سعر صرف الليرة مقابل الدولار 22-5-2012 في السوق السوداء

[سامر منصور]

اقتباس: المشاركة الأصلية كتبت بواسطة amh_sy    يا لطيف ألف دولار بتكسر الميزانية!!!!!!!!!big grin

ياجماعة وقت بتحاولو تمزحو رجاءء وضوحو الكلام مزح ممكن عالم تعتبر جد وتتصرف على هل الاساس
يعني مثلا 1000 دولار تقريبا 70 الف سوري ياجماعة الخير معاي الف دولار موجودين بالمحفظة مين حيقول كم هدول
طبيعي وانا من فترة ونزلت معاي كم درهم ماحدا قلي شو موجود معاك عملة.
طبعا الكلام مش انك تسحب معاك مية الف دولار يعني بالعقل ياجامعة واكيد الاخت مش نازلت معاها اكتر من 10 الاف دولار وتخاطر فهين مثلا؟؟

[manar]

دمشق الان
شراء 68.75
بيع 68.95
متوفر

[عابر مجيب]

اقتباس: المشاركة الأصلية كتبت بواسطة الفهد السوري    شبكة سي ان ان :: النظام السوري الذي توفرت لديه احتياطات نقدية هائلة قبيل الأزمة معرّض للانهيار نتيجة العمليات العسكرية المتواصلة والتي تستنزف مليار دولار شهريا من تلك الاحتياطات. وقدر مسؤولون في المنطقة انهيار النظام الأسد مالياً بنهاية العام الحالي، كنتيجة للعمليات العسكرية الجارية التي تستنزف مليار دولار شهرياً من احتياطاته النقدية التي قدرت بقرابة 30 مليار دولار عند بدء الثورة السورية.

يلا بدنا همة الشباب ليساهموا بالمجهود الحربي ، مارح تتعزبو ممكن تنضاف على أي فاتورة وأكتر شي على ترسيم السيارات مع ضريبة المدارس ، ممكن على البيوت والبيع والشراء ، حركولنا حالكم .
شو بنشحد من الغريب ؟

[best time]

اقتباس: المشاركة الأصلية كتبت بواسطة المغتربة    شكرا لكل الأخوة اللي ردوا علي أما بالنسبة لموضوع النزول لسوريا فطبعا هو لرؤية الأهل وهو شيء لا غنى عنه بس المبلغ المسموح ادخاله دون تصريح كم هو لو سمحتوا

بيطلع عليكي ضريبة تجيبي جرة غاز مليانة للأهلك و إلا بترجعي من المطار

[د.أبو محمد]

اقتباس: المشاركة الأصلية كتبت بواسطة عابر مجيب    يلا بدنا همة الشباب ليساهموا بالمجهود الحربي ، مارح تتعزبو ممكن تنضاف على أي فاتورة وأكتر شي على ترسيم السيارات مع ضريبة المدارس ، ممكن على البيوت والبيع والشراء ، حركولنا حالكم . شو بنشحد من الغريب ؟:stickouttongue

اذا كل مواطن حط 1 ليرة يوميا يعني 23000000 ليرة يوميا بتكفي
عادي شباب اعتبروها زكاة يعني 30 ليرة بالشهر مابتأثر يعني انا مثلا عيلتي 4 أشخاص ب 30 بتطلع 120 بالشهر
بس في طوابع وسرقات ونشل قصدي نقل و مازوت و ضريبة للمالية و خلافه يعني بيطلع عكل عيلة شي 2000 بس
اي شبكن جرة الغاز صارت ب 2500 عادي لا تصيروا بخيلين

[عابر مجيب]

اقتباس: المشاركة الأصلية كتبت بواسطة amh_sy    فنادق الخمس نجوم في اللاذقية تعلن اسعار تشجيعية.. وروتانا يستثني نفسه (دي برس- خاص ) قبل أيام شكت سورية الى الامم المتحدة من ان صناعة السياحة لحقت بها اضرار بالغة نتيجة الازمة المستمرة منذ 14 شهرا. وفي رسالة الى الجمعية العامة للامم المتحدة قال السفير السوري بشار الجعفري :"ان نسبة الاشغال في الفنادق انخفضت من متوسط بلغ 90 في المئة قبل الازمة التي بدأت في مارس اذار 2011 إلى أقل من 15 في المئة". وكتب الجعفري في رسالته المؤرخة في السابع من مايو ايار انه في المدن والمناطق التي تشهد توترات فان تأثير الازمة على قطاع السياحة كان "كارثيا تماما" حيث توقف نشاط السياحة بالكامل وتوقفت الفنادق عن العمل.

