صالة أسعار صرف الدولار و العملات ليوم الجمعة 14-06-2013

[alternative]

اقتباس: المشاركة الأصلية كتبت بواسطة shereen    طيب من وين بدو يجي التفائل بس اشرحلي او بس نتفائل وهيييييييييييوننبسط وخلص

الله يفرج عنا ويحمنا كلنا
وقت شفت مشاركتك حسيت حالي بدي انتحر و زت حالي من البرندا
ولكن للاسف ما في عندي برندا لانو طابق ارضي
طلعت عالشارع مهموم ومكروب شفت صاحب الي ال مرحبا قلتلوا شو عم تقول مرحبا مبسوط كتير يعني
المستقبل زفت و كل شي اسود انت و هالدنيا عليا
شوي تانية كنت حاديلوا بالبوكس بعينو
تفتلت شوي بالشارع هائم على وجهي لا اعرف الى اين تقودني قدماي
بعدين استغفرت ربي
وقلت الحمد لله
وتذكرت الحقيقة
لن يصيبنا الا ما كتب الله لنا

[أبوخالد]

اقتباس: المشاركة الأصلية كتبت بواسطة عابر مجيب    انا قصدي أوردته بشكل مباشر بلا تنميق من أسلمك مدبحو لا تدبحو شو رأيك تشتري من المضطر بسعر أقرب للقيمة الفعلية ؟ وبلاها هي مغري ، وبعدها قول خدمتو ، ثق انت الرابح ، والله بباركلك أكتر . استفتي ضميرك ، سهلة حط نفسك مكان البائع الملهوف .

لا خلاف أن الشراء من المضطر بسعر متدني عمل غير أخلاقي

لكن يوجد حالة أخرى : أنا لدي مال و لا أبحث عن شراء عقار و جاءني من يريد بيع عقاره بسعر مغري ( و هنا استخدمت كلمة مغري لأني لا أفكر بالشراء و لكن يوجد من عرض علي بسعر أراه جيد نسبة للمخاطرة أو المغامرة المحتملة في هذه الظروف ) ما رأيك بهذ الحالة ؟

[مجرد إنسان]

صدق اخونا عابر مجيب في تذكيره بحق البائع ومن سلمك مدبحو لا تدبحو
اهل دوما الاصليين كانوا قبل ان تصل الى ذروتها الامور فيها يشترون بيوت من يريد البيع باسعار مقبولة وليست اسعار حاجة ماسة

وصدقت شيرين وبالفعل رح تقول شيرين قالت.
على سيرة الاراضي صحتلي ارض بريف دمشق بمنطقة قريبة من الجيش بس فيها طابو وملكية وكل شي نظامي من اول الازمة وبصراحة كانت كتير رخيصة واحلى ششي فيها انها بالتقسيط
بس الحمد لله ما اخدتها وقتها لانو خطر على بالي كلام شيرين نفسو وبالفعل من فترة سألت عليها قالولي الجيش استحلاها
فتعا هلأ حاور بندقية الجيش واقنعهم بترك الارض !!
الله يعوض على صاحبها ..
بعدين بيني وبينك الهامة مو ابو رمانة مثلا !!
وقد اصابها من الشعر بيت من فترة..

[مجرد إنسان]

رغم ان الوضع لا ينبئ بحل قريب الا اننا لا نيأس ولا نقنط من رحمة رب كريم رحيم
وفي النظر الى ابتسامة الامل التي تملأ وجوه ابناء اخواننا ممن لجؤوا الى مخيمات لجوء سيئة للغاية ما يشعل الامل بعزم وفجر افضل
‏'قال ومن يقنط من رحمة ربه الا القوم الضالون' سورة الحجر ٥٦
وذلك رد سيدنا ابراهيم عليه السلام على بشارة انه سيأتيه ولد بعد ان بلغ ان كبر وأصبح مسنا .

[shereen]

اقتباس: المشاركة الأصلية كتبت بواسطة alternative    الله يفرج عنا ويحمنا كلنا وقت شفت مشاركتك حسيت حالي بدي انتحر و زت حالي من البرندا ولكن للاسف ما في عندي برندا لانو طابق ارضي طلعت عالشارع مهموم ومكروب شفت صاحب الي ال مرحبا قلتلوا شو عم تقول مرحبا مبسوط كتير يعني المستقبل زفت و كل شي اسود انت و هالدنيا عليا شوي تانية كنت حاديلوا بالبوكس بعينو تفتلت شوي بالشارع هائم على وجهي لا اعرف الى اين تقودني قدماي بعدين استغفرت ربي وقلت الحمد لله وتذكرت الحقيقة لن يصيبنا الا ما كتب الله لنا

اخي تعال لنرسم الوضع السوري بكل دقة وشفافية وياتبقنعني او بقنعك
الوضع عالارض دمار بكل انحاء سوريا ماعدا بعض المناطق عندك دعوات جهادية هائلة من جميع الاطراف تسليح معارضة يعني تسليح النظام ب 10 اضعاف الاسلحة من حلفائه واتباع سياسة الارض المحروقة ولايوجد مكان مقدس في سوريا ممنوع الاقتراب عليه حتى المسجد الاموي بحلب راح والجامع الاموي بدمشق غالبا رايح عالفرم ماعاد في خطوط حمر باي مكان الوضع المعيشي دمشق فيها شي 5 ملايين مواطن واكتر اغلب اهل الريف نزلو عالشام
غلاء هائل بالاسعار بسبب عدم توفر المواد الاساسية وعدم قدرة الشام على استيعاب الاعداد الهائلة من النازحين وانقطاع اي مواد غذائية من الريف المحاصر وامتناع اغلب الشركات عن التوظيف وتوقف العديد من الاعمال بسبب الحواجز والغلاء والوضع الامني ناهيك تردي القيمة الشرائية لليرة السورية يعني انا معاشي الي ماعم يكفيني فمابالك اذا واحد عندو 4 اولاد ومعاشو 15 الف بالشهر او عندو 4 اولاد وراح شغلو فكيف بدو يعيش وهي لسة المعارك بقلب المحافظات لسة مابلشت مافي غير حمص ودير الزور انفرمت عندك اغلب مراكز المحافظات هادئة ومافي غير حواجز وقصف خفيف من فترة لفترةفمابالك لو بلشت معارك مراكز المحافظات لسة الايام اللي جاية اسود من السواد لح بتكون او شو رايكم

[omar1964]

بالنسبة للعقار
بدي احكي شغلة خاصة الاسبوع الماضي اشتريت عقار بمبلغ ضحم بالنسبة الي .
فيه المواصفات الي بدي اياها ضمن المخطط التنظيمي و خالي من البناء أو الاشغالات
كنت قادر اخدو من صحابو بمبلغ اقل لو بدي اعصرن متل عادتي ... و متل ما بيعمل اي تاجر
بس ما فعلت و معي شريك قنع بوجهة نظري انو ندفع ثمنه متل ما بيسوى .. هيك الله بيبارلكنا فيه اكتر .
وبعد ما دفعت الرعبون بيومين ثبتت الباقي عالدولار لما شفنا انو الدولار عم يطلع سعرو كتير.
بين ما تخلص معاملة الفراغ .و كان فيني ضل عالليرة اربح الي .
ما احتاج الموضوع اكتر من كلمتين ...
بترضى بالظلم ... لأ و خلصنا
بس هيك مرتاح اكتر و حاسس انو بدا تجيني منو رزقة منيحة بالايام ..
اذا ضلينا طيبين قولو انشاء الله..

[alternative]

خلينا نحكي بجدية ونقيم المزح
مقومات التفاؤل :
العمر واحد والرب واحد
التوكل على الله مع الاخذ بالاسباب
بعد كل محنة منحة
التشاؤوم والخوف الشديد لن يغير في حقيقة الامر شيء
ويؤثر على قرارات الفرد و اداؤه بشكل سلبي

[alternative]

اقتباس: المشاركة الأصلية كتبت بواسطة omar1964    بالنسبة للعقار بدي احكي شغلة خاصة الاسبوع الماضي اشتريت عقار بمبلغ ضحم بالنسبة الي . فيه المواصفات الي بدي اياها ضمن المخطط التنظيمي و خالي من البناء أو الاشغالات كنت قادر اخدو من صحابو بمبلغ اقل لو بدي اعصرن متل عادتي ... و متل ما بيعمل اي تاجر بس ما فعلت و معي شريك قنع بوجهة نظري انو ندفع ثمنه متل ما بيسوى .. هيك الله بيبارلكنا فيه اكتر . وبعد ما دفعت الرعبون بيومين ثبتت الباقي عالدولار لما شفنا انو الدولار عم يطلع سعرو كتير. بين ما تخلص معاملة الفراغ .و كان فيني ضل عالليرة اربح الي . ما احتاج الموضوع اكتر من كلمتين ... بترضى بالظلم ... لأ و خلصنا بس هيك مرتاح اكتر و حاسس انو بدا تجيني منو رزقة منيحة بالايام .. اذا ضلينا طيبين قولو انشاء الله..

عجبتني وزاد احترامي الك
يا ريت كل التجار متلك
يا ريت اذا حدا عندو متل هيك مواقف انسانية رائعة
يذكرها لتحريض الناس
وطبعا نحنا ما بنعرف بعض
ما حيكون القصة انو رياء ومفاخرة

[مجرد إنسان]

‏أخي عمر الله يباركلك ويبارك لشريكك
‏

[مجرد إنسان]

يا جماعة اللي بيتزوج او بيجيه ولد او بنت يفرحنا معو ويذكرنا انو الحياة ما وقفت
وانو لسا الناس عايشة رغم انو اللي صار فينا اشبه ما يكون بما حصل لالمانيا في الحرب العالمية..