سعر صرف الدولار بالليرة السورية في السوق السوداء يوم الاربعاء 20\3\2013

[GoldMan$]

اقتباس: المشاركة الأصلية كتبت بواسطة dynamic pulse    تم الشراء الساعة 11.30‎‏ على 121.25 بس خايف يكون المركزي منجرنا مقلب مرتب السعر دمشق الآن 120_125 متوفر

أخي الكريم كل شيء وارد بس متل ما قال الاخ لقمان لو تدخل المركزي ونزل السعر فترة صغيرة وبيرجع بينط السعر
الله يستر على جميع الاحوال ...
بس شوف ملاحظة صغيرة بس تشوف الصرافيين خفضوا سعر الشراء وقتها معناه السعر بدو ينزل ..
الصرافيين باللاذقية ما عم يشتروا اكثر من 120 - 122 كأقصى حد والبيع على كيف كل صراف
بيت 125 - لل 127

[عابر مجيب]

اقتباس: المشاركة الأصلية كتبت بواسطة الليرة السورية    خليك ضمن حدود انا ما تعديت على حدا احترامي للجميع

شو الحدود عندك ؟ سايرك وجاملك مثلا ؟
خلص الله يهنيك على فكرك .

[hazwany]

اقتباس: المشاركة الأصلية كتبت بواسطة عابر مجيب    شو صدمك سلامتك هنن بلبنان ما بيعرفوا لذلك ببيعوا أرخص تعيش وتاكل غيرها .

أخي قلو نيالك، مو تعيش وتاكل غيرها

[الليرة السورية]

اقتباس: المشاركة الأصلية كتبت بواسطة عابر مجيب    شو الحدود عندك ؟ سايرك وجاملك مثلا ؟ خلص الله يهنيك على فكرك .

أخي ما حدا طلب منك تسايرني وانا ما عم دور على حدا يسايرني
انا ما وجهتلك اي كلام مهين
يا ريت تحافظ على نفس المستوى
احكي يلي بتشوفو صح " بس ضمن حدود "

احترامي للجميع

[عابر مجيب]

اقتباس: المشاركة الأصلية كتبت بواسطة الياطر    صباح الخير للجميع ومين قلك انو ما مشغل عقلو ولا كل واحد ما بوافقك الراي بكون ما مشغل عقلو منيح نحن ما منعرف بعض يمكن كنا اقتلنا بعض ويمكن كل واحد فينا معو شهادات بتعبي الحيط يا عمي انا بحترم رايك بس بنفس الوقت ما في داعي تهين الاخرين وشكرا

حضرتك قريت شو كاتب ؟
شوي عم يشوف وشوي عم يشم ، هدول مو حواس ؟
غلط برأيك الواحد يشغل عقلو ؟
وين الإهانة اللي انت شايفها ؟
مو الأصل انك ماتتهم الناس وتشم فيهم اللي بدك تشمو ؟ ولا هاد مو تعدي ؟
الشهادات مو لتعباية الحيطان بالبراويظ ، الشهادات لتعلى بالفكر والفهم ولتخلي الواحد عندو ثقة بنفسو ويفهم ان الناس مو غشم وإذا ما مشيو متل مابدك ما بيكونوا عم يهينوك .

[hazwany]

اقتباس: المشاركة الأصلية كتبت بواسطة ماهر محمد    طنش أخي طنش أنت قول الدولار بـ 34 ليرة سوري شوف شلون بتصير حبيبو وعيونو

شباب طولوا بالكون مبارح حاولت انسى النعامة واليوم رجعتوا تذكروني فيا...

[الليرة السورية]

اقتباس: المشاركة الأصلية كتبت بواسطة عابر مجيب    حضرتك قريت شو كاتب ؟ شوي عم يشوف وشوي عم يشم ، هدول مو حواس ؟ غلط برأيك الواحد يشغل عقلو ؟

برسم طاقم الإدارة المحترم
أنسحب من الرد على اي تعليق أخر من هذا العضو تحديدا

احترامي للجميع

[Ahmad.S]

السلام عليكم وشكراً للجميع زر الشكر لا يعمل عندي

قال الله تعالى: ” وَأَطِيعُوا اللَّهَ وَرَسُولَهُ وَلَا تَنَازَعُوا فَتَفْشَلُوا وَتَذْهَبَ رِيحُكُمْ وَاصْبِرُوا إِنَّ اللَّهَ مَعَ الصَّابِرِينَ “

دمشق الساعة 1:30

120..........122

إلى الآن متوفر شراء وبيع

وشكراً

[غسان]

كانت ستي تقول لامي واخواتا ...

حبوا بعضكون ....الله بيرضه عليكم ...

وامي كانت تقلنا هيك ....

فحبوا بعضكون ...الله بيرضى علينا .....

مانحنا اخوة ...ان شاء الله

[عابر مجيب]

اقتباس: المشاركة الأصلية كتبت بواسطة big h    بعد ما قرأته البارحة واليوم من نصائح لسحب الودائع من البنوك وإيداعها خارج سورية لأن الهدف من التحويل المؤقت هو حماية أموال الناس التي هي اموال البلد أصلاً .. وأن هذه النصيحة هي لخدمة السوريين وأن ندعو الله للفقراء أن يرزقهم "وبس" وعن انهيار الليرة بشكل صاروخي بمجرد رفع الرواتب .. وعن الذهاب إلى السوق لشراء المواد التموينية والاستهلاكية بكميات كبيرة !؟ لكسب السعر القديم .. وعن التباريك والتهاني لجني الأرباح وعن التوقعات القادمه بالاتجاه نحو الهاوية .. إلخ إلخ .. ألا يعتقد البعض معي أن هذه الأفكار هي قمة التخلف وتنم عن جهل كبير لا يخفى على أحد !! ألا يعلم الجميع المخاطر القادمة دون أن يدلّهم عليها البعض ؟؟ أوليس الدعوة ولو من طرف خفي إلى ما سبق هو دعوة إلى الهياج والفوضى !؟ بالرغم من العوامل الكثيرة لهبوط الليرة السورية ومنها الوضع الأمني والحرب القائمة والاقتصاد المتوقف إلا أن ارتفاع الدولار مؤخراً مقابل الليرة سببه الرئيسي - والله أعلم - هو عدم تمويل البنك المركزي للمستوردات خلال الفترة السابقة وتأجيلها حتى الأحد القادم مبدئياً حسب التصريحات الصادرة عن موظفيه ... ومن يعمل في هذا القطاع يعلم ذلك جيداً ... وذلك ما أدى إلى الضغط على السوق وليس فقط الطلب الشخصي للدولار المشكلة الحقيقية هي في التركيبة الاجتماعية فطريقة التفكير بعقلية اللهم نفسي هو ما يضاعف من الأزمة الصعبة أصلاً وما يزيد الطين بلّه .. فمثلاً أزمة البنزين في دمشق وبسبب انقطاع الطريق لعدة أيام .. لا يشتري المرء بعد انتهاء الأزمة حاجته فقط وإنما يأتي بعائلته - دون أي تقدير للحرمات - للوقوف بالدور مما يؤدي لأزمة من نوع آخر فبالنسبة له هذه هي "الشطارة والفلهوة والألبنضه" فالموضوع إذاً لا يتعلّق فقط بارتفاع الدولار وانخفاضه وإنما يتعلق أيضاً وبشكل رديف بنمطية التفكير بمحدودية وأنانية أم بشمولية وموضوعية وعقلانية ... ولا داعي هنا لمحاولة التكهن بالغيب والخوف المسعور من القادم والمجهول فلا يعلم الغيب إلا الله وكما يقول المثل "ساعة من ساعاتو بتنقضى حاجاتو" أتمنى من الله الفرج القريب .. ولا أقصد انتقاد أحد لمجرد النقد أو الإزعاج وإنما للتشارك بالأفكار لما فيه الخير للجميع بإذن الله تعالى ..

الشعوب كلها سواء ، والمشكلة دوما هي في تجاربها ومدى ثقتها بظروفها ومحيطها.
لا تصدق ان هنالك مصلحة عامة ، هنالك مصلحة خاصة دائما وفقط .
إن اجتماع المصالح الخاصة يشكل المصلحة العامة .
هذا الاجتماع للمصالح لابد من تأطيره وتنظيمه وإلا غلب القوي الضعيف .