سعر صرف الدولار مقابل الليرة 25-3-2012 بالسوق السوداء

[ALHAKIM]

( سوق صرافة أو سوء صرافة )

نزلت يوم الخميس الساعة 8 (بعد ما فتحت المنتدى طبعاً وتفرجت عالأسعار )عند صراف مهم بالشام وبدي صرف مبلغ من دولار لسوري للشركة التي أعمل بها وكان حرزان بنظري( من أربعة أرقام ) !
لقيت الصراف بجلالة قدرو بدو يمشي مع أنو بحياتو ما نزل من المكتب قبل ال 10
قلتلو عندي كذا كذا وبدي صرف ., جاوبني بتثاقل ....... ضروري اليوم
قلتلو اي ضروري ..,
قلي لو ماكنتو زبايني و الله و بأولادي ما بعملها
اليقين يلي كان عندو أنو بدو ينزل الدولار لا يصدق
صرفلي عال 78 حكيتلو أنو عميصرفو عال 78.75 برا قلي هدول صرافة هدول ؟؟؟!!!
و ابتسم وصرحلي أنو اذا بدك بتعملك قرشين نضاف فيون خبر شركتك انك صرفتون السبت أو الأحد اذا ما بيأثر بتدعيلي ( انت صاحبنا )
وأنا اتابع و لا أصدق أسعار السبت و الأحد
فهو يا ببصر بالفنجان يا في اتفاق على نطاق محدود من الصرافة للسعر في القريب المنظور

[ملك]

في ناس غير متواجدة اليوم

ماهر ابو عدنان
احمد الشريف
اخونا مجد الذي اشترى من ثلاثة ايام على سعر 79 وبواسطة
.............
؟؟؟؟
يمكن باعوا البارحة وما عاد اهتموا بالاسعار

[Eng. Hassan]

دمشق الآن

السعر (حارة كل مين إيدوا إلو) يعني بصراحة السعر صاير مشايلة !!!

[Ahmad Hamdi AlSharif]

سعر صرف الليرة السورية أمام ال$ :
شراء يتراوح بين 75.5 - 76.25
بيع يتراوح بين 76.75 - 77.25

سعر صرف الليرة السورية أمام اليورو :
شراء يتراوح بين 100 - 100.75
بيع يتراوح بين 102 - 103
أعتذر من إخواننا عن الغياب بس حدث طارىء خير ان شاء الله
ملاحظة هامة : السعر الحقيقي للدولار في الشام هو 76.25 يعني هذا السعر هو السعر الذي يشتري فيه الصرافين الكبار من الصرافين الصغار.

[GoldMan$]

حابب اسأل سؤال ..
طيب هالسعر اليوم حقيقي ولا وهمي ؟؟؟
لما طلع الدولار لل 100 قالوا السعر وهمي !!!!
طيب والليرة فقدت اغلب مصادر قوتها ودعمها ... ؟؟؟؟
طيب شو السعر العادل للصرف اليوم .. بعرف انو الجواب شبه مستحيل في ظل عدم الشفافية اللي نحن فيها
بس حبيت اطرح هالسؤال يمكن حدا من الشباب يقدر يقنعني بشي وجهة نظر ؟؟؟؟

[Tigerssound]

كتاب رسمي يقضي بتدخل المركزي...الحاكم يجتمع بشركات ومكاتب الصرافة ظهر اليوم...و/12/ مليون دولار بيعت لعدة شركات بسعر /76,90/ ليرة سورية|