يبقى شكوة انشالله ، كمان بهي شو بدهم يعملوله ؟
ضربني وبكا ، المفروض منظمة اليونيسكو تدعي على عدم حماية الأماكن الأثرية .
المفروض القطاع الخاص السياحي يشتكي للأمم المتحدة ويعلن نفسه قطاع منكوب، حتى الزلازل المدمر بيبقى شوي للأحياء يتعيشوا منه، إذا مومساعدات كم بطانية وكيسين عدس وعلبة حليب ، بيلتقى بين الأنقاض كم ربطة خبز يابس ايادي فيها أساور بيقطعها وبياخدهم يصرف على ملذاته الشخصية ، أول كم مرة بيوجعه قلبه بعدين بيتمسح . العما عم نشتهي نشوف السياحة الجربانة ما عم نلاقي !

[د.أبو محمد]

اقتباس: المشاركة الأصلية كتبت بواسطة best time    بيطلع عليكي ضريبة تجيبي جرة غاز مليانة للأهلك و إلا بترجعي من المطار

معناها وصلت

[د.أبو محمد]

اقتباس: المشاركة الأصلية كتبت بواسطة عابر مجيب    يبقى شكوة انشالله ، كمان بهي شو بدهم يعملوله ؟ ضربني وبكا ، المفروض منظمة اليونيسكو تدعي على عدم حماية الأماكن الأثرية . المفروض القطاع الخاص السياحي يشتكي للأمم المتحدة ويعلن نفسه قطاع منكوب، حتى الزلازل المدمر بيبقى شوي للأحياء يتعيشوا منه، إذا مومساعدات كم بطانية وكيسين عدس وعلبة حليب ، بيلتقى بين الأنقاض كم ربطة خبز يابس ايادي فيها أساور بيقطعها وبياخدهم يصرف على ملذاته الشخصية ، أول كم مرة بيوجعه قلبه بعدين بيتمسح . العما عم نشتهي نشوف السياحة الجربانة ما عم نلاقي !

مضحك مبكي

[GoldMan$]

انتو ليش بتطالعوا اشاعات ... جرة الغاز عنا باللاذقية ب 400 ليرة ومن المعمل كمان يعني من المصنع الى المستهلك شو بدكم احسن من هيك
بس ..( طبعا هون بس عليها الف علامة ) ....
لازم تروح عالمعمل من الساعة 6 الصبح وتاخد اجازة من شغلك يوم او يومين ويمكن ما ترجع
اذا كان حظك حلو بيجي دورك حوالي الساعة 2 الظهر مع ايد مكسورة او عين مقلوعة وبدك تنقع حالك بالحمام شي ساعتين مشان ( بلا ما نحكي احسن )
بس بالاخير ب 400 ليرة ... شفتوا انو ارتفاع سعر الجرة اشاعات
بس اللي بدو يدلل حالوا وتجي الجرة لعندوا عالبيت وهو حاطط اجر على اجر بدو بيدفع اي شو لكن ...
يعني بين 1100 - 1300 ويمكن تكون فاضية نصها كمان

[عابر مجيب]

اقتباس: المشاركة الأصلية كتبت بواسطة amh_sy    اذا كل مواطن حط 1 ليرة يوميا يعني 23000000 ليرة يوميا بتكفي عادي شباب اعتبروها زكاة يعني 30 ليرة بالشهر مابتأثر يعني انا مثلا عيلتي 4 أشخاص ب 30 بتطلع 120 بالشهر بس في طوابع وسرقات ونشل قصدي نقل و مازوت و ضريبة للمالية و خلافه يعني بيطلع عكل عيلة شي 2000 بس اي شبكن جرة الغاز صارت ب 2500 عادي لا تصيروا بخيلين

لأ وكله راجع عليكم ، فيما عدا كم طايشة ، واللي بيشك يعد الأغلفة والفراغات