وبتقوم البلد وما بتقعد
اما اذا وقعت عندنا بناية بدون زلزال حتى وكانت مو مرخصة ومات خمس اشخاص
بتلاقي الناس عم تقول بسسسسسس خمس اشخاص ماتو (يعني اقل من خمسين شخص ما حدا بيرضى يقول الله يرحمهم) لانو نحن البني ادم ماله قيمة عندنا واقل من خمسين تهمل لصغرها
وبالنسبة للاستاذ عابر انا وانت منعرف انو ما حدا بياخد بحسابات اجهاد وحولات البيتون (يعتير مادة مالئة) والحساب عندنا كله على حديد التسليح (ان وجد ) ووضع بشكل مدروس هندسيا(مو على كيف نجار الباتون.........
وبالاخير اهم من هاد وهداك
سلامة الاساسات

فهد

المخالفات بعد عام 2008 لا يمكن تسويتها

عابر مجيب

إذا بناء مخالف مو معناها مفوخر ، هو بس ما في رخصة مو اكتر .
ممكن يكون أفضل وأقوى من البناء النظامي .
لأن المتعهد بلا دراسة بيخاف فبيحط اسمنت وحديد أكتر من اللازم، لأنو ما بيعرف يحسب على القد .
بكل حال انا كلامي كان عن البلوك اللي عم ينباع فورا ويتم استعماله . أما إذا كان البلوك أصلا اسمنته خفيف أو أن البناء مبني على أرض رخوة أوغير ذلك فهذا أمر آخر . كالتشييد لجدران حاملة من البلوك فقط ولعدة طوابق .
أغلب حالات سقوط الأبنية سببه الاسمنت الفاسد .

GoldMan$

أنا معك بكل ما قلته ولكن المشكلة بالمتعهد بدو يخفف ليربح والمعمرجي بدو يخفف ليسرق وغيرو وغيرو الحيطان فلين والسقف فلين وشو بدي احكي لاحكي ..
عنا بنايات طلعت 6 طوابق خلال 20 يوم وما حدا يسألني كيف بس المشكلة انو بمنطقة رملية وبحاجة لشغل بالاساسات على الاقل صب بدو شهر ؟؟؟؟؟ الله يستر ويحمي الساكنيين بهيك بيوت
صرلي كذا فرصة للشراء ببنايات مخالفة وباسعار حلوة بس واالله خفت لانو حتى المتاجرة بهيك شي الو مساوء مع الايام واذا صار شي بالبناية لا سمح الله بروووح فيها عالفاضي مشان مربح زيادة لا بلاها هالتجرة ...

د.أبو محمد

انا برأيي كل واحد عمَر بهالفترة بيستاهل يتعاقب لأنو مو حاسس بحدا ومو همو غير حالو

مجرد إنسان

اقتباس:

المشاركة الأصلية كتبت بواسطة expert مشكلتنا انو اذا مات شخص واحد بسقوط بناء ناتج عن زلزال قوي جدا باليابان بيستقيل وزيرين تلاتة وبتقوم البلد وما بتقعد اما اذا وقعت عندنا بناية بدون زلزال حتى وكانت مو مرخصة ومات خمس اشخاص بتلاقي الناس عم تقول بسسسسسس خمس اشخاص ماتو (يعني اقل من خمسين شخص ما حدا بيرضى يقول الله يرحمهم) لانو نحن البني ادم ماله قيمة عندنا واقل من خمسين تهمل لصغرها وبالنسبة للاستاذ عابر انا وانت منعرف انو ما حدا بياخد بحسابات اجهاد وحولات البيتون (يعتير مادة مالئة) والحساب عندنا كله على حديد التسليح (ان وجد ) ووضع بشكل مدروس هندسيا(مو على كيف نجار الباتون......... وبالاخير اهم من هاد وهداك سلامة الاساسات

والله يا أخي أبو هيثم : فيك تعمل اختبارات مشان التعشيش ومتانة الاعمدة ..حتى ببناء يكون إلك وانت مساويه .. جيب كمبريصة وسط من الصينية وحطا على هالعمود ، يا بيفرط يا بيضل متل الرصاص
مرة كان في مهندس استلام يستلم منا عمل هيك بكذا عمود شك بمتانتن ..وفي عمودين فرطوا ههههههه
وبما إنك مهندس : فالبركة بمواد إصلاح الاسمنت (نسيت اسما ههههه) بتخبي التعشيش وبتقوي متانة الشكل الخارجي ، بعدين بالهندسة وحسب علمي : توزيع حديد التسليح ممكن يكون غلط ومو بس المهم الوزن ، والموضوع فيه تشعبات كتيرة ، ومو كل مهندس أخد الشهادة بيقدر يهندس فعلا
أنا شفت مهندسين ما بيعرفوا قديش ممكن يضغط بواري المي الحلوة لفحص التنفيس.
مع انو كانوا يحكولنا عن طرق لزيادة متانة التربة واستصلاح المناطق الصحراوية لتصبح قابلة للبناء
وشفت مهندسين عمارة بحطوا طبقة طينة فوق طبقة طينة تانية وبدون ما يحطوا فايبر وبدون ما يعطوا السماكة قيمة وبحطوا طبقة جديدة فوق الناعمة القديمة بدون تنكيش وبعدين نلاقي الحيطان عم تشقق ..
وفي مهندسين ميكانيك ما بيعرفوا شو هي الدكتات ولا شلون الفحص بدو يكون ..
وفي مهندسين كانوا خبرة بالخليج : بيجو هون وما بيعرفوا يقولوا لأ لطلب مستحيل من المالك (حتى أن أحدهم طمر بوري ماء مفتوح من أجل الردم فورا والحمد لله صار في بالصحراء نبعة )تلبية للتعليمات .
وفي مهندسين : بيعملوا خزان أرضي مساحة 100 م2 بدون ما يحطولوا درج للنزول ..
وفي مهندسين كهرباء ما بيعرفوا يفحصوا لوحة رئيسية طلبوها بمواصفاتها ويخشون عندما تطلب موافقتهم عليها ..
وفي ناس ما بتستعمل رجاج وفيه وفيه شو ما بدك
تذكرت اسم المادة : كونريب على ما اذكر (يمكن معناها كونكريت ريبيرر)
ايـــــــه ، في بكل مصلحة ناس فنانين فعلا والله يجمعنا بهالناس
ولكن المهندسين هم أكثر الناس المؤهلين لقيادة الشعوب والمراكز العامة
فتحية للمهندسين الفهمانين متلكن

__________________
{بل نقذف بالحق على الباطل فيدمغه فإذا هو زاهق ولكم الويل مما تصفون}