بنك قطر الوطني - هل هناك مرحلة ثالثة

[وحيد]

اقتباس: المشاركة الأصلية كتبت بواسطة tbz    مستر وحيد اونلي انت تذكر السب واللعن بما تكتب ما رايت سب ولعن من احد الاسهم الفاضلة هي حق للسوريين وليس للقطرين بنك قطر يأخذ ما ليس له وهذا بالمشرمحي ستيلينغ اخوي انت ما هو سيريان ظاهرتا من qnb القسمة الغرماء للمساهمين الحل الوحيد يا أستاذ وحيد

اكيد انا مو سيريان انا سوري
احكي عربي ما بحب الناس اللي لسانون اعوج لانو انجليزيتي بعيد عنك مريضة شوي
اكيد اناqnb انا مساهم فيه
انا مارح احكي عن الفائض لانو صار مسلسل مكسيكي وحاسس حالي بدي راجع العفو منكون
قرفنا بنك قطر وقصة الاسهم الفائضة
والله لو كنت بدال البنك كان عطيت لكل مساهم 10 اسهم بس لاريح راسي
هاي مشكلة هالبلد لانو هيئتنا مذوقة معنا لازم نركبها
يا ترى في مكان تاني بهالبلد تستعرضو عضلاتكون فيه غير بهيئة الاوراق
يا جماعة بيكفي والله بيكفي
اكيد محدا سب ولعن
بس انا بسب والعن اليوم اللي اندرج فيه سهم قطر بالبورصة
لانو صرت شوف عبارة الفائض حتى بالمنامات
لك يا اخي شو بدكون بس فهموني؟
مخطط بنك قطر اللي حكيتو عني ما مشي وكل مساهم اكتتب على سهمين واكيد هدا حقنا ومو منية من حدا
فائض واخدنا حقنا منو
هلا بقى صار الحكي عن فائض المرحلة الثالثة ورح ياخدلو شي شهر لحتى نشوف اخر حلقة
وبعدين يبلش المسلسل الجديد البنك العربي و....و...
بيكفي بيكفي

[وحيد]

على فكرة بنك قطر يشغل 12 % فقط من محفظتي

[Aziz]

اقتباس: وحاسس حالي بدي راجع العفو منكون

اقتباس: قرفنا بنك قطر وقصة الاسهم الفائضة

اقتباس: والله لو كنت بدال البنك كان عطيت لكل مساهم 10 اسهم بس لاريح راسي

كثر الله خيرك

اقتباس: هاي مشكلة هالبلد لانو هيئتنا مذوقة معنا لازم نركبها يا ترى في مكان تاني بهالبلد تستعرضو عضلاتكون فيه غير بهيئة الاوراق

للأسف وجود اشخاص تدافع عن الهيئة بهذه الطريقة الغريبة وهذا الكلام العجيب

اقتباس: لك يا اخي شو بدكون بس فهموني؟

بدنا حقنا وحق جميع السوريين ولا نريد ان يضحك احد علينا

اقتباس: مخطط بنك قطر اللي حكيتو عني ما مشي وكل مساهم اكتتب على سهمين واكيد هدا حقنا ومو منية من حدا فائض واخدنا حقنا منو

لولا وقوف رجال في هذا المنتدى الرائع لما اخذت حقك لا انت ولا غيرك من السوريين

وفي النهاية
اخ وحيد حرقت اسهمك بالمنتدى بشكل كامل بعد هذا الكلام

[TBZ]

أستاذ وحيد

تكرم عينك حجلس لساني الاعوج نشان تحبني ما بهون عليي انك ما تحبني انا سوري مثلي مثلك يا عزيزي

بس انا هيك متعود نصف سوري نصف اجنبي ومع ذلك انا مخلص لسوريتي وحقوق السوري اكثر من غيري

المسلسل المكسيكي هو بسبب بنك قطر الذي يريد ان يأخذ ما ليس له وليس بسبب امثالي الذين لن يسكتوا على سرقة حقوقهم

نحن ايضا قرقنا من بنك قطر واخذه اسهما من حق المساهمين السوريين

نحن لن نراجع بل بنك قطر من سيراجع ويتراجع عن اخذه لاسهمنا

لا بدنا نركب هيئتنا الموقرة التي نحترمها ولا بدنا ياها تركبنا
كل واحد يأخذ حقه من الفائض

ونحن ايضا نسب ونلعن بنك قطر وساعة اندرج بنك قطر وتخريبه للسوق بالطلوع وبالنزول

وسنطالب باخراج بنك قطر من السوق اذا بدو ياكل علينا حقنا

ونحن عما نشوف كوابيس بالمنام بسبب قطر

بدك تفهم شو بدنا
بدنا حقنا لا اكثر ولا اقل وما بينقصوا ربع سهم بيطلعوا من الفائض حصة متلو متلنا

المخطط يلي عما تحكي عنو ما مشي بسبب الرجال الجريئة والصحيانة والشريفة الذين لولاهم لكان قطر اكل الاخضر واليابس

فائض المرحلة الثالثة حسب القانون ونشرة الاصدار لم يُعمل به وهذا خطأ فادح سيدفع ثمنه قطر بالمحاكم والامور جاهزة ننتظر الاثبات بان بنك قطر سياخذ اسهم المرحلة الثالثة

بحن من نقول بكفي بكفي حاج تاخذوا اسهم من حقنا نحن المساهمين السوريين وبكل فخر

وهذا المسلسل اكيد لن نراه مع البنك العربي ولا البنك الاسلامي لانهم نزيهين ولن ياخذوا ما ليس من حقهم على حساب المساهمين السوريين

واخيرا شكرا سيد وحيد اخي السوري بكل فخر