سيريانديز- خاص- فادي بك الشريف
كشف مصدر خاص في سوق القطع لـ "سيريانديز" أن حاكم مصرف سورية المركزي د. أديب ميالة اجتمع ظهر اليوم بشركات ومكاتب الصرافة العاملة في سورية مؤكداً استمرار عمليه التدخل في السوق ببيع الدولار، والتأكيد على عزمه الاستمرار في هذه العملية الإيجابية لإعادة استقرار الليرة السورية والعمل على خفض الدولار، ذاكراً أن الشركات التي حصلت على الدولار ولم تبيع المواطنين تعتبر مخالفة وسيتخذ بحقها عقوبات من قبل المركزي.
واستهجن المصدر ما يثار عن عدم تدخل المركزي وأن ذلك مثير للاستغراب، مبيناً لـ "سيريانديز" أن هناك كتاب رسمي من قبل رئاسة الحكومة والمصرف المركزي يقضي بعملية التدخل، ذاكراً أن المركزي أعلن تدخله منذ 15 يوماً ببيع الدولار للشركات وهو مستمر في هذا الأمر ماساهم بخفض الدولار بنسبة 25% وبلوغه اليوم حدود 76 ليرة سورية، مضيفاً أن التدخل قائم منذ فترة وهو ما تم التطرق له إعلامياً، ولا أحد يستطيع أن ينكره ولكن تحديد المبلغ هو رجم بالغيب أي يتم حسب حاجة السوق وعملية العرض والطلب بشكل يومي.
وأوضح المصدر أن المركزي باع اليوم شركات الصرافة حوالي /12/ مليون دولار بسعر 76,90 ليرة سورية على أن تبيعه للمواطنين بذات السعر، حيث أن المركزي يتدخل للمرة الخامسة في السوق بعد إعلان تدخله، إذ فاقت قيمة المبالغ المباع لشركات الصرافة /50/ مليون دولار حتى تاريخه، وذلك حسب حاجة السوق، وذلك بعد أن بلغت المبالغ المطروحة خلال الأسبوع الفائت حوالي /40 / مليون دولار، يضاف إليها قيمة المبالغ المباعة لشركات الصرافة اليوم.
وفي السياق كان أشار مدير شركة الصرافة أن شركات الصرافة تلتزم بتعليمات هيئة غسل الأموال ومكافحة الإرهاب تقوم بإرسال قوائم للمصرف المركزي تتضمن المبالغ المباعة وهوية الأشخاص الذين تبع بيعهم، موجها رسالة لكل من يتهم بعدم بيع المركزي الدولار ويشكك بإجراءاته بأنه بالإمكان مراجعة المركزي للتأكد من القوائم المحددة والمبالغ المباعة، كما بإمكانه ذكر اسم الشركة التي رفضت بيع المواطنين الدولار وإرسال مذكرة للمصرف المركزي حول ذلك، وإلا فكلامه يكون مستنداً لافتراضات معينة هدفها إثارة الفوضى في نفوس الكثيرين.

syriandays
الأحد*2012-03-25
**17:01:49

[GoldMan$]

أخ محمد شكرا للاسعار التي تضعها وما تزعل على تعليقي بس الاسعار اللي حطيتها اخر شي مالها اي وجود بسوق اللاذقية يمكن بس بحلب
من لحظات سألت احد الصرافيين قبل اغلاقه قال شراء 76,75 بيع 78
وأحد الشباب اللي بعرفهم بيشتغل تحت ايد احد الصرافيين ... أخدني على جنب وقللي بشتري منك بـ 77,25

وتصبحوا على خير

[BROKER]

اقتباس: المشاركة الأصلية كتبت بواسطة iass    كتير حكيك صحيح. أنا رح أعطي مثال كتير بيشبه الشي يلي عم تحكي عنو. موضوع قطع الكهربا. لأنو انباعت مولدات وبطاريات سيارات وانفرتات بمليارات الليرات السورية. ولو كانت هي المصاري يلي انفعت لهاد الموضوع تم استثمار نصها بموضوع الكهربا. كانت انحلت الأزمة. بس كيف في ناس بدهن يهبشو الهبشة الكبيرة. ويصيرو مليارديرية. مع أنوالأنفرتر يلي عم ينباع هلق بالمحلات على 12000 ليرة لل2000 واط. فيكي تشتريه ب6000 ليرة من لبنان. وكلو متحجج بسعر الدولار. كل أثرياء الحرب عم يشكلو ثروات على حساب هالشعب المعتر والمسكين.

[Eng. Hassan]

اقتباس: المشاركة الأصلية كتبت بواسطة Ahmad Hamdi AlSharif    ملاحظة هامة : السعر الحقيقي للدولار في الشام هو 76.25 يعني هذا السعر هو السعر الذي يشتري فيه الصرافين الكبار من الصرافين الصغار.

ac1 That's right

[expert]

اقتباس: المشاركة الأصلية كتبت بواسطة SyrianWolf    أد ماتشاطرنا وسربنا إشاعات ولعبنا بسعر الدولار سواء بالطالع أو بالنازل ولمصلحة مين ماكان. بس -والعلم عند الله- عالمدى المتوسط (مو الطويل) سعر الليرة بدو "حتماً" يستقر ويتحدد بقوة وحجم النشاط الاقتصادي للبلد, إلا إذا حدا معتبر أنو نحنا نيئة وغير شكل وقوانين الاقتصاد بتنطبق على كل بلدان العالم إلا عنا.

ياسيدي انا متاكد انو قوانين الاقتصاد كلها ما بتنطبق على بلدنا
يعني متاكد مو شك
اصلا ما في قوانين من اي نوع بتطبق ببلدنا لا اقتصادية ولا قضائية ولا غيره