صالة أسعار الدولار والذهب مقابل الليرة السورية ليوم الخميس 17-10-2013

[هزار]

اقتباس: المشاركة الأصلية كتبت بواسطة عابر مجيب    التاجر اللي عم تحكي عليه متلو متلنا بيضل زبون عند الدولة . ممكن تسميه متعيش ، ملطشة أو حمّال الأسية . وفوق هيك محسود وعرضة للخطف . التجار الحقيقيين طول عمرهم بيوقعوا واقفين ومخاويين بس مو العفاريت ، مخاويين الحرامية والسماسرة . بس لما ضاق عليهم الخناق وصار بدهم يحطوا ( على اساس الغرم بالغنم ) هربوا وعملوا بيزنس برا ، ويادار ما دخلك شر . وممكن يبعتوا شوية مساعدات للفقراء حفظا لخط الرجعة . طبعا الناس بتنسى ان هدول كانوا أصل المشكلة وكان دورهم كبير بالتشجيع على الفساد والرشوة .

اقتباس: المشاركة الأصلية كتبت بواسطة shereen    بتعرف اخي عابر انو التاجر بهالظروف انا بعتبره اكتر انسان وطني لانو يمكن ينسرق محلو ويمكن ينحرق ويمكن ينخطف هوة او احد ولادو وبعدين بيشتري على 250 ووقت ينزل لل 200 بدو ينزل غصب عنو ويخسر لانو في واحد نزل بضاعتو على ال 200 والدولة بتحط الحق عليه والمواطن بيحط الحق عليه

سيدة شيرين ما حدا عم يحكي عوطنية حدا بس عم نحكي عشوية احساس اكيد عليهن حمل و مسؤولية بسل لا تخافي عليهن ما بطلعو حالن غير ربحانين

و بخصوص بجوز ينخطف او يموت او .... كل الناس معرضة لهالشي مو بس التجار

الله يهدينا و يهديهم و يحمي الجميع

[najm]

أونصة الذهب الان 1317 $



دعم 1 / 1277
دعم 2 / 1254
دعم 3 / 1242

مقاومة 1 / 1302
# 2 / 1330
# 3 / 1352

[انس الحموي]

اقتباس: المشاركة الأصلية كتبت بواسطة هزار    سيد أنس هيك منرجع لنفس الموضوع انو مو ضروري يحصلو على نفس الربح الي كانو يحصلو عليه قبل الأزمة و يشتري عقارات و سيارات بهالوقت هاد يعني معلة يرحمو هالعالم شوي و يحسو فيهن الأسعار مانا متناسبة ابدا مع التكلفات الي حسبتا لأنهن فرضا اشترو بضاعة و الدولار 200 و سعرو لنفرض بلوزة ب 2000 بنفس اليوم ارتفع الدولارلل 300 رجعوسعرو البلوزة ب 4000 لا ننسا هنة اشتروه ب و الدولار ب 200 مافي كم يو رجع نزل الدولار لل 180 و سبحان الله كيف هيك تم سعر البلوزة 4000 لا و الأضرب من هيك لما بيرجعو جيبو بضاعة و الدولار 180 و بتمو بسعرو البضاعةب 4000 بقوم بيرتفع السعر الدلار لل 250 بتقومبتصير اليلوزة ب 6000 فمتخيل انت كم رفعة عم تحلقا هالبلوزة و متلا متايل و صايرة معي و بعدة أشكال

انا معك انسة هزار بجوز يصير احيانا طمع بس مهما طمع الكل خسران وما عما توفي مع حدى مالنا بالحيتان ولا يلي في ملعقة ذهب بتمهم هدول اكيد تضاعفت ثرواتهم وفي منهم راحوا هنه وثرواتهم ...ومتل ما قال عابر مجيب انو التجار الكبار صاروا برى البلد من بداية الازمة تقريبا ...هلىء بالنسبة لاصحاب المواد او التجار او بائعين الجملة والمفرق صدقيني بجوز يربحوا مرات بس عما يخسروا احيانا ...ولما بتقولي لي ما ضروري يربح نفس الربح يلي كان يحصله قبل الازمة بقلك ما بصير هل الحكي لانو محل الالبسه لما كان يربح 50 الف يادوب كانت توفي معه ومحسوب عليه انو بمحل حقه 50 مليون يعني لو ببيعه وبشتغل اي شغله اشرفله ...بتعرفي العيلة يلي بتعيش عيشه بسيطه مكونه من 7 اشخاص بتعرفي ادش بدها بالشهر بدها قرابة 100 الف واذا عندهم 2 جامعات حكومي لا خاص ولا موازي بدهم شهريا 40 الف يعني صار بدها العيلة يلي بدها تعيش عيشه بسيطه 150 الف فما بالك اذا حابه العيله تشتري وتلبس وتترفه متل اي عائله فوق المتوسط مابدي الك عائلات غنيه بدها شهريا 250 الف اقل شي ,,,نحن ببلد التضخم عما ياكل كلشي امامه ومن طيبها الناس صارت تزوج بناتها على مهر 50 الف ؟؟؟ لانو حتى 50 الف ما عاد قادر الشب يوفرها لانو اقل فرش بيت اقل من عادي بكلف مليون ليرة ...فشو ما صار ونحن بهل الازمة وبعدنا عايشين فهي اكبر نعمه واكبر نعمه انو عيلتك ما مدت ايدها لاي مخلوق على عكس 90 بالمية من الشعب السوري صاير عايش عالمساعدات وقولي الله يستر وما يصير فينا متل الصومال ...عفكرة الصومال سنة 1980 كانت جنة عالارض وما كان فيها فقر كانت الصومال افضل بكتير من بلدان الشرق الاوسط ...شوفي حالتها هلىء فقر ومجاعات وتشرد ...حتى البعض منشان يحصل على قوت يومه بدور على اعشاش النمل وبيحفره وبطالع منه حبات قليله من القمح وكسرات الخبز اليابس . خليتيني ازعل كتير من نفسي لما كتبت هل المشاركة لانو حسيت حالي عايش متل الملوك مقارنة بالفقر يلي شفته بالصومال

[انس الحموي]

اقتباس: المشاركة الأصلية كتبت بواسطة هزار    سيدة شيرين ما حدا عم يحكي عوطنية حدا بس عم نحكي عشوية احساس اكيد عليهن حمل و مسؤولية بسل لا تخافي عليهن ما بطلعو حالن غير ربحانين و بخصوص بجوز ينخطف او يموت او .... كل الناس معرضة لهالشي مو بس التجار الله يهدينا و يهديهم و يحمي الجميع

بس بتم العين مفتحه عليهم اكتر من غيرهم ...بتعرفي انو في ناس باحد البنوك الخاصة كان يسرب اسماء الناس يلي عندها حسابات كبيرة ويعطيها لجهات معينه حتى يتم استغلال وابتزاز تلك الناس سواء بوسائل الخطف او التهديد واحيانا القتل ,,,,خليها لربك ما عما قلك على الاقل الى الان عايشين عيشة الملوك يارب يديم علينا النعم وعلى كل اعضاء وزوار سيريا ستوكس و على كل انسان قلبه طيب ويزيل النعم من كل ظالم وجبار ومتكبر

[najm]

اقتباس: المشاركة الأصلية كتبت بواسطة هزار    كلية الطب فى سان فرانسيسكو عام 1986م ذكرت أن اكثر من 80% من التحدث مع الذات سلبى,ويسبب 75% من الأمراض بما فيها الجلطات والصداع النصفى والقرحة العبية وضغط الدم العالى والكوليسترول.. فلماذا تظن فى نفسك السوء فتحيط بك الهموم والأمراض؟لماذا لا تحب نفسك وجسمك كما أعطاه الله لك؟لماذا لا تقدر نفسك حتى يقدرك الآخرون؟... نعم إن التفكير الإيجابى والإدراك الإيجابى داخلياً وخارجياً جنة فى صدر صاحبه,فالإدراك السلبى داخلياً وخارجياً هو بعينه جهنم الهموم والأمراض والفشل والتعاسة ,هو بعينه وسواس الوهم والتأخر ..والزمن لا ينتظر أحداً,والأقدار لا تجابي أحداً..ولا تستجيب لعتاب أحد أو لوم أحد وأي عاجز مضياع لفرصته حتى إذا فات أمر عاتب القدر من كتاب الطريق إلى النجاح لــ دكتور إبراهيم الفقى رحمه الله

يمكن اذا بيساو دراسة على حالتنا سينتج معهم بأن 90 % من الشعب السوري قد أصيب فعلا بالجلطات الدماغية والصداع النصفي والقرحة وضغط الدم والكلسترول .. وداء النئرزان والدولار فوبيا

وكيف نترك الهموم لتتركنا الأمراض ؟ وعن أي تفكير ايجابي نتحدث داخليا أم خارجيا سيدتي ؟

والله صرنا عندما نرى الأطفال الجرحى والقتلى والجياع نقول بيننا وبين أنفسنا حرام علينا عيشنا ..

[عابر مجيب]

اقتباس: المشاركة الأصلية كتبت بواسطة shereen    تمام اخي بس حتى هدول اللي متلنا كل الجهد حاليا مصبوب عليهم علما انو في كتير شركات هللق عم تصفي بضاعتها وبدهم يسكرو ويهربو واذا طالت الازمة لح بنشوف كساد كبير بكل شي بس اخي عابر تجار السيارات والبيوت الحاليين بشو ممكن تصنفهم مع انو الدولة والشعب مو كتير عم يسبوهم من فترة مثلا وقت كان الدولار بين ال 200 وال 250 انعرضت عليي سيارة لاند روفر موديل 2000 غير عادي 1600 سي سي ماشية 70 الف مكرجة من شي 6 سنين وصاحبها مابيسوقها غير وقت يجي عالشام كان بدو فيها مليون و 400 نهاها ب مليون و300 لانو كان مسافر بعد يومين وكان ناقصها بس صيانة دورية واذا بتنبخ وبتللمع بتطلع كانو جديدة انا بصراحة ماحبيتها لانو 1600 سي سي يعني بهيك سيارة بتجي كتير ضعيفة بس بتفاجىء اليوم احد تجار السوق مشتريها وملمعها وعارضها بمليونين ونص فشو تصنيفك لهدول التجار وشو تصنيفك للناس اللي عم تشتري بهالوقت

يعني هدول ما بيتصنفوا مع التجار ، هنن سماسرة ، وبيصطادوا بيعات حلوة وبيربحوا فيها ، بس اللي مو مدعوم منهم أو غني بيضل كسيب وهيب ، وبيمضي حياتو على سحب وصرف وكل يوم بيومو . ومن كتر دخلهم اليومي كبر مصروفهم وما عاد ممكن يلموا رأسمال .
بالسيارات لحالها إذا بيحوي عشر سيارات بس وبلا مصاريف المعرض أو المستودع أقل شي بيلزمو بين 20 إلى30 مليون ، وكل يوم بيتكلف تنظيف غير انو عمر السيارة عم يزيد ، إذا عنّد عند سعر بتكسد بخلقتو .
البيوت اذا عشرة بدو 70 إلى 100 مليون ووقت بيوقف السوق ببيع برأس المال ليصرف ، وبعدين صعب يشتغل لحالو عنده مصروف 1000 ليرة ضيافة باليوم .
غالبا هدول السماسرة بيكونوا معترين وواحدهم مضيع مصاريه على ملذات يوميه .

[هزار]

اقتباس: المشاركة الأصلية كتبت بواسطة عابر مجيب    التاجر اللي عم تحكي عليه متلو متلنا بيضل زبون عند الدولة . ممكن تسميه متعيش ، ملطشة أو حمّال الأسية . وفوق هيك محسود وعرضة للخطف . التجار الحقيقيين طول عمرهم بيوقعوا واقفين ومخاويين بس مو العفاريت ، مخاويين الحرامية والسماسرة . بس لما ضاق عليهم الخناق وصار بدهم يحطوا ( على اساس الغرم بالغنم ) هربوا وعملوا بيزنس برا ، ويادار ما دخلك شر . وممكن يبعتوا شوية مساعدات للفقراء حفظا لخط الرجعة . طبعا الناس بتنسى ان هدول كانوا أصل المشكلة وكان دورهم كبير بالتشجيع على الفساد والرشوة .

اقتباس: المشاركة الأصلية كتبت بواسطة انس الحموي    انا معك انسة هزار بجوز يصير احيانا طمع بس مهما طمع الكل خسران وما عما توفي مع حدى مالنا بالحيتان ولا يلي في ملعقة ذهب بتمهم هدول اكيد تضاعفت ثرواتهم وفي منهم راحوا هنه وثرواتهم ...ومتل ما قال عابر مجيب انو التجار الكبار صاروا برى البلد من بداية الازمة تقريبا ...هلىء بالنسبة لاصحاب المواد او التجار او بائعين الجملة والمفرق صدقيني بجوز يربحوا مرات بس عما يخسروا احيانا ...ولما بتقولي لي ما ضروري يربح نفس الربح يلي كان يحصله قبل الازمة بقلك ما بصير هل الحكي لانو محل الالبسه لما كان يربح 50 الف يادوب كانت توفي معه ومحسوب عليه انو بمحل حقه 50 مليون يعني لو ببيعه وبشتغل اي شغله اشرفله ...بتعرفي العيلة يلي بتعيش عيشه بسيطه مكونه من 7 اشخاص بتعرفي ادش بدها بالشهر بدها قرابة 100 الف واذا عندهم 2 جامعات حكومي لا خاص ولا موازي بدهم شهريا 40 الف يعني صار بدها العيلة يلي بدها تعيش عيشه بسيطه 150 الف فما بالك اذا حابه العيله تشتري وتلبس وتترفه متل اي عائله فوق المتوسط مابدي الك عائلات غنيه بدها شهريا 250 الف اقل شي ,,,نحن ببلد التضخم عما ياكل كلشي امامه ومن طيبها الناس صارت تزوج بناتها على مهر 50 الف ؟؟؟ لانو حتى 50 الف ما عاد قادر الشب يوفرها لانو اقل فرش بيت اقل من عادي بكلف مليون ليرة ...فشو ما صار ونحن بهل الازمة وبعدنا عايشين فهي اكبر نعمه واكبر نعمه انو عيلتك ما مدت ايدها لاي مخلوق على عكس 90 بالمية من الشعب السوري صاير عايش عالمساعدات وقولي الله يستر وما يصير فينا متل الصومال ...عفكرة الصومال سنة 1980 كانت جنة عالارض وما كان فيها فقر كانت الصومال افضل بكتير من بلدان الشرق الاوسط ...شوفي حالتها هلىء فقر ومجاعات وتشرد ...حتى البعض منشان يحصل على قوت يومه بدور على اعشاش النمل وبيحفره وبطالع منه حبات قليله من القمح وكسرات الخبز اليابس .frown11 خليتيني ازعل كتير من نفسي لما كتبت هل المشاركة frown11 لانو حسيت حالي عايش متل الملوك مقارنة بالفقر يلي شفته بالصومال frown11

و الله انا معك سيد انس بحكيك و انا حسستني اني مو حاسة او عم حط اللوم كل اللوم عليهن
انا الي بقصدو انهن احسن من غيرن بكتير عالاقل مو موقف شغلن متل عالم كتار صرلا 3 سنين ما اشتغلت شي و عم تصرف من مدخراتا او عم يجيها شي نادر اكيد التجار بيخسرو احيانا بس كمان عم يربحو احيانا كتير

لما باليابان صار الزلزال و اضررت العالم كتير صار المنيح يحس بالضعيف المطاعم صارت تقدم وجبات مجانية المحلات خفضت الاسعار للنص و و ..... و هنة بهالشي اكيد خسرو بس هنة ما اعتبروها خسارة هنة اعتبروها مساعدة انسانية

و انا هاد كل الي بدي وصلو انو الي عم يرتزق و لو نسبة كتيييقليلة معلة يحس شوي بالي ما عم يجيه و لا نتوفة دخل و الله لح يعوضو اكيييد

و الله يفرج عالجميع يا رب من اي طرف كاااان

[باسل غ]

مسا الخير

تداولات بمبالغ صغيره للجاحة

172________173_174

حلب متوفر

ما عبالكم تتفقوا على شي ؟؟؟

الغلط اليوم يمكن يكون صح بكرا والعكس صح

وكل واحد عبشوف شي عامل الوقت كتير مهم يلي عامل خطة عمل لاسبوع غير يلي عاملها لشهر او اكتر

انتقاد الافكار لا تعني انتقاد الشخص

[هزار]

اقتباس: المشاركة الأصلية كتبت بواسطة najm    يمكن اذا بيساو دراسة على حالتنا سينتج معهم بأن 90 % من الشعب السوري قد أصيب فعلا بالجلطات الدماغية والصداع النصفي والقرحة وضغط الدم والكلسترول .. وداء النئرزان والدولار فوبيا وكيف نترك الهموم لتتركنا الأمراض ؟ وعن أي تفكير ايجابي نتحدث داخليا أم خارجيا سيدتي ؟ والله صرنا عندما نرى الأطفال الجرحى والقتلى والجياع نقول بيننا وبين أنفسنا حرام علينا عيشنا ..

سيد نجم التفكير الايجابي عن حالنا عن حياتنا نحن عن وضعنا
يعني بتقابل ناس بتعد معن 5 دقايق بيبلش النق و انا هيك و عم يصير معي هيك و ما عم احسن اعمل هيك ووووو.....
انت قلتا اذا بيشوفو غيرن لحمدو الله مليون مرة
فالتفكير الاجابي انو مثلا انا احسن من غيري بكير انا قادرة قدم هيك وهيك ولازم اعمل هي و هيك لاني بحسن ....الخ و انا بحسن ساعد هالافال بسن قدم مساعدات كلا افكار نحن منحسن نحطا بداخلنا احسن من الافكار السلبية الي بتسيطر علينا و بتخلينا نعد نندب بس

يمكن تقولو لحالكن شو بعيش حالي بحياة وردية و قوس قزح و اني خيالية بس لا ابدا انا من الواقع عم انطلق يعني انا عايشة عايشة و عمري مكتوب سواء بالالم او الامل فلا انا بفضل ع بأمل مصدرو الالم لان كل ما كانت الحياة وردة بنظري لح اعكس هاللون للي حدي و الي حد لح يعكسو للي حدو و هيك بتتفجر طاقات ايجابية بداخلنا قادرا تعمل كتييييييير اشيا

وشكر للجميع لمناقشتي بهالموضوع بالرغم من انو مو هون مكانو

[ran86]

شباب لا تواخزونا قطعنا عليكن نقاشكن ,بس في شي حدا يخبرنا ابيش سعر الدهب الكسر بالسوق بعد ما ارتفعت الاونصة اليوم,وشكرا