صالون سيرياستوكس ليومي السبت 22 والأحد 23-9-2012

[BROKER]

اقتباس: المشاركة الأصلية كتبت بواسطة biso    الحمد لله حرقوا السيارة و ما هدموا البيت... الحمد لله هدموا البيت و ما صار شي لأهلو.... الحمد لله طلع من البلد قبل ما يعتقلوه... الحمد لله اعتقلو الرجال و ما أخدوا ولادو وأخواتو.... الحمد لله اعتقلو الرجال و ما قتلوه... ......الحمد لله تصوب برجلو و ما انشل... الحمد لله انشل و ما مات... الحمد لله استشهد ويا محلا الشهادة... وسيظل السوريون يحمدون الله وسيحمدون الله وللأبد

تماماً اخي بسام ... هذا حال السوري

وهذا ما نقوله يومياً

الحمد لله على سلامتك

[abu mhd]

مسا الخير
غياب قسري بسبب عدم وجود انترنت بالشركة
صار فينا متل حكاية الحبة عند الطحان و الطحان بده فلوس
لأنوا نحنا خطنا من خط الشركة الرئيسية اللي بتبعت لفرعها بالباردة وهنن بيبعتولنا فالمقسم تبع السبينة مدري شو صار فيه و عليه انضرب خط المايكرويف و بده فني للصيانة و الفني بده المدير ليفتحله كلمة السر و المدير خايف يطلع و اذا طلع الفني بيخاف يروح عالمقسم لأنوا خايف من القصف و و و
المهم ما علينا انتوا كيفكون ؟؟؟؟؟؟؟
هلأ اذا فهمتوا شو صار منيح و اذا ما فهمتوا عادي شي متوقع
بالنتيجة لتنحل كل هالمشاكل بيرجع الانترنت و بتوقع بيرجع التداول عالسوق قبل ما يرجعلنا الانترنت
لا حدا يسب امانة ههههههههههه

[Tareq]

اقتباس: المشاركة الأصلية كتبت بواسطة broker    يبدو ان صاحب الخبر قد نفاه http://syria-stocks.com/forum/showpo...&postcount=278

اقتباس: المشاركة الأصلية كتبت بواسطة najm    اخي طارق لابأس من هذه الفتاوي اذا كانت النية صافية وقد تكرر هذا الامر ابان حروب البوسنة والعراق ولم يتكرر مع بنات وارامل الصومال لكن اتفهم غضبك بسبب قناعتك بانهم يتزوجون للمتعة لا لفعل الخير بس مو كل اصابعك متل بعضها والعالم لا يخلو من الشرفاء

أخيأبو أيهم لست ضد الفتوى بحد ذاتها. لكن ابن ال 55 لما يتقدم لبنت ال 15 او ال 20 فهي ما فيها سترة لو الموضوع سترة بيساعد شب ليتزوج فهيك النية بتكون مفضوحة.
ولما تسمع بدولة مجاورة انو كلفة الزواج من سورية 150 دينار فقط وتسمع نوع الاحاديث يلي عم تم. ساعتها ما بتحس الا بالغضب والقرف من هيك ناس ومن كل مين عم يفتيلهون. للاسف الدين صار ذراعين شاش ولحية ببلاش ولحق فتاوي تيك اوي على هالفضائيات.

عند لجوء عدد من بنات البوسنة الى سورية كان احد المشايخ ويبلغ من العمر 45 سنة انذاك مسؤولا عن رعاية 10 من الفتيات اللاجئات. كان يستقبل كل من يرغب بالزواج من احداهن في بيته ويسال عنه كانه متقدم الى احدى بناته. ولما سالت الشيخ مازحا لماذا لا تتزوج انت وهو كان متزوجا فرد عي وقال انا مسؤول عن هؤلاء الفتيات امام الله وهم كبناتي ولن يفرقوا عنهم ابدا ولن يزوجوا الا ممن يليق بهم ويناسب لهم من ناحية العمر والتفكير.

[i.kusibati]

مساء الخير للجميع

إنزعاج الهيئة وإدارة السوق.

http://aliqtisadi.com/index.php?mode=article&id=26175

[najm]

اقتباس: المشاركة الأصلية كتبت بواسطة tareq    أخيأبو أيهم لست ضد الفتوى بحد ذاتها. لكن ابن ال 55 لما يتقدم لبنت ال 15 او ال 20 فهي ما فيها سترة لو الموضوع سترة بيساعد شب ليتزوج فهيك النية بتكون مفضوحة. ولما تسمع بدولة مجاورة انو كلفة الزواج من سورية 150 دينار فقط وتسمع نوع الاحاديث يلي عم تم. ساعتها ما بتحس الا بالغضب والقرف من هيك ناس ومن كل مين عم يفتيلهون. للاسف الدين صار ذراعين شاش ولحية ببلاش ولحق فتاوي تيك اوي على هالفضائيات. عند لجوء عدد من بنات البوسنة الى سورية كان احد المشايخ ويبلغ من العمر 45 سنة انذاك مسؤولا عن رعاية 10 من الفتيات اللاجئات. كان يستقبل كل من يرغب بالزواج من احداهن في بيته ويسال عنه كانه متقدم الى احدى بناته. ولما سالت الشيخ مازحا لماذا لا تتزوج انت وهو كان متزوجا فرد عي وقال انا مسؤول عن هؤلاء الفتيات امام الله وهم كبناتي ولن يفرقوا عنهم ابدا ولن يزوجوا الا ممن يليق بهم ويناسب لهم من ناحية العمر والتفكير.

أخي طارق ضربت أجمل مثال ومثلك لا يزايد عليه .

[Mais]

[najm]

[najm]

[Dr Imado]

اقتباس: المشاركة الأصلية كتبت بواسطة broker    اهلا دكتور عماد العزيز اشتقنالك يا سيدي ان شاء الله يكون قرارك لخيــــر .... الله ييسرلك ويحميك وابقى خلينا عم نشوفك دائما ولو سافرت وانت غالي وعزيز علينا وحبيناك وقت تعرفنا عليك

أبو الريم الغالي والله ما منستغني عن الطيبين
أكيد القلوب عند بعضها
شكراً جزيلاً للإهتمام
وانشالله منلتقي عن جديد بسوريا يلي عرفناها
يلي بتجمع و بتلم الكل

[abu mhd]

اهلا بكم في جلسات المتابعة لجلسات التداول لهذا الأسبوع
المتابعة اللحظية لجلسات التداول للأيام 24&25&26 - 9 - 2